قبـل ماتدخـل المسـجد ؟

[غزلان]

http://www.mbc66.net/upload/upjpg2/oPD39891.jpg (http://www.mbc66.net/upload/)






،


وانت تصلي والا جوال احد المصلين يرن بأعلى صوته هل يذهب خشوعك ؟
وماذا تتمنى ان تفعل بوقتها ؟



قبل ماتدخل المسجد من منكم يغلق جواله؟

[عبدالعزيز 9]

الصراحه انا مااسكر جوالي او احطه على الصامت لان ماتدري شيصير يمكن حط يتصلك لان في شي طارى بس بعض الهنود الله يهديهم رنته تكون اغنيه هنديه والصوت عالي ولا بعضهم جواله يرن وما يسكره

[زمان]

أحط جوالي على الهزاز

:eek5: لكن ساعات كثيره أنسى :eek5:

:telephone: والمشكلة العالم ما تتصل إلا وقت الصلاة :telephone:

[غزلان]

الصراحه انا مااسكر جوالي او احطه على الصامت لان ماتدري شيصير يمكن حط يتصلك لان في شي طارى بس بعض الهنود الله يهديهم رنته تكون اغنيه هنديه والصوت عالي ولا بعضهم جواله يرن وما يسكره


---

الصلاه كلها دقايق لو في شي مهم او طاريء بتلحق عليه اشوف الصلاه اهم من كل شي

حتى الي يصلون حرام نزعجهم او نقطع خشوعهم

[قطريه22]

اي والله ياختي غزلان يوم كنت سنة ٢٠١١ في العمره واحنا نصلي الا جوالات ترن الي حاطه موسيقى والي حاطه اغاني تخيلي واحنا في الحرم

وفعلا الخشوع يتشتت

[غزلان]

أحط جوالي على الهزاز

:eek5: لكن ساعات كثيره أنسى :eek5:

:telephone: والمشكلة العالم ما تتصل إلا وقت الصلاة :telephone:


يمكن الهزاز اهون شوي من صوت جرس التلفون

وصادق مرات مايتصلون الا وقت الصلاه ,,مامنه فايده حتى لو رن وقت الصلاه ماتقدر تقطع صلاتك علشان ترد عليه يعني ما استفدنا الا الأحراج

[غزلان]

اي والله ياختي غزلان يوم كنت سنة ٢٠١١ في العمره واحنا نصلي الا جوالات ترن الي حاطه موسيقى والي حاطه اغاني تخيلي واحنا في الحرم

وفعلا الخشوع يتشتت


--
اسو شي صوت الجوال في المسجد او الحرم ماعرف ليش الناس تتساهل التهاون في احترام وهيبة المكان والعباده الله يهديهم

اخر مره بالعمره شهر يناير واحد في السعى ماشل التلفون من اذنه

[أبو راكان]

فالسابق كانت هناك في كل مسجد اجهزة لقطع الأرسال ...
لاأعلم لماذا تم الغائها ؟

[غزلان]

فالسابق كانت هناك في كل مسجد اجهزة لقطع الأرسال ...
لاأعلم لماذا تم الغائها ؟


حسافه خاصه احنا مقبلين على شهر رمضان وبتبدأ المساجد تمتلي بالمصلين فتخيل رنين الجوال والأمام يقرأ

[أبو راكان]

حسافه خاصه احنا مقبلين على شهر رمضان وبتبدأ المساجد تمتلي بالمصلين فتخيل رنين الجوال والأمام يقرأ
للأسف أغلب اللي تصيح جوالاتهم من اخونا المسلمين الاسيوين ...
انا ألوم وزارة الأوقاف اللي ماتخصص دروس توعية دينية في كل مسجد للجاليات الغير عربية ...
ع الاقل بعد انتهاء خطبة الجمعة يكون هناك خطبه قصيرة بأحد اللغات الاجنبية واللي تمثل لغة اكثر روّاد المسجد تعلمهم الدين وبعض الامور اللي يجهلونها

[المنسى]

الحمدلله ما حب انزل التلفون اخليه فى السياره بس بعض المرات انسى والله ان شاء الله يكتب الاجر للجميع

[بريق الحق]

انا جوالي على طول على الصامت واغلب الوقت اقط الجوال فالموتر الواحد يستغل الدقايق
وحتى اذا صار شي مانقدم امور الدنياء على طاعة الرحمن

[ساهر الليل]

مادخله معاي المسجد

يا اخليه فالبيت او فالسياره تحسب ع انه يرن فوقت الصلاه

مما يسبب تشتت الذهن والخشووع

[النهار]

