شركه مقاولات - استفسار

[MLAAS]

السلام عليكم


اخواني واحد من الربع عنده شركه جديده
بس مش عارف كيف يتقدم خطوه قدام

يعني العاملين فالشركه من ناحيه المهندسين والمقاولين والسكرتاريه والمحاسب
وعمال

بعد هذي النقطه ، تفاصيل الاجور

كم تكون اجورهم ؟

المقاول اذا جاب شغل يحصل نسبه من الارباح ، كم هذي النسبه ؟

اذا شركه ثانيه تبي عمال من عنده ، كيف تحتسب اجورهم وللشركه لها نصيب ؟

من ناحيه البرامج التي تستخدم في حساب الكميات ، المحاسب ، السكرتاريه ؟ وشو هي ؟ او من وين يجيبها

اسف الاسأله ملخبطه وماعندي خلفيه عن امور الشركات بس حبيت اساعد الرجال في بعض الاجوبه والاقتراحات وتسهل عليه ويفتح له باب رزق انشالله. وشكرا

[Ashom Qatar]

شوف احد المكاتب الصناعية يعطونك ارشادات

وعموما انا عمالي رواتبهم ٢٠٠٠ ريال وعمولة ٥٠٠ ريال في حال جابو عملاء

[شموخ دائم]

,


,



مرحبا


المقاولات شغله متعبه جدا جدا

البدايه تكون من مهندس ( خبره 4 سنوات ) في قطر او دول الخليج
يكون شاطر في حساب الكميات والمشروع

وراتبه ما يزيد عن 6 الاف ريال

وخل تحديد رواتب العمال والمصنعيات والامور الفنيه عليه هذه شغله المهندس
لا تشيل همها

والامور الاداريه على صاحب المكتب

البدايه لازم تكون في مكتب ايجاره ما يزيد عن 5000 ريال

المصاريف لازم تكون بسيطه وفي اقل ما يكون

ولا تحتاج سكرتير ولا سكرتيره في البدايه مو محتاج هذا سابق لاوانه


تحتاج ( محاسب ) يجيك 3 مرات في الاسبوع الفتره المسائيه
براتب ما يزيد عن 2000 ريال يضبط لك الفواتير والمصروفات



ملاحظه

لو زادت مصاريفك عن 25 الف راح تخسر من اولها

ولو ما عندك 4 مشاريع سلم على مكتبك راح تدفع الرواتب من جيبك

وبعدها راح توقف مشاريعك مافي فلوس تجيب المواد

يصير تاخير

ويصير لخبطه تاخذ دفعه هذا الشخص وتوديها ذاك الشخص

:)


وبعدها تصير المشاكل مع الملاك



:)

ما اخوفك بس هذا الحاصل في سوق الدوحه

الحذر زين

واذا ماعندك علاقات تجيب مشاريع

لاتدخل احسن

واذا علاقاتك طيبه وانت شخص اجتماعي

توكل على الله



,

,



اخوك


شموخ دائم

[الواافي]

كلام طيب

[MLAAS]

يعطيكم العافيه يا اخوان عامه

واخوي شموخ ، انا من متابعين لردودك وكنت بخصك فالذكر ماشالله عندك معلومات وافيه واتبخلها على احد ، المكتب موجود وتقريبا راعي العماره يبيها تتسهل على راعي الشركه وعطاه مهله لين الشركه تجيب كم مشروع وتقدر تمشي امورها ، وهذا كرم منه والله يعطيه على قد نيته ، اما بخصوص السكرتير او السكرتيره هذي لاحقين عليها ماعندك مشكله ، بس من ناحيه المحاسب الله يجزيك خير عالمعلومه ، فيها توفير للمال ، والمهندس الخوف منه خايف الله او لا ، ومن ناحيتي عندي بايب فيتر وكهربائي جبتهم له وتعاملهم وعملهم من احسن مايكون ، وعن تجربه ، وجبت له شركه ممكن انها تعيره كم عامل خبره ، يقوم بتعليم العمال من ناحيه البلستر او تمديدات والحديد ، ومن دون مقابل للشركه الثانيه كمساعده للشخص

[gamal503]

يعطيكم العافيه يا اخوان عامه

واخوي شموخ ، انا من متابعين لردودك وكنت بخصك فالذكر ماشالله عندك معلومات وافيه واتبخلها على احد ، المكتب موجود وتقريبا راعي العماره يبيها تتسهل على راعي الشركه وعطاه مهله لين الشركه تجيب كم مشروع وتقدر تمشي امورها ، وهذا كرم منه والله يعطيه على قد نيته ، اما بخصوص السكرتير او السكرتيره هذي لاحقين عليها ماعندك مشكله ، بس من ناحيه المحاسب الله يجزيك خير عالمعلومه ، فيها توفير للمال ، والمهندس الخوف منه خايف الله او لا ، ومن ناحيتي عندي بايب فيتر وكهربائي جبتهم له وتعاملهم وعملهم من احسن مايكون ، وعن تجربه ، وجبت له شركه ممكن انها تعيره كم عامل خبره ، يقوم بتعليم العمال من ناحيه البلستر او تمديدات والحديد ، ومن دون مقابل للشركه الثانيه كمساعده للشخص

