ممكن احد يعلمني بمواقع

[شرقاويه]

لمصانع الصين خاطري اطلب الي ابيه مناك وابي اتعلم شلون ياليت التجار يعلمونا من وين يجيبون بضاعتهم

[H H]

اول شي طلعيلك فيزا من البنك
ثاني شي سويلك صندوق بريد خارجي عن طريق ارامكس واسم الخدمه shopandship
وهالشي جداً بسيط مجرد انك تطلعين الفيزا وتدخلين موقعهم وتشتركين وتدفعين 175 ريال تقريبا
ويصير عندك ثلاث صناديق بريد مدى الحياة فهالثلاث دول

بعدها سويلك حساب فالمواقع الي تبين تطلبين منها وعبي بيانات صندوق بريدك واشتري الي تبين وحطي
بيانات الفيزا وادفعي واول مايشحنونها بيرسلونلك رقم التتبع حق الشحنه وتقدرين تشيكين عليها الكترونياً لين توصل وتروحين تاخذينها


انصحك انك تبدين بامازون واي بي والمواقع المضمونه قبل ماتنطلقين للمواقع الثانيه والصينية
انصحك الفيزا الي تطلعينها تكون مسبقة الدفع عشان اذا جبتي العيد يرروح المبلغ البسيط الي فيها فقط
تدخلين مواضيع الطلب من الخارج وتجمعين لستة بكل المواقع الصينية المضمونه لان الصين اغلب مواقع
الشراء فيه ماهي صحيحه وكلها احتيال فاحتيال وايضاً بعضها يتاخرون وبعضها بضاعتهم اي كلام و و والخ
انصحك تربطين الفيزا بالبي بال وماتطلبين الا من المواقع الي عندهم الدفع بالبي بال
انصحك تشتركين مع الworldship لصناديق البريد لان عندهم خدمة تجميع الشحنات
يعني مثلا بتطلبين خمس اشياء تطلبينها واذا وصلت كلها تدخلين حسابك وتححطين شحن وبيشحنونها
على عكس الشوب اند تشيب الي يرسلونلك وحده وحده وماعندهم خاصية تجميع الشحنات

وان شالله الاخوان يفيدونك اكثر , بس لاتتهورين ابدي بطلب اشيا بسيطه وبعدها انطلقي



بالتوفيق

[باراكودا]

H h أشكرك من القلب .

[لبيبة]

وشو نوع البضايع اللي تبحثين عنها؟

في مواقع متخصصة بانواع معينة، حسب كل نوع، وفي مواقع لتجار الجملة بكميات كبيرة.

[قطريه22]

في موقعين مشهورين واغلبية التجار في قطر يطلبون منها

موقع يبيع بالجمله واسمه alibaba

وموقع يبيع مفرق واسمه aliexpress

واهم شي يوم تطلبين تتأكدين من خيار الشحن مجانا افضل

للعلم اعرف اكثر من تاجره تجيب بضاعتها منه وتبيعها ب500 و1000 وهي تشتريها من الموقع المذكور ب ٢٠ دولار

وتوني طالبه ارفف خشب لغرفتي منه وباشتري الثريات بعد..

وللامانه بضاعته ممتازه..

واذا تبين تطلبين طلعي بطاقه مؤقته من المصرف اسمها هديتي او الوطني عندهم فيزا للانترنت والطلب يوصل على البريد العادي طلعي الفيزا وسجلي في الموقع واطلبي الي تبينه ترى الموقع في منه مترجم بالعربي..


وبالتوفيق

[لبيبة]

علي بابا لتجار الجملة، لكن في تجار من الصين متخصصين في بضايع محددة، فلو تذكر لنا نوع البضايع المطلوبة نقدر نساعدها في البحث اكثر.

[شرقاويه]

يعيطكم العافيه وربي عطيتوني فكره وصدق ضحكت على hh يوم قال بجيب العيد وهو اول مره شكلها بتصير كذا اختي قطريه مشكوره حبيبتي راح اسوي الي قلتي عليه وفي ميزان حسناتكم

[قطريه22]

يعيطكم العافيه وربي عطيتوني فكره وصدق ضحكت على hh يوم قال بجيب العيد وهو اول مره شكلها بتصير كذا اختي قطريه مشكوره حبيبتي راح اسوي الي قلتي عليه وفي ميزان حسناتكم



العفو حبيبتي

والله يوفقج

[راشد محمد]

الله يوفقج

[ولد العلي]

يعيطكم العافيه وربي عطيتوني فكره وصدق ضحكت على hh يوم قال بجيب العيد وهو اول مره شكلها بتصير كذا اختي قطريه مشكوره حبيبتي راح اسوي الي قلتي عليه وفي ميزان حسناتكم

بالتوفيق