استشاري لخرائط الحديد ظروري

[QP Engineer]

السلام عليكم ورحمة الله وبركاته

اخواني واخواتي الكرام الله لا يبلاكم

انا بإختصار رسمت الخرائط لبيت العمر عند مكتب زي مايقولون شغله زوين وسعره طيب:weeping:

بس للأسف ماعرفت قيمة نصايح الطيبين يوم قالو لي روح للمعروف حتى لو كان غالي بس بترتاح بعدين :rolleyes2:

الحين انا في البنا واصل مرحلة مابعد صب الجدران للبيسمنت :unsure: والحمدلله
لكن المصيبه اني قمت اشوف عمدان طالعه في اماكن غلط ومشوهه للمنظر ومضيعة الهدف من المكان اللي طالع فيه .. وبعد استشارة المهندس الاستشاري على المشروع ظهر ان اللي طلع في البيسمنت يعتبر شي مقبول بالنسبه للعمدان اللي في الدور الأرضي والأول حيث ان في بعض العمدان طالعة مكان باب :eek5: تخيلوا كيف ندخل ونطلع من الغرفه والخافي اعظم..:sorry:

فإذا تكرمتوا ودليتوني على استشاري خطير في الحديد علشان اروح له واتفاهم معه يرسم لي خرائط الحديد ويصلح ما افسده غيرة .. والحين انا طالع الف على كم مكتب عسى ربي يفرجها..

بكون متابعكم عبر الآي باد .. وحياكم الله :victory:

[naklan]

حياك الله اخوي QP Engineer

شي غريب انت ما راجعت الخرايط بعد ما استلمتها من الاول مبين
وين مكان الاعمده واذا كانت تتعارض مع الادوار الاخرى في المبنى المفروض الي
سوا لك الخرايط تكون على مسئوليته واذا فيها مشكله اهو يحلها ويعدل في
التخطيط ورخصة البلدية سوأل هل المشكلة عندك في عمود واحد فقط
او اكثر وهل تستطيع تغيير مكان الباب للغرفة او لا واذا فيه امكانية
نزل صورة المخطط للدورين المتعارضين وبنشوف لها
حل اذا امكن تحياتي والله ييسر امرك :)

[QP Engineer]

تسلم اخوي نخلان على المرور والرد
المشكله ان الاستشاري الرسام ماطابق العمدان على الخرائط المعماريه
والاخطاء في اكثر من عامود
ان شاء الله ارفع صوره علشان يكون الموضوع واضح
الحين استأذن مشوار وراجع وبعد مارد يرفع الصوره

[معماري قطري]

حسبي الله على الدخلاء على مهنة الهندسة وربع مشي حالك.

والله شيء يقهر وما اتمنى أقرأ نوعية هذي المشاكل .. بس العيب قلت عنه قبل في لجنة المهندسين وترخيص المكاتب الإستشارية، والعيب أكثر في الحالة السايبة لكل من هب ودب يلعب في مقدرات البلد، وين التنمية المستدامة إذا كل مشروع هندسي ما يخدم أكثر من 10 سنين ويحتاج إعادة تأهيل وشغل كبير؟

التنمية المستدامة تتطلب تخطيط ثابت مضمون لمئات السنين، ثم تتطلب دراسات هندسية متطورة تضمن ديمومة المباني لمدة لا تقل عن 50 سنة كعمر افتراضي وهي في أتم صحة وعافية مجازاً، وكذلك وهو الأهم تتطلب مرونة لعوامل التغيير القادمة.

والملاحظ أبسط الأُسس الهندسية غير مطبقة.

با اخوي أنصحك بإثنين من ما أعتبرهم عمالقة التصميم الإنشائي، وهذي مب دعاية لهم لأنهم صراحة مب فاضيين ومشغولين في مشاريع كبار بس جرب حظك معاهم وممكن يسون لك تعديل، وعن طريقهم إسئل عن مهندس إنشائي جيد ممكن يحط لك حل، وعلمنا من الإستشاري التعبان ذيه علشان الكل يتفاداه ولتخلي حقك قدم شكوى عند التخطيط العمراني عنه مدعمة بالرسومات والعقود، ولو أمكن قدم شكوى عليه في المحكمة، ولو كان هو موجود يدير بنيانك شوته بوووز واشتك عليه لأن السكوت يخليهم يتمادون.

الأرقام بتجيك خاص والله يوفقك.

