ربات البيوت وحقهم في التقدير

[بنت قطريههه]

السلام عليكم ورحمه الله انا أتكلم عن شريحه كبيره من النساء ربات بيوت بعضهم حصل على قدر عالي من التعليم وبعضهم متوسط وبعضهم أمي ولكنه فضل الجلوس في البيت لرعايه الاولاد والزوج أليس من حقهم ان يكون هناك مردود مادي تشجيع لهم وعلى تربيتهم لفلذات أكبادنا نعم الحكومه الرشيدة لم تقصر في زياده المعاشات والحياه الكرًيمه للمواطن القطري الان الدول الأوربيه تشجع الأمهات على الجلوس في البيت وتربيه الاطفال ولا يخفى علينا دوله الكويت الشقيقة بصرفها معاشات لربات البيوت مع أني اختلف معها في تحديد العمر فهذا اقل القليل لربه البيت التي ضحت بشهادتها لأجل بيتها وأسرتها اترك لكم الموضوع للنقاش الجدي شاكره لكم المشاركة

[مسمس12]

المفروض يعطونهم نفس رواتب الموظفات لانهم يقدمون اسمى واقدس وظيفة فالحياة

[ضوى]

السلام عليكم ورحمه الله انا أتكلم عن شريحه كبيره من النساء ربات بيوت بعضهم حصل على قدر عالي من التعليم وبعضهم متوسط وبعضهم أمي ولكنه فضل الجلوس في البيت لرعايه الاولاد والزوج أليس من حقهم ان يكون هناك مردود مادي تشجيع لهم وعلى تربيتهم لفلذات أكبادنا نعم الحكومه الرشيدة لم تقصر في زياده المعاشات والحياه الكرًيمه للمواطن القطري الان الدول الأوربيه تشجع الأمهات على الجلوس في البيت وتربيه الاطفال ولا يخفى علينا دوله الكويت الشقيقة بصرفها معاشات لربات البيوت مع أني اختلف معها في تحديد العمر فهذا اقل القليل لربه البيت التي ضحت بشهادتها لأجل بيتها وأسرتها اترك لكم الموضوع للنقاش الجدي شاكره لكم المشاركة

نعم من حقها التقدير المادي والتقدير المعنوي

مؤيدة وبقوة

[حسن]

سجلي عندك زوجتي اول وحده

اذا حصل خير وبركه وان ماحصل اللهم لك الحمد والشكر
على النعمه والصحه

[بنت قطريههه]

المفروض يعطونهم نفس رواتب الموظفات لانهم يقدمون اسمى واقدس وظيفة فالحياة

السلام عليكم ورحمه الله شكرًا لك مشاركتك وتأييدك لهم

[بنت قطريههه]

نعم من حقها التقدير المادي والتقدير المعنوي

مؤيدة وبقوة

السلام عليكم ورحمه الله شكرًا لمرورك وتأييدك المراءه ربه البيت

[ام السعف]

بما اني ربة بيت ،، في الحقيقة ما ادور راتب يدخل حسابي

ادور مراكز حكومية راقية تستقطب عيالنا يتعلمون فيها العلوم الحديثة
والدين والفقه والصلاة على اصوله وقراءة القرآن ،،

نبي مراكز تستوعب القطريين لأننا اليوم نحتاج لميزانيات ضخمة
علشان نعلم عيالنا لغات الكمبيوتر ولغات المحادثة او نشاركهم
في مراكز تقويهم جسديا ،، حتى اللغة العربية محتاجين لمراكز حكومية راقية ،،

[بنت قطريههه]

سجلي عندك زوجتي اول وحده

اذا حصل خير وبركه وان ماحصل اللهم لك الحمد والشكر
على النعمه والصحه

الاخ حسن الحمد لله على كل حال ولكن هذا اقل القليل لربه البيت التي استغنت عن الوظيفة لتعمل في مجال افضل وأسمى تربيه الجيل لانها اعرف شخص باحتياجات أسرتها مباركه لك في زوجتك التي فضلت الجلوس في البيت على العمل

[بنت قطريههه]

بما اني ربة بيت ،، في الحقيقة ما ادور راتب يدخل حسابي

ادور مراكز حكومية راقية تستقطب عيالنا يتعلمون فيها العلوم الحديثة
والدين والفقه والصلاة على اصوله وقراءة القرآن ،،

نبي مراكز تستوعب القطريين لأننا اليوم نحتاج لميزانيات ضخمة
علشان نعلم عيالنا لغات الكمبيوتر ولغات المحادثة او نشاركهم
في مراكز تقويهم جسديا ،، حتى اللغة العربية محتاجين لمراكز حكومية راقية ،،
السلام عليكم ورحمه الله اختي ام السعف انت ربه بيت ا ثابك الله في تربيه أولادك وبارك لك فيهم هذا الموضوع الذي طرحتيه يؤلمني بصراحه عندما ارى أطفالنا ضائعون في هذه المعمعة التي لاتسمن ولا تغني من جوع فراغ ديني. لغه عربيه ركيكة الفقه في الدين صفر نعم ولكن الله يساعدنا على تعليم أولادنا بما نستطيع شاكره لك المشاركة

