استفسار ضروري

[المسافرة]

السلام عليكم

ابي احد يقولي بالضبط ابي اطلع فيزا شنجن لمدة خمس سنين وين افضل الالمانية والا السفارة الفرنسية ووين مكانها الفرنسية
بلييز ابيه عاااجل لاني مسافرة تاريخ 6/6/2013
مبلغ الفيزا لخمس سنين
والمدة ومكان السفارة الفرنسية لاني جربت الالمانية
ويعطيكم العافية

[آنــه]

نصيحه خلج على الالمانية .. الفرنسيه شوي بتتأخرين فيها :)

احنا 3 سنوات دفعنا عليها 800 ريال

[احمـد]

اختي انا طلعت الفيزه الفرنسيه من ريجنسي للسفريات بس يوم واحد تمت المعاملة بس مادري اذا للحين يوفرون هالخدمة على العموم موفقه , ومكان السفارة صوب شارع السفارات الي احذى فندق الهليتون والفورسيزن .. واذا ماعرفتيه وصلي لهالفنادق وسالي عن السفاره الفرنسيه بتكون قريبه منج .. موفقه

[المسافرة]

مستحيل ٣ سنين و ٨٠٠ بس

[آنــه]

والله بس 800 .. توني شهر 3 مسويه الفيز حق اختي وعيالها :)

[monatee]

قبل خذناها بسرعه والمندوب يخلصها لنا بدون مقابله

الحين الشنقن اجباري مقابله ،، والتقديم بالنت وفي النت يحددلج موعد المقابله

الكلام ينطبق على السفارات كلهم

الزبده ان تحديد المقابله دايما يختارلج السستم تاريخ مايقل عن اسبوعين او ثلاثه اهنيه المشكله

[almaf1a]

النظام تغيير اللحين
لازم تفيز في نفس سفارة البلاد الي بتسافر لها
تأكد من الموضوع قبل ما تفيز في سفارة ثانيه

[A7med]

الفرنسيه الافضل

مافي 5 سنوات لان الاهم عندهم ان الفيزا تنتهي قبل نهاية الجواز
يعني 4 سنين
والرسوم ثابته سنه او اكثر نفس المبلغ حوالي 300 ريال

[القلم الصريح]

تغير نظام الحصول على فيزة شنق عن قبل

قبل طرش المندوب بروحه يسويها ويجيبها بدون ماتطب السفاره

الحين لازم تعبي الطلب وتاخذ موعد بالنت ومن الصبح عند باب السفاره فالشمس وتلته ومعامله سيْه جدا
وبهدله ولازم اوراقك كامله او يردونها لك خصوصا الفرنسية
والرسوم ثابته سواء سنه او 5 سنوات تقريبا 280 ريال وتتحدد مدة الفيزا على مدة صلاحية الجواز

انا سمعت انه الشنقل عن طريق السفاره الاسبانية والايطاليه وايد متساهلين عن الفرنسيه والالمانيه وتطلع بنفس اليوم او لمده يوم واحد