[QP Engineer]

تسلم اخوي معماري انا كنت ناوي اعمل تقرير في المنتدى احط خطوات وسير العمل للبيت مدعم بالصور
لكن انشغالي منعني فأجلت وسبحان الله طلعت هذي المشاكل الحين والله المستعان

المكتب اللي سويت عنده الرسومات هو (( الحصباء ))

كان نصحني به واحد من الربع قال هو اللي رسم خرايط بيته وسعره مقبول
والصراحه في من نصحني اني اروح لمكتب معروف اظمن لكني ماتوقت انه يعمل هذي الاخطاء

على العموم انا بحط الرسومات وبحدد اماكن الاخطاء وابي بعدها اعرف هل من حقي اشتكي ولا لكم راي ثاني
بس انزل برنامج اوتوكاد علشان اصور لكم الخريطه مع تطبيق العمدان عليها ...

[معماري قطري]

الله يوفقك إن شاء الله ولكل مشكلة حل

انا مسافر الخميس إن شاء الله للأُردن عندي دورة دراسية وإن توفقت في مكان فيه إنترنت وأتوقع اللاسلكي متوفر ألحين باشوف المخططات إن شاء الله.

[QP Engineer]

الله يحفظك يالشيخ تروح وترجع بالسلامه

ان شاء الله اليوم المسا احط الخرايط

والله يحلها ..

[QP Engineer]

هذي الخرايط بعد ماطابقت العمدان على الرسم المعماري ( ماكانت مطابقه من قبل )

بحط الصور وبكتب ايش اللي كان مكتوب تحت نفس الرسمه في الانشائي

هذي أول صورة وهي للبيسمنت (BASEMENT FOUNDATION PLAN)
http://im37.gulfup.com/CGSSs.jpg (http://www.gulfup.com/?9bvumM)

وهذي الصورة للدور الأرضي (GROUND BEAMS PLAN (GROUND FLOOR) BASEMENT FLOOR SLAB)
http://im37.gulfup.com/aUmGe.jpg (http://www.gulfup.com/?6rvBCY)

هذا الدور الأول واللي كان مكتوب تحت الصوره(GROUND FLOOR SLAB)
http://im37.gulfup.com/DGJBj.jpg (http://www.gulfup.com/?I7HcQc)

وهذي بعد للدور الأول بس الكتابه اللي تحتها غير (FIRST FLOOR SLAB)
http://im37.gulfup.com/I4h2N.jpg (http://www.gulfup.com/?G7tq8O)

وأخيرا البينت هاوس (PENTHOUSE FLOOR SLAB)
http://im37.gulfup.com/7IacQ.jpg (http://www.gulfup.com/?nJrFdn)

طبعا اكيد اهل الأختصاص يعرفون ايش معني الكتابه اللي تحت كل صور ويعرفون يقرون العمدان والفرق بين العامود سوليد والداشد لاين...والكتابه اللي بين الأقواس انا ماخذها من رسومات الحديد اللي اخذت منها العمدان وطبقتها على الرسم المعماري..

الله يوفق من يحل لي هذي المشكلة واللي مايقدر بعد الله يجزاه خير

وكل الشكر لأخوي naklan و معماري قطري للمرور والإهتمام ..

[naklan]

تطمن لها حل ان شاء الله اخوي QP Engineer :nice:

بابتدي فيها دور دور

بالنسبة للبيسمنت اشوفه مقبول رغم وجود عمودين بس
يمشي الحال تتركهم على حالهم ما دام صبوا البيسمنت وبعد ما بجهز البيت
ممكن تعمل لهم ديكور شكل تجميلي وفيه عده طرق ولا تهتم لهم امرهم
بسيط وممكن تسيطر على الوضع لاحقاً


بالنسبة للدور الارضي

ال 3 عمدان الي في الصالة مشكلتهم اكبر من 60 سانتي والا كنت باقولك تعملهم دوران
بس مالك الا حل واحد العمود الي على الخط 3 بجانب المجلس ممكن يتصل بالحائط وما
تشوفه والثاني كذالك او تتركه اهو والي عند المطبخ وممكن تسويلهم ديكور روماني
ويروح شرهم او يتلبسون مرايات المهم لهم حل يكون ديكور على ذوقك
وحتى الحجر شرايح صغيره تخلي عمدانك تنور في البيت



الدور الاول

الحل ان الغرفتين الي خلف اللفت وامامه
تغير موقع الباب للجهة المقابلة او في الوسط
واشوف ان الباب الزاويه احلا من الوسط