[تحداني]

المفروض يعطونهم نفس رواتب الموظفات لانهم يقدمون اسمى واقدس وظيفة فالحياة




نعم من حقها التقدير المادي والتقدير المعنوي

مؤيدة وبقوة




وانا بعد مؤيده بقوه
هناك ربات بيوت يستاهلون اضعاف راتبنه
يكفي انهم قايمين بكل الواجبات الاسريه .. وغيرها من واجبات الله يعطيهم الصحه والعافيه
ما نتكلم عن الي ما تدري عن هوا دارها الحين الا بتطلع لنا هالردود



بما اني ربة بيت ،، في الحقيقة ما ادور راتب يدخل حسابي

ادور مراكز حكومية راقية تستقطب عيالنا يتعلمون فيها العلوم الحديثة
والدين والفقه والصلاة على اصوله وقراءة القرآن ،،

نبي مراكز تستوعب القطريين لأننا اليوم نحتاج لميزانيات ضخمة
علشان نعلم عيالنا لغات الكمبيوتر ولغات المحادثة او نشاركهم
في مراكز تقويهم جسديا ،، حتى اللغة العربية محتاجين لمراكز حكومية راقية ،،




الموضوع مركز على ربات البيوت
بليز ربات البيوت فقط خلج من ان شنو تبي ربات البيوت من المجتمع للمجتمع
ارجوج

كل سالفه لها سالفتها
تبين راتب ولا لا ؟؟

[Abdulraman]

ربة البيت تستاهل التحيه والتقدير وهي افضل من الموظفه بمليون مره

[ام السعف]

الموضوع مركز على ربات البيوت
بليز ربات البيوت فقط خلج من ان شنو تبي ربات البيوت من المجتمع للمجتمع
ارجوج

كل سالفه لها سالفتها
تبين راتب ولا لا ؟؟

ابي اللي أكبر من الراتب ،، احنا ما نعاني من نقص في الاموال
فالحياة بكثرة الاموال او بقلتها تمشي ،، فالحمدلله رب العالمين

ما في انسان عاقل لو قالوا له تعال بنزل لك راتب في حسابك عربون
امومتك او ابوتك يقول لا مابي ،،

لكن لو نظرنا لدور الأم الحقيقي اللي تبي مصلحة عيالها
عني ما اشوفه في نزول راتب 7000 ريال في حسابي
في الوقت اللي امكانية بلادي ممكن توفر لي المراكز اللي اطالب فيها
ب 7 مليارات ونطلع بجيل يشل البلاد لسنوات قادمة ،،

[dm styal]

اعظم شهادة وتقدير تلقاه من رب العالمين اجر وحسنات
لكن ان يعطونها راتب خل زوجها يعطيها عجل ليش هو يشتغل هذا دور المرأة في الحياة تربية ورعاية الاسرة.:victory:

[حسن]

ابي اللي أكبر من الراتب ،، احنا ما نعاني من نقص في الاموال
فالحياة بكثرة الاموال او بقلتها تمشي ،، فالحمدلله رب العالمين

ما في انسان عاقل لو قالوا له تعال بنزل لك راتب في حسابك عربون
امومتك او ابوتك يقول لا مابي ،،

لكن لو نظرنا لدور الأم الحقيقي اللي تبي مصلحة عيالها
عني ما اشوفه في نزول راتب 7000 ريال في حسابي
في الوقت اللي امكانية بلادي ممكن توفر لي المراكز اللي اطالب فيها
ب 7 مليارات ونطلع بجيل يشل البلاد لسنوات قادمة ،،

اتفق معاك

تصلحين تكونين في التخطيط وتوصلين
رؤيه ام السعف الى قطر 2020

[تحداني]

ابي اللي أكبر من الراتب ،، احنا ما نعاني من نقص في الاموال
فالحياة بكثرة الاموال او بقلتها تمشي ،، فالحمدلله رب العالمين

ما في انسان عاقل لو قالوا له تعال بنزل لك راتب في حسابك عربون
امومتك او ابوتك يقول لا مابي ،،

لكن لو نظرنا لدور الأم الحقيقي اللي تبي مصلحة عيالها
عني ما اشوفه في نزول راتب 7000 ريال في حسابي
في الوقت اللي امكانية بلادي ممكن توفر لي المراكز اللي اطالب فيها
ب 7 مليارات ونطلع بجيل يشل البلاد لسنوات قادمة ،،


اعظم شهادة وتقدير تلقاه من رب العالمين اجر وحسنات
لكن ان يعطونها راتب خل زوجها يعطيها عجل ليش هو يشتغل هذا دور المرأة في الحياة تربية ورعاية الاسرة.:victory:




اتفق معاك

تصلحين تكونين في التخطيط وتوصلين
رؤيه ام السعف الى قطر 2020




مافي مانع اتحصل تقدير مادي وهي تستاهل هالتقدير
وابنفس الوقت الحمد لله رب العالمين بلادنا ما قصرت
مراكز ابحاث علميه
جامعات
معاهد
مدارس بأبنيه حديثه
نأمل فكر جديد في المستقله
جامعه قطر وازاله الحواجز


