قانون الإسكان

[Stars]

السلام عليكم ورحمة الله وبركاته
يالربع حد عنده علوم بخصوص تعديلات في قانون الإسكان بخصوص
( القرض بدون الأرض )

[khalid525]

ليش هل فيه تعديلات اصلا على هذا القانون ؟

[وحيد-الشوق]

نتمنى يكون فيه تعديلات المليون و200 ماتجيب شقه في قطر

والله عدد القطريين قليل اقل من 250 الف ليش الكل مايستلم ارض وقرض !!

[pink pearl]

الله أعلم

[عيون الدوحة]

نتمنى يكون فيه تعديلات المليون و200 ماتجيب شقه في قطر

والله عدد القطريين قليل اقل من 250 الف ليش الكل مايستلم ارض وقرض !!

لان حسبتهم ان الي جده الثالث مش قطري مايستحق

[بوخالد911]

الله اعلم

[qatarman8008]

ليش تحتاج ان القانون يتعدل.. القانون ما يعطيك ارض من الاسكان لكن ما يحرمك من الحصول على ارض هبة من الحكومة..
اعرف كثير من فئة قرض بدون ارض.. حصلوا ارض هبة من الحكومة والحين قاعدين يبنون..

[محمد11]

ليش تحتاج ان القانون يتعدل.. القانون ما يعطيك ارض من الاسكان لكن ما يحرمك من الحصول على ارض هبة من الحكومة..
اعرف كثير من فئة قرض بدون ارض.. حصلوا ارض هبة من الحكومة والحين قاعدين يبنون..



مافهمت يالغالي !!

[متفائل وايد]

ممكن نعرف شلون ارض هبه من الدولة وشلون الواحد يمشي في الخطوات

[سنافي قطر]

نصف الشعب حسب القانون لايستحق ارض

مليون وميتين ماتجيب شقه،،،

البعض اخذ قرض وزوجته خذت قرض وحطوها فوق المليون وميتين علشان تجيب لهم بيت مساحته ٥٠٠وبنائه تجاري ،،، يعني المواطن المغلوب على امره يسدد دين للبنك يصل احيانا ٧٠٠الاف او اكثر ويسدد قرض بنك التنميه على بيت صغير مبني بشكل تجاري وسريع وكله عيوب وفي مكان بعيد،،،

وجاره ساكن في بيت مساحته ١١٠٠ مبني بطريقه جميله وكبير ،،،وعليه قسط بنك التنميه فقط،،


الاول مديوون حتى النخاع
والثاني مرتاح للاخرر

مالفرق بينهما،،،

مع العلم ان الاول وقطري ووالده قطري وجده قطري،، ووالده وجده حصلو على ارض ،،ولكن القانون الجديد اعتبره نصف قطرري


والثاني قطري ووالده قد يكون قطري وقد يكون اتي من مكان اخرر ،،، ولكن القانون اعتبرره قطري١٠٠٪ ،،،

هالقانون سبب مشاكل وعنصريه بين المواطنين وغيره وحسد،، ،

اتمنا من سمو الامير وابونا كلنا وراعي الخير والانصاف فالعالم ،، انصاف الكل وان يلغي هالقانون،، مساعداته والبيوت الي يبنيها لوجه الله وللشعوب في كل العالم،،

ماعتقد انه يدري ان في قانون مفررق الشعب،،

وما اعتقد انا ان في قانون ينص علي هالشي

الموضوع من بعض المسوولين ،، هم موقفين الصررف ،،

[وحيد-الشوق]

مافهمت يالغالي !!


ممكن نعرف شلون ارض هبه من الدولة وشلون الواحد يمشي في الخطوات

بالواسطة واذا عندك معارف تقدر تحصل ارض

انا اعرض شخص هو واخوانه مايستحقون اراضي بس بالواسطة طلعت لهم اراضي

[Stars]

علمت "��" أن وزارة الشؤون الاجتماعية قد انتهت مـن إعـــداد استراتيجية خـاصـة بقطاع الإســـكـــان ومـسـتـقـبـلـه حــتــى عــــام 2030 وذلـــك تنفيذا لأهداف رؤية قطر الوطنية 2030، حيث تــهــدف هـــذه الاســتــراتــيــجــيــة لـــدراســـة الـــزيـــادة المتوقعة فـي أعـــداد المساكن المطلوبة بالدولة وفـقـا لــزيــادة عــدد الـسـكـان وكيفية التخطيط لتوفير المساحات المطلوبة لإنشائها سواء في الـدوحـة أو خارجها وذلــك بالنسبة للمساكن الــتــي يــتــم إنـــشـــاؤهـــا عــبــر تـخـصـيـص الأرض والــقــرض لـكـل مــواطــن وفـقـا لمــا يــحــدده قـانـون
الإسكان. وأوصــــــت الاســتــراتــيــجــيــة بــــإعــــادة الــنــظــر فـي قـانـون الإســكــان الـحـالـي وتعديله بما يضمن دخول بعض الفئات والحالات التي لم يشملها الــــقــــانــــون ووضـــــــع قــــواعــــد لـــتـــطـــويـــر الآلــــيــــات والإجــــــــراءات الــخــاصــة بــالــتــعــاون والـتـنـسـيـق بـين الجهات المختلفة بـالـدولـة والـتـي تتم عن طريقها خطوات تخصيص وبناء المساكن ومن أبرزها وزارات البلدية والداخلية والعدل وبنك قطر للتنمية والمجلس الأعلى للقضاء.

http://www.al-sharq.com//PDFLinks/PDFs/310874a6-b429-477c-9f99-d576045adfef.pdf

[موظف ((حكومي]

ياخي في اراضي محوطه بس ويقولون مافي اراضي يشوفون الناس لي ع ثلاث واربع اراضي

[حسن]

الصارحه ماعرف عنه شي
بس هم توهم معلنين عن توزيع اراضي على المواطنين

[OutLaw]

ليش يوزعون اراضي على كل القطريين !!
من راح يشتري المنازل التجارية اصحاب العقارات بيخسرون
ليش يعطون القطري ارض عشان يبنيها ويعيش مثل غيره لازم يأخذ قرض من البنك ويطلع مديون وبعد ما يسكن بيته يشيل هم الدين .. هذا اذا ما تشحطط مع شركة المقاولات وابرود اعصاب المقاول يقوله روح اشتك في المحاكم مرتاح المقاول دام الموضوع في المحاكم لانه يدري موضوعه بيطول في المحاكم القطرية ... والي يبني اهو الخسران اذا ساكن في بيت أجار .. الحسابة تحسب على القطري .. لكن ما اقول الا حسبي الله ونعم الوكيل والظاهر المسئولين نسوا ان في حسابة تحسب فوق وما تخطي ابداً .

[حمد 2002]

السلام عليكم ورحمة الله وبركاته
يالربع حد عنده علوم بخصوص تعديلات في قانون الإسكان بخصوص
( القرض بدون الأرض )

المفروض القرض بدون ارض يستمر من وجهه نظري للمصلحه العامه ولأسباب يطوول شرحها ولو ذكرتها بتضايق نااس وااايد :nice:

[حسن]

المفروض القرض بدون ارض يستمر من وجهه نظري للمصلحه العامه ولأسباب يطوول شرحها ولو ذكرتها بتضايق نااس وااايد :nice:

ليش الناس تتضايق وهذا حق واضح
ياحمد

:)

[حمد 2002]

ليش الناس تتضايق وهذا حق واضح
ياحمد

:)

مممكن توضيح اكثر بوعلي ،،،

[مساهمة بسFresh]

المفروض القرض بدون ارض يستمر من وجهه نظري للمصلحه العامه ولأسباب يطوول شرحها ولو ذكرتها بتضايق نااس وااايد :nice:

مممكن توضيح اكثر حمد 2002 ،،،

[حمد 2002]

مممكن توضيح اكثر حمد 2002 ،،،

اوك بوضحلج واتمنى محد يزعل مني لاني بقول رأيي وفي النهايه يضل رأي وانا مسؤل عنه ،،

يعني تبين تساويين الي كان بقطر قبل الخمسينيات والاربعينيات ، بالي ماخذ جواز الحين ؟

تحياتي لج

[مساهمة بسFresh]

اوك بوضحلج واتمنى محد يزعل مني لاني بقول رأيي وفي النهايه يضل رأي وانا مسؤل عنه ،،

يعني تبين تساويين الي كان بقطر قبل الخمسينيات والاربعينيات ، بالي ماخذ جواز الحين ؟

تحياتي لج

انا ماقلت ابي اساوي ولا قلت مابي اساوي :shy:

انا سالت بس

ومشكور على التوضيح

[حسن]

مممكن توضيح اكثر بوعلي ،،،

شوف يابوشهاب

بالنسبه لي ماعرف عنه اكثير بخصوص
اللي حولنا الحمدلله كلهم يملكون ارضي
وانا منهم بعدين سمعت من هل الكلا وخصوصا في المنتديات ناس تطالب وكنت استغرب منهم
بعد ماتحريت عن الموضوع لان واحد اعرفه نفس الشي يعطونه قرض وبدون ارض قلت ليش قال مادري الاراضي ولا الاسكان حاطين شروط بخصوص التجنيس والمده على ماعتقد وبس
فا في ناس تنطبق عليه الشروط وفي ناس ماتنطبق عليه الشروط
فاللي له نصيب بياخذ واللي ماله الله يسره له

في شي غلط

:)

[حمد 2002]

شوف يابوشهاب

بالنسبه لي ماعرف عنه اكثير بخصوص
اللي حولنا الحمدلله كلهم يملكون ارضي
وانا منهم بعدين سمعت من هل الكلا وخصوصا في المنتديات ناس تطالب وكنت استغرب منهم
بعد ماتحريت عن الموضوع لان واحد اعرفه نفس الشي يعطونه قرض وبدون ارض قلت ليش قال مادري الاراضي ولا الاسكان حاطين شروط بخصوص التجنيس والمده على ماعتقد وبس
فا في ناس تنطبق عليه الشروط وفي ناس ماتنطبق عليه الشروط
فاللي له نصيب بياخذ واللي ماله الله يسره له

