هل تحترم / ين دموع الرجل؟وماذا تعني لك؟

[مساهمة بسFresh]

صباح الخير :shy:

هل تحترم / ين دموع الرجل؟وماذا تعني لك؟
هل تحترم الرجل اذا شفته يبكي؟

[تحداني]

دموع الرجل ما تكون الا مواقف تستحق
ما انظر لها من باب الاحترام او عدمها .. لكن انظر لها ان ما ادمعت اعيونه الا على شي جايد
يبقى في النهايه للدموع غصه تكسر الخاطر


جملك الله برضاه

[بصمة قطرية]

دموع الرجل ما تكون الا مواقف تستحق
ما انظر لها من باب الاحترام او عدمها .. لكن انظر لها ان ما ادمعت اعيونه الا على شي جايد
يبقى في النهايه للدموع غصه تكسر الخاطر


جملك الله برضاه

:victory:
دموع الرجل ما تنزل بسهولة
و لو نزلت أكيد من قهر أو حزن شديد ..
حنا بطبيعتنا دموعنا تغلبنا
لكن الرجل بطبيعته دموعه ما تنزل بسهولة
و كثير توجع دموع الرجل ..
المرة الوحيدة اللي شفت فيها دموع الوالد الله يحفظه
يوم وفاة أمي الله يرحمها ..
دموعه كسرتنا كلنا
و مستحيل أنساها ..

[تحداني]

^^
الله يرحمها يارب ويغمد روحها الجنه .. بالفعل بصمه
دموع الرجل ما تكون الا على الشئ المؤلم .. الله لا يورينا دموع اعز الناس علينا
اللهم آمين

صباحك سكر يا سكر

[chillis]

دموع الرجل تعني شي كبير وحزن عميق عكسنا احنا الي على كل شي دمعتنا على الباب

[بصمة قطرية]

^^
الله يرحمها يارب ويغمد روحها الجنه .. بالفعل بصمه
دموع الرجل ما تكون الا على الشئ المؤلم .. الله لا يورينا دموع اعز الناس علينا
اللهم آمين

صباحك سكر يا سكر

آمين ياااااارب ..
صباحك ورد يا وردة ،، :shy:

[قطريه22]

دموع الرجل ماتنرل الالاسباب قويه

مب نفس الحريم على اي شيء نزلت دموعها اربع اربع:weeping:

عني دموع الرجل تكسرني ماحب اشوف دموع رجال واحس برهبه

يعني انا اصيح واموت من الصياح بس ماحب اشوف دموع الرجال..

[بوعلي2]

وعليه علي :weeping:

حسو فيني :shy: :weeping:

[نوار قطر]

الريال دموعه ماتنزل بسرعه الا اذا كان الموقف مأثر فيه وااايد ,,,, دموع الرجل صادقه..

[بوالعنود.]

الله يرحمها ويرحم أموات أمة محمد صلى الله عليه وسلم

[شيوخه]

ماتخيل أشوف جدامي دموع ريال أحس صج مقهور وفي شي وايد مضايقه , أكيد بحترمه هالشي ماينزل من قدره أبداً

[Miss]

اكيد احترمه
دموعه ما تنزل بسهوله وما تنزل الا من حزن أو قهر
شفت دموع أبوي وليتني ما شفتها :(