اما ان ربه البيوت تستغنى عن التقدير المادي عشان ان اتمنى معاهد ومراكز
والمراكز موجوده
اشوفه قمه في التناقض

[تحداني]

اعظم شهادة وتقدير تلقاه من رب العالمين اجر وحسنات
لكن ان يعطونها راتب خل زوجها يعطيها عجل ليش هو يشتغل هذا دور المرأة في الحياة تربية ورعاية الاسرة.:victory:




الاجر والثواب الانسان يلقاه مب بس في اعياله
في كل عمل يرضى الله سبحانه وتعالى .. زوجها بيعطيها .. والدوله بعد تعطيها
ايش المانع ؟؟ وين المشكله ؟؟

هل فيها اهانه ؟؟
ولا تقليل من ميزانيه الدوله ؟؟
ولا فيها عزه نفس ؟؟

اشوفها لفته جميله ومميزه من الدوله
وتكريم جميل

[dm styal]

الاجر والثواب الانسان يلقاه مب بس في اعياله
في كل عمل يرضى الله سبحانه وتعالى .. زوجها بيعطيها .. والدوله بعد تعطيها
ايش المانع ؟؟ وين المشكله ؟؟

هل فيها اهانه ؟؟
ولا تقليل من ميزانيه الدوله ؟؟
ولا فيها عزه نفس ؟؟

اشوفها لفته جميله ومميزه من الدوله
وتكريم جميل

اذا الدولة بتعطيها خير وبركة ماقلت شي ولكن اجرها عند الله اعظم كفاية انها أم أنا ماعارضت مثل ماذكرت فهمتني غلط حبيت ابين اجرها عند الله

[تحداني]

اذا الدولة بتعطيها خير وبركة ماقلت شي ولكن اجرها عند الله اعظم كفاية انها أم أنا ماعارضت مثل ماذكرت فهمتني غلط حبيت ابين اجرها عند الله



حبيبتي انا اسفه والله بس انا اقول الاجر والثواب شي طيب
والامور الماديه التقديريه هم شي طيب

سامحيني اذا ضايقتج

[روز باريس]

ابغي راتب وبشدة من حقي يكون لي رتب وافكرة اقدام على الديوان بخصوص الراتب

[الأصيلة]

المفروض يكون هناك تقدير مادي ومعنوي
يكون هناك نادي راقي فيه كل الإمكانيات التي تؤهل ربات البيوت
مثلا قسم لتعليم اللغة / أو الكمبيوتر / التنمية البشرية
وماشابه ذلك وبعض الهوايات المختلفة ...وفيه يكون التعارف والتلاقي
فتقضي فيه بعض الوقت وخاصة الفترة الصباحية...
وإن شاء الله ينظرون في هذا الموضوع...

[فريج النجادة]

نعم من حقها التقدير المادي والتقدير المعنوي

مؤيدة وبقوة


مؤيدة وبقوة

[تحداني]

ابغي راتب وبشدة من حقي يكون لي رتب وافكرة اقدام على الديوان بخصوص الراتب


واعطيج صوت رابع وخامس
نعم من حقكم بعزه نفس وبكرامه محفوظه
ماله داعي توقفين عند اليوان ولا عند الباب
انتوا امهاتنا وعلى راسنه



المفروض يكون هناك تقدير مادي ومعنوي
يكون هناك نادي راقي فيه كل الإمكانيات التي تؤهل ربات البيوت
مثلا قسم لتعليم اللغة / أو الكمبيوتر / التنمية البشرية
وماشابه ذلك وبعض الهوايات المختلفة ...وفيه يكون التعارف والتلاقي
فتقضي فيه بعض الوقت وخاصة الفترة الصباحية...
وإن شاء الله ينظرون في هذا الموضوع...




فكره حلوه بعد .. الله يجزيج كل خير
تكريم مادي ومعنوي وكل شي

اعطيج صوتي السادس

[ام السعف]

اتفق معاك

تصلحين تكونين في التخطيط وتوصلين
رؤيه ام السعف الى قطر 2020

هيهيهي
ليش قلصتهم من 30 خليتهم 20 ؟




مافي مانع اتحصل تقدير مادي وهي تستاهل هالتقدير
وابنفس الوقت الحمد لله رب العالمين بلادنا ما قصرت
مراكز ابحاث علميه
جامعات
معاهد
مدارس بأبنيه حديثه
نأمل فكر جديد في المستقله
جامعه قطر وازاله الحواجز


اما ان ربه البيوت تستغنى عن التقدير المادي عشان ان اتمنى معاهد ومراكز
والمراكز موجوده
اشوفه قمه في التناقض

للحين ما عندنا هالمراكز اللي خاطري فيها

مراكز البحوث مب مخصص للقطريين من سنين دخولهم المدرسة
معاهد ما عندنا للقطريين
يعني اليوم لو ابي اعلم ولدي لغة انجليزية او فرنسية
تخيلي للواحد فيهم بس احتاج 3000 ريال قطري حق كورس واحد