في شي غلط

:)


:nice:

[OutLaw]

اوك بوضحلج واتمنى محد يزعل مني لاني بقول رأيي وفي النهايه يضل رأي وانا مسؤل عنه ،،

يعني تبين تساويين الي كان بقطر قبل الخمسينيات والاربعينيات ، بالي ماخذ جواز الحين ؟

تحياتي لج

تمنح الارض لمن هم متوطنون بقطر قبل عام 1930م .
ولكن هل يتساوي من هم حاصلين على الجنسية في الاربيعينات بمن حصلوا على الجنسية في السبعينات أو الثمانينات ؟
وهل جميع من حصل على ارض أهم من كانوا متوطنون قبل عام 1930م او توجد استثناءات .
نحترم القانون ونبي يتطبق على الكل مب فئات معينه وبس :)

[مساهمة بسFresh]

اوك بوضحلج واتمنى محد يزعل مني لاني بقول رأيي وفي النهايه يضل رأي وانا مسؤل عنه ،،

يعني تبين تساويين الي كان بقطر قبل الخمسينيات والاربعينيات ، بالي ماخذ جواز الحين ؟

تحياتي لج

اسفة اخوي حمد 2002 بس في سؤال خطر على بالي الحين والله :shy: :

يعني اللي خذوا جوازاتهم بعدين ماقدموا اي شي حق قطر؟
واللي كانوا ساكنين قبل قدموا اكثر وساهموا في بناء قطر اكثر؟

[حمد 2002]

تمنح الارض لمن هم متوطنون بقطر قبل عام 1930م .
ولكن هل يتساوي من هم حاصلين على الجنسية في الاربيعينات بمن حصلوا على الجنسية في السبعينات أو الثمانينات ؟
وهل جميع من حصل على ارض أهم من كانوا متوطنون قبل عام 1930م او توجد استثناءات .
نحترم القانون ونبي يتطبق على الكل مب فئات معينه وبس :)

انا اجووف القانون الحالي اوكييه ومافيه شيء ،، :nice:

[حسن]

تمنح الارض لمن هم متوطنون بقطر قبل عام 1930م .
ولكن هل يتساوي من هم حاصلين على الجنسية في الاربيعينات بمن حصلوا على الجنسية في السبعينات أو الثمانينات ؟
وهل جميع من حصل على ارض أهم من كانوا متوطنون قبل عام 1930م او توجد استثناءات .
نحترم القانون ونبي يتطبق على الكل مب فئات معينه وبس :)

اسمحلى ياخوي

انا اكتشفت ان نكك خارج القانون

فيمكن ماينطبق عليك تلك الشروط

نتمنى لكم الخير

:)

[حمد 2002]

اسفة اخوي حمد 2002 بس في سؤال خطر على بالي الحين والله :shy: :

يعني اللي خذوا جوازاتهم بعدين ماقدموا اي شي حق قطر؟
واللي كانوا ساكنين قبل قدموا اكثر وساهموا في بناء قطر اكثر؟

جوفي ياخت مساهمه فريش ، الكل قدم وقدم ، ولكن فيه فرق بين قطري قطري ، وقطري متجنس ،،، وعلى فكره هالشيء معمول به بكل دول العالم مب بس قطر ،،،

تحياتي لج

[مساهمة بسFresh]

جوفي ياخت مساهمه فريش ، الكل قدم وقدم ، ولكن فيه فرق بين قطري قطري ، وقطري متجنس ،،، وعلى فكره هالشيء معمول به بكل دول العالم مب بس قطر ،،،

تحياتي لج

يعني كل دول العالم ترجع تقريبا ثمانين سنة ورا علشان تعرف الاصلي وغير الاصلي؟
:shy:
يعني الكفاءة والعطاء مالهم مكان ؟:secret:

ومشكور على تجاوبك مرة ثانية :shy:

[OutLaw]

انا اجووف القانون الحالي اوكييه ومافيه شيء ،، :nice:

يعني انت تشوفه عادل هذا القانون .

[OutLaw]

اسمحلى ياخوي

انا اكتشفت ان نكك خارج القانون

فيمكن ماينطبق عليك تلك الشروط

نتمنى لكم الخير

:)

الحمد لله أن القانون مب قرآن منزل

[تمحيص]

بلاد العرب أوطاني ..


اللي قبل الخمسينيات واللي بعدها يستحقون .. بالنظر للأوضاع السياسية المحيطة بالخليج (العربي)


توطين .. أنتهى

[OutLaw]

جوفي ياخت مساهمه فريش ، الكل قدم وقدم ، ولكن فيه فرق بين قطري قطري ، وقطري متجنس ،،، وعلى فكره هالشيء معمول به بكل دول العالم مب بس قطر ،،،

تحياتي لج

غلطان ياخوي بدول مجاورة ما عندهم هذا الشي ما ابي يكون كلامي غير واضح شوف قانون الاسكان في الامارات

[حمد 2002]

يعني انت تشوفه عادل هذا القانون .

نعم ، وتم وضعه وفقا لدراسه حكييمه ، وجعل من وضعاه يدخل الجنه بدون حساب ولا عقاب

[حسن]

الحمد لله أن القانون مب قرآن منزل

ياشيخ صحيح ان القانون مهب قران منزل
بس القانون يجب ان يحترم من كل مقيم
على ارض قطر

اليوم اذا هو مهب عاجبه القانون بكره مهب عاجبه كل القوانين

تحياتي واتمنى التوفيق للجميع

[العربية نت]

باوضح نقطه مهمه ويمكن تكون غائبة عند البعض وهي إن هذا الامر لايوجد به مرسوم اميري من سمو الامير او من ولي العهد الامين اي إنه ليس بقانون وانما اجتهادات بين الاراضي والاسكان وفيه لعبه واضحه جداً ومعروفة عند المسئولين :eek5:فالموضوع ماله علاقة بالارزاق والنصيب الموضوع فيه اكل حقوق ناس والله اعلم :omg:الي عنده واسطه بيمشي والي ماعنده بيقولون له راجعنا بعد شهر :)

والله يعين كل محتاج ... :(

[OutLaw]

ياشيخ صحيح ان القانون مهب قران منزل
بس القانون يجب ان يحترم من كل مقيم
على ارض قطر

اليوم اذا هو مهب عاجبه القانون بكره مهب عاجبه كل القوانين

تحياتي واتمنى التوفيق للجميع

عجبني كلامك بأن واجب ان القانون يحترم ... ومن شروط احترام القانون تطبيقة بحذافيرة ولكن انا سئلت وقلت هل توجد استثناءات في منح الاراضي لمن لا تنبق عليهم الشروط اذا عندك اجابة تفضل واذا ما عندك يا حياك الله .

[OutLaw]

نعم ، وتم وضعه وفقا لدراسه حكييمه ، وجعل من وضعاه يدخل الجنه بدون حساب ولا عقاب

الواضح من كلامك انك ملم بهذي الدراسة يا حبذا تنورنا بها .

[حسن]

عجبني كلامك بأن واجب ان القانون يحترم ... ومن شروط احترام القانون تطبيقة بحذافيرة ولكن انا سئلت وقلت هل توجد استثناءات في منح الاراضي لمن لا تنبق عليهم الشروط اذا عندك اجابة تفضل واذا ما عندك يا حياك الله .

الجواب في توقيعك

تحياتي لك

:)

[OutLaw]

الجواب في توقيعك

تحياتي لك

:)

حياك الله :whistling:

[bos3eed]

المفروض القرض بدون ارض يستمر من وجهه نظري للمصلحه العامه ولأسباب يطوول شرحها ولو ذكرتها بتضايق نااس وااايد :nice:

الحمدلله انك منت بولي علينا

[qatarman8008]

أخواني اخواتي.. اعضاء المنتدى..
واخص بالنداء اخونا حمد2002 ..

قانون الاسكان الحالي غير واضح في تحديد من يستحق الارض والقرض ومن لا يستحق..
قانون الاسكان الحالي يمنع اكثر من 90% من القطريين من الحصول على ارض وقرض..
من الذي يستطيع ان يثبت بوثيقة رسمية حصوله على جنسية قطرية قبل 1930..!!
اباءنا واجدادنا.. بدوا كانوا ام حضر.. يتنقلون في ارجاء الجزيرة العربية بدون جوازات سفر او اي وثيقة تثبت الانتساب لاي دولة.. موضوع الجوازات بدأ في اواخر الستينات..
قانون الاسكان الحالي يعطي صلاحيات لاشخاص معينين بتقديم استثناءات بالجملة..
وهذا هو سبب مصطلح ( التفرقة العنصرية ) الذي قراناه كثيرا في هذا الموضوع..
كيف اعطيت هذا ارض وقرض .. واعطيت هذا قرض فقط.. مع ان الجميع كانوا موجودين على ارض قطر قبل 1930..!!
اعرف اشخاص حصلوا على الجنسية القطرية في الثمانينات.. لكن مع هذا حصلوا على ارض وقرض..!!
اتمنى ان تتكرر المكرمة الاميرية التي كانت في 2005 .. وبموجبها حصل الكثير من المواطنين على ارض وقرض..!!
سبحان الله .. الناس تمنع والامير الله يطول في عمره يعطي..
الناس تعمل استثناءات بالخش.. والامير يعمل استثناءات بالعلن..
اذا تم مناقشة وضع هذا القانون مع الامير مباشرة .. فابشروا بالخير يا ابناء قطر..
وشكرا..

[ابو تميم11]

الدستور القطري
الباب الثالث
الحقوق والواجبات العامة

المادة (34)
المواطنون متساوون في الحقوق والواجبات العامة.

