أحد شاف اللي شفته في السماء ؟

[دانوو]

السلام عليكم ورحمة الله

قبل شوي تقريبا الساعه 3:45 صار شي غريب في السماء :omg:

تغير لون السماء من بشكل مفاجئ ازرق بعدين رجع اسود 4 مرات ورا بعض !!

اللون كان تقريبا هو نفسه اللي يطلع بعد شروق الشمس بـ 10 دقايق

ياريت حد يفسر لنا اللي صار

[رجل الجزيرة]

توني طالع من المسجد ولا شفت شيء.

[مافيا قطر]

يمكن كنت تشوف فلم اجنبي وتخيل لك او كنت تقيس قوه النظر عندك وصار اختلال في النظر

[القبطان سلفر]

فعلا شفته . السماء نورت بشكل غريب !!!

قبله شفت شهب نازل في مكان ثاني غير المكان اللي طلع منه النور .

[M O H A D]

واحد من الربع شاف هذا الشيء !!

[اجرام]

انا الي شفته بالسماء الدنيا قمره

[<اضرب واشرد>]

اللون الازرق يستمر كم ثانية ؟ ولا يختفي بسرعة مثل البرق..

[FIRE FLY]

واحد من الربع نفس الشي شافه .. وهو في السيلية ..

وسألني اذا شفته ولا لا !

[<اضرب واشرد>]

http://qatar-falak.net/

[القبطان سلفر]

اللون الازرق يستمر كم ثانية ؟ ولا يختفي بسرعة مثل البرق..

النور متقطع بشكل سريع كأنه برق لكن بدون صوت . اعتقد انه شهب نازل من السماء بس قد يكون اقترب من الارض بشكل كبير ..... احتمال !

[FIRE FLY]

سألت خويي اللي بالسيلية عن اللي شافه ..

قال لي انه فلاش مثل البرق بس في نقطة وحدة .. وانه شكله من القاعدة الامريكية
ولما سألته شلون يعني في نقطة وحدة ؟؟

قال لي .. انه السماء ضوت .. وبعدهف وصار يتجمع في نقطة وحدة مب مثل البرق لما يخف تبين خطوط في السما ما ضوا وبعدين خف صار يتجمع بنقطة مش زي البرق لما يخف ببين خطوط في السما

مدري .. يمكن هو نفس اللي يستخدمونها في الجيش عشان يكشفون المكان مثلا ؟؟
المهم قعدت اسئله .. قال لي انه ما اخذ ثانية وراح
وكان عالي كثير ... فرجح انها طيارة .. بس قال انه ما شاف طيارات ولا سمع صوت طيارة ولا صوت للضو


:/

[Dana’1]

بصراحة حسيت إن الدنيا منورررررة وقت ما أذن كنت برا حتى أقول لزوجي يالله ما أحلى القمرا والنور.. بس بعدها قربنا من البيت والليتات بالشواع وخف
يعني توقعت من القمر خصوصا إنه بنص الشهرر خيااال

[abed-wolf]

الي شفتوه وشفته تقريبا شهاب

والشهاب هذا جا على الخليج بالكامل تقريبا

[mr ali]

اي شفت شي غريب , ولعت السما فجأه كان فلاش او برق . كنت بوقت الشاي .. حتى لون السما اليوم غريب
سبحان الله
احس في شي محيرتي

[لاجل QT]

ماشفتة مع ان كنت قاعدة في شرق القعدة الخارجية
السماء كانت صافية وهوا بس

[أبو سعود]

نعم شفته في الوكرة
شفت تحول الظلام في االمكان كله بالشارع ألى نور واضح وبنفس الوقت سمعت صوت أفتكرت هذة ألعاب ناريه أو برق ورفعت رأسي للسماء شاهدت بقعه ضوء كبيرة في السماء وأختفى
لم تتجاوز هذة المدة الأ ثواني قليله
وكان اتجاة هذا الشي يتجه ناحيه الغرب
قلت بنفسي اول يمكن برق بس ماشفت غيوم
عقب قلت يمكن لاقدر الله طيارة أنفجرت في الجو فتعوذت من الله
قلت يمكن الحرب قامت لأ ن هذا الشي متجه ناحيه القاعدة الامريكيه فدعوت الله أن يحفظ بلادنا من شر الحروب والفتن
المهم نتمنى أ ن يكون هذا الشي شي خير أن شاء الله
ونتمنى من الجهات المختصه أن توضح للناس ماحصل لهذة الظاهرة

[بن كهلان]

السلام علبكم ورحمة الله وبركاته. .....