ما عندنا مراكز لتعليم الكمبيوتر ولغاته وبرامجه

الفوتوشوب قدرت وطقطقت يمين ويسار وقدرت اقعد وامسكه
واكون معينة لهم في تعلمه ،،

الجافا و الفلاش و الثري دي ماكس
هالثلاث البرامج بنتي محتاجة تتعلمهم علشان مشروع التخرج
في الاي تي ،، تخيلي كم بنحتاج ميزانية علشان تتعلم هالبرامج ؟

بتودينها مركز يا قلينة يا ماطوع يعطيها اساسيات بس على 2300
بتاخذينها مركز متطور مثل العطية والهايتك عشر الاف ريال للدورة
حق مادة وحدة بس :rolleyes2:

زين يعني الـ 7000 ريال بتعلم بنتي ولا خوسيه ولا من فيهم ؟

لكن لو الدولة وفرت لنا مراكز متطورة على شاكلة سباير
وملحقاته شوفي اشلون بنستفيد وعيالنا بيستفيدون ،،

والحين انيي للقرآن واصول الفقه والحديث
هذي مب موجودة لعيالنا في قطر ،، الا المساجد
وتعالي شوفي حال بعض المساجد ،، يادوب يلحقون يحفظون اليهال
والباقي عيالنا ميح فيه :(

شاحجي شاقول يا تحداني
القلب متروسة وخاطري طماع يبي فوق ال 7 ريال في الرصيد
:(

[بصمة قطرية]

أنا ربة بيت
ما أبي راتب
أبي مدارس عدله لعيالي
أبي عيالي يتعلمون في المدرسة اللي تناسب قدراتهم
أبي الدولة تتكفل بتعليم عيالي على الأقل تعطينا الكوبونات التعليمية ..
أبسط حق من حقوق عيالنا ( التعليم ) مجانية التعليم ..
أكبر قهر لما يصير التعليم أصعب شي
ندفع دم قلبنا على مدارس خاصة
لأن وبكل بساطة مافي مدارس حكومية تناسبهم ..
( فئات خاصه تندرج تحت ذوي الاحتياجات الخاصة مافي لهم مدرسة حكومية ) ...!!!!!!
مدرسة حكومية وحدة بس في قطر فونديشن و يرفضون
و لسته طويلة ....!!
وين نودي عيالنا ...
قسم بالله قهر ....

[بنت قطريههه]

ربة البيت تستاهل التحيه والتقدير وهي افضل من الموظفه بمليون مره

السلام عليكم ورحمه الله اشكرك على مشاركتك بالموضوع ربه البيت هي العمود الفقري للاسره خاصه من خصصت وقتها وجهدها لأسرتها

[بنت قطريههه]

اعظم شهادة وتقدير تلقاه من رب العالمين اجر وحسنات
لكن ان يعطونها راتب خل زوجها يعطيها عجل ليش هو يشتغل هذا دور المرأة في الحياة تربية ورعاية الاسرة.:victory:
السلام عليكم ورحمه الله اشكرك على المشاركة ربه البيت ترتدي الأجر من رب العالمين ولكن لا يمنع ان يكون لها راتب من الدوله شهريا تقديرا لجهودها في تربيه نشئ صالح عارف حقوق ربه ووطنه

[نوار قطر]

والله اذا عطوهم مب شين ،،، امهاتنا وخواتنا يستاهلوون كل خيررر ،،كفايه انهم قضو عمرهم كله وهم يربون عيالهم ،،،

[بنت قطريههه]

ابغي راتب وبشدة من حقي يكون لي رتب وافكرة اقدام على الديوان بخصوص الراتب

السلام عليكم ورحمه الله اختي من حق كل ربه بيت قطريه راتب من الدوله اسوه لأختنا الكويتيه ما لمانع فهذا تشجيع وتحفيز لربه البيت شاكره لك المشاركة

[بنت قطريههه]

المفروض يكون هناك تقدير مادي ومعنوي
يكون هناك نادي راقي فيه كل الإمكانيات التي تؤهل ربات البيوت
مثلا قسم لتعليم اللغة / أو الكمبيوتر / التنمية البشرية
وماشابه ذلك وبعض الهوايات المختلفة ...وفيه يكون التعارف والتلاقي
فتقضي فيه بعض الوقت وخاصة الفترة الصباحية...
وإن شاء الله ينظرون في هذا الموضوع...
السلام عليكم ورحمه الله اختي الأصليه يعجبني ردودك المتزنه واقتراحاتك بالنادي فما المانع من تطوير انفسنا للمشي مع مجريات الحياه السريعة لنواكب تطور أولادنا في جميع المجالات ومردود مادي فالدوله كريمه ولن تقصر في مواطنيها شاكره لك المشاركة

[بنت قطريههه]

والله اذا عطوهم مب شين ،،، امهاتنا وخواتنا يستاهلوون كل خيررر ،،كفايه انهم قضو عمرهم كله وهم يربون عيالهم ،،،

السلام عليكم ورحمه الله اشكرك على المشاركة نعم ربات البيوت يستاهلون كل خير فيجب عدم التقصير معهم من ناحيه الماديه والمعنويه