الصراحه انا مااسكر جوالي او احطه على الصامت لان ماتدري شيصير يمكن حط يتصلك لان في شي طارى بس بعض الهنود الله يهديهم رنته تكون اغنيه هنديه والصوت عالي ولا بعضهم جواله يرن وما يسكره

سبحان الله الحين ازعاج المصلين بهذه الافه تجدون لها اعذار
قبل كان ارحم على ايام البليب ومع هذا كان المصلين يضعونه على الهزاز
اقسم بالله مره واحد رنت جواله حاط اغنيه ناسي عجرم
بس الله يجزاه خير الامام نزل نزله في راعي الجوال وتكلم كلام قوي وحتى على المطربه
ماخلى شي مما قال لو كانت رنه عاديه كنا عذرناك ولكي مع هذه لاعذر لك لانك جرحت صلاة معظم المصلين وشتت خشوعهم

[النهار]

فالسابق كانت هناك في كل مسجد اجهزة لقطع الأرسال ...
لاأعلم لماذا تم الغائها ؟

السبب طال عمرك الجهاز كان يقطع الارسال حتى خارج المسجد
والبعض يقول انه يسبب سرطان

[رجل الجزيرة]

قال لنا واحد من المشايخ - جزاه الله خير - كان رسول الله صلى عليه وسلم: كان متكف في المسجد وجاء واحد يصلي وواحد ثاني يقرأ القرآن فقال للقاريء: لقد أذيت أخيك برفع صوتك في قرائتك للقرآن.

هاه فويش رأيكم للي عنده جوال يرن ويزعج المصلين.

[snood]

الحمدالله اصلا انا ما اودي الجوال معاي لو يقتدون بكلامي ما يحتاج لا على الصامت ولا غيره

[غزلان]

للأسف أغلب اللي تصيح جوالاتهم من اخونا المسلمين الاسيوين ...
انا ألوم وزارة الأوقاف اللي ماتخصص دروس توعية دينية في كل مسجد للجاليات الغير عربية ...
ع الاقل بعد انتهاء خطبة الجمعة يكون هناك خطبه قصيرة بأحد اللغات الاجنبية واللي تمثل لغة اكثر روّاد المسجد تعلمهم الدين وبعض الامور اللي يجهلونها



اقتراح حلو اخوي ومنها يعلمونهم ان للمكان هيبه وللصلاه خشوع لازم يتوفر

جزاك الله خير

[غزلان]

الحمدلله ما حب انزل التلفون اخليه فى السياره بس بعض المرات انسى والله ان شاء الله يكتب الاجر للجميع


اللهم آمين

النسيان مره او مرتين مب مشكله لاكن اللامبالاه عند البعض هي المحزنه والمؤسفه

برمضان الى طاف وحده رن جوالها موسيقى وبصوت عالي مانسمع حتى القرآن وعقب ماسلمنا قلت بتسكره اوبتحطه على الصامت اتفاجا الا يرن مره ثانيه وحنا نصلي

اتخيل لو في دوله اوروبيه ممنوع الجوالات الكل بيحاسب وبينتبه يسكره:(

[غزلان]

انا جوالي على طول على الصامت واغلب الوقت اقط الجوال فالموتر الواحد يستغل الدقايق
وحتى اذا صار شي مانقدم امور الدنياء على طاعة الرحمن


أي والله اصلا مانقدر نرد على الجوال لو رن واحنا نصلي مثل مايقولون المصريين صاحب بالين كذاب

[غزلان]

مادخله معاي المسجد

يا اخليه فالبيت او فالسياره تحسب ع انه يرن فوقت الصلاه

مما يسبب تشتت الذهن والخشووع


--

كلها دقايق مامنه فايده لو رن وانا اصلي مابقدر اسوى شي غير ازعاج المصلين

[حمد 2002]

http://www.mbc66.net/upload/upjpg2/opd39891.jpg (http://www.mbc66.net/upload/)






،


وانت تصلي والا جوال احد المصلين يرن بأعلى صوته هل يذهب خشوعك ؟
وماذا تتمنى ان تفعل بوقتها ؟



قبل ماتدخل المسجد من منكم يغلق جواله؟




اخت غزلان اشلون عرفتي اننا مانغلق جوالاتنا ؟!!! هل حضرتي المسجد وجفتي بعيونج ؟!!!

ولا مجرد تخمييين وتقديرررر ؟!!!

[بريق الحق]

اخت غزلان اشلون عرفتي اننا مانغلق جوالاتنا ؟!!! هل حضرتي المسجد وجفتي بعيونج ؟!!!

ولا مجرد تخمييين وتقديرررر ؟!!!

الاخت عندها
اخ اب عم جد خال نسيت حد:)

[fhd4]

مرة كنت في المسجد ... وواحد الله يهديه حاط الجوال على الأرض قدامه ...

