استفسار في موضوع شراء شركة .. ارجوا المساعدة من ذي الخبرة !

[N203]

السلام عليكم
اخواني واخواتي عندي استفسار بالنسبة لشراء الشركات. سواء سغيره او كبيرة..
أذا في شركة للبيع ؟ وانا ناوي اشتري الشركة هذه ..
شنو المواضيع والامور الي لازم اكون عارفها او مطلع عليها او تكون عندي ؟
هل اطلب الفواتير لمدة معينة ؟ تاريخ الشركة مثلا ؟ سبب البيع ؟ هل لازم يكون عندي سجل تجاري قبل الشراء ؟

فياليت حد يفيدني في هالموضوع بشكل كامل. لاني جديد في هالمواضيع.

لاهنتوا جميعا

ومشكورين مقدما.

[المليونير الفقير]

اعرف واحد شرا شركة وبعد فتره اكتشف انها مديونه ب7مليون لشركة تمويل...........المفيد المختصر لازم تتاكد ان هالشركة ماعليها اي اللتزامات لاي جهة سواء بنوك او شركات تمويل او حتى افراد عندهم شيكات باسم الشركة هذا واتمنالك كل التوفيق

[ANONYMOUS]

اتوقع المفروض عن طريق محامي وشركة تدقيق وتعهد من صاحب للشركه ان اي دين مش موجود في السجلات او قضايا او محاكم مش مبينه يكون هو مسؤول عنها .. طبعا اذا يصير

بس لازم تاخذ كل الاحتياطات

[شموخ دائم]

,

,


مرحبا


اخوي الكريم

الموضوع بسيط

اطلب

اخر كشف حسابات معتمد للبيانات الختاميه للسنه الاخيره
موقع من محاسب الشركه ومن مكتب التدقيق

كشف حساب من البنك اخر 6 شهور
راح يبين فيه اذا هناك ديون او اقصاد شهريه
تروح للبنك او اي بنك اخر

كشف بعدد العمال والموظفين
كشف استلام الرواتب

ايصالات دفع الايجار للشركه المكتب
وايضا لسكن العمال

عدد السيارات وهل هي اقصاد

خذ رقم السجل او المنشئه واسئل عنها في وزاره العمل
هل عليها شكاوي من العمال وماهو تصنيفها لديهم
أ
او
ب
او
ج

بعد ما تجمع كل هذه الاوراق
راح تتضح لك الصوره كامله وبعدها تبتدي التفاوض على الشراء
اذا فيها مشاريع ويوجد ارباح لها سعر

من المهم
معرفه هل هناك عقود موقع وما زالت ساريه او مشاريع تحت التنفيذ
وهل هذه المشاريع ماشيه او متعثره !! وكم حجم هذه المشاريع
بعد معرفه وضعها تدخل في التقييم

اذا شركه مافيها ارباح يتقيم المعدات والسيارات السجل
بنسبه الاستهلاك عن كل سنه ( المحاسبين يعرفون هذا الموضوع )

تحط اعلان في الجريده موضح فيه اسم الشركه انها للبيع ومن له مطالبات
يتصل وبعد 3 ايام راح تعرف كل شي

اذا ما اتصل حد توكل على الله امورك طيبه


اذا شركه صغيره ومافيها الا كم عامل وسياره وحده او سيارتين
الافضل ما تشتريها

الافضل تطلع سجل تجاري جديد ما بيكلفك10 الاف ريال
راح تظمن السمعه الطيبه للشركه ومافيها مشاكل وانت عارف اولها من اخرها
:)

,

,



اخوك


شموخ دائم

[حسن]

اتعتقد اخونا شموخ دائم ماقصر

بالتوفيق انشاء الله