[سما الوطن]

السلام عليكم

لا ادري كيف ربطتم التقدير للربات البيوت براتب؟

وشي اخر هل وصلنا لمرحله ان لما تقوم الوحده بواجبها من تربيه اطفال ورعايه منزل تريد راتب مقابل هذا
بل وتعتبره من حقها

عذرا ولكنها طريقه تقكير غير مقبوله

ان اعطت الدوله راتب لربات البيوت فاهلا وسهلا
اما ان اطالب به لاني اربي عيالي واشوف شؤون بيتي فتلك وربي مصيبه

وما رايك ايضا ان نطلب راتب للرجال لرعايتهم اسرهم
لا تقولون هو موظف وياخذ راتب ..الراتب ذلك لتعبه ومجهوده بالدوام وبالتالي يستحق راتب لرعايته اسرته
وايض ان لم يكن عندي اطفال وارعى امي ما رايكم اطلب راتب لرعايه امي

[أسد الجزيرة]

المسئولين ينظرون الى ربات البيوت كبطالة يجب تشغيلها و دمجها مع المجتمع لانه لو همهم الاسرة و انشاء مجتمع سليم قويم على اسس الدين فما كان هذا حال اخواتنا الموظفات

فاقد الشئ لا يعطيه

[تغلبية]

ما نعاف سخى الحكومة

يستاهلون ربات البيوت واشوفه بيشجع موظفات كثيرات للجلوس في المنزل والقبول بوظيفة ربة بيت فقط :)

[لولو2022]

المفروض يكون هناك تقدير مادي ومعنوي
يكون هناك نادي راقي فيه كل الإمكانيات التي تؤهل ربات البيوت
مثلا قسم لتعليم اللغة / أو الكمبيوتر / التنمية البشرية
وماشابه ذلك وبعض الهوايات المختلفة ...وفيه يكون التعارف والتلاقي
فتقضي فيه بعض الوقت وخاصة الفترة الصباحية...
وإن شاء الله ينظرون في هذا الموضوع...

:nice:

[تحداني]

ما نعاف سخى الحكومة

يستاهلون ربات البيوت واشوفه بيشجع موظفات كثيرات للجلوس في المنزل والقبول بوظيفة ربة بيت فقط :)




اعطيج صوتي :) .. واي ام ما تبي راتب خل اتحوله على احسابي
وانا اعرف اتصرف فيه

خلونه نقول مافي مانع راتب + معاهد + مراكز
في ناس ساعات يتواضعون بطريقه ما ادري اشلون
اقوم افكر فيها يمين يسار ما القى لها معنى

سامحوني هذا احساسي

[أسد الجزيرة]

الا ايش صار على العمل عن بعد

[حسن]

ربات البيوت حقهم محفوظ عندنا احنا الرجال


:)

[تحداني]

ربات البيوت حقهم محفوظ عندنا احنا الرجال


:)



لما تعطيهم الدوله شئ من المخصصات الماليه ما اعتقد فيها اهانه للزوج
ولا فيها اي نوع من الاهانات
كرامتها على العين والراس
وهذا نوع من التقدير .. والوطن وابناء الوطن كلنا فدى هذا البلد
وفدى كل لحظه طموح ورفعه لولاه الامر

ولاه الامر نظرتهم لشعبهم نظره تكريم
وليست تقليل

[كاروهات]

السلام عليكم ورحمه الله انا أتكلم عن شريحه كبيره من النساء ربات بيوت بعضهم حصل على قدر عالي من التعليم وبعضهم متوسط وبعضهم أمي ولكنه فضل الجلوس في البيت لرعايه الاولاد والزوج أليس من حقهم ان يكون هناك مردود مادي تشجيع لهم وعلى تربيتهم لفلذات أكبادنا نعم الحكومه الرشيدة لم تقصر في زياده المعاشات والحياه الكرًيمه للمواطن القطري الان الدول الأوربيه تشجع الأمهات على الجلوس في البيت وتربيه الاطفال ولا يخفى علينا دوله الكويت الشقيقة بصرفها معاشات لربات البيوت مع أني اختلف معها في تحديد العمر فهذا اقل القليل لربه البيت التي ضحت بشهادتها لأجل بيتها وأسرتها اترك لكم الموضوع للنقاش الجدي شاكره لكم المشاركة


والله يا بنتي كلامج ضايقني وايد انا ام وتبيني انطر مردود مادي عشان اربي عيالي

عسى ما شر وين عايشين

وين وصلنا!!!!!!!!!!!!!!!!!