وأول ما بدأ الإمام يقرأ سورة الفاتحة ... رن جواله على أغنية مايكل جاكسون ...

في هذه اللحظة الرجال كان في قمة الإحراج والتخبط ... مب عارف يتحرك ويطفي الجوال ...

المهم انه ما تحرك من مكانه حتى انطفت الرنة ...

والركعة الثالثة ... نفس الموال ...

[airbus]

مرة كنت في المسجد ... وواحد الله يهديه حاط الجوال على الأرض قدامه ...

وأول ما بدأ الإمام يقرأ سورة الفاتحة ... رن جواله على أغنية مايكل جاكسون ...

في هذه اللحظة الرجال كان في قمة الإحراج والتخبط ... مب عارف يتحرك ويطفي الجوال ...

المهم انه ما تحرك من مكانه حتى انطفت الرنة ...

والركعة الثالثة ... نفس الموال ...


نفس موقفك بظبط لكن الاغنية مصرية حق رقاصة وكانك قاعد في فرح !! :eek5::eek5:

[غزلان]

سبحان الله الحين ازعاج المصلين بهذه الافه تجدون لها اعذار
قبل كان ارحم على ايام البليب ومع هذا كان المصلين يضعونه على الهزاز
اقسم بالله مره واحد رنت جواله حاط اغنيه ناسي عجرم
بس الله يجزاه خير الامام نزل نزله في راعي الجوال وتكلم كلام قوي وحتى على المطربه
ماخلى شي مما قال لو كانت رنه عاديه كنا عذرناك ولكي مع هذه لاعذر لك لانك جرحت صلاة معظم المصلين وشتت خشوعهم


--

شي محزن اخوي النهار الموقف الى صار ويستاهل الأحراج الى جاه

متى بنتعلم احترام كل مكان وخاصه اذا كان بيت عباده

سبحان الله عند الغرب نحترم قونينهم واماكنهم وفي بيت الله نطلع اعذار

كلها دقايق معقوله كل الأمور الطارئه بتصير بهالدقايق محنا اذا بنام نسكره او نحطه على الصامت احترمنا راحتنا ومانحترم بيت الله

[غزلان]

قال لنا واحد من المشايخ - جزاه الله خير - كان رسول الله صلى عليه وسلم: كان متكف في المسجد وجاء واحد يصلي وواحد ثاني يقرأ القرآن فقال للقاريء: لقد أذيت أخيك برفع صوتك في قرائتك للقرآن.

هاه فويش رأيكم للي عنده جوال يرن ويزعج المصلين.


البعض عنده لامبالاه زياده عن اللزوم وصلت لعدم احترام المسجد والمصلين والأمام

[غزلان]

الحمدالله اصلا انا ما اودي الجوال معاي لو يقتدون بكلامي ما يحتاج لا على الصامت ولا غيره


الله يجزيك خير على نيتك واحترامك للمكان والمصلين

[بصمة قطرية]

فالسابق كانت هناك في كل مسجد اجهزة لقطع الأرسال ...
لاأعلم لماذا تم الغائها ؟

فعلاً
توني بكتب هالشي
وين راحت أجهزة قطع الإرسال ...!!؟؟

[غزلان]

اخت غزلان اشلون عرفتي اننا مانغلق جوالاتنا ؟!!! هل حضرتي المسجد وجفتي بعيونج ؟!!!

ولا مجرد تخمييين وتقديرررر ؟!!!

اخ حمد اولا الصوره الى حاطتها مصورتها من على باب احد المساجد عندنا

برأيك ليش حاطينها ؟هل بدون سبب ديكور فقط !!!

والسبب الثاني انا سمعت الجوال اكثر من مره بالمسجد وقت الصلاه ونفس الشي بالحرم
غير اكثر واحد من هلي يشتكون منزعجين من رنين الجوال ويكون موسيقى بعد

والثالث لو قريت ردود الأعضاء كان ماسألت سؤالك :rolleyes:

والرابع ..كان سؤالي :وانت تصلي والا جوال احد المصلين يرن بأعلى صوته هل يذهب خشوعك ؟
وماذا تتمنى ان تفعل بوقتها ؟


قبل ماتدخل المسجد من منكم يغلق جواله؟

ماقلت ليش ماتغلقون جوالكم ياشباب قبل ماتدخلون المسجد؟هناك فرق وكبير بعد بين السؤالين

والخامس شلون عرفت وتأكدت ان ولا حد من المصلين ولا بكل مساجد الدوله يشغل جواله وقت الصلاه هل فتشت مخابيهم وتاكدت قبل مايدخلون المسجد ؟:omen2:

شكرا حمد 2002

[غزلان]

الاخت عندها
اخ اب عم جد خال نسيت حد:)


لا مانسيت كلهم موجودين

[المبرمج صلاح]

انا حليت هالمشكلة باني اخلي الجوال في السيارة وتعودت على هذا الوضع احب لمن ادخل المسجد انفصل تماما عن مشاغل ومشاكل الدنيا بكل ما فيها

[غزلان]

مرة كنت في المسجد ... وواحد الله يهديه حاط الجوال على الأرض قدامه ...

