تمون
21-05-2013, 12:03 PM
السلام عليكم ورحمة الله وبركاته
انا ما اعرف للمقدمات و بدخل فالموضوع على طول
كنت رايح اشتري سياره من البريمي في عمان وسكنت في البريمي واظطريت اروح صحار في عمان عشان اخلص الاجراءات وتعرفت على شباب هناك وخلصت شغلي ولله الحمد و سهرت مع الشباب على البحر وكانت وجهتي من صحار لين دبي مسافة الطريق ساعه ونص
المهم وصلت جمارك عمان السعة 12 ونص الفجر خلصت الاجراءات ودخلت الان جمارك الامارات طريق حتا العاده مايكون فيه تفتيش فالمنطقه هذي الا نادر و التفتيش اصلا بسيط
المهم الرجال الي فالجمارك الظاهر ماعجبه شكلي قالي صف السياره على جنب وحول من السياره ولاتحط ايدك في مخباك
قلت ابشر صفيت السياره ونزلت منها قام يفتش تفتيش دقيق استمر تفتيش السياره تقريبا ساعه وربع طبعا انا ماقلت له ولا حرف واحد ولا ناقشته في اي شي
وهو يفتش السياره طاحت اغراضي تحت السياره نزل من السياره ويطالعني بنظره ويشوف الاغراض الي طايحه تحت السياره يعني بالعربي انزل جيب الاغراض انا ماعطيته اي اهتمام لانه غصبا عنه بينزل تحت السياره بيجيب الاغراض الي نثرها طلعت زقاره وقمت ادخن و مب ماعطيه اي اهتمام
شوي وجاني قالي هذا شنو ؟؟؟؟ بكل استغراب وكانه ماسك شي ممنوع والي كان في يده وصله انترنت شاريها من فودافون قلت له هذي وصلة انترنت قام حطها في مخباه وكمل تفتيش
شوي جاني مره ثانيه وقالي هذا شنو ؟ كان جواز دخول اللؤلؤه للمناطق ال vip شكله نفس الجواز بالظبط حتى مكتوب عليه باس بورد لكن مكتوب عليه اللؤلؤه و في اي بي حطها في مخباه و كمل تفتيش
وجاني المره الثالثه وقف عندي واتصل تيلفون وجمع كل الي فالجمارك حولي لدرجة اني شكيت في عمري قالوا لي حياك داخل انا في هالحزه قلت شكلهم بيتبلون علي خلني اقفل السياره لايحطون شي فيها وينكبوتي قلت له مب رايح داخل قبل ماقفل السياره فالبدايه قال لا بعدين قال خلاص قفل السياره
قفلتها ورحت داخل وانا طبيعي و مب عامل لهم اي اهتمام لاني عارف نفسي ماشي فالسليم
قام المسؤول وطلع كيمرتي وقالي هذي شنو ؟؟ قلت له انت تشوف هذي شنو ؟؟ قالي انا اسالك قلت له كاميرا ماتعرف الكاميرا ؟؟ وشاف اسمعا و دخل على الموقع الخاص بالكاميرا و تاكد انها كاميرا قالي ادري انها كاميرا بس مابخليك تطلع فيها لان الي اعلا مني رتبه قال تتصادر الكاميرا لين يجي حظرته الصبح ويتاكد انها كاميرا
قلت له ليش انت ماقلت له انها كاميرا وانك دخلت الموقع وشفتها وانا اصلا شاريها من ستي سنتر دبي وعندي فواتيرها ؟؟ قال والله هذي اجراءات
قلت له اجراءات ولا بس السالفه عناد ؟ قال لا والله وتم يرقع قلت له خلاص اوكي شنو المطلوب الحين ؟ قالي خذ الوصل وانا بكره بجيبها لك لين مكانك في دبي لاتشيل هم قلت سلامتك لاتجيبها لا ولا شي انا ماشي وبرح ستي سنتر بشتري غيرها و الكيمره حلال عليك ركبت سيارتي ابي امشي وقفني مره ثانيه وحط الوصل على الطبلون وقالي توكل على الله
مشيت من المركز وانا متنرفز و نفسيتي تعبانه مالي خلق لحد وحاط بين عيوني السفاره تاخذ حقي
بعد 5 كيلو تقريبا تجي منطقه عمانيه في وسط الامارات لكن مافيه مركز حدود جيش عماني فقط وتشييك على الليسن قالي الرجال وش فيك شكلك متنرفز قلت له الموضوع الي صار وياي قالي صف على جنب و ادخل ادخل كلم النقيب دخلت كلمت النقيب في الجيش العماني وشاف الوصل وقالي ان الوصل مب مكتوب فيه سبب احتجاز الكاميرا واقدر اكتب شكوى وقالي انه هو عنده معارف هناك بحكم انهم متخالطين وبينهم تواصل قالي ارجع مره ثانيه لحدود حتا وقالي اروح لشخص معين وهو بيعلمه بالموضوع وفعلا رحت لرجال محترم و كان عارف الموضوع و ماقصر جاب الكاميرا لين عندي و باقي اغراضي الي صادروها بدون اوراق مثل و صلة الانترنت و جواز اللولوه و رجعت مره ثانيه للنقيب شكرته و كملت دربي