لهدرجة صرتوا اثمنونا بالمادة

اضحى بعمري وحياتي وشبابي وشهادتي لاجل عيونهم وربي ما احتاج فلس واحد

خليهم يطلعون متربين عدل يكفيني هذا لاجل ربي يدخلني جنته، مو لاجل اخذ المادة

ليش حياتنا صارت بهالصورة كل شي نقدمه لازم بمقابل

طيب واذا نبي مقابل ما يكفينا جنات عرضها السموات والارض

الحمدلله يا رب العالمين

[حسن]

لما تعطيهم الدوله شئ من المخصصات الماليه ما اعتقد فيها اهانه للزوج
ولا فيها اي نوع من الاهانات
كرامتها على العين والراس
وهذا نوع من التقدير .. والوطن وابناء الوطن كلنا فدى هذا البلد
وفدى كل لحظه طموح ورفعه لولاه الامر

ولاه الامر نظرتهم لشعبهم نظره تكريم
وليست تقليل

خلينا نكون واقعيين يااخت تحداني
الحمدلله دولتنا فيها الخير وماقصرت
باسعاد مواطنيها وميزتهم عن باقي الدول
بس شلون الدوله تصرف لهم رواتب وهم متزوجات وعندهم ازواج وياخذون مرتبات

وليش صرنا نطالب بامور ماتحق لنا
المطلقه لها راتب والعجز له راتب

ماصير بس يالله نبي فلوس فلوس
سار الهم بس فلوس
وياريت منهم من يستغلها صح لا ولد ولا بنت
الكثير يقدها في سفرات وخرابيط ولا سيارات فارهه

وهذا الواقع وشوفي الحين السفرات
قبل رمضان وبعده

بسكم فلوس قولو الحمدلله ويالله بالستر
والصحه والعافيه

خلو البركه تحل علينا
:)

[حسن]

والله يا بنتي كلامج ضايقني وايد انا ام وتبيني انطر مردود مادي عشان اربي عيالي

عسى ما شر وين عايشين

وين وصلنا!!!!!!!!!!!!!!!!!

لهدرجة صرتوا اثمنونا بالمادة

اضحى بعمري وحياتي وشبابي وشهادتي لاجل عيونهم وربي ما احتاج فلس واحد

خليهم يطلعون متربين عدل يكفيني هذا لاجل ربي يدخلني جنته، مو لاجل اخذ المادة

ليش حياتنا صارت بهالصورة كل شي نقدمه لازم بمقابل

طيب واذا نبي مقابل ما يكفينا جنات عرضها السموات والارض

الحمدلله يا رب العالمين

جزاك الله خير على هذه القناعه
وانشاء الله الله يزيدك من فضله قلتي اللي ابي اقوله

اصبحا شعب مادي بحت

:victory:

[Qatar Angel]

ايش هالتفكير المادي يا اختي الله يرضى عليج
هالراتب بيكون له تأثير سلبي عالمجتمع وبيشجع
الأمهات على الاستقلال والتفكك الأسري في ابسط خلاف عائلي

[تحداني]

والله يا بنتي كلامج ضايقني وايد انا ام وتبيني انطر مردود مادي عشان اربي عيالي

عسى ما شر وين عايشين

وين وصلنا!!!!!!!!!!!!!!!!!

لهدرجة صرتوا اثمنونا بالمادة

اضحى بعمري وحياتي وشبابي وشهادتي لاجل عيونهم وربي ما احتاج فلس واحد

خليهم يطلعون متربين عدل يكفيني هذا لاجل ربي يدخلني جنته، مو لاجل اخذ المادة

ليش حياتنا صارت بهالصورة كل شي نقدمه لازم بمقابل

طيب واذا نبي مقابل ما يكفينا جنات عرضها السموات والارض

الحمدلله يا رب العالمين




خلينا نكون واقعيين يااخت تحداني
الحمدلله دولتنا فيها الخير وماقصرت
باسعاد مواطنيها وميزتهم عن باقي الدول
بس شلون الدوله تصرف لهم رواتب وهم متزوجات وعندهم ازواج وياخذون مرتبات

وليش صرنا نطالب بامور ماتحق لنا
المطلقه لها راتب والعجز له راتب

ماصير بس يالله نبي فلوس فلوس
سار الهم بس فلوس
وياريت منهم من يستغلها صح لا ولد ولا بنت
الكثير يقدها في سفرات وخرابيط ولا سيارات فارهه

وهذا الواقع وشوفي الحين السفرات
قبل رمضان وبعده

بسكم فلوس قولو الحمدلله ويالله بالستر
والصحه والعافيه

خلو البركه تحل علينا
:)




انا اظاهر فاهمه الموضوع غلط او انتوا مب فاهمين علي
هذا الراتب مب مقابل تربيه واهتمام وطبخ وغسيل الي هو واجب من واجباتها
مب معناته ان عشان اربي اعيالي تعالوا ادفعوا لي

الام واجبها وامومتها وانسانيتها تتحتم عليها تربي
بمقابل وبلا بدون مقابل


يعني الزوجه الي ما عندها اعيال ما تاخذ راتب ؟؟
لا خل تاخذ راتب حتى لو ما عندها اعيال

الزوجه الي اعيالها امسافرين للخارج ما تاخذ راتب ؟؟
لا خل تاخذ راتب

انا اتكلم عن لو الدوله حبت تعطي كل ربه بيت راتب لمجرد انها ربت بيت سواء عندها اعيال او ما عندها اعيال .. فاهلا وسهلا .. واحنه ما انمانع هذا شي طيب