المادة (35)
الناس متساوون أمام القانون. لا تمييز بينهم في ذلك بسبب الجنس، أو الأصل، أو اللغة، أو الدين

[khalid525]

هذا القانون (المخفي) دايما يثير الجدل والناس منقسمه فيه الى فئتين :
الناس المستقيدة : تشوف انه قانون عادل وهو حق من الحقوق .
الناس المتضررة : تقول انه قانون غير عادل وغير دستوري .

انا ارى من ناحية اقتصادية ان قانون منح الارض يجب ان يلغى على جميع الاطراف ، الى متى راح نستطيع تطبيق هذا القانون وعندنا مساحة ارض ضيقة خصوصا بعد تسوير معظم الاراضي البرية وجعلها محميات طبيعية ، لابد اننا سوف نصل لوقت لن يجد احد ارض تمنح له ،وفي نفس الوقت الدولة يجب ان ترفع يدها من موضوع الاسكان وتجعل القطاع الخاص والمؤسسات العامة هي التي تأخذ هذا الدور باشراف وتنظيم من الدولة مثل ما يحدث في دول العالم .

طبعا اعرف ان مثل هذا الاقتراح لن يعجب كل الاطراف لكن في الاخير هذا ما سوف يحدث شئنا ام ابينا .

[موضي قطر]

ياناس الله سبحانه مانزل الا الرحمة بكل تشعباتها قصدي واضح ؟؟


فاللي ابي اقولة الأرض تشيل الجميع فوقها مثل ماتشيل الجميع تحتها


اختكم / موضي قطرية بالتأسيس ولها ولكل اهلها ارض وقرض يعني ماني متضررة

لكن ارجع واقول الرحمة حتى الله يرحمنا

[qatarman8008]

هذا القانون (المخفي) دايما يثير الجدل والناس منقسمه فيه الى فئتين :
الناس المستقيدة : تشوف انه قانون عادل وهو حق من الحقوق .
الناس المتضررة : تقول انه قانون غير عادل وغير دستوري .

انا ارى من ناحية اقتصادية ان قانون منح الارض يجب ان يلغى على جميع الاطراف ، الى متى راح نستطيع تطبيق هذا القانون وعندنا مساحة ارض ضيقة خصوصا بعد تسوير معظم الاراضي البرية وجعلها محميات طبيعية ، لابد اننا سوف نصل لوقت لن يجد احد ارض تمنح له ،وفي نفس الوقت الدولة يجب ان ترفع يدها من موضوع الاسكان وتجعل القطاع الخاص والمؤسسات العامة هي التي تأخذ هذا الدور باشراف وتنظيم من الدولة مثل ما يحدث في دول العالم .

طبعا اعرف ان مثل هذا الاقتراح لن يعجب كل الاطراف لكن في الاخير هذا ما سوف يحدث شئنا ام ابينا .

المشكلة ان المستفيد يدري انه غير منطبق عليه القانون .. ويدري انه حصل الارض باستثناء او بواسطة..!!
لكن روح ناقشه في الموضوع.. بيقول لك بالعكس انا وانا وانا...
لا حول ولا قوة الا بالله...

[سنافي قطر]

اخووي حمد

ممكن تقولي وتوضح لي شغله ،،

انا جدي قطرري من الستينات، وابوي قطري،،وانا وعيالي قطررين

جدي من السواعد السمر الي اشتغلو فالبترول ومن اوائل الناس الي خدمو الوطن فالشرطه رحمه الله عليه،،كذالك ابوي وعمومي،،

من عائله كلها ضباط ومهندسين كبار درسو وتعبو وخدمو الوطن علئ اكمل وجه وماقصر الوطن معاهم،، وكنا قبل قطريين اصل وحصلو عمومي وجدي علي كل حقوقهم واراضي،،

تقدر تقولي انا ليش ما احصل،، ليش صرت بين يوم وليه نص قطرري،،

عيالي قطريين ابآ عن جد عن جد،، ليش نص قطريين،،

في امريكا ،،اوباما جا من افريقيا وعاش وحصل علي جنسيه واصبح رئيس،،

في فرنسا مسؤؤلين كبار توانسه ومغاربه ومنهم وزير حصلت عالجنسيه الفرنسيه قريب،،

امريكا واوروبا مجرد ولادتك هناك،،تصبح ابن البلد اصل وفصل،،


سؤالي لك،، القطري من ١٩٣٠
يعني من ٨٠سنه صح،،

هل عيالي مثلا بعد ٨٠سنه بيعتبرونهم قطريين اصل اوخلاص راحت عليهم،،

وبالنسبه للقانون،،او مانقول عنه قانون لاني اعتقد انه مافي شي رسمي،،

مطبق بحذافيره،،

لاني اعرف ناس كثير حصلو عالجنسيات من فتره قريبه،،وحصلوعلي اراضي بحكم ان القبيله المنتمي لها قطريه ،، واعرف ناس حصلو علي اراضي عن طريق هبه من الدوله،،

الي بقوله،، كلنا مسلمين،،وعرب ،،وقطريين ،وعيال البلد ،،محد يقدر يزايدنا فوطنيتنا،،وانتمائنا لقطر،،

وياقطري،،ترا قبل مافي حدود وجوازات،،كلن له اصل ،قبل يجمعنا الماء والكلاء،، شوف اصول الجزيره العربيه،،من طرفها لطرفها،،ناس من ايران وناس من اليمن وناس من البحرين وناس منوالسعوديه ،،وناس من الشام ،،وصارو شعوب وقبايل،،

وارض الله واسعه،،والحمدلله اولا واخيرا علي كل حال،،

واعتقد القانون يمنح ارض لمن حصل علي الجنسيه من ١٥سنه،،

طيب الي من ٣٠'و ٤٠سنه،،،

فالنهايه اتوقع هالقانون بينلغي ان شاء الله وينصف كل قطري ًً،،

وبومشعل الله يطول بعمره ويخليه لنا مب مقصر مع حد ،،

وبالنسبه للفئه الي قد تكون (حسوده) او (خايفه على مستقبل عيالهم ان الاراضي تخلص عليهم،،(او فئه تجار العقار الي مستفيدين في بناء بيوت ال ٥٠٠وبيعها علي فئه القرض بدون ارض ،، اقولهم ارض الله واسعه وحب لاخيك ماتحب لنفسك،،والله لايوليكم علينا

[وحيد-الشوق]

الحمدلله انك منت بولي علينا

الحمدلله :victory:


اخووي حمد

ممكن تقولي وتوضح لي شغله ،،

انا جدي قطرري من الستينات، وابوي قطري،،وانا وعيالي قطررين

جدي من السواعد السمر الي اشتغلو فالبترول ومن اوائل الناس الي خدمو الوطن فالشرطه رحمه الله عليه،،كذالك ابوي وعمومي،،

من عائله كلها ضباط ومهندسين كبار درسو وتعبو وخدمو الوطن علئ اكمل وجه وماقصر الوطن معاهم،، وكنا قبل قطريين اصل وحصلو عمومي وجدي علي كل حقوقهم واراضي،،

تقدر تقولي انا ليش ما احصل،، ليش صرت بين يوم وليه نص قطرري،،

عيالي قطريين ابآ عن جد عن جد،، ليش نص قطريين،،

في امريكا ،،اوباما جا من افريقيا وعاش وحصل علي جنسيه واصبح رئيس،،

في فرنسا مسؤؤلين كبار توانسه ومغاربه ومنهم وزير حصلت عالجنسيه الفرنسيه قريب،،

امريكا واوروبا مجرد ولادتك هناك،،تصبح ابن البلد اصل وفصل،،


سؤالي لك،، القطري من 1930
يعني من 80سنه صح،،

هل عيالي مثلا بعد 80سنه بيعتبرونهم قطريين اصل اوخلاص راحت عليهم،،

وبالنسبه للقانون،،او مانقول عنه قانون لاني اعتقد انه مافي شي رسمي،،

مطبق بحذافيره،،

لاني اعرف ناس كثير حصلو عالجنسيات من فتره قريبه،،وحصلوعلي اراضي بحكم ان القبيله المنتمي لها قطريه ،، واعرف ناس حصلو علي اراضي عن طريق هبه من الدوله،،

الي بقوله،، كلنا مسلمين،،وعرب ،،وقطريين ،وعيال البلد ،،محد يقدر يزايدنا فوطنيتنا،،وانتمائنا لقطر،،

وياقطري،،ترا قبل مافي حدود وجوازات،،كلن له اصل ،قبل يجمعنا الماء والكلاء،، شوف اصول الجزيره العربيه،،من طرفها لطرفها،،ناس من ايران وناس من اليمن وناس من البحرين وناس منوالسعوديه ،،وناس من الشام ،،وصارو شعوب وقبايل،،

وارض الله واسعه،،والحمدلله اولا واخيرا علي كل حال،،

واعتقد القانون يمنح ارض لمن حصل علي الجنسيه من 15سنه،،

طيب الي من 30'و 40سنه،،،

فالنهايه اتوقع هالقانون بينلغي ان شاء الله وينصف كل قطري ًً،،

وبومشعل الله يطول بعمره ويخليه لنا مب مقصر مع حد ،،

وبالنسبه للفئه الي قد تكون (حسوده) او (خايفه على مستقبل عيالهم ان الاراضي تخلص عليهم،،(او فئه تجار العقار الي مستفيدين في بناء بيوت ال 500وبيعها علي فئه القرض بدون ارض ،، اقولهم ارض الله واسعه وحب لاخيك ماتحب لنفسك،،والله لايوليكم علينا

:(

اتمنى من بومشعل امير المحبة والخير كله ربي يحفظه ويطول بعمره اعادة النظر في هذا القانون :weeping:

احنا كلنا على بعضنا مانكمل 250 الف ليش التفرقة بينا حتى الاخوان الله يهداهم البعض يتمنى مايتغير القانون لايكون الناس بتشارك حلالكم واحنا ماندري :rolleyes2:

[بوسلمان 2010]

الله المستعان ويرفعون الغرض حق المواطنين

[Stars]

الله يكافينا الشر والحسد ابهاتنا من طيبتهم وسعة صدورهم ظهر هالخير اللي نعيشه الحين بفضل الله ثم صلاح الآباء والأجداد وعلى أيامهم المطر ما يوقف بالثلاث والاربع شهور أما الحين الحسد لاعب لعبته والمطر يوم او يومين في السنه الله يهدي الجميع
وصدق الرسول صلى الله عليه وسلم : والله ما الفقر أخشى عليكم ولكن أخشى أن تبسط الدنيا عليكم كما بسطت على من كان قبلكم فتنافسوها كما تنافسوها فتهلككم كما أهلكتم -- الحديث

ما يخفى علينا جميعاً ما يبذله سمو الأمير في سبيل إحقاق الحق والعدل والكرامة للشعوب
والبعض للحين قاعد يدندن حول أصلي وغير أصلي

ودام عزك يا قطر تحت راية سمو الأمير حفظه الله

[سلطان زمانه]

ليش تحتاج ان القانون يتعدل.. القانون ما يعطيك ارض من الاسكان لكن ما يحرمك من الحصول على ارض هبة من الحكومة..
اعرف كثير من فئة قرض بدون ارض.. حصلوا ارض هبة من الحكومة والحين قاعدين يبنون..

الله يجزاك خير دلنا عالطريق
وخذ اجر الناس يدعون لك

[سلطان زمانه]

اخووي حمد

ممكن تقولي وتوضح لي شغله ،،

انا جدي قطرري من الستينات، وابوي قطري،،وانا وعيالي قطررين

جدي من السواعد السمر الي اشتغلو فالبترول ومن اوائل الناس الي خدمو الوطن فالشرطه رحمه الله عليه،،كذالك ابوي وعمومي،،

من عائله كلها ضباط ومهندسين كبار درسو وتعبو وخدمو الوطن علئ اكمل وجه وماقصر الوطن معاهم،، وكنا قبل قطريين اصل وحصلو عمومي وجدي
علي كل حقوقهم واراضي،،



تقدر تقولي انا ليش ما احصل،، ليش صرت بين يوم وليه نص قطرري،،

عيالي قطريين ابآ عن جد عن جد،، ليش نص قطريين،،

في امريكا ،،اوباما جا من افريقيا وعاش وحصل علي جنسيه واصبح رئيس،،

في فرنسا مسؤؤلين كبار توانسه ومغاربه ومنهم وزير حصلت عالجنسيه الفرنسيه قريب،،

امريكا واوروبا مجرد ولادتك هناك،،تصبح ابن البلد اصل وفصل،،


سؤالي لك،، القطري من 1930
يعني من 80سنه صح،،

هل عيالي مثلا بعد 80سنه بيعتبرونهم قطريين اصل اوخلاص راحت عليهم،،

وبالنسبه للقانون،،او مانقول عنه قانون لاني اعتقد انه مافي شي رسمي،،

مطبق بحذافيره،،

لاني اعرف ناس كثير حصلو عالجنسيات من فتره قريبه،،وحصلوعلي اراضي بحكم ان القبيله المنتمي لها قطريه ،، واعرف ناس حصلو علي اراضي عن طريق هبه من الدوله،،

الي بقوله،، كلنا مسلمين،،وعرب ،،وقطريين ،وعيال البلد ،،محد يقدر يزايدنا فوطنيتنا،،وانتمائنا لقطر،،

وياقطري،،ترا قبل مافي حدود وجوازات،،كلن له اصل ،قبل يجمعنا الماء والكلاء،، شوف اصول الجزيره العربيه،،من طرفها لطرفها،،ناس من ايران وناس من اليمن وناس من البحرين وناس منوالسعوديه ،،وناس من الشام ،،وصارو شعوب وقبايل،،

وارض الله واسعه،،والحمدلله اولا واخيرا علي كل حال،،

واعتقد القانون يمنح ارض لمن حصل علي الجنسيه من 15سنه،،

طيب الي من 30'و 40سنه،،،

فالنهايه اتوقع هالقانون بينلغي ان شاء الله وينصف كل قطري ًً،،

وبومشعل الله يطول بعمره ويخليه لنا مب مقصر مع حد ،،

وبالنسبه للفئه الي قد تكون (حسوده) او (خايفه على مستقبل عيالهم ان الاراضي تخلص عليهم،،(او فئه تجار العقار الي مستفيدين في بناء بيوت ال 500وبيعها علي فئه القرض بدون ارض ،، اقولهم ارض الله واسعه وحب لاخيك ماتحب لنفسك،،والله لايوليكم علينا

كفيت و وفيت اخوي اسنافي قلت كل الكلام اللي الكل لازم يعرفه
وانت سنافي اسم على مسمى

[Q_Invest]

الله يعين اذا للحين نناقش مثل هالمواضيع اللي المفروض مفروغ منها... قدام الدولة الناس سواسية ...

شوفوا دول الجوار وين وصلوا في الاسكان الحكومي واحنا للحين دور في كل شي وكل شي بواسطة..

[m6nesh1]

نفرض اني معاك يا حمد وكلامك صحيح في فرق بين الي سكنوا هالبلد الطيب قبل ١٩٣٠ واهم أولى من غيرهم بهالخيرات ميزهم بأشياء كثيره بس ما يمنع ذلك انك تتمنى لغيرك الخير انت تأخذ ١٥٠٠ خله يأخذ ١٠٠٠ أو اقل عطه ارض وخله هو يبني على حسابه يبني كوخه يبني بيت حمام يبني دور يبني دورين هنيه خله يمد ريله على قد لحافه
وسلامتك يا بوشهاب

[طباخة قطرية]

معاينة
سوووال بسيط
الحين مب قطر أغنى دولة في العالم واحنا ماشالله اصبحنا من الدول المتقدمة في كل المجالات الا في مجال واحد فاشلين فشل ذريع الا وهو
لعبة فينا المحسوبية والتعصب القبلي لو كل واحد ينفع ولد ديرتة ابرك بس مشكلتنا اي واحد ماسك منصب لازم يفيد هلة وجدة مب الثالث يمكن يجيب طووايف طوائفه بس البعد عن الله خلنا جذية ما ننفع المحتاج حتى الهامور اللى ربي معطية يدور المنفعة من الضعيف
وابو مشعل ما يقصر والله مب مقصر وفي جوقة كل هل قطر بس المصيبة في البطانة
الله المستعان
وع فكرة ترا وايد من اهل قطر مب عاجبهم الوضع ليش الزوجة تاخذ قرض والزوج بعد الدولة لها الحق والمليون و200 ما توكل طير المفروض الدولة انتبهت لنشئ والا الكل بيحقد ع الاجنبي اللى يعيش بارقى فلة في قطر واحدث سيارة وراتب الأصفار به مالها عدد
الحذر من التفرقة
وبعدين وين الزيادات اللى اعلنو عنها

وين الاماااني للشعب القطري قانون التقاعد والضمان الالجتماعي
نحن حسب التقارير الامريكية نحن أغنى دولة في العالم
__________________
لا اله الا الله محمد رسول الله

[مستجدة]

وبعدين وين الزيادات اللى اعلنو عنها

وين الاماااني للشعب القطري قانون التقاعد والضمان الالجتماعي



نفس التسأل ؟؟؟!!!!!

[العلم]

هذا القانون هو قمة الرجعية والعنصرية .. ما اصدر الا من اناس لايفقهون مايقولون.. وإذا جاء قطر شيء ماراح تلاقيهم إلا في سويسرا وباريس ..

بمجرد ما اخذ الجواز القطري وعقد البيعة فله ما للمسلمين والمواطنين .. إذا جاء قطر شيء هل حزتها بيفرقون المسؤولين في مستوى الدفاع عنها بين القطري الأصلي وبين المتجنس ..!!!

القهر انه مايتطبق الا على المساكين اللي مالهم ظهر .. والا اللي عندهم واسطة لو جاي امس يأخذ اللي يبي ومن ورا خشومهم بعد ،، وشايف هالشيء بعيني ..


اللهم فرج كرب المسلمين وأزل كل ظالم ..

[qatarman8008]

هذا القانون هو قمة الرجعية والعنصرية .. ما اصدر الا من اناس لايفقهون مايقولون.. وإذا جاء قطر شيء ماراح تلاقيهم إلا في سويسرا وباريس ..

بمجرد ما اخذ الجواز القطري وعقد البيعة فله ما للمسلمين والمواطنين .. إذا جاء قطر شيء هل حزتها بيفرقون المسؤولين في مستوى الدفاع عنها بين القطري الأصلي وبين المتجنس ..!!!

القهر انه مايتطبق الا على المساكين اللي مالهم ظهر .. والا اللي عندهم واسطة لو جاي امس يأخذ اللي يبي ومن ورا خشومهم بعد ،، وشايف هالشيء بعيني ..


اللهم فرج كرب المسلمين وأزل كل ظالم ..

أخوي العلم.. اشكرك على مشاركتك..
لكن لو تلاحض ان كل الناس اللي انظلموا من هذا القانون.. قاعدين وساكتين..
يعني كانهم راضيين بالوضع.. والامور طيبة..
اللي قدر يصرف نفسه بواسطة وهو ساكت مشى حاله.. واللي ما قدر.. مسكين.. قاعد في بيت ايجار..
لاهو اللي قادر يبني بيته بنفسه .. ولاهو قادر يستفيد من قرض بنك التنمية..

[بالول صغير]

هذا القانون هو قمة الرجعية والعنصرية .. ما اصدر الا من اناس لايفقهون مايقولون.. وإذا جاء قطر شيء ماراح تلاقيهم إلا في سويسرا وباريس ..