اهم نقطة المحاسب يكون من طرفك انت اعرف محاسب ممكن يجيلك مرتين في الاسبوع او 3 مرات في الاول انت مش محتاج اكثر ... اذا محتاجه راسلني ع الخاص
وشكراً

[بو جاسم قطر]

,


,



مرحبا


المقاولات شغله متعبه جدا جدا

البدايه تكون من مهندس ( خبره 4 سنوات ) في قطر او دول الخليج
يكون شاطر في حساب الكميات والمشروع

وراتبه ما يزيد عن 6 الاف ريال

وخل تحديد رواتب العمال والمصنعيات والامور الفنيه عليه هذه شغله المهندس
لا تشيل همها

والامور الاداريه على صاحب المكتب

البدايه لازم تكون في مكتب ايجاره ما يزيد عن 5000 ريال

المصاريف لازم تكون بسيطه وفي اقل ما يكون

ولا تحتاج سكرتير ولا سكرتيره في البدايه مو محتاج هذا سابق لاوانه


تحتاج ( محاسب ) يجيك 3 مرات في الاسبوع الفتره المسائيه
براتب ما يزيد عن 2000 ريال يضبط لك الفواتير والمصروفات



ملاحظه

لو زادت مصاريفك عن 25 الف راح تخسر من اولها

ولو ما عندك 4 مشاريع سلم على مكتبك راح تدفع الرواتب من جيبك

وبعدها راح توقف مشاريعك مافي فلوس تجيب المواد

يصير تاخير

ويصير لخبطه تاخذ دفعه هذا الشخص وتوديها ذاك الشخص

:)


وبعدها تصير المشاكل مع الملاك



:)

ما اخوفك بس هذا الحاصل في سوق الدوحه

الحذر زين

واذا ماعندك علاقات تجيب مشاريع

لاتدخل احسن

واذا علاقاتك طيبه وانت شخص اجتماعي

توكل على الله



,

,



اخوك


شموخ دائم

ماشاءالله عليك 👍 وأزيد عليك اهم شيء يحصل حد يعرف يدير وما يوهقه

[jassimqtr]

اذا تبي تبتدي مشروع لازم كون عندك سيوله مبلغ من150الف وفوق تغطي فيها التزاماتك الشهريه واذا فكرت تجيب على كفالتك لازم تحط في بالك راتب + رسوم معاملات+اقامات للعماله وايضا اجار المكتب + اجار سكن عمال وايضا مواصلات باص وسائق .
وعندك ايضا اثاث مكتبي يتكون من مكتب اداري ومكتب مدير واجهزه مكتبيه ايضا تلفون فاكس برنتر وكمبيوتر .
وتحتاج استاف اداري مثلا ادري ومحاسب ومندوب . واستاف موقع مهندس وفورمن وعماله.
اختصر المصاريف وجيب محاسب شغله اداري ومندوب ومحاسب فالبدايه يعني 3 في 1 طبعا لين الله يفرجها عليك وتستلم مشاريع . اما عن العماله فالبداية مب لازم تجيب على كفالتك انتظر وخذ من السوق باليوميه . تكون موفر سكن واقامات والتزامات للعمال . اهنية ممكن التزاماتك الشهريه ما تتعدى 15000
والله يوفقك ان شاء الله

[ملك الديكور]

بصراحه من خلال تجربتي بالمقاولات بالرياض ولمدة 12 سنه
اشوف رد الاخوان وخاصه اخونا شموخ دائم كافي وشافي وكامل والكامل وجه الله
ولو كان عندك أعمال ومشاريع خاصة او عقود جاهزه لبداية العمل ولو باسعار قليله يكون أفضل جدا من البحث عن المشاريع والدخول في السوق والمنافسة وانت مازلت تدفع مصاريف مستمره شهريه بدون عمل ولن تستطيع الصمود لفترة 6 أشهر او سنه بالكثير بدون عمل
واهم نصيحه اقدر اقولها لك ولبقيه الاخوان اللي حابين يدخلون بالتجارة والاعمال الحره انه لازم توقف على الشغل بنفسك مهما كان ولا تعتمد على العماله والموظفين وبالاخص مجال الخدمات ومنها المقاولات لانه لايوجد لديك بضاعه مثل التجارة فانا اصنف المقاولات من ضمن الخدمات فكل ماتحتاجه خبره وعماله وقليل من الاداريين وسمعه طيبه وتوفر موادك من دفعات المشاريع ولا يوجد مستودعات لتخزين وتجميد رأس مال مجرد مصاريف مستمره شهريه .
ونصيحه لله يا اخوان انتبه من اي عامل او موظف سبق ان عمل بنفس مجالك لدى شركة اخرى فلا تستعجل بضمه لشركتك قبل السؤال عنه والتاكد منه لانه سيؤثر على بقية العماله والشركة بشكل عام ( ولو فيه خير ماخلاه الطير ) وياحبذا ان تبدل العماله كل 4 سنوات واحضار طاقم جديد لضمان استمرارية الشركة في المقاولات مع دمجهم مع السابقين لاخذ الخبرة ولفترة قصيرة وتسفير القدامى عند إنتهاء عقودهم وهذا من بعض الملاحظات التي مرت علي بالسابق وخلال الفترة الماضية

[MLAAS]

جزاكم الله خير يا اخوان على الردود الطيبه ..


والله يوفقنا ويوفقكم دنيا واخره انشالله