ايش علاقه ماديات
وكرامات
وقناعات
ومنه
وعزه نفس

ايش علاقه ان زوجها صاينها وحافظها

ايش علاقه ان هي مب ميته على الافلوس
يمكن هالافلوس ما تعني لها شي .. بس تقدير الدوله لربات البيوت تقدير جميل
ومحل تقدير


انتوا ماخذينها من زاويه غريبه وايد

[حسن]

انا اظاهر فاهمه الموضوع غلط او انتوا مب فاهمين علي
هذا الراتب مب مقابل تربيه واهتمام وطبخ وغسيل الي هو واجب من واجباتها
مب معناته ان عشان اربي اعيالي تعالوا ادفعوا لي

الله يهداك الحين في ام تغسل وتطبخ وغيره
الخدامات هم اللي قايمين بكل شي
دورها فقط رقابي عند بعض الامهات
ولا البعض حتى مايعرف الملح من السكر
:secret:


الام واجبها وامومتها وانسانيتها تتحتم عليها تربي
بمقابل وبلا بدون مقابل

مش كل ام ياسيدتي قله قليله تهتم هذا واقع
ماننكره
وباقولك شي والله وثم والله لو لا اني اشد
على التربيه وغيرها لكان انا مثل هؤلاء
المره بطبيعتها تغار وتحب تقلد الاخرين وتغير منهم ليش انا وليش ذيلاك
هذا شي غريزي


يعني الزوجه الي ما عندها اعيال ما تاخذ راتب ؟؟
لا خل تاخذ راتب حتى لو ما عندها اعيال

الزوجه الي اعيالها امسافرين للخارج ما تاخذ راتب ؟؟
لا خل تاخذ راتب


عندها زوج ياسيدتي هو المتكفل فيها
مادري انتي ليش نفيتي دور الزوج هني
ولا جبتي له طاري


انا اتكلم عن لو الدوله حبت تعطي كل ربه بيت راتب لمجرد انها ربت بيت سواء عندها اعيال او ما عندها اعيال .. فاهلا وسهلا .. واحنه ما انمانع هذا شي طيب


نسخه الى مجلس الشورى للدراسه اقتراح
اخت تحداني
:)

ايش علاقه ماديات
وكرامات
وقناعات
ومنه
وعزه نفس


الحياه اصبحت ماديات للاسف الاخو يبيع اخوه والصديق يبيع صديقه
قولي له يرجع فلوس الدين مايستحي وين الصداقه ياتحداني الفلوس وكم تملك فانت صديقي


:telephone:


ايش علاقه ان زوجها صاينها وحافظها

ايش علاقه ان هي مب ميته على الافلوس
يمكن هالافلوس ما تعني لها شي .. بس تقدير الدوله لربات البيوت تقدير جميل
ومحل تقدير

دام انها ماتعني لها شي وشله تبي الفلوس
:(
انتوا ماخذينها من زاويه غريبه وايد



كل ن ياطالع من زاويته هذه خلقه ربنا

:weeping:





رايك يحترم
:)

واختلاف وجهات النظر شي طبيعي وصحي
ويساعد على انقاص الوزن اسرع من موضوعك
:)

بعدين

[تحداني]

رايك يحترم
:)

واختلاف وجهات النظر شي طبيعي وصحي
ويساعد على انقاص الوزن اسرع من موضوعك
:)

بعدين



انت دخلتنه يا بوعلي في مليون موضوع
وانا موضوعي واحد الا وهو " الزوج على العين والراس والخشم والاذن والاكتاف
ووسام على الصدر .. وهو راس المال والكل في الكل .. وبدونه المرأه ما تسوى شي
وهو الاب والاخ والخال والعم والجد وجد الجد "


مب قصه ماديات
لو تعطي الدوله 500 ريال كنوع من التقدير
هم الحمد لله رب العالمين وهالخمسميه يمكن ما تسوى شي عند البعض
لكن تسوى ملايين في اعيون ربات البيوت الي اكرمهم فيه ولاه الامر والوطن

مب قصه زوجها عيزان عنها ولا قصه اي شي ثاني

ياربي شاسوي .. حسستوني اني حنظل البخيل
:(


خل ينزل هالوزن ورانه رمضان وعيد وفساتين


:(

[بنت قطريههه]

ايش هالتفكير المادي يا اختي الله يرضى عليج
هالراتب بيكون له تأثير سلبي عالمجتمع وبيشجع
الأمهات على الاستقلال والتفكك الأسري في ابسط خلاف عائلي
السلام عليكم ورحمه الله يا إخوان ويا أخوات ليه هال ردود انا طالبت بحق لنا ربات البيوت يا إخوان معليه في ذا الكلمه كل زوج يعطي زوجته واللي مؤ متزوجه وقاعده ويمكن يتيمه من يعطيها يعني الحكومه كريمه واحنا تستأهل

[سما الوطن]

والله يا بنتي كلامج ضايقني وايد انا ام وتبيني انطر مردود مادي عشان اربي عيالي

عسى ما شر وين عايشين

وين وصلنا!!!!!!!!!!!!!!!!!

