استفسار عن اكاديمه قطر للقاده

[storm..]

السلام عليكم

شرايكم فيها من كل ناحيات ؟؟
لاني سمعت كلام مب زين عنها والي هو يكثر فيها الواط الله يبعد اعيالكم عنه

[بو - جاسم]

والله اخوي انا كنت فيها وتخرجت الحمدلله

المدرسه كان فيها الكثير من المساوئ

وانا الوم الاداره السابقه اللي كانت تحت ادارة امريكي ما يهمه الا جيبه ولا عيال البلد اللي في رقبته ما يهمونه

لو سالتني على ذيك الايام كان قتلك لا تدخله وانها بتكون غلطة انك تدخله

لكن ابشرك تغيرت الاداره بامر مباشر من سمو الامير حفظه الله

والمدير حاليا اللواء الركن مفتاح محبوب رشيد قائد حرس الحدود الاميري

من مسك اللواء جزاه الله خير المدرسه، تغيرت ١٨٠ درجة

واذا انت تبي تعلم ولدك الانضباط انا انصحك فيها

طبعا من ناحية الظبط والربط الطالب ما عنده الا تقريبا ساعتين في اليوم اللي هو وقت الفراغ

باقي اليوم يكون ممتلي بالنشاطات سواء كان الدوام المدرسي ولا التدريبات الرياضيه اللي بعد المدرسه ولا المشاة العسكرية او حصص التراث والرماية اللي تكون تحت اشراف معلمين قطريين لتعليم الطلاب التراث القطري

وطبعا الدين جزأ مهم من المدرسه حيث انه في مسجد تقام فيه الصلاوات الخمس في اوقاتها ومرشد دين لارشاد الطلاب وتنظيم محاظرات دينيه للطلاب

وفي كافتيريا تقدم ثلاث وجبات في اليوم للطلاب على مدى الخمس ايام اللي يقيمون فيها في المدرسه

اما من ناحية الدراسه المدرسه تقدم نظامين وبالتنسيق مع الطالب وولي الامر الطالب بامكانه الاختيار ما بين الدبلوم الامريكي والبكلوريا الدوليا وكلا النظامين معتمدين من المجلس الاعلى للتعليم

وكلا النظاميين يآهلون الطالب لدخول ارقى الجامعات وللطالب الاولوية اذا رغب في العسكرية

وانا حاظر ياخوي اذا عندك اي استفسار ثاني

[storm..]

جزاك الله الف خير
كفيت ووفيت الله يرحم والديك

وشتنصح فيه شنو الافضل
الدبلوم الامريكي والبكلوريا الدوليا ؟

[بو - جاسم]

والله انا شخصيا سويت البكالوريا الدوليا

وانا انصح فيها لان بمجرد حصولك عليها تحصل على الدبلوم الامريكي من المدرسه

لكن البكالوريا الدوليا فيها الكثير من الضغط وتتطلب الكثير من الشغل والالتزام من جهة الطالب اكثر من الدبلوم الامريكي لان البكالوريا الدوليه اصعب بمراحل من الدبلوم الامريكي

وبعد البكالوريا الدوليا تتيح خيارات اكثر للطالب على مستوى الدراسه الجامعيه

[storm..]

يعطيك العافيه اخوي بوجاسم

والله لا يهينك

[تغلبية]

انصح في هالمدرسة ..

عن تجربة مع ولد أخوي

في اسبوع واحد بس تغير 180 درجة .. في كل شي وللآحسن .. وبرضا وبقناعة ..

لكن عيبهم الوحيد انهم ينزلون الطالب صف واحد اذا كان جاي من مدرسة اجنبية ..

يمكن يعتمد على العمر او نظام التدريس