بمجرد ما اخذ الجواز القطري وعقد البيعة فله ما للمسلمين والمواطنين .. إذا جاء قطر شيء هل حزتها بيفرقون المسؤولين في مستوى الدفاع عنها بين القطري الأصلي وبين المتجنس ..!!!

القهر انه مايتطبق الا على المساكين اللي مالهم ظهر .. والا اللي عندهم واسطة لو جاي امس يأخذ اللي يبي ومن ورا خشومهم بعد ،، وشايف هالشيء بعيني ..


اللهم فرج كرب المسلمين وأزل كل ظالم ..

لا ياشيخ

الحين من اللي شرد عن قطر قبل 1930 يوم كان فقر وباعها ؟ اكيد تقصد هم اللي بيروحون سويسرا وباريس

رجاء اللي مش مستفيد من القانون عدم التجريح في الاخرين

ولو طلبت معايير من اللي يقولون ان القانون غير عادل كلن بيفصل قانون على مزاجه اللي تجنس فالخمسين بيقولك نبدأ من الستين واللي تجنس فالسبعين بيقولك نبداها من الثمانين

ولو سألتهم ترضون تتساوون فالحقوق بين المتجنس في 2000 بيقول لك اكيد لا

واللي ماعنده جنسية بيقولك انا مابغي غير الجنسية وبس

وبعد 20 سنة بيقولك ليش تفرقون بيني وبين فلان

مرضاة الناس غاية لا تدرك

استغفر الله العظيم

[سلطان زمانه]

للرفع

[بني تميم]

القانون عادل ومافيه شي
ولزم تكون في تفرقه بين المجنس
ولقطري الاصيل
عيل تبون واحد عنده جواز وابوه يتكلم عربي مكسر
ياخذ مثل ولد البلد الي اجدادة ماتو في حروب وهم يدافعون
عن هذا البلد الحبيب بيكون ظلم اكيييد

ولا حد يزعل من كلامي هذا الصج

تحياتي

[doha70999]

طيب ايش صار بخصوص قروض العازبات؟؟؟ الموضوع متوقف حرام عليهم اعرف عازبات مقدمين وموضوعهم معلق وكل مايتصلون على الاسكان يقولون لهم للحين الموضوع مافيه اي جديد ومتوقف!!! شنو يسووون ووين يروحون!!!!!!! ترى في ناس ماعندهم مكان يروحون له ...وين يسكنون بالشارع؟

يبون بس القرض بس للاسف الموضوع موقف ..لين متى يعني!!!!!!!!!!

[سعد]

لحد يتوقع زيادة ف القرض
قالوا لكم ان زيادة لفلوس تفسد المواطن
ابنوا ع قدكم

[وهم السنين]

بعض الردود غريبه جداً . إحنا نمتلك الجواز العنابي مو الاسود ولا البنفسجي هذا اولا
ثانيا إحنا قطرين مش أجانب يعني عيب انه يجئ شخص ويقول أنتو ما تستحقون وما تستحقون ايس الكلام الفاضي هذا
وبالنسبة للي يقول إحنا من 1930 وليش تتساوون معانا للعلم يمكن نكون ماسكين مناصب أحسن منكم يعني جأت على الارض اللحين عشان تقولون ما تتساوون معانا .,,,,,
ثالثا القانون كان يعطي اراضي للكل بدون تفرقه بس تغير
والإمارات والبحرين وباقي الدول ما عندهم هذا التقسيم اللي ماله اساس ولو بنرجع للأصل فكلنا من شبه الجزيره العربيه .
إحنا اهل البلد واحنا القطريين وبالنسبة للردود اللي فيها استهزاء في القطري اقول لهم راجعو ردودكم وأقروها مره ثانيه وثالثه وهي تدل على شي واحد فقط
والحمد لله شيوخنا ما يقصرون والخطأ من قانون الإسكان نفسه
واحب اقول للاخت موشي اني في القانون ماااستحق القرض بس بالمحاولات والواسطه عطوني . والله يكثر من الاراضي لعيالج ولعيال المستقبل

[أم علي 2010]

اوك بوضحلج واتمنى محد يزعل مني لاني بقول رأيي وفي النهايه يضل رأي وانا مسؤل عنه ،،

يعني تبين تساويين الي كان بقطر قبل الخمسينيات والاربعينيات ، بالي ماخذ جواز الحين ؟

تحياتي لج

خبري لك موضوع يقول توزيع الاراضي والثروات والشرهات بالتساوي على أهل قطر ،،

[وحيد-الشوق]

القانون عادل ومافيه شي
ولزم تكون في تفرقه بين المجنس
ولقطري الاصيل
عيل تبون واحد عنده جواز وابوه يتكلم عربي مكسر
ياخذ مثل ولد البلد الي اجدادة ماتو في حروب وهم يدافعون
عن هذا البلد الحبيب بيكون ظلم اكيييد

ولا حد يزعل من كلامي هذا الصج

تحياتي

تفرقة بين 250 الف مواطن فقط يليت 3 مليون ولا اربعة

مثال في الامارات الكل يستحق وهذا عددهم مليون مواطن

ماتوفقت في ردك العنصري والقانون غير عادل :)

[qatarman8008]

القانون عادل ومافيه شي
ولزم تكون في تفرقه بين المجنس
ولقطري الاصيل
عيل تبون واحد عنده جواز وابوه يتكلم عربي مكسر
ياخذ مثل ولد البلد الي اجدادة ماتو في حروب وهم يدافعون
عن هذا البلد الحبيب بيكون ظلم اكيييد

ولا حد يزعل من كلامي هذا الصج

تحياتي

ياليت ان اللي صاير نفس اللي وصفت.. المشكلة ان اللي يتكلم عربي مكسر حصل ارض.. واللي اجداده ماتوا في الحروب طلع بدون ارض..
وبعدين انا مستغرب من مداخلاتك.. مرة تطلب العدل والمساواة في توزيع الثروات والشرهات بين كافة افراد المجتمع القطري .. ومرة تطلب التفريق..!!

[وهم السنين]

بعض الردود غريبه جداً . إحنا نمتلك الجواز العنابي مو الاسود ولا البنفسجي هذا اولا
ثانيا إحنا قطرين مش أجانب يعني عيب انه يجئ شخص ويقول أنتو ما تستحقون وما تستحقون ايش الكلام الفاضي هذا
وبالنسبة للي يقول إحنا من 1930 وليش تتساوون معانا للعلم يمكن نكون ماسكين مناصب أحسن منكم يعني جأت على الارض اللحين عشان تقولون ما تتساوون معانا .,,,,,
ثالثا القانون كان يعطي اراضي للكل بدون تفرقه بس تغير
والإمارات والبحرين والكويت وباقي الدول ما عندهم هذا التقسيم اللي ماله اساس ولو بنرجع للأصل فكلنا من شبه الجزيره العربيه .
إحنا اهل البلد واحنا القطريين وبالنسبة للردود اللي فيها استهزاء في القطري اقول لهم راجعو ردودكم وأقروها مره ثانيه وثالثه وهي تدل على شي واحد فقط
والحمد لله شيوخنا ما يقصرون والخطأ من قانون الإسكان نفسه
واحب اقول للاخت موضي اني في القانون ماااستحق القرض بس بالمحاولات والواسطه عطوني . والله يكثر من الاراضي لعيالج ولعيال المستقبل .
بالنسبة للأخ اللي قال ما يتساوى الشخص اللي يتكلم عربي مع الشخص اللي يتكلم عربي مكسر احب أقولك انه في ناس لهم 100 سنه في قطر وعطوهم الاراضي اللي يستحقونها مع انهم يتكلمون عربي مكسر وماله داعي الردود اللي تثير الفتنه بين الشعب
وبالنسبة للي يتفاخرون اقولهم أنتو من وين جايين من تحت ارض قطر ???

الرجاء من الادارة حذف ردي اللي قبل هذا لانه مكرر

[وهم السنين]

!!!!!!!!

[المستعصم بالله]

أحياناً أشعر بأننا لا نستحيي من أنفسنا فبينما الأمة تنحر من الوريد إلى الوريد تجدنا نتجادل من هو قطري أصلي ومن هو قطري made in china ، أليس الإسلام يجمعنا ؟؟ ، فكفاكم سخفا

أسأل الله أن يوحد هذه الأمة ويمّن عليها بخلافة على منهاج النبوة ، فبها يستقيم حال المسلمين ، وإلا فحال كل شعب بل وكل قبيلة : نحن شعب الله المختار !!.