وش رايكم فالموضوع
انا ما اعرف للمقدمات و بدخل فالموضوع على طول
كنت رايح اشتري سياره من البريمي في عمان وسكنت في البريمي واظطريت اروح صحار في عمان عشان اخلص الاجراءات وتعرفت على شباب هناك وخلصت شغلي ولله الحمد و سهرت مع الشباب على البحر وكانت وجهتي من صحار لين دبي مسافة الطريق ساعه ونص
المهم وصلت جمارك عمان السعة 12 ونص الفجر خلصت الاجراءات ودخلت الان جمارك الامارات طريق حتا العاده مايكون فيه تفتيش فالمنطقه هذي الا نادر و التفتيش اصلا بسيط
المهم الرجال الي فالجمارك الظاهر ماعجبه شكلي قالي صف السياره على جنب وحول من السياره ولاتحط ايدك في مخباك
قلت ابشر صفيت السياره ونزلت منها قام يفتش تفتيش دقيق استمر تفتيش السياره تقريبا ساعه وربع طبعا انا ماقلت له ولا حرف واحد ولا ناقشته في اي شي
وهو يفتش السياره طاحت اغراضي تحت السياره نزل من السياره ويطالعني بنظره ويشوف الاغراض الي طايحه تحت السياره يعني بالعربي انزل جيب الاغراض انا ماعطيته اي اهتمام لانه غصبا عنه بينزل تحت السياره بيجيب الاغراض الي نثرها طلعت زقاره وقمت ادخن و مب ماعطيه اي اهتمام
شوي وجاني قالي هذا شنو ؟؟؟؟ بكل استغراب وكانه ماسك شي ممنوع والي كان في يده وصله انترنت شاريها من فودافون قلت له هذي وصلة انترنت قام حطها في مخباه وكمل تفتيش
شوي جاني مره ثانيه وقالي هذا شنو ؟ كان جواز دخول اللؤلؤه للمناطق ال vip شكله نفس الجواز بالظبط حتى مكتوب عليه باس بورد لكن مكتوب عليه اللؤلؤه و في اي بي حطها في مخباه و كمل تفتيش
وجاني المره الثالثه وقف عندي واتصل تيلفون وجمع كل الي فالجمارك حولي لدرجة اني شكيت في عمري قالوا لي حياك داخل انا في هالحزه قلت شكلهم بيتبلون علي خلني اقفل السياره لايحطون شي فيها وينكبوتي قلت له مب رايح داخل قبل ماقفل السياره فالبدايه قال لا بعدين قال خلاص قفل السياره
قفلتها ورحت داخل وانا طبيعي و مب عامل لهم اي اهتمام لاني عارف نفسي ماشي فالسليم
قام المسؤول وطلع كيمرتي وقالي هذي شنو ؟؟ قلت له انت تشوف هذي شنو ؟؟ قالي انا اسالك قلت له كاميرا ماتعرف الكاميرا ؟؟ وشاف اسمعا و دخل على الموقع الخاص بالكاميرا و تاكد انها كاميرا قالي ادري انها كاميرا بس مابخليك تطلع فيها لان الي اعلا مني رتبه قال تتصادر الكاميرا لين يجي حظرته الصبح ويتاكد انها كاميرا
قلت له ليش انت ماقلت له انها كاميرا وانك دخلت الموقع وشفتها وانا اصلا شاريها من ستي سنتر دبي وعندي فواتيرها ؟؟ قال والله هذي اجراءات
قلت له اجراءات ولا بس السالفه عناد ؟ قال لا والله وتم يرقع قلت له خلاص اوكي شنو المطلوب الحين ؟ قالي خذ الوصل وانا بكره بجيبها لك لين مكانك في دبي لاتشيل هم قلت سلامتك لاتجيبها لا ولا شي انا ماشي وبرح ستي سنتر بشتري غيرها و الكيمره حلال عليك ركبت سيارتي ابي امشي وقفني مره ثانيه وحط الوصل على الطبلون وقالي توكل على الله
مشيت من المركز وانا متنرفز و نفسيتي تعبانه مالي خلق لحد وحاط بين عيوني السفاره تاخذ حقي
بعد 5 كيلو تقريبا تجي منطقه عمانيه في وسط الامارات لكن مافيه مركز حدود جيش عماني فقط وتشييك على الليسن قالي الرجال وش فيك شكلك متنرفز قلت له الموضوع الي صار وياي قالي صف على جنب و ادخل ادخل كلم النقيب دخلت كلمت النقيب في الجيش العماني وشاف الوصل وقالي ان الوصل مب مكتوب فيه سبب احتجاز الكاميرا واقدر اكتب شكوى وقالي انه هو عنده معارف هناك بحكم انهم متخالطين وبينهم تواصل قالي ارجع مره ثانيه لحدود حتا وقالي اروح لشخص معين وهو بيعلمه بالموضوع وفعلا رحت لرجال محترم و كان عارف الموضوع و ماقصر جاب الكاميرا لين عندي و باقي اغراضي الي صادروها بدون اوراق مثل و صلة الانترنت و جواز اللولوه و رجعت مره ثانيه للنقيب شكرته و كملت دربي
وش رايكم فالموضوع