التأمين الصحي للمواطنين القطريين - تأمين الدولة

[أم علي 2010]

السلام عليكم

يا جماعة حد عنده فكرة عن التأمين التابع للدولة و كم يغطي و شنهي الآلية .. المتبعه ؟

انا وصلني البرودكاست مثلي مثل غيري ..

و رحت المستشفى الأهلي و سألت عن الموضوع .. الموضوع صحيح

والمعلومة الوحيدة اللي سمعتها إن راح يطبق آخر هالشهر او أول شهر 6 .. ويطبق للنساء

اعتقد الحوامل بس لان قالت لي بتكونين من أول المستفيدين .. بس كم يغطي وكم بيدفعون وهل ندفع شي زيادة مثل التأمين التابع حق الشركة .. ماكان عندها أي فكرة الموظفة غير إبراز البطاقة الشخصية كإثبات اني قطرية ومايحتاج اي تسجيل .. القطريات كلهم راح يندرجون تحت التامين اوتماتيكلي

بس اللي كنت ابي اعرفه ان تأمين الاكسا مخصص لنا مبلغ 20 الف لكل حملة .. وما يجي وقت الولادة الا انك راح تزيد على هالمبلغ خاصة ان الولادة قيصرية و راح تعمل اب غريد للغرفة اجباري لان مشالله الهنود والاجانب تارسين المستشفى

وغير جي المستشفى الاهلي رفع اسعار الولادات من شهر 1 .. هل هذي له علاقة ان الدولة راح تدفع وهم استغلوا الفرصة ؟؟

اللي عنده معلومات ياريت يفيدنا

[طبيب قطري]

ماعندي معلومات عن الاهلي وحتى بالنسبة لمستشفى حمد بس اتمنى من باقي الاعضاء يفيدونج..
للرفع

[موضي قطر]

اتمنى أن الدولة هي من تعيد أسعار المستشفيات الخاصة مب على كيفهم يرفعون يستغلون

اموال الدولة في جيوبهم والله حرام الكل ينهب الدولة تحت اسماء كلها مخترعة لأجل حلب

المالية المخصصة للتأمين الصحي للقطريين

[ام السعف]

اتمنى أن الدولة هي من تعيد أسعار المستشفيات الخاصة مب على كيفهم يرفعون يستغلون

اموال الدولة في جيوبهم والله حرام الكل ينهب الدولة تحت اسماء كلها مخترعة لأجل حلب

المالية المخصصة للتأمين الصحي للقطريين

اذا صارت شركات التأمين لعامة الشعب بيحددون لج الاسعار
لكن ما دامت بتدخل المجال شركات وشركات ما اعتقد بيكون هناك تحديد للاسعار،،

مالنا الا مشروعنا الوطني للآجار والبهارات الشعبية :shy:

[موضي قطر]

اذا صارت شركات التأمين لعامة الشعب بيحددون لج الاسعار
لكن ما دامت بتدخل المجال شركات وشركات ما اعتقد بيكون هناك تحديد للاسعار،،

مالنا الا مشروعنا الوطني للآجار والبهارات الشعبية :shy:


تقصدين شركات العرب الكبار والشركات اللي بتفتح مخصوص عشان النهب من مال الدولة العام بحجة التأمين ؟؟


ولش عين يام النغزات تطلبين اودي :tease:

[أم علي 2010]

هههههههههههههههه

خل يطبقون القانون ,, للحين يقولون مايدرون ينتظرون الوزارة يقولون خل نبلش

بس السؤال .. ليش جايبين موظفة مخصوص من لبنان وحطوها في المستشفى .. والبنات والشباب ومواليد قطر وينهم ؟؟؟؟

اللي بط جبدي يوم عطوني لستة الاسعار عطوني نسخه من الاييميل المبعوث لمكتب الدخول وكان بتاريخ 8 -1
الظاهر اسمعوا بالتأمين وارفعوا الاسعار بزيادة 10 الالف !!

صج صج اتمنى وزارة الصحة تعمل دراسة بالتكاليف و الخدمة حق كل مستشفى وتحدد الاسعار على هالاساس

[الصغيره]

اغلبيه اطباء مستشفى حمد فتحوا لهم مراكز طبيه مثل مجمع حموده الطبي تابع للدكتور حموده طبيب الروماتيز بمستشفى حمد

اذا كان العلاج جيد والطبيب جيد ليه لا

الفتره الحاليه فتحت فقط للنساء وامراض النساء والولاده فقط ونتصل والتجاوب مقطوع من مستشفى حمد للاسف ما حد يرد والرد الالي يقول سوف تفعل الخدمه االيه ولا فهمت كيف اليه

الخدمات راح تفيد بكل شي الا التجيميل والاسنان حسب علمي

[صمت 1]

أختي أم علي ادخلي موقع هيئة الصحة اعتقد في جدول للأسعار للمستشفيات والعيادات الخاصه قبل لا تراجعينهم
على حسب ماوصلي من احد موظفي الهيئة

[ام السعف]

تقصدين شركات العرب الكبار والشركات اللي بتفتح مخصوص عشان النهب من مال الدولة العام بحجة التأمين ؟؟


ولش عين يام النغزات تطلبين اودي :tease:

خاطري في أودي :(

ايه اقصد شركات الفقع اللي بتطفح :telephone:

[عيون الدوحة]

هذا تعميم بعدم الزيادة
http://i.imgur.com/iLuQczm.jpg