[تهامي باشا]

من غير المنصف تقسيم الشعب إلى قطري (فل أوبشن) وقطري (ستاندرد)
من غير المنصف أن يحصل مواطن على قرض فقط، ويحصل مواطن آخر على عدة أراضي سكنية وتجارية وصناعية
أتمنى إعادة النظر في هذا القانون وتحقيق المساواة بين جميع أفراد الشعب في توزيع الأراضي والقروض والمنح

[OutLaw]

القانون عادل ومافيه شي
ولزم تكون في تفرقه بين المجنس
ولقطري الاصيل
عيل تبون واحد عنده جواز وابوه يتكلم عربي مكسر
ياخذ مثل ولد البلد الي اجدادة ماتو في حروب وهم يدافعون
عن هذا البلد الحبيب بيكون ظلم اكيييد

ولا حد يزعل من كلامي هذا الصج

تحياتي

السئوال هل من العدل التفرقة !!
تقول القانون عادل والسطر الثاني تقول لازم تكون في تفرقة .؟
أذا انت تفسر العدل كما جاء في كتاب الله بان تكون في تفرقة ياريت توضيح لو سمحت

[الكاسر99]

الله يرزق كل محتاج

واللي حصل بالواسطة وهم ما يستحقونها راح ربي يحاسب المسؤولين كيف


أعطوهم وحرموا اخرين


لأن الله لا يرضى بالظلم

وكم بتعيش 60 سنة وبعدها

قبر متر ونص في نص متر

والمستفيد الأول من عدم أعطاء كل قطري أرض وقرض هم تجار العقارات

رفعوا أسعار الأراضي

ضيقوا على خلق الله

جعلوا القطرين أكثرهم مديونين :

بسبب أن الدولة أعطت بعض القطرين قرض بدون أرض

وأستغلوا هذا لمصلحتهم

وتذكروا دائماً

قال الرسول صلى الله عليه وسلم : (( من فرج عن مسلم كربه من كرب الدنيا فرج

الله عنه كربة من كرب يوم القيامه والله في عون العبد ما كان العبد في عون أخيه ))

أو كما قال الرسول صلى الله عليه وسلم

[طيب]

من غير المنصف تقسيم الشعب إلى قطري (فل أوبشن) وقطري (ستاندرد)
من غير المنصف أن يحصل مواطن على قرض فقط، ويحصل مواطن آخر على عدة أراضي سكنية وتجارية وصناعية
أتمنى إعادة النظر في هذا القانون وتحقيق المساواة بين جميع أفراد الشعب في توزيع الأراضي والقروض والمنح
يا رجل احمد ربك أنه عندك جواز و تكرموا عليك واعطوك قرض (أنظر إلى من هو دونك فأنه أحرى أن لا تزدري نعمة الله عليك) .

[طيب]

بعض الردود غريبه جداً . إحنا نمتلك الجواز العنابي مو الاسود ولا البنفسجي هذا اولا
ثانيا إحنا قطرين مش أجانب يعني عيب انه يجئ شخص ويقول أنتو ما تستحقون وما تستحقون ايس الكلام الفاضي هذا
وبالنسبة للي يقول إحنا من 1930 وليش تتساوون معانا للعلم يمكن نكون ماسكين مناصب أحسن منكم يعني جأت على الارض اللحين عشان تقولون ما تتساوون معانا .,,,,,
ثالثا القانون كان يعطي اراضي للكل بدون تفرقه بس تغير
والإمارات والبحرين وباقي الدول ما عندهم هذا التقسيم اللي ماله اساس ولو بنرجع للأصل فكلنا من شبه الجزيره العربيه .
إحنا اهل البلد واحنا القطريين وبالنسبة للردود اللي فيها استهزاء في القطري اقول لهم راجعو ردودكم وأقروها مره ثانيه وثالثه وهي تدل على شي واحد فقط
والحمد لله شيوخنا ما يقصرون والخطأ من قانون الإسكان نفسه
واحب اقول للاخت موشي اني في القانون ماااستحق القرض بس بالمحاولات والواسطه عطوني . والله يكثر من الاراضي لعيالج ولعيال المستقبل
ماسك منصب احسن منا عليك بالعافية .... وش تبغي بعد وش هالطمع.


ولو بنرجع للأصل فكلنا من شبه الجزيره العربيه .
ومن ضحك عليك وقالك ان كل هالقطر من الجزيرة العربية ... ضحكتني.
أنت فاهم المواطنة غلط يالحبيب.

[مبرمج QA]

بالواسطة واذا عندك معارف تقدر تحصل ارض

انا اعرض شخص هو واخوانه مايستحقون اراضي بس بالواسطة طلعت لهم اراضي
أؤكد على هالمعلومه

[مبرمج QA]

خلكم من سوالف القانون والقانون ..

والكل عارف .. اللي عنده واسطه بيأخذ أرض حتى لو سنه ماخذ الجنسية القطرية ..

أنا اعرف ناس خذو الجنسيات في السبعينيات والثمانينات وخذو اراضي بأحسن اماكن هم واخوانهم .. واعرف ناس ع حسب القانون انهم يستحون قرض بدون ارض..خذو اراضي ولا هم اختارهوا بعد ..

هي أرزاق .. اللي له نصيب والله كاتبله بياخذ الأرض في لمحة بصر..

والحمدلله على كل حال .. والحمدلله على النعمه.. والله يديمها علينا وعلى اهل قطر وعلى كل انسان ساكن فيها

[طيب]

بالواسطة واذا عندك معارف تقدر تحصل ارض

انا اعرض شخص هو واخوانه مايستحقون اراضي بس بالواسطة طلعت لهم اراضي
عليهم بالعافية ...
الرازق في السما والحاسد في الأرض.

[مبرمج QA]

اخووي حمد

ممكن تقولي وتوضح لي شغله ،،

انا جدي قطرري من الستينات، وابوي قطري،،وانا وعيالي قطررين

جدي من السواعد السمر الي اشتغلو فالبترول ومن اوائل الناس الي خدمو الوطن فالشرطه رحمه الله عليه،،كذالك ابوي وعمومي،،

من عائله كلها ضباط ومهندسين كبار درسو وتعبو وخدمو الوطن علئ اكمل وجه وماقصر الوطن معاهم،، وكنا قبل قطريين اصل وحصلو عمومي وجدي علي كل حقوقهم واراضي،،

تقدر تقولي انا ليش ما احصل،، ليش صرت بين يوم وليه نص قطرري،،

عيالي قطريين ابآ عن جد عن جد،، ليش نص قطريين،،

في امريكا ،،اوباما جا من افريقيا وعاش وحصل علي جنسيه واصبح رئيس،،

في فرنسا مسؤؤلين كبار توانسه ومغاربه ومنهم وزير حصلت عالجنسيه الفرنسيه قريب،،

امريكا واوروبا مجرد ولادتك هناك،،تصبح ابن البلد اصل وفصل،،


سؤالي لك،، القطري من ١٩٣٠
يعني من ٨٠سنه صح،،

هل عيالي مثلا بعد ٨٠سنه بيعتبرونهم قطريين اصل اوخلاص راحت عليهم،،

وبالنسبه للقانون،،او مانقول عنه قانون لاني اعتقد انه مافي شي رسمي،،

مطبق بحذافيره،،

لاني اعرف ناس كثير حصلو عالجنسيات من فتره قريبه،،وحصلوعلي اراضي بحكم ان القبيله المنتمي لها قطريه ،، واعرف ناس حصلو علي اراضي عن طريق هبه من الدوله،،

الي بقوله،، كلنا مسلمين،،وعرب ،،وقطريين ،وعيال البلد ،،محد يقدر يزايدنا فوطنيتنا،،وانتمائنا لقطر،،

وياقطري،،ترا قبل مافي حدود وجوازات،،كلن له اصل ،قبل يجمعنا الماء والكلاء،، شوف اصول الجزيره العربيه،،من طرفها لطرفها،،ناس من ايران وناس من اليمن وناس من البحرين وناس منوالسعوديه ،،وناس من الشام ،،وصارو شعوب وقبايل،،

وارض الله واسعه،،والحمدلله اولا واخيرا علي كل حال،،

واعتقد القانون يمنح ارض لمن حصل علي الجنسيه من ١٥سنه،،

طيب الي من ٣٠'و ٤٠سنه،،،

فالنهايه اتوقع هالقانون بينلغي ان شاء الله وينصف كل قطري ًً،،

وبومشعل الله يطول بعمره ويخليه لنا مب مقصر مع حد ،،

وبالنسبه للفئه الي قد تكون (حسوده) او (خايفه على مستقبل عيالهم ان الاراضي تخلص عليهم،،(او فئه تجار العقار الي مستفيدين في بناء بيوت ال ٥٠٠وبيعها علي فئه القرض بدون ارض ،، اقولهم ارض الله واسعه وحب لاخيك ماتحب لنفسك،،والله لايوليكم علينا

كلامك سليم وعين العقل .. ولحد يفتر علي الحمدلله أنا من المستحقين للارض والقرض وقريب ان شاء الله ابتدي بالبنيان

[المستعصم بالله]

أحياناً أشعر بأننا لا نستحيي من أنفسنا فبينما الأمة تنحر من الوريد إلى الوريد تجدنا نتجادل من هو قطري أصلي ومن هو قطري made in china ، أليس الإسلام يجمعنا ؟؟ ، فكفاكم سخفا

أسأل الله أن يوحد هذه الأمة ويمّن عليها بخلافة على منهاج النبوة ، فبها يستقيم حال المسلمين ، وإلا فحال كل شعب بل وكل قبيلة : نحن شعب الله المختار !!.

[وهم السنين]

في اسماء على غير مسمى رجاء لاحد يغلط ويقول فاهمه المواطنه غلط . ناس مو فاهمه الدين والعلم وجايه تتفلسف علي . الرجاء من الاخ اللي ماحترم القطريين والشعب القطري ويقول مؤ فاهمه المواطنه يحسن اسلوبه او ينحذف من المنتدى لانه ما يمثل الشعب القطري. والشعب القطري ماهم باسلوبك

[وهم السنين]

الكويت والإمارات والبحرين يعطون. انا اقول واحد منكم في هالمنتدي يسجل اسماء كل اللي يبون ارض ونكتب رساله لاميرنا الشيخ تميم بن حمد ال ثاني وأكيد أميرنا ماراح يقصر. من يتكلف بهالمهمه..?
واللي مؤ عاجبه لاحد يتدخل لانه الارض مب أرضكم ولا ارض ابوكم. ياللي طالعين من تحت ارض قطر ههههههههههههههههههههههههههههه ولا فاهمه المواطنه غلط .

