هل المواطن مطالب بدفع فاتورة كهرباء ؟!!! [الأرشيف]

مشاهدة النسخة كاملة : هل المواطن مطالب بدفع فاتورة كهرباء ؟!!!

Mariam

28-05-2013, 06:42 PM

السلام عليكم و رحمة الله و بركاته

أنا مواطنة قطرية و ساكنة بيتي من حوالي سنة ، و اليوم العصر تفاجئت بإشعار متروك عند باب البيت بضرورة مراجعة كهرماء لدفع الفاتورة المستحقة و قيمتها 11288 ريال :tease:

طبعا بكرة بكلمهم خلال الفترة الصباحية لكن شيصبرني لين بكرة !
دخلت موقع حكومي قطر أستفسر عن الفاتورة بالرقم الشخصي ولقيت نفس الكلام !
ممكن حد يفسر لي هالشي ؟
أنا حاسة إنه فيه خطأ من جهتهم :eek5:

عيون الدوحة

28-05-2013, 06:44 PM

لا اختي اكيد في لبس بالموضوع

حسن

28-05-2013, 06:46 PM

لاتتخرعين ولا شي عادي الموضوع تروحين لهم وبطاقتك الشخصيه معاك
والاخطار اللي ماعطينك ياه بيسجونا قطري وخلاص
انا نفس الشي لماراجعتهم تم تصيح البيانات ومن عقبها ماعاد جاني شي

Mariam

28-05-2013, 09:28 PM

أنا أحس إن رقم الكهرباء فيه خطأ يعني مو المفروض يكون فيه تسلسل معين حسب المنطقة اللي البيت فيها ؟؟ لأن رقم أقرب جار لنا مختلف جدا عن رقمنا ، و في موقع "أين مدرستي" مال المجلس الأعلى إذا حطيت رقم الكهرباء مالنا و مال الجيران يطلع لنا إن بيت جيراننا تابع لمدرسة و بيتنا تابع لمدرسة ثانية !!

رجل الجزيرة

28-05-2013, 10:09 PM

لا تخافين أكيد فيه لبس في الموضوع.

بصمة قطرية

29-05-2013, 02:06 AM

يمكن الخطأ في الرقم مثل ما ذكرتي
دام طلع لج جيرانكم تبع مدرسة وانتو مدرسة ...!!

برويقن

29-05-2013, 07:32 AM

مره جاتني فاتورة تقريبا 150 ريال

ورحت راجعت مدير في كهرماء وقالي انت متزوج ولا عزوبي؟

قلت للحين عزوبي ..وقالي العزوبي القطري يحسب عليه الكهرباء والماي والي متزوج ثنتين وعنده بيتين .. البيت الاول الكهرب والماي مجاني والبيت الثاني الحسابه بتحسب :)

حمد 2002

29-05-2013, 08:00 AM

العربية نت

29-05-2013, 08:58 AM

اتوقع ان الفاتورة صحيحة وفي بعض الاوقات كهرماء تسوي هالشي بهدف التوعيه للمواطنين الي بتكون فواتيرهم عالية جداً ومبالغ خيالية فالهدف توعيه بالترشيد اتوقع ذلك والله اعلم :(

بو خليفه 123

29-05-2013, 10:25 AM

هذي قيمة استهلاك بيتكم للكهرباء والماء و الاغلب انها صحيحه و كما تفضل اخوي اعلاه يرسلون اشعارات لتخفيف الاستهلاك .

اكيد عندكم هندي يغسل الحوش كل يوم و يغرق الفريج

آنــه

29-05-2013, 11:40 AM

ليه تنتظرين الفرضيات

روحي للكهرماء واستفسري عن الموضوع وبتلقين الرد الوافي طبعا وتكون معاج الاوراق الثبوتيه :)

Mariam

29-05-2013, 05:19 PM

أولاً البيت مافيه غير عدد بسيط أنا و عيالي و استهلاكنا للماي و الكهربا قليييييل و الدريول ما يغسل السيارة والحوش إلا كل أسبوع مرة
ثانياً أنا ما راح أترك شغلي - والله وايد مشغوليييييييين و فترة اختبارات يعني مافي أمل أطلع - وبعدين الغلطة غلطتهم خل يتأكدون من كشوفهم
ثالثاً كلمتهم الساعة 12:30 طالعين من المكتب مب مثلنا ما نطلع إلا عقب الثلاث ونبي نقعد أكثر عشان نخلص الشغل بس ورانا اليهال لازم نروح :(