الانسان هل طبعه النسيان ؟

[MAZEN37]

تحياتي للجميع
هل هي طبيعه للانسان ام هناك خلل
كل سنه من عمر الانسان تاخذك لطبيعه ولحاله وجو خاص غريب عجيب حتى بعض الاحيان تحس نفسك صرت غير مبالي ولا تشعر بالعالم حواليك وفجاءه تكتشف انك نسيت حادثه او نسيت جوالك بمكان او نسيت جوازك الخ خ مع انك تكون تفكر انك ما تنساه
ما هي لحظات الا انت فاصل مفهي ونسيت ما لا تريد نسيانه !!
الوضع طبيعي او انا صرت شيبه :shy:

[ضوى]

الكبر شين ياخوك

انا بدا الزهامير معاي منذو مبطي

[قطريه22]

ياريت الواحد يقدر ينسى كل لحظه حزينه مر فيها
مثل ماينسى اغراضه او اشياء عاديه

لم اللحظات الي تمر على الانسان تنحفر بالقلب من قوتها سواءً كانت حزن او هم ماتنمحي بسرعه
للاسف

[dm styal]

انا اعتبر النسيان نعمة كبيرة واتمنى اتدوم عندي ليس لها علاقة بالشيخ والكبر الاشياء الحلوه دائما تكون في الذاكرة ماتروح
ودائما اقول يمكن يكون خير لي لونسيت شيئا ما اما النسيان مع تقدم العمر هذا شي طبيعي وكلنا بنمر فيه
لاتحاتي

[ام السعف]

لا مب طبعه النسيان ،، وان كان النسيان نعمة عظيمة في مواقف كثيرة ،،

بس احنا نتكلم عن الذاكرة القصيرة ،،

اعتقد تغيير نمط الحياة اللي نعيشها تسببت في النسيان
لدرجة انك تلاحظ ان الاطفال صاروا يعانون من علامات الزهايمر والعياذ بالله


لما نبتدي نعتمد على الحواسيب والأجهزة في حفظ ارقامنا وتواريخ ميلادنا
وميلاد عيالنا وتحفظ لنا الايات وتفاسيرها وتحفظ لنا كتابتنا من غير ما نرجع لها
اكيد نعطل خاصية استرجاع المعلومات والتعايش معاها ،،

فهناك اسباب للنسيان فهي مب موروثة لكنها تولدت مع طبيعة حياتنا المعيشية
من أكل او شرب او ,, او ,,,
هذا والله أعلم

[غالية قطر]

ياريت الواحد يقدر ينسى كل لحظه حزينه مر فيها
مثل ماينسى اغراضه او اشياء عاديه

لم اللحظات الي تمر على الانسان تنحفر بالقلب من قوتها سواءً كانت حزن او هم ماتنمحي بسرعه
للاسف

:nice:

[تحداني]

لا مب طبعه النسيان ،، وان كان النسيان نعمة عظيمة في مواقف كثيرة ،،

بس احنا نتكلم عن الذاكرة القصيرة ،،

اعتقد تغيير نمط الحياة اللي نعيشها تسببت في النسيان
لدرجة انك تلاحظ ان الاطفال صاروا يعانون من علامات الزهايمر والعياذ بالله


لما نبتدي نعتمد على الحواسيب والأجهزة في حفظ ارقامنا وتواريخ ميلادنا
وميلاد عيالنا وتحفظ لنا الايات وتفاسيرها وتحفظ لنا كتابتنا من غير ما نرجع لها
اكيد نعطل خاصية استرجاع المعلومات والتعايش معاها ،،

فهناك اسباب للنسيان فهي مب موروثة لكنها تولدت مع طبيعة حياتنا المعيشية
من أكل او شرب او ,, او ,,,
هذا والله أعلم




اشدخل الاكل والشرب
تقيمج 8 من /10 على هالرد

[حسن]

كنت اشوف النسيان نقمه على الفرد
مع مرور الزمن دريت انها نعمه

:)

[تحداني]

كنت اشوف النسيان نقمه على الفرد
مع مرور الزمن دريت انها نعمه

:)




ترى هو يقصد لما تنسى نفسك .. او تنسى سيارتك .. او تنسى بوكك وافلوسك .. وتنسى الصافي وتنسى اللنج

ما يقصد الهم والحزن والغم والناس المب زينين

[ام السعف]

اشدخل الاكل والشرب
تقيمج 8 من /10 على هالرد

اوبيه
انتي مستهينة في نوعية الأكل والشرب ؟

هاهاها
الحين اللي يشرب خمر مب ذاكرته تروح فيها؟

هذا مثال قوي ،، اشلون لو كانت هناك مواد تدخل في صناعة المشروبات ؟

الحين اللي ذاكرته رايحة فيها يطلبون منه فيتامين ب وما ادري شنهو
ويطبون منه ياكل مكسرات على الصبح وخاصة عين الجمل ،،