والغرفة الي في الزاوية
تغير مكان الباب يكون مقابل دورة المياه وما
عندك حل ثاني لها


الغرفه الرئيسية اشوف ان العمودين مقبولين بالنسبه للي في الزاوية
والي داخل الحمام الي في الغرفه ينعمل له ديكور والي في الحمام يتلبس سراميك
وما بياثرون الغرفه كبيره والحمام ايضاً كبير واشوف مالهم تاثير بالعكس شوية
ديكور يزيدون المكان حلاوة :nice:


البنتهاوس

ما اشوف فيه تعارض للعمدان
بس لو تغير مكان الغسيل بجانب الاندري بيكون
افضل والحمام يكون في الزاوية يعطي اريحية للغرفه
ويكون الغسيل والكوي في مكان واحد :)



اخوي بعد معاينتي للخارطة

اشوف ان البيت ما شاء الله رائع وجميل وما فيه الا العافية
بعد شوية التعديلات بيكون كل شي على ما يرام
واي شي تبي تتحاور فيه انا حاضر

تحياتي يالغالي
اخوك/ naklan :)

[QP Engineer]

تطمن لها حل ان شاء الله اخوي QP Engineer :nice:

بابتدي فيها دور دور

بالنسبة للبيسمنت اشوفه مقبول رغم وجود عمودين بس
يمشي الحال تتركهم على حالهم ما دام صبوا البيسمنت وبعد ما بجهز البيت
ممكن تعمل لهم ديكور شكل تجميلي وفيه عده طرق ولا تهتم لهم امرهم
بسيط وممكن تسيطر على الوضع لاحقاً


بالنسبة للدور الارضي

ال 3 عمدان الي في الصالة مشكلتهم اكبر من 60 سانتي والا كنت باقولك تعملهم دوران
بس مالك الا حل واحد العمود الي على الخط 3 بجانب المجلس ممكن يتصل بالحائط وما
تشوفه والثاني كذالك او تتركه اهو والي عند المطبخ وممكن تسويلهم ديكور روماني
ويروح شرهم او يتلبسون مرايات المهم لهم حل يكون ديكور على ذوقك
وحتى الحجر شرايح صغيره تخلي عمدانك تنور في البيت



الدور الاول

الحل ان الغرفتين الي خلف اللفت وامامه
تغير موقع الباب للجهة المقابلة او في الوسط
واشوف ان الباب الزاويه احلا من الوسط


والغرفة الي في الزاوية
تغير مكان الباب يكون مقابل دورة المياه وما
عندك حل ثاني لها


الغرفه الرئيسية اشوف ان العمودين مقبولين بالنسبه للي في الزاوية
والي داخل الحمام الي في الغرفه ينعمل له ديكور والي في الحمام يتلبس سراميك
وما بياثرون الغرفه كبيره والحمام ايضاً كبير واشوف مالهم تاثير بالعكس شوية
ديكور يزيدون المكان حلاوة :nice:


البنتهاوس

ما اشوف فيه تعارض للعمدان
بس لو تغير مكان الغسيل بجانب الاندري بيكون
افضل والحمام يكون في الزاوية يعطي اريحية للغرفه
ويكون الغسيل والكوي في مكان واحد :)



اخوي بعد معاينتي للخارطة

اشوف ان البيت ما شاء الله رائع وجميل وما فيه الا العافية
بعد شوية التعديلات بيكون كل شي على ما يرام
واي شي تبي تتحاور فيه انا حاضر

تحياتي يالغالي
اخوك/ naklan :)

تسلم يالغالي naklan

على التفصيل في الحلول

هل اكلف عليك اذا طلبت توضح لي على الرسمات نفسهم ببرنامج بينت او غيره
علشان اكون فهمت الشرح بالظبط :shy: وسامحني اذا كثرت عليك

[naklan]

http://www11.0zz0.com/2013/05/22/23/459007491.jpg (http://www.0zz0.com)



غالي والطلب منقا اخوي QP Engineer

هذا العمود الي في المربع نوصله مع الجدار وبيختفي
والعمود الي داخل النجمة والدائرة هم المقصودين باخفائهم
وسط ديكور مناسب



http://www11.0zz0.com/2013/05/22/23/551595800.jpg (http://www.0zz0.com)



وفي هالصورة الحل تبديل مكان الابواب
وتنتهي المشكلة


http://www11.0zz0.com/2013/05/22/23/245498867.jpg (http://www.0zz0.com)


وفي هالصورة المقترح لللبنتهاوس
تصير خصوصية للغرفة وخصوصية الدخول والخروج
لغرفة الغسيل وكي الملابس :)

[معماري قطري]

مع الأخ نقلان في كل ما ذكر مشكلتك بسيطة يا اخوي وحلها ممكن بسهولة ببعض التعديلات المعمارية.

