شركة مقاولات .. ملتزمة بالوقت .. أمينة .. تكلفة قليلة :)

[رجل المستحيل]

من العنوان عرفتم ماذا أريد ..

أريد شركة مقاولات .. ملتزمة بالوقت .. أمينة .. تكلفة قليلة :) ..

غالبا انا اطلب أمرا صعبا .. ولكن تعلمت طول حياتي ان اتفاءل .. :victory:

في هذا المنتدى سابقا .. رشح لي الإخوة عددا من شركات الاستشارات لرسم الخرائط .. فكان منها المركز القطري للاستشارات .. وتجربتي معمه إيجابية للغاية .. التزام بالعمل وسعر مناسب .. :nice:

الآن بعد ان أن انتهيت من رسم خرائطي .. أريد المقاول الشاطر .. وفقا لشروطي الثلاث .. الالتزام .. الامانة .. السعر المناسب ..

فهل منكم من يرشدني :)

كل الشكر لكم سلفا ....

[Bozizoo]

على قولتك مافي شي مستحيل
الله يوفقك اخوي

[عيون الدوحة]

شركة الشهيد

[زمان]

في ناس كثير ما تحب يكون المقاول عن طريق الاستشاري

لكن اذا تعاملك مع الشركة الاستشارية ممتاز

خلهم يرشحون لك كذا شركة وانت في النهاية صاحب القرار

لان الاستشاري له خبره سابقه مع شركات المقاولات ويعرفون الزين والشين فيهم

لكن كن حذر جداً في اختيارك

موفق ياخوي

[khaldoon]

اهم شي انه ما تخلي الاستشاري يرشح لك المقاول اللي هو يرتاح معاه و متعودين على بعض بغض النظر عن مصلحتك الشخصية

[kayed]

ارشح لك شركة عبدالله الناصر

اول شي الامانه و بصراحه المقاول امين و غير هذا كان عندي اخطاء في الانشائي و المقاول جزاه الله خير نبهني
فيها من قبل لا نبني و غير هذا شغلهم سريع يعني انا اتفقت معاه عظم و بلاستر مع تاسيس الصرف الصحي و الكهرب سلمني البيت في 5شهور و مساحة بيتي 982 و لله الحمد ما شفت من هالشركه الا كل خير و اي تعديل
المقاول ما يقصر لو تبغي اخليك تشوف شغلهم انا حاضر لان عندهم كذا مشروع في نفس المنطقه

[قطري قديم]

بالتوفيق الشيخ
والله يجعله منزلا مبارك مقدما

[Chambray]

الله يوفقك يالغالي .. بس في النهاية اسأل وأسأل وأسأل قبل توقيع العقد ..

ولاحظ دائماً ان ( كل المقاولين ) يعطونك الشمس في يد والقمر في يد ، لكن القليل منهم من يكون صادق وامين وملتزم ..

بالتوفيق

[رجل المستحيل]

كل الشكر والمودة للاصدقاء الاعزاء ممن تكلفوا عناء الرد بالعام او الخاص .. لقد استفدت منكم كثيرا .. فجزاكم الله خير

[الدوحه1]

ارشح لك "شركة محمد يوسف كافود".
انا بنيت عنده ولكن اسعارهم غالية شوي, حوالي 10% زياده مقارنة مع الشركات الثانيه.