كلام الأخ صحيح اليوم الغجر في طريقي للمسجد شفت ضوء يشبه إلى حد ما انفجار الالعاب الناريه ولكن بدون اي صوت بس كان وميض او ضوء الانفجار ابيض وازرق
نسال الله العفو والعافيه

[منابر خالده]

بصراحة حسيت إن الدنيا منورررررة وقت ما أذن كنت برا حتى أقول لزوجي يالله ما أحلى القمرا والنور.. بس بعدها قربنا من البيت والليتات بالشواع وخف
يعني توقعت من القمر خصوصا إنه بنص الشهرر خيااال

نفس الملاحظه

[VX.R]

شاهده كذلك بعض سكان المملكة ...

وهذا رابط موقع مشكات


http://www.mekshat.com/vb/showthread.php?p=9443746&posted=1#post9443746

[بصمة قطرية]

يعني شهاب ..؟

[عقار]

شفته وكان مثل التماس كهربائي بلون ازرق فاتح وبدون صوت ومض تقريبا 3 مرات بسرعة كبيرة جدا وكان اتجاهه غربا بميلان قليلا للجنوب يعني اذا انت جاي على خط الشمال من الخريطيات تتوقع انه من السيلية وحواليها وكان توقيته بداية الشروق

[قطر70]

شفته بعد اذان الفجر وانا صوب معيذر

[دانة الطواش]

ولدي قال ان اليوم الفجر شاف نور غريب لونه ابيض وقريب جداً من الارض بس بدون صوت في منطقة اللقطة

[Abu Maher]

السلام عليكم

كنت أنا واخوي ورفيجنا رايحين نصلي الفجر وا ضاء السماء أربع مرات بلون شرار كهربائي من نقطة واحده فقط والمنطقه في المنصوره

والله يحفظ المسلمين

[مسعود]

السلام عليكم نعم شفته كان قبل الاقامه للفجر بشويه شكله شهاب قريب جدا اختفى بسرعه نورت فيها السماء والارض مثل البرق بدون صوت

[امـ حمد]

إي صحيح ولدي شافه وقال نفس كلامك

[Locale]

سبحان الله

[Anas_G]

الي عجبني في الموضوع ان اغلب الاعضاء يصلون صلاة الفجر في المسجد

الله بتقبل ان شاء الله وفي ميزان حسناتكم يارب

[Ashom Qatar]

سبحان الله
هذه معجزات الرحمن

[حسن]

الحين من شوي اشوف اتجاه الغرب ثلاثه نجوم تحت وحده كبيره وثنتين صغار
ونازلين قريب الارض اول مره اشوفهم مجتعين
والسماء للشرق سودا وللغرب شمال فيها بياض او لون البنفسجي
يبيلنا فلكي يفسر لنا وشو ذي اللي سار

[شميرام]

http://www.egynews.net/wps/portal/news?params=232875
يمكن ذي له علاقه

[دستور]

سألت واحد من العمال عندنا في العزبة ( بيضا القاع ) جنوب الأقمار الصناعية
قال إنه شاف شي كأنه نجم هاوي ونوره ساطع جنوب غرب بيضا القاع في نفس التوقيت طبعاً
إذا فيه حد من الأعضاء من هل العامرية بيفدنا أكثر

[دستور]

سألت واحد من العمال عندنا في العزبة ( بيضا القاع ) جنوب الأقمار الصناعية
قال إنه شاف شي كأنه نجم هاوي ونوره ساطع جنوب غرب بيضا القاع في نفس التوقيت طبعاً
إذا فيه حد من الأعضاء من هل العامرية بيفدنا أكثر

[احساس غريب]

كنت ف العديد مع الربع وسبحان الله شفته من بدايته لين اختفى وعمري كله ما شفت مثل هال شهاب نور الدنيا كلها وكان قريب جداً

[Mr. H]

الحين من شوي اشوف اتجاه الغرب ثلاثه نجوم تحت وحده كبيره وثنتين صغار
ونازلين قريب الارض اول مره اشوفهم مجتعين
والسماء للشرق سودا وللغرب شمال فيها بياض او لون البنفسجي
يبيلنا فلكي يفسر لنا وشو ذي اللي سار

أنا في امريكا , وشفت نفس الشيء الان
3 نجمات , سالت واحد قال هذولا المشتري وعطار و الزهرة

[ANONYMOUS]

الحين من شوي اشوف اتجاه الغرب ثلاثه نجوم تحت وحده كبيره وثنتين صغار
ونازلين قريب الارض اول مره اشوفهم مجتعين
والسماء للشرق سودا وللغرب شمال فيها بياض او لون البنفسجي
يبيلنا فلكي يفسر لنا وشو ذي اللي سار


هذيلا شفتهم.. بس ماركزت على بالي طيارات.. بس استغربت ليش شايرين ..