اشلون انتي تعطيني 8 من 10 وتقولين اشدخل الأكل والشرب ؟ :weeping:

[OutLaw]

تحياتي للجميع
هل هي طبيعه للانسان ام هناك خلل
كل سنه من عمر الانسان تاخذك لطبيعه ولحاله وجو خاص غريب عجيب حتى بعض الاحيان تحس نفسك صرت غير مبالي ولا تشعر بالعالم حواليك وفجاءه تكتشف انك نسيت حادثه او نسيت جوالك بمكان او نسيت جوازك الخ خ مع انك تكون تفكر انك ما تنساه
ما هي لحظات الا انت فاصل مفهي ونسيت ما لا تريد نسيانه !!
الوضع طبيعي او انا صرت شيبه :shy:

ياخوي ارضى بالواقع فعلا انت صرت شيبه :weeping:

يرجح البعض بأن كلمة انسان تفسيرها هو انه نساي ومسئلة النسيان كثير ما يقال عنها بأنها نعمه . وهناك بعض الامور الي يقال بأنها تسبب كثرة النسيان مثل الهموم والمشاكل والذنوب وهناك تمارين لتقوية الذاكرة وبرامج خاصة وقرأت بأن نوعية الاكل تساهم في قوة الذاكرة . " لولا النسيان لمات الانسان "

[حسن]

ترى هو يقصد لما تنسى نفسك .. او تنسى سيارتك .. او تنسى بوكك وافلوسك .. وتنسى الصافي وتنسى اللنج

ما يقصد الهم والحزن والغم والناس المب زينين

كنت ماانسى اي شي لي وكنت اشوف الناس اللي تنسى كل شي لها واقول لهم ياخي استعينو بالقم والدفتر حطلك مذكره على طبلون السياره وين بتروح وش عندك
علشان ماتنسى

لكن الحين قمت انسى وعلى فكره مره كنت مسافر عن طريق البر وكنت زعلان
لما وصلت عند فيلاجو الى واحد من الربع يقولي بتجي اليوم الغاريه عندنا عشى والجو
على كيفك قلت له انا رايح دبي قال يارجال طيع الشور
قلت له لا خلاص
انا طبيعتي اخلى بوكي في السياره تحت الشمسيه ويم طالعت ولا مش موجود قلت بل
وين ارجع في الزحمه كان اتصله واقوله خلاص هونت باجيك الى يقولي شرايك نروح الحسا ونرجع في الليل قلت له فلوسي ناسيها قال ماعليك انا باعطيك ورحنا ورجعنا بالليل الى المره تقول ليش مارحت
قلت لن اصبر على فرقى عيالي
:)

شي طبيعي وخصوصا عقب ماعديت العشرين

[تحداني]

اوبيه
انتي مستهينة في نوعية الأكل والشرب ؟

هاهاها
الحين اللي يشرب خمر مب ذاكرته تروح فيها؟

هذا مثال قوي ،، اشلون لو كانت هناك مواد تدخل في صناعة المشروبات ؟

الحين اللي ذاكرته رايحة فيها يطلبون منه فيتامين ب وما ادري شنهو
ويطبون منه ياكل مكسرات على الصبح وخاصة عين الجمل ،،

اشلون انتي تعطيني 8 من 10 وتقولين اشدخل الأكل والشرب ؟ :weeping:



سعفوه يوزي اشدخل الخمر .. احنه ما نشرب الخمر والخمر يذهب العقل ابكبره
عاد عن نوعيه الاكل من احنه اصغار ناكل زبيب الا تعالوا يخليكم اذكيه ومخكم شغال
واعصابكم ما ادري ايش وكاني انسى واوقات اصير هبله ..
ما عليج كلام فاضي

شوفي بوعلي شيقول



كنت ماانسى اي شي لي وكنت اشوف الناس اللي تنسى كل شي لها واقول لهم ياخي استعينو بالقم والدفتر حطلك مذكره على طبلون السياره وين بتروح وش عندك
علشان ماتنسى

لكن الحين قمت انسى وعلى فكره مره كنت مسافر عن طريق البر وكنت زعلان
لما وصلت عند فيلاجو الى واحد من الربع يقولي بتجي اليوم الغاريه عندنا عشى والجو
على كيفك قلت له انا رايح دبي قال يارجال طيع الشور
قلت له لا خلاص
انا طبيعتي اخلى بوكي في السياره تحت الشمسيه ويم طالعت ولا مش موجود قلت بل
وين ارجع في الزحمه كان اتصله واقوله خلاص هونت باجيك الى يقولي شرايك نروح الحسا ونرجع في الليل قلت له فلوسي ناسيها قال ماعليك انا باعطيك ورحنا ورجعنا بالليل الى المره تقول ليش مارحت
قلت لن اصبر على فرقى عيالي
:)