[غير البشر]

اتمنى محد يزعل
بس وجهه نظري اتمنى الكل يحصل على ارض وقرض
ناس عندها زوجه واعيال يبي مكان يلمهم
المليون و200 الف ماتسوي شي

واحنا مب خسرانين شي لو دعينا لهم يحصلون على الارض
الاراضي موجوده الحمدلله
وفي ناس تاخذ بـــ 5000 و10000 متر محد قال لها شي

والي محتاجين ارض حتى لو 600 متر ماعطوهم

اتمنى من كل قلبي الكل ياخذ ارض وقرض


وسلامتكم

[الصارم]

الله يسامحك ويغفرلك يا يبه .. لو انك جيت قطر سباحه كان جانا الخير

لكن لو تفتح عمل الشيطان

الله يحفظ قطر وأهلها ويطهر قلوب بعض الناس اللي كلها سواد

[غير البشر]

الله يسامحك ويغفرلك يا يبه .. لو انك جيت قطر سباحه كان جانا الخير

لكن لو تفتح عمل الشيطان

الله يحفظ قطر وأهلها ويطهر قلوب بعض الناس اللي كلها سواد



الله يرحمه ان شاء الله

اللهم امين

[طيب]

:secret:ضياع السنين الله يسامحكي و يهديكي ويصلحكي
أنا آسف ما احب اتناقش مع ناقصات عقل ودين.

[طيب]

الله يسامحك ويغفرلك يا يبه .. لو انك جيت قطر سباحه كان جانا الخير

لكن لو تفتح عمل الشيطان

الله يحفظ قطر وأهلها ويطهر قلوب بعض الناس اللي كلها سواد

سباحة؟؟!!
ذكرتني بكلام وتعليقات شيابنا على حرب قطر والبحرين يقولون : القطريين خلوهم يرجعون سباحة للبحرين .

[وهم السنين]

في ناس عندهم عقده من الجنس الناعم . على العموم نكمل نشوف باقي الردود

[OutLaw]

الحمد لله ابناء قطر عايشين افضل من غيرهم والحكومة الرشيدة دايما سباقة في الخير لابناء هذا الوطن والاكيد اي تغير في القانون راح يكون في مصلحة الشعب .

[لاجل QT]

الحمد لله ابناء قطر عايشين افضل من غيرهم والحكومة الرشيدة دايما سباقة في الخير لابناء هذا الوطن والاكيد اي تغير في القانون راح يكون في مصلحة الشعب .

والله ياليت يزيدون القرض ليصبح 3 مليون ابي اشتري فيلا جاهزة:(

وين احنا الحريم نقعد نراكض ورا البناء:(

والله بينهبونا لاجهلنا بعملية البناء:(

ماعرف:weeping:

[doha70999]

طيب وفئة العازبات متى بيفتحون لهم؟؟؟؟؟؟وهل في حالات استثنائية؟ الصراحة حرام في حريم صار لهم سنين ينتظرون وماعندعم ولي امر!!!

شيسسون!!!!!!!وين يروحون!!!!!!!:weeping:

[بصمة قطرية]

الحين خليتوا كل شي و قمتوا تتهاوشون على قطري أصل و قطري تقليد ..!!!
الحين اللي بيقرا الموضوع اش راح يقول عنكم ..
الله يرحمنا برحمته
الحمدلله الأرزاق بيد رب العالمين
و لا كان قطعتوا رقاب ( غير المستحقين ) على قولتكم ..
ياااارب
لا تجعل حاجتنا في يد مخلوق ،،

[latof]

أتمنا من الأمير الله يطول في عمره ويساوي بين جميع القطريين والكل يأخذ الأرض والقرض والله في ناس لا أبوهم من مواليد قطر وحصلوا على الأرض والقرض وناس محرومين وساكنين في ملاحق أتمنا من الأمير أن ينظر في هذا القانون الذي ظلم كثير من الناس والدستور فيه بند القطريين متساويين في الحقوق والواجبات وخاصه السكن الكل متساوي في قطر الحبيبه

[فنان قطر]

حسبي الله ونعم الوكيل

[سلطان زمانه]

مافي اي اخبار جديده

[al-obaidly]

ابشرو بالخير راح يتم بناء عدد 15 الف فله وسوف يتم توزيعها لكل المواطنين ومافي قطري اصلي اوتجاري يعني الكل راح يستحق والقانون يشمل العنس والارامل والمطلقات وسوف يجهزالمشروع خلال سنه -- الخبر منقول من جريده الاحلام

[Abdulraman]

تفائلوا خير ان شاءالله

[همر]

بخصوص المحميات اللي يقول مافي اراضي بسبتها

الحين الجرابيع اهم من البني ادم ؟!!

[BoFahed]

أحياناً أشعر بأننا لا نستحيي من أنفسنا فبينما الأمة تنحر من الوريد إلى الوريد تجدنا نتجادل من هو قطري أصلي ومن هو قطري made in china ، أليس الإسلام يجمعنا ؟؟ ، فكفاكم سخفا

أسأل الله أن يوحد هذه الأمة ويمّن عليها بخلافة على منهاج النبوة ، فبها يستقيم حال المسلمين ، وإلا فحال كل شعب بل وكل قبيلة : نحن شعب الله المختار !!.


صادق اخوي والواحد يقول الحمد لله واللي يقارنون بالامارات روحوا وشوفوا امارة غير ابوظبي ودبي (الامارات الشمالية ) ولا شوفوا جيرانا في الدول الثانية شلون عايشين بعضهم في شقق وبعضهم في سكك ودواعيس ونسبة كبيرة امل حياتهم وظيفه لعيالهم ان شالله لو في اخر الدنيا ويتغرب عياله وبناته وهم في نفس البلد ومناهم بيت محترم يلمهم لو 200 م ومب محصلين حتى سلف لانه رواتبهم نازله واحنا بيت 500م مب عاجب وايد منا

احنا في عيشة الكل حاسدنا عليها من الرفاهية والبحبوحة شعب ما فيه بيت يخلا من سيارات بمئات الالاف ورواتب اضعاف اضعاف الاخرين من سكوريتي لين الطبيب الله يدوم النعمه ويبارك لشيوخنا اللي ما قصروا مع الكل حضري ولا بدوي اصلي ولا متجنس


القانون صدر بقرار رسمي من سمو الامير لابد ان الكل يحترمه وانا الحمد لله خذيت القرض فقط وشريت ارض وبنيت عليها بيتي والحمد لله اللي يسرها ووفقني

ما عندك حق فله اشتري ارض وابني عليهابالقرض لو طابوقة طايوقة واصلا كانت الاراضي من سنتين في المتناول (ما تتعدي النص مليون في المناطق الخارجية القريبة من الدوحة ) ليش العالم اجلت لين ما طارت الاسعار والواحد لازم يسعى ويخطط لبيته ولعياله ويضحي علشانهم ويقلل من الرفاهيات مب ينتقد ويتذمر بدون ما يتحرك ؟؟؟؟؟ ويشوف لاخوه القطري اللي حصل ارض وقرض بعين الحقد(ما يستاهل -توه معطينه الجواز- خذاها بالواسطة -احنا وعيالنا انظلمنا الخ الخ !!!!!!!!! )

الاي حصل الله يزيده ويبارك له ونفرح له لانه مسلم والدنيا مب فلوس وبيوت وبس ولا يبقى الا وجه سبحانه

اذا انته مب عاجبك وابوك وجدك قطريين اكيد تعرف توصل للديوان وتقابل سمو الامير واشرحله مشكلتك واطلب حقك وهو ولي امرنا و مجلسه مفتوح دايما يتواصل مع الناس اسبوعيا اكثر من مرة عسى الله يحفظه ويبارك له بس مب تنتقد وتحلطم في قرار رسمي !!!!!!!!!



ارجو من الاخوان لا يزعلون مني انا حاسس والله فيهم بس الواحد من كثر ما تغرب وعاش برا وعاشر الشعوب يقول الحمد لله مليون مرة انه قطري

[غير عنهم]

اقل عدد سكان بلد فالعالم واكثر دوله فالعالم تتكلم عن انا اصلي وهذا تقليد كلكم الى 250الف وبلد خير والخير ان شاء الله راح يشمل الجميع في ظل توجيهات القياده الحكيمه اتمنى من يشكك فالولاء او يجرح احد في انتمائه الى وطنه ان يعاقب عقاب شديد

[hanayen]

البلد فيها خير الحمدلله الحكومة انشالله ما تقصر
أنا من رأيي انه كل رب أسره يعطونه بيت جاهز بدون قروض
هذا رايي الخاص
ليش الديون والقروض احنا مب مثل الدول المجاورة خير البلد وايد الحمدلله بس لازم يكون في مقابل يعني ما يصير واحد شارد من المدرس هنا يبي يخلص ولا يفيد وطنه ويتوظف بوظيفه اي كلام ويقول ابي ارض والقرض ما يكفي
الدوله ما تقصر بس لازم نعطيها ونرفع مستوى العلم عند أبنائنا علشان يكون حافز لهم

[رحال]

تمنح الارض لمن هم متوطنون بقطر قبل عام 1930م .

يعني أجدادنا عاشوا الظروف القاسية عاشو المحن وزمن القحط
فلا يجوز أن يتساوون بمن حصل الجنسية في السبعينات والثمانينات ... الخ

[أكاديمية]

يا أخواني أنا سائلة في الإسكان وقالوا لي انه تمت الموافقة على منحي قرض بدون ارض بس المشكلة انهم موقفين الإجراءات بسبب تعديلات على القانون وهذا الكلام كان في نوفمبر وانا انتظر يا ريت حد يبشرنا اذا الأمور ماشية لا نه حرام يكون في موافقه ومتوقفة ...هذا موب منطقي

[محمد سعيد]

ان شاء الله القانون يتعدل وينشال من الربا

ويعطون ارض للبناء

[غير البشر]

وين وصلتو بالموضوع حصلتو حل او للحين :omg:


الله يكتب الخير للجميع :victory:

[bos3eed]

اللي يحصل ارض من الدوله عليه بالعافيه, واللي حاول وماحصل يشوف طريقه ثانيه يوفر فيها ارض مثلا:
1-يعلن حالة تقشف لمدة 5 سنين بدون سفرات ولا تغيير سيارات و اثاث بيت وفساتين اعراس للحريم.
2- يشتغل ايام الاجازات وياخذ اوفر تايم.
3- يشغل مخه بالتجاره على خفيف, يدخل شراكه في مشاريع صغيره او يتاجر بالسيارات المستعمله.
حتى اذا صار عنده مبلغ يقدر يشتري ارض ويبني بقرض الاسكان.

الله كريم يا جماعة الخير وما يتصكر باب الا وتتوفر ابواب وايد سهلة الفتح, بس اسعوا, اصلحوا احوالكم مع الله واكثروا من الاستغفار, علقوا امالكم بالله مالك الملك ولاتعلقوها ببشر

[أكاديمية]

اللي يحصل ارض من الدوله عليه بالعافيه, واللي حاول وماحصل يشوف طريقه ثانيه يوفر فيها ارض مثلا:
1-يعلن حالة تقشف لمدة 5 سنين بدون سفرات ولا تغيير سيارات و اثاث بيت وفساتين اعراس للحريم.
2- يشتغل ايام الاجازات وياخذ اوفر تايم.
3- يشغل مخه بالتجاره على خفيف, يدخل شراكه في مشاريع صغيره او يتاجر بالسيارات المستعمله.
حتى اذا صار عنده مبلغ يقدر يشتري ارض ويبني بقرض الاسكان.

الله كريم يا جماعة الخير وما يتصكر باب الا وتتوفر ابواب وايد سهلة الفتح, بس اسعوا, اصلحوا احوالكم مع الله واكثروا من الاستغفار, علقوا امالكم بالله مالك الملك ولاتعلقوها ببشر

اللي اطالب فيه الان الحسم في موضوع تعديل قانون الاسكان بالنسبة للنساء ....... كل شي موقفينه مع اننا احوج ما نكون للتسريع في تخليص معاملاتنا لا تأخيرها ..... حد عنده فكرة متى بتشوف التعديلات النور

[بن علاق]

السلام عليكم ورحمة الله وبركاته ( انا اشوف مثل مامنحوا بعض اخوانا القطريين مساحات للارض تزيد عن الالف متر مربع والله يباركلهم فيها مع القرض يتم التسويه ولو بجزء بسيط يعني يتم تخصيص ارض للي ماعندهم ارض ولو بمساحه 700 متر مربع مع القرض ، واذا شافوها صعبه اتكون قطعة الارض مقابل مبلغ رمزي مب اشتري ارض بمساحه صغيره بمليونين مثل الوضع الحالي ، ارجو من اميرنا الغالي ان ينظر في موضوع الناس ويكون في حل لهالموضوع ، بصراحه كبرنا وعيالنا يكبرون معانا ولين الحين ماعندنا بيت نملكه والسؤال الي دايما اسمعه من عيالي وانقهر لما اسمعه ( ابوي متى يكون عندنا بيت مثل فلان ) واقولهم ان شاء الله ، يارب اكتب لنا الخير ولله الحمد احنا في خير ونعمه

[غير البشر]

السلام عليكم ورحمة الله وبركاته ( انا اشوف مثل مامنحوا بعض اخوانا القطريين مساحات للارض تزيد عن الالف متر مربع والله يباركلهم فيها مع القرض يتم التسويه ولو بجزء بسيط يعني يتم تخصيص ارض للي ماعندهم ارض ولو بمساحه 700 متر مربع مع القرض ، واذا شافوها صعبه اتكون قطعة الارض مقابل مبلغ رمزي مب اشتري ارض بمساحه صغيره بمليونين مثل الوضع الحالي ، ارجو من اميرنا الغالي ان ينظر في موضوع الناس ويكون في حل لهالموضوع ، بصراحه كبرنا وعيالنا يكبرون معانا ولين الحين ماعندنا بيت نملكه والسؤال الي دايما اسمعه من عيالي وانقهر لما اسمعه ( ابوي متى يكون عندنا بيت مثل فلان ) واقولهم ان شاء الله ، يارب اكتب لنا الخير ولله الحمد احنا في خير ونعمه




الله يكتب لكم الخير ان شاء الله
ويعطونكم ارض مع قرض
وتاخذون البيت لي يلمكم

[بن علاق]

الله يكتب لكم الخير ان شاء الله
ويعطونكم ارض مع قرض
وتاخذون البيت لي يلمكم

الله يسمع منك ياغير البشر ( واشكرك على دعائك ) والله يكثر من امثالك هذا يدل على معدنك الطيب وتربيتك الطيبه اتمنى يا اخوانا القطريين تدعون لاخوانكم وتطلبون لهم الخير والله يديمنا لبعض يارب ويحفظ لنا بلادنا الطيبه الطاهره

[alfahad1]

ادعوا الله ومصير الخطأ ينكشف ويتصحح

[الكنترول]

ويعطون المرأة المسكينة ارملة أن كانت أو مطلقة أرض وقرض
ويقولون لها روحي طاردي وراء المقاولين
يبنون بيتك طيب يبنون لها البيت حسب مخططها ومكفى المليون يقولون لها
زيدي ويسلمونها مفتاح في غضون 8 شهور مب اطارد وراء المقاول
بعضهم ما يخاف الله في الحريم ينصب ويأخر بيتها

[الكنترول]

ابشرو بالخير راح يتم بناء عدد 15 الف فله وسوف يتم توزيعها لكل المواطنين ومافي قطري اصلي اوتجاري يعني الكل راح يستحق والقانون يشمل العنس والارامل والمطلقات وسوف يجهزالمشروع خلال سنه -- الخبر منقول من جريده الاحلام


هههههههههههههههههههههههههههه حلوة

[wesam82]

اللي يحصل ارض من الدوله عليه بالعافيه, واللي حاول وماحصل يشوف طريقه ثانيه يوفر فيها ارض مثلا:
1-يعلن حالة تقشف لمدة 5 سنين بدون سفرات ولا تغيير سيارات و اثاث بيت وفساتين اعراس للحريم.
2- يشتغل ايام الاجازات وياخذ اوفر تايم.
3- يشغل مخه بالتجاره على خفيف, يدخل شراكه في مشاريع صغيره او يتاجر بالسيارات المستعمله.
حتى اذا صار عنده مبلغ يقدر يشتري ارض ويبني بقرض الاسكان.

الله كريم يا جماعة الخير وما يتصكر باب الا وتتوفر ابواب وايد سهلة الفتح, بس اسعوا, اصلحوا احوالكم مع الله واكثروا من الاستغفار, علقوا امالكم بالله مالك الملك ولاتعلقوها ببشر

جزاك الله خير على كلامك الطيب

هذا الفيديو يشرح الصدر ويبين أن فيه خير من وراء ها المشكلة ويبعث التفاؤل

http://www.youtube.com/watch?v=_zY2AunbYgQ

الأمام علي كرم الله وجهه قال: الدنيا دار شقاء وعناء

وقال
أيها الفاخرُ جهلا بالنسب .. إنما الناس لأمٍ ولأب
هل تراهم خُلقوا من فضة .. أم حديد أم نحاس أم ذهب
بل تراهم خُلقوا من طينة .. هل سوى لحمٍ وعظمٍ وعصب
إنما الفخر لعقلٍ ثابت .. وحياءٍ وعفافٍ وأدب

[QTR TV]

السلام عليكم
حد يعرف معنى قطري بتأسيس
معنى كلمة قطري بتأسيس يعني قطري قبل الدولة وقبل الحكم يعني هم الي حكموا الحاكم عليهم من الي شافوه منه من طيبه وعدل وهذول أهل قطر فلاحد يزايد عليهم هم الاولا بخيرات البلد والي يقول خايفين على الاراضي ماتخلص لعيالهم نعم خايفين تخلص والقانون عادل ومنصف يوم جدانا عاشوا في القحط جدانهم مقيلين على طرف نهر هذا هو الواقع والي يقول توه مجنس وخذ ارض بواسطه أقوله غلطان هذا اثبت انه له جذور في قطر ومن ثم انتقل منها مثله هو لأرجع البلاد الأصلي الي جاء منها جده طبعن بيرحبون فيه وبيردون له جوازه الأصلي أما القطري الأصلي وين بيروح الله يعينه مستهدف من جميع الدول والي نسى حرب الخليج 1990 باذكره المهم مالكم في الطويلة عازه داحرتونا في مناصبنا ورواتبنا اقل القليل نسلم على اراضينا
الي يشوف نفسه شجاع من الي يطلبون المساوها ويحس انه مظلوم. اتحداه يطالب براتب من الديوان مثل الي يمشيلهم من الديوان وهم الاسره الحاكمة إحنا يااهل قطر الأصليين راضين بهشي ونشوفه حق لهم مثل مالنا حقوق بعد في بعض الأشياء الي يحددها لنا الأمير الله يطول في عمره
هذا الواقع والكل لازم يتأقلم به والوعد لاثورت عجها بنشوف من بيتمسك بلوطن ومن بيخليه وبيستبدله بوطن ثاني والي على راسه بطحا يتحسسها

[سهم ماينزل]

يا الربع ما فيه داعي لبعض المشاركات وما فيه داعي التشكيك بالولاء والانتماء كل شخص عنده الجنسية مطالب بالولاء للأرض وللحاكم بل مطالب بتلقين أبنائه ذلك مهما كانت أصول أجداده ولا ازدواجية في الولاء ومن يظهر او يكشف غير ذلك فلا يستحق ان يكون مواطن

اما مسائلة الارض الذي يملك القرار فقط ولاة الامر مثل الوالد اللي ممكن جدا يمنح واحد من عياله وما يمنح الآخر ويتم الولد يطلب من ابوه وفي الاخير عطاه ولا ما عطاه يتم ابوه ويتم يبره

والله يجمعنا على التوحيد والسنة وحب البلد والولاء لولاة أمرها