وبس كنت لاهي بشي ثاني فما فكرت فيهم وايد

[تغلبية]

سبحان الله ..

فاتني :(

[يوسف0]

ايقولون تجربه صاروخ في روسيه وكان ارتفاعه 300 كيلو تقريبا وكثييييير من الدول جافوها

والي ضحكني في اسرائيل ان جات مئات الاتصالات لمركز شرطتهم

وهذا موقع ياهوو

http://news.yahoo.com/blogs/sideshow/ufo-over-middle-east-reportedly-russian-missile-test-165058627.html

[السحابة]

شفت القمر بعد اذان المغرب بنصف ساعه شكله غريب مضوي مثل الشمس فوق المسجد اللي في سوق فالح كنت ماشيه كورنيش العاده اشوفه فوق البحر اليوم مكانه غير وشكله غير سبحانه الله

[الرويـس]

أغلب اللي شافوا الظاهره ( اعضاء جدد ) بالمنتدى

[moonبنتnight]

أنا أمس شفت السما على الساعة 8 مساء متغيرة كأنه الفجر بس شكل سحاب واضح 00

[الدينار الذهبي]

في ذيك الليلة وهو يوم الجمعة بعد صلاة العشاء وحن خارجين من صلاة العشاء اقول لواحد من الشباب شف جهة الشمال كأن الشمس بتخرج من جهة الشمال من كثر الضوء في تلك الجهة علماً بأن حن في الوكره
حتى قلت له مازحاً لا يكون يوم القيامة ضحك وقال يوم القيامه الشمس تشرق من الغرب مهوب من الشمال

[الرويـس]

يعني الظاهرة كانت من مساء الجمعة لين فجر اليوم والا كيف ؟؟؟
انا اليوم الفجر ما شفت شي !!
او يمكن ما انتبهت

[قطري !]

لااله الا الله العظيم الحليم لا اله الا الله رب السموات السبع ورب الارض ورب العرش العظيم

[بو خليفه 123]

السلام عليكم ورحمة الله

قبل شوي تقريبا الساعه 3:45 صار شي غريب في السماء :omg:

تغير لون السماء من بشكل مفاجئ ازرق بعدين رجع اسود 4 مرات ورا بعض !!

اللون كان تقريبا هو نفسه اللي يطلع بعد شروق الشمس بـ 10 دقايق

ياريت حد يفسر لنا اللي صار


هذا نوري يوم رجعت من السفر :shy:

[كازانوفا]

أنا في امريكا , وشفت نفس الشيء الان
3 نجمات , سالت واحد قال هذولا المشتري وعطار و الزهرة

على حسب ما سمعت ان هذا اول مره تجتمع هذه الكواكب الثلاثه ويصادف اليوم الاحد سبحان الله

[معطاب]

نعم بعد انا شفته وانا رايح المسجد لصلاه الفجر قبل الاقامه تقريبا بثلاث دقايق قمت اطالع السما اشوف الا مافيه ولا غيمه ولاحظت شي في نفس اليوم الظهر الشمس لونها متغير او فيه شي متغير

[طيب]

الحين من شوي اشوف اتجاه الغرب ثلاثه نجوم تحت وحده كبيره وثنتين صغار
ونازلين قريب الارض اول مره اشوفهم مجتعين
والسماء للشرق سودا وللغرب شمال فيها بياض او لون البنفسجي
يبيلنا فلكي يفسر لنا وشو ذي اللي سار

صحيح كلامك أنا شفتهم واستغربت بعد ..لا حظوا أن هااليومين الجو غريب والسماء غريبه وكل شيئ غريب سبحان الله . يمكن هذه الملائكة نزلت تقاتل مع إخواننا في الشام الله ينصرهم على من ظغى عليهم .. آمين

[nismo]

يمكن أيريديم فلير والله اعلم وهي ظاهر انعكاس ضوء الشمس عن قمر صناعي اسمه أيريديم (هناك أكثر من ٦٠ قمر صناعي من نوع أيريديم تدور حول الأرض )