شي طبيعي وخصوصا عقب ماعديت العشرين




انا بعطيك بوعلي 9 ونص من 10 انت اشطر من الي فوق كلامك صحيح
بس اخر جمله فيها مشكله .. لو كانت بعد ما عديت الــ 30 وفي روايه اخرى
قالوها بعض الناس انك عديت الـ40 عادي ترى

عشان جي لازم انقصك
ما قدرت اعطيك درجه كامله
نجمه مقصوصه طرفها

[MAZEN37]

الكبر شين ياخوك

انا بدا الزهامير معاي منذو مبطي
على قولة اربعيني الي بعمري متجوزش :nice:

[MAZEN37]

ياريت الواحد يقدر ينسى كل لحظه حزينه مر فيها
مثل ماينسى اغراضه او اشياء عاديه

لم اللحظات الي تمر على الانسان تنحفر بالقلب من قوتها سواءً كانت حزن او هم ماتنمحي بسرعه
للاسف
حال الدنيا دوم تصر على طبع الالم
الحمدلله

[MAZEN37]

انا اعتبر النسيان نعمة كبيرة واتمنى اتدوم عندي ليس لها علاقة بالشيخ والكبر الاشياء الحلوه دائما تكون في الذاكرة ماتروح
ودائما اقول يمكن يكون خير لي لونسيت شيئا ما اما النسيان مع تقدم العمر هذا شي طبيعي وكلنا بنمر فيه
لاتحاتي
كلام هادىء وجميل اوافقك

[MAZEN37]

لا مب طبعه النسيان ،، وان كان النسيان نعمة عظيمة في مواقف كثيرة ،،

بس احنا نتكلم عن الذاكرة القصيرة ،،

اعتقد تغيير نمط الحياة اللي نعيشها تسببت في النسيان
لدرجة انك تلاحظ ان الاطفال صاروا يعانون من علامات الزهايمر والعياذ بالله


لما نبتدي نعتمد على الحواسيب والأجهزة في حفظ ارقامنا وتواريخ ميلادنا
وميلاد عيالنا وتحفظ لنا الايات وتفاسيرها وتحفظ لنا كتابتنا من غير ما نرجع لها
اكيد نعطل خاصية استرجاع المعلومات والتعايش معاها ،،

فهناك اسباب للنسيان فهي مب موروثة لكنها تولدت مع طبيعة حياتنا المعيشية
من أكل او شرب او ,, او ,,,
هذا والله أعلم
ما بعد كلام الدكتوره ام السعف كلام
بس سؤال انتي متخرجه من اي جامعه :nice:

[ام السعف]

سعفوه يوزي اشدخل الخمر .. احنه ما نشرب الخمر والخمر يذهب العقل ابكبره
عاد عن نوعيه الاكل من احنه اصغار ناكل زبيب الا تعالوا يخليكم اذكيه ومخكم شغال
واعصابكم ما ادري ايش وكاني انسى واوقات اصير هبله ..
ما عليج كلام فاضي

شوفي بوعلي شيقول





الزبيب اكيد كنتي تلهطين وراه شي يودي مفعوله في جسمج

انتي عطيني علامة كاملة مع نجمة كاملة مب مقصوصة
بدور لج عن ما يثبت نظريتي وان طلعت نظريتي غلط اطرش لج كنافة
نفس اللي وعدت لبيبة فيها من الصيف اللي طاف وللحين ما شفتها :shy:

[MAZEN37]

ياخوي ارضى بالواقع فعلا انت صرت شيبه :weeping:

يرجح البعض بأن كلمة انسان تفسيرها هو انه نساي ومسئلة النسيان كثير ما يقال عنها بأنها نعمه . وهناك بعض الامور الي يقال بأنها تسبب كثرة النسيان مثل الهموم والمشاكل والذنوب وهناك تمارين لتقوية الذاكرة وبرامج خاصة وقرأت بأن نوعية الاكل تساهم في قوة الذاكرة . " لولا النسيان لمات الانسان "
لا والف لا انا شباب :weeping:
بس هرمت شوي :rolleyes2:
صدق فعلا لازم اشغل الجمجمه

[MAZEN37]

كنت ماانسى اي شي لي وكنت اشوف الناس اللي تنسى كل شي لها واقول لهم ياخي استعينو بالقم والدفتر حطلك مذكره على طبلون السياره وين بتروح وش عندك
علشان ماتنسى

لكن الحين قمت انسى وعلى فكره مره كنت مسافر عن طريق البر وكنت زعلان
لما وصلت عند فيلاجو الى واحد من الربع يقولي بتجي اليوم الغاريه عندنا عشى والجو
على كيفك قلت له انا رايح دبي قال يارجال طيع الشور
قلت له لا خلاص
انا طبيعتي اخلى بوكي في السياره تحت الشمسيه ويم طالعت ولا مش موجود قلت بل
وين ارجع في الزحمه كان اتصله واقوله خلاص هونت باجيك الى يقولي شرايك نروح الحسا ونرجع في الليل قلت له فلوسي ناسيها قال ماعليك انا باعطيك ورحنا ورجعنا بالليل الى المره تقول ليش مارحت
قلت لن اصبر على فرقى عيالي
:)

شي طبيعي وخصوصا عقب ماعديت العشرين
حسيت عمرك 21 يا حسن
قول الصج كم عمرك :telephone:

[ام السعف]

ما بعد كلام الدكتوره ام السعف كلام
بس سؤال انتي متخرجه من اي جامعه :nice:

ويقولون الرجال مب زينين......> صج انج مغرضة يا تحداني :anger1:

محد رافع لنا معنوياتنا الا هم يخرجونا من الجامعات واحنا ربات بيوت
خاشين شهادة الثانوية العامة في الدرج ولا دخلت معاها الا شهادة الزواج :shy:

[MAZEN37]

ترى هو يقصد لما تنسى نفسك .. او تنسى سيارتك .. او تنسى بوكك وافلوسك .. وتنسى الصافي وتنسى اللنج

ما يقصد الهم والحزن والغم والناس المب زينين
احسنتي الظاهر نصايح ام السعف جابت نتيجه
:deal:

[تحداني]

الزبيب اكيد كنتي تلهطين وراه شي يودي مفعوله في جسمج

انتي عطيني علامة كاملة مع نجمة كاملة مب مقصوصة
بدور لج عن ما يثبت نظريتي وان طلعت نظريتي غلط اطرش لج كنافة
نفس اللي وعدت لبيبة فيها من الصيف اللي طاف وللحين ما شفتها :shy:



ولا كنت الهط وراه شي ولا شي
كنت اشرب حليب نيدو .. واوقات عصير بونص
واوقات اكل زعتر .. شنو الي طير مفعوله



ما بعطيج علامه كامله
مافي شي خربط مخكم الا هالمعلومات الطبيه الي طالعين فيها وكلها غلط
نفس امس في برنامج وقت الشاي على اذاعه " qf " يقول الدكتور انا اول مره اسمع
الزبادي يودي الكرشه
في اكل يودي شي
قولوا الاكل خفيف في الليل مع سعرات حراريه قليله مفيده
وكل شي سعراته قليله يودي الكرشه


تثقفوا
وكافي تنخدعون بمعلومات متحجره
الا قولي مثل الابزار
الكيلو 60 ريال
والله جرحتيني :(

ويقولون الرجال مب زينين......> صج انج مغرضة يا تحداني :anger1:

محد رافع لنا معنوياتنا الا هم يخرجونا من الجامعات واحنا ربات بيوت
خاشين شهادة الثانوية العامة في الدرج ولا دخلت معاها الا شهادة الزواج :shy:



انا مب مغرضه
انتوا ما اتقولون شي عدل .. اوقات اتقولون معلومات امهات
ويبيلها تعديل


شاسوي انا

[ام السعف]

ولا كنت الهط وراه شي ولا شي
كنت اشرب حليب نيدو .. واوقات عصير بونص
واوقات اكل زعتر .. شنو الي طير مفعوله



ما بعطيج علامه كامله
مافي شي خربط مخكم الا هالمعلومات الطبيه الي طالعين فيها وكلها غلط
نفس امس في برنامج وقت الشاي على اذاعه " qf " يقول الدكتور انا اول مره اسمع
الزبادي يودي الكرشه
في اكل يودي شي
قولوا الاكل خفيف في الليل مع سعرات حراريه قليله مفيده
وكل شي سعراته قليله يودي الكرشه


تثقفوا
وكافي تنخدعون بمعلومات متحجره
الا قولي مثل الابزار
الكيلو 60 ريال
والله جرحتيني :(




انا مب مغرضه
انتوا ما اتقولون شي عدل .. اوقات اتقولون معلومات امهات
ويبيلها تعديل


شاسوي انا

خذت ثلاث ايام ادرس hangouts
وشكلي بتفرغ ادرس وابحث عن مفعول الطعام والشراب على الذاكرة
:(
ان شاءالله المنهج يكون سهل :telephone: