حماية المستهلك تلزم الوكالات بتوفير سيارات بديلة للعملاء

[رجل الجزيرة]

http://www.al-sharq.com/NewsImages//2013/5/29/dbdb8949-d2fe-4de6-9c13-e3766e7d541e.jpg
سيارة بديلة لكل عميل تتجاوز مدة تصليح سيارته في الوكالة 15 يوماً

12:52 ص

29
مايو
2013


بوابة الشرق - عبدالعزيز الحمادي:

علمت "بوابة الشرق" أن إدارة حماية المستهلك ألزمت جميع وكالات السيارات العاملة في الأسواق المحلية بتوفير سيارات بديلة لكل عميل تتجاوز مدة تصليح مركبته 15 يوماً، هذا في حال عدم توفير قطع غيار لسيارة العميل من قبل الشركة.

ووفق المعلومات التي حصلت عليها "بوابة الشرق" فإن القرار جاء لتفعيل قانون حماية المستهلك الذي ينص في أحد بنوده على أحقية العميل بالحصول على سيارة بديلة في حال تطلب الأمر ذلك وبعد تجاوز مدة التصليح "خمسة عشر يوما" وهو ما لم يكن مفعلا وغير معمول به في الكثير من الوكالات التي لا توفر هذه الخدمة، وهو ما يعتبر تعديا على حقوق المستهلكين الذين لا يعلم غالبيتهم بمثل هذا النص القانوني الذي يضمن لهم خدمة المركبة البديلة خلال توقف مركباتهم.

وتأتي إجراءات إدارة حماية المستهلك بعد رصدها تزايد أعداد السيارات التي تتوقف في الوكالات لفترات طويلة وتتجاوز الثلاثة أشهر وتأخير إصلاح سيارات العملاء لسبب عدم توافر قطع الغيار الخاصة بنوع السيارة، ولذلك فمن المتوقع أن يعمل تفعيل القرار على تقليل مدة انتظار العملاء عند إدخال سياراتهم لأي من وكالات السيارات، نظرا لأن هذه الوكالات ستكون ملزمة بتوفير سيارة لكل عميل تتوقف سيارته لأكثر من أسبوعين.

http://www.al-sharq.com//ArticleDetails.aspx?AID=272851&CatID=64&title=حماية المستهلك تلزم الوكالات بتوفير سيارات بديلة للعملاء

[وحيد-الشوق]

حلو بس نبي تطبيق لأنه الكلام سهل :)

[تمون]

نتمنى هالقرار يتنفذ على شركة عبدالغني بالذات
وياريت يكون بدل ١٥ يكون حتى لو يوم يعطونك بدل السياره

[رجل الجزيرة]

إلا السؤال هو:

ليه حماية المستهلك ما تعلن للمواطنين والمقيمين في الإعلام، لأن الخبر يقول: علمت الشرق وليس أعلنت؟

[رجل الجزيرة]

شغل تايم.

[حنظلة]

القرار لو تطبق بيشكل ضغط كبير على الوكالات وبيوفرون جميع انواع قطع الغيار وبكميات كبيرة علشان مايضطرون لتحمل عقوبة توفير مركبة بديلة

[khaldoon]

القرار رااااااااائع و على فكرة....هذا احسن هدية للوكالات لانه كل هالماصاريف راح ياخذونها اضعاف مضاعفة من الشركة الام....انا عندي سيارة بالوكالة الحين.....اقدر اقولكم انه من شهر 10 الماضي لين الحين ما استعملتها الا شهر و نصف متقطعات وللحين بