ليش اغلب الشوارع زحمة و تضيع وقت - كأن نصف يومك بالشارع !

[mr ali]

كل ما اروح مكان قريب زحمة يعني لازم اضيع 20 دقيقة او شي ,, يعني تضيع وقت وخاصتا لو طالب جامعي والله لما اروح الجامعة احتاج ساعة كاملة 1 روحة وساعة كاملة 1 رده ,

مرة طلعت من البيت الساعة 7:15 الصبح , والمفروض اطلع 6:50 , عشان اوصل الجامعة بوقت المحاظرة , وانا بالشارع شفت زحمة كبيرة عودت البيت ورجعت ارقد (استسلام) لان ما راح اوصل من وقت , احراج ادخل بنصف المحاظرة .
غير كثرة الشاحنات+ وكل يوم تعديل شارع + الي يمسك خط اليسار ويتخيل نفسة بسيارة قولف+ ندره المواقف سواء بأي مكان حتى الجمعيات وابسط الاماكن .+ يعني لازم اصف على الحصا او اضرب رصيف , صعب الواحد يقضي ابسط الامور مثلا مكتبة - حلاق ,, حتى الوجبات السريعة زحمة
ليش ما في حلول تخلي الشوارع عملية اكثر وسهلة والحياه اكثر مرونة

[wanted boy]

صح لسانك

[شموخ دائم]

,

,


مرحبا


اخوي الكريم


موضوع الزحمه كلامك صحيح موجوده الزحمه بشوارع قطر
ولكن عطني دوله خليجيه او عربيه مافيها زحمه !!
كم المسافه تقطعها داخل الرياض من منطقه الى منطقه!!
وداخل دبي !!
كلها تجيب الاعصاب وتوتر الانسان

ولكن لازم ناخذ الامور بطريقه ايجابيه

الحمدالله قطر دوله صغيره والمسافات بسيطه
ابعد مشوار ماياخذ ساعه وحده
في السعوديه بين منطقه ومنطقه 400 كيلو و 500 كيلو هذا غير زحمه
المدن الرئيسيه
لازم الانسان يطلع بدري لعمله او مدرسته او جامعته
كل الناس مثلك عندهم اعمال من صباح الله خير

والدوله شغاله في بناء الجسور والانفاق وما نلحق
الدوله تكبر والناس تزيد والمشاريع تزيد وعدد الزوار والشركات والعماله تزيد الزحمه
وهذي سنه الحياه

:)

الحل نطلع بدري والامور سهالات
:)

كنت اسوق في ميونخ وفي فينا
الله لا يوريك الزحمه حتى باركنج ما تلاقي الا بطلعه الروح
والهاي وي كل خمس دقايق تحويله وصيانه وحفريات
عندنا وعندهم خير
الدنيا كلها زحمه


احنا تونا دخلنا عالم الزحمه ما كنا متعودين عليه

قطر قبل مافيها شي كنا الساعه 9 بالليل الناس في بيوتها
والشوارع مظلمه حتى دكان فاتح ماتلاقي
ومافيها غير المعاصر بالفرجان
وتعداد قطر 300 الف مع الاجانب

الحين مولات والتعداد وصل 2 مليون وعدد السيارات عد وخربط
:)

الحين صرنا نطلع من البيت 9 بالليل

الحين صار مثلنا مثل غيرنا وصادنا التطور العجيب هذا


زحمه

زحمه

زحمه

وابشرك مالها حل كان غيرنا اشطر
دبي سوت قطارات وما قدرت تحل مشكله الزحمه
ما زالت مكانك سر مع الزحمه

,

,

اخوك


شموخ دائم

[mr ali]

شموخ كلامك منطقي جدااا الصراحة وواضح ... بس بالاخير الزحمة شي مش مستحب , وخاصتا بدولة كمساحة صغيرة ,
ونتيد بوي ,, صح بدنك الف شكر :)

[Ashom Qatar]

نتيجة لتطور البلد والنهضة وازدياد عدد السكان وانتشار العلم والعمل لكل أفراد العائلة والرفاهية المادية

الكل صار يملك سيارة والكل قام يوصل نفسه وهكذا هس الحياة العصرية

لو تشوف شوارع مصر 3 ساعات بالشارع من شدة الزحمة بتقول الحمدالله على قطر

ولو تشوف شوارع نيويورك وش بتقول

[بـارود]

ياخوي مافي حلول من أشغال ، كل همهم توسيعات وما عندهم نظرة للأمام ! في فرق لما تقارن دبي بالدوحة ، حالتهم أرحم بمليون مرة !

[gprs]

عندي لكم الحل وان شاء الله راح يحل لكم جزء من المشكلة او ان راح يساعدكم
بأماكن الزحمة
عبارة عن برنامج

Masarak itraffic-qatar

برنامج لمرقبة المرور وتم تطويره بواسطة مركز قطر للابتكارات التكنولوجية بالشراكة مع وزارة البلدية والتخطيط العمراني
ويقدم هذا التطبيق معلومات مفيدة تمكن المستخدم من اتخاذ قرارات القيادة الذكية على اساس الظروف المرورية الحالية
والمساعدة في مراقبة وتجنب الزحمة

تدخل التطبيقات
بتلفونك او جوالك
السامسونج او اليفون
وتنزلة + مجاني

راح يعطيك خارطة قطر كاملة والاماكن اللي فيها الزحمة
وممكن تقوم ببحث لأي منطقة او أسم شارع او دوار معين
برنامج حلو وممتاز
وان شاء الله راح يعجبكم ويفيدكم

[alobour]

زحمة وفيه بعض التصرفات الخاطئة تزيد من المشكلة

[مضارب دوسري]

اخوي صدقني حتى فالزحمه فيه حلول ممةن تدش لفه وتطلع قدام
لان ناس وايد ماتسوي هالفكره
ماتعرف تدش بين الفرجان وتطلع للطريق اللي تبيه

[ولد شرق]

,

,


مرحبا


اخوي الكريم


موضوع الزحمه كلامك صحيح موجوده الزحمه بشوارع قطر
ولكن عطني دوله خليجيه او عربيه مافيها زحمه !!
كم المسافه تقطعها داخل الرياض من منطقه الى منطقه!!
وداخل دبي !!
كلها تجيب الاعصاب وتوتر الانسان

ولكن لازم ناخذ الامور بطريقه ايجابيه

الحمدالله قطر دوله صغيره والمسافات بسيطه
ابعد مشوار ماياخذ ساعه وحده
في السعوديه بين منطقه ومنطقه 400 كيلو و 500 كيلو هذا غير زحمه
المدن الرئيسيه
لازم الانسان يطلع بدري لعمله او مدرسته او جامعته
كل الناس مثلك عندهم اعمال من صباح الله خير

والدوله شغاله في بناء الجسور والانفاق وما نلحق
الدوله تكبر والناس تزيد والمشاريع تزيد وعدد الزوار والشركات والعماله تزيد الزحمه
وهذي سنه الحياه

:)

الحل نطلع بدري والامور سهالات
:)

كنت اسوق في ميونخ وفي فينا
الله لا يوريك الزحمه حتى باركنج ما تلاقي الا بطلعه الروح
والهاي وي كل خمس دقايق تحويله وصيانه وحفريات
عندنا وعندهم خير
الدنيا كلها زحمه


احنا تونا دخلنا عالم الزحمه ما كنا متعودين عليه

قطر قبل مافيها شي كنا الساعه 9 بالليل الناس في بيوتها
والشوارع مظلمه حتى دكان فاتح ماتلاقي
ومافيها غير المعاصر بالفرجان
وتعداد قطر 300 الف مع الاجانب

الحين مولات والتعداد وصل 2 مليون وعدد السيارات عد وخربط
:)

الحين صرنا نطلع من البيت 9 بالليل

الحين صار مثلنا مثل غيرنا وصادنا التطور العجيب هذا


زحمه

زحمه

زحمه

وابشرك مالها حل كان غيرنا اشطر
دبي سوت قطارات وما قدرت تحل مشكله الزحمه
ما زالت مكانك سر مع الزحمه

,

,

اخوك


شموخ دائم

اسمحلي ياخوي شموخ

هذا رد العاجز عن ايجاد حلول

لما اتقول اميونخ فيها زحمه ولا لندن فيها زحمه فهاذي مقارنه جائره وانا اخوك
ميونخ ولندن وباريس كم مليون سايح يجيها من كل دول العالم في اليوم؟؟؟

لما انقول مافي حل لموضوع الزحمه خلاص انحل اشغال وانجلّس الموظفين في البيوت افضل من وجهة نظري

الحلول المنطقة موجود ليس للمعالجة الكامله لكن للتخفيف من الزحام بنسبة كبيره جدا

وتقبل تحياتي

[MAZEN37]

الحين انا استمتع بالزحمه
شتسوي الحمدلله
عدد السكان يزيد والشوارع ما تستحمل

[OutLaw]

الزحمة صعب نجد لها حل سريع يمكن مع الوقت وتوسعة الشوارع ، لكن في نقطه انا مستغرب منها وهي دخول بعض الشاحنات في الاوقات الي من الاساس يوجد حظر عليها !
وبالاستفسار من إدارة المرور اتضح لي بأن توجد لبعض الشاحنات أو بالاحرى بعض الشركات استثناء من هذا الوقت ؟!

أنا اقتراحي على الجهات الرسمية أن يتم تعديل في اوقات الدوام بأضافة نص ساعه مرنه ولو نفرض ان الدوام 7.30 تكون لنا نص ساعه مرنه الين 8.00 ويضاف الوقت عند الانصراف يعني لو كان وقت الانصراف 2.30 اطلع 3 على حسب الوقت الي داومته الصبح في النهاية انا مطلوب مني 7 أو 8 ساعات عمل حسب الجهة الي انا فيها . اعتقد بهذه الطريقة بتخف الزحمه بنسبة كبيرة .