وأول ما بدأ الإمام يقرأ سورة الفاتحة ... رن جواله على أغنية مايكل جاكسون ...

في هذه اللحظة الرجال كان في قمة الإحراج والتخبط ... مب عارف يتحرك ويطفي الجوال ...

المهم انه ما تحرك من مكانه حتى انطفت الرنة ...

والركعة الثالثة ... نفس الموال ...


لاحول ولاقوة الا بالله يافشيلتنا قدام ربنا ((قال الله تعالى: (وَمَا قَدَرُوا اللَّهَ حَقَّ قَدْرِهِ ))

[غزلان]

نفس موقفك بظبط لكن الاغنية مصرية حق رقاصة وكانك قاعد في فرح !! :eek5::eek5:


:omg:

:omg:

:omg:

:omg:

:(

[غزلان]

انا حليت هالمشكلة باني اخلي الجوال في السيارة وتعودت على هذا الوضع احب لمن ادخل المسجد انفصل تماما عن مشاغل ومشاكل الدنيا بكل ما فيها


ماشاء الله عليك مثل مانيتك العباده والخشوع الله يبعطيك على نيتك

[النهار]

اخت غزلان اشلون عرفتي اننا مانغلق جوالاتنا ؟!!! هل حضرتي المسجد وجفتي بعيونج ؟!!!

ولا مجرد تخمييين وتقديرررر ؟!!!

حمد نسيت ان كل مسجد فيه مصلى للحريم ؟؟؟؟؟؟؟؟

[أبوفهد666]

واحد رن جواله في الصلاة

ويبي يضغط على الاحمر و ضغط على الاخضر بدون قصد مع السبيكر :omg::eek5:

الا صوت عجوز يافلان الو الو الو وينك الو ماترد يامال الصمخ الو الو خخخخخخ

والمسكين تفشل ينفض جيبه بالقوة يبي الجوال يطفي ويالله انه طفا خخخخخخخخخخخ


( طبعا انا اغلب الاحيان انسى احطه على الصامت واذا احد دق علي .. على طول احطه سايلنت )

[غزلان]

حمد نسيت ان كل مسجد فيه مصلى للحريم ؟؟؟؟؟؟؟؟


مبين انه ماقرى الردود كان بيعرف من الردود ان الجوال يرن بالمساجد

وانا الصوره مصورتها من على باب مسجد من كم يوم دخلنا نصلي فيه عند المجمع

[غزلان]

واحد رن جواله في الصلاة

ويبي يضغط على الاحمر و ضغط على الاخضر بدون قصد مع السبيكر :omg::eek5:

الا صوت عجوز يافلان الو الو الو وينك الو ماترد يامال الصمخ الو الو خخخخخخ

والمسكين تفشل ينفض جيبه بالقوة يبي الجوال يطفي ويالله انه طفا خخخخخخخخخخخ


( طبعا انا اغلب الاحيان انسى احطه على الصامت واذا احد دق علي .. على طول احطه سايلنت )


يعني ضاعت الصلاه والأجر والخشوع :rolleyes2:

شستفاد الحين لا يقدر يرد ولا يقدر يقطع الصلاه ويسكره :(

[Al-Kuwari]

الصراحه انا مااسكر جوالي او احطه على الصامت لان ماتدري شيصير يمكن حط يتصلك لان في شي طارى بس بعض الهنود الله يهديهم رنته تكون اغنيه هنديه والصوت عالي ولا بعضهم جواله يرن وما يسكره


تكفى فهمني بس شلون بترد وانت تصلي او بتشيك من متصل عليك وشلون بتعرف الاتصال لحاله طارئة او اتصال عادي :rolleyes2::rolleyes2:

بالنسبه لي احط الجوال فدرج الموتر وانزل ماله داعي انزله معاي لان ماراح استفيد منه فوقت الصلاة وفالنهاية الصلاة ما تاخذ ذاك الوقت الطويل كلها دقايق وبرجع السيارة

[snood]

الله يجزيك خير على نيتك واحترامك للمكان والمصلين
واياك

[تاجر كشخة]

برنامج صلاتي على اجهزة الاندرويد يضع الجهاز في وضع الصامت عند كل إقامة صلاة بشكل الي جربوه الان ..