لازم يكون عندك مكتب هندسي متابع للإشراف وهم في مقدرتهم وضع حلول بسهولة، وانا لو عندي شوية فراغ مستعد أرتب لك الحلول على رسومات الأوتوكاد بس مشكلتي أستعد للسفر وباحاول لو حصلت فرصة أشوف الرسومات وأشتغل عليها .. حاول ترسل فايلات اوتوكاد لي خاص وباشوفها بإذن الله.

[QP Engineer]

تسلمون يالشيوخ naklan و معماري قطري

اقتراحاتك اخوي naklan حلوه بس مافي حل اقدر اتخلص فيه من العمدان بشكل نهائي ...

اخوي معماري قطري ان شاءالله بحط ملف اوتوكاد بس لحد الآن ماقدر ارسل على الخاص:shy:

على فكره اليوم وانا نازل من الدوام في الاصنصير صادفت مهندس سفل وسألته اذا في سقف مايحتاج عمدان لمسافات طويله فرد انه فيه نوع اسمه (هالو كور)

عندكم اي فكره عنه مميزاته وعيوبه

السموحه لاني اشغلتكم معي :)

[naklan]

الله يسلمك اخوي QP Engineer

اخوي بالطريقة الي سويتها لك حليت لك مشكلة كل العمدان الا ال 2 الي
وسط الصالة وبشوية ديكور بيختفون وما بياثرون اما الحل الي تقدر اتخلص
فيه من العمدان بشكل نهائي كان موجود قبل صبة البيسمنت والعمدان بالتعديل
على الخارطة اما الان الحلول 1 من 2 هدم الي بنيت وتغير الخارطة بدون
العمدان وتبلش بشغل جديد او القبول بالتعديل لذالك ابحث عن حل ما
يخسرك وما ياثرعلى الناحية الجمالية للمبنى وبعدين لا تيئس احصر
المناطق الي تبي تغير من وضعها واذهب لنفس المكتب الي
عمل لك هالاخطاء ويعطيك حلول وخذ من جميع الافكار
الي يناسبك موفق ان شاء الله :)

[QP Engineer]

الله يسلمك اخوي QP Engineer

اخوي بالطريقة الي سويتها لك حليت لك مشكلة كل العمدان الا ال 2 الي
وسط الصالة وبشوية ديكور بيختفون وما بياثرون اما الحل الي تقدر اتخلص
فيه من العمدان بشكل نهائي كان موجود قبل صبة البيسمنت والعمدان بالتعديل
على الخارطة اما الان الحلول 1 من 2 هدم الي بنيت وتغير الخارطة بدون
العمدان وتبلش بشغل جديد او القبول بالتعديل لذالك ابحث عن حل ما
يخسرك وما ياثرعلى الناحية الجمالية للمبنى وبعدين لا تيئس احصر
المناطق الي تبي تغير من وضعها واذهب لنفس المكتب الي
عمل لك هالاخطاء ويعطيك حلول وخذ من جميع الافكار
الي يناسبك موفق ان شاء الله :)

كلامك صحيح انا اشوف شورك طيب
بس انا للحين ماصبيت السقف للبيسمنت والعمدان اللي في وسط الصالة
على كلام المقاول يقول اذا كان في حل فوق يقدر يشيل العامودين
على هذا الاساس بغيت اعرف اذا في بديل في نوع الاسقف مثلا يخلينا نلغي العامودين
ومثل ماقلت فوق ان واحد قال لي عن نوع اسقف اسمه هالو كور بس للأمانه ماعرف عنه شي واتمنى اذا تعرف عنه او اي احد من الاعضاء ان لايبخل علينا
علشان تعم الفايده .... الله يجزاك الخير انت واخوي معماري ماقصرتو ولايهونون الاعضاء :nice:

[naklan]

http://www.google.com.qa/search?q=%D8%A7%D8%B3%D9%82%D9%81+%D9%87%D9%88%D9% 84%D9%88%D9%83%D9%88%D8%B1&tbm=isch&tbo=u&source=univ&sa=X&ei=N5meUcT2DoqZhQeUq4Fg&ved=0CEkQsAQ&biw=1280&bih=705