لهدرجة صرتوا اثمنونا بالمادة

اضحى بعمري وحياتي وشبابي وشهادتي لاجل عيونهم وربي ما احتاج فلس واحد

خليهم يطلعون متربين عدل يكفيني هذا لاجل ربي يدخلني جنته، مو لاجل اخذ المادة

ليش حياتنا صارت بهالصورة كل شي نقدمه لازم بمقابل

طيب واذا نبي مقابل ما يكفينا جنات عرضها السموات والارض

الحمدلله يا رب العالمين


بارك الله فيك وبردك

[تغلبية]

اعطيج صوتي :) .. واي ام ما تبي راتب خل اتحوله على احسابي
وانا اعرف اتصرف فيه

خلونه نقول مافي مانع راتب + معاهد + مراكز
في ناس ساعات يتواضعون بطريقه ما ادري اشلون
اقوم افكر فيها يمين يسار ما القى لها معنى

سامحوني هذا احساسي

اشوفه موب تواضع ... الا انكار ذات موب طبيعي !

ولي الامر يبي يعطيج شي تقولينه لا مابي ؟!!

حتى لو النفس عزيزة والمراة عندها خير ومكتفية .. ما يمنع اني اخذه اما احطه حق اعمال

خيرية او انا اجمعه واسوي منه النادي النسائي اللي ماسوته الدولة !

على قولة القايل : انا غنية وأحب الهدية :victory:

[الصغيره]

فعلا يستحقن التقدير ورواتب تصرف عليهن لانهن الاساس بالتربيه

[بنت قطريههه]

اشوفه موب تواضع ... الا انكار ذات موب طبيعي !

ولي الامر يبي يعطيج شي تقولينه لا مابي ؟!!

حتى لو النفس عزيزة والمراة عندها خير ومكتفية .. ما يمنع اني اخذه اما احطه حق اعمال

خيرية او انا اجمعه واسوي منه النادي النسائي اللي ماسوته الدولة !

ع. لى قولة القايل : انا غنية وأحب الهدية :victory:

السلام عليكم ورحمه الله اختي تغليبه اشكرك على ردك عندما طرحت الموضوع لم اكن اطلب صدقه او منه من احد فنحن ولله الحمد والمنه في خير ابو مشعل ولكن تقديرا مني لدور ربه البيت التي ضحت بشهادتها من اجل راحت أسرتها نعم هذا تشريف لنا وليس تكليف واجروا عند رب العالمين ولكن المراءه اتجهت للعمل مهما كانت الظروف والمعاشات مغريه فعندما تصرف الدوله على ربات البيوت فهنا نكافئها على مجهودها شاكره لكم المشاركة

[بنت قطريههه]

فعلا يستحقن التقدير ورواتب تصرف عليهن لانهن الاساس بالتربيه

السلام عليكم ورحمه الله اختي الصغيره اشكرك على المشاركة نعم الأمهات هم اساس التربيه ويستحقون تكريم مادي ومعنوي

[ام السعف]

ايش هالتفكير المادي يا اختي الله يرضى عليج
هالراتب بيكون له تأثير سلبي عالمجتمع وبيشجع
الأمهات على الاستقلال والتفكك الأسري في ابسط خلاف عائلي

الراتب هذا بيكون عوض عن تفكيرها للعمل خارج المنزل

فراتب المدرسة اوالطبيبة او الموظفة في اي دائرة لا تقولون ان
غيابها ارسى التماسك وعدم الاستقلالية والتفكك ،،

فالموضوع مب متعلق بالمال نفسه ،، قد ما هو متعلق بسد حاجة المحتاجة للمال هذا

عني كأم اليوم وحسب ظروفي المادية 7000 ريال ما بتسد حاجتي في تطوير عيالي
فلو بياخذون برايي اطمع الى ماهو اكثر من ال 7000 ريال ،،

فالموضوع عندي مب محصور في الفلوس ،، لأني ربيت عيالي في ظروف مادية
حالكة ومع هذا ربي سهل لنا وقدرنا ندخلهم مراكز ومعاهد حتى السباحة
تعلموها بفلوس مع انهم قطريين لأني ما كنت ابي اسجلهم في نوادي عامة ،،

واليوم كبر اللي كبر منهم وبقى اللي ما كبر منهم ،،

اشبتسوي لي الفلوس الـ 7000 لو باجر ولد ولدي ما عنده
مثل هالمراكز يلتحق فيها ؟
اسبتسوي بنت بنتي او عيال عيال اخواني وخواتي وعيال قطر
لو هال 7000 ريال دخلت جيبي ؟

عني متنازلة عنها وما بيها مب لأني ارصدتي مدحوبة فلوس
لا

ما بيها في سبيل وجود بدائل اتطور عيالي وتنمي قدراتهم
فلو عيالي اليوم كبروا الله يحفظهم ابي المشروع يخدم كل عيال قطر
فوجود الفلوس مع الوضع الراهن ما يغطي التكاليف المطلوبة لتطويرهم،،

اما اني اخذ الفلوس لأني بس ابي افلوس ،، عني مابي الفلوس
لأنها فلوس ابي اللي ممكن تقدر الفلوس تسويه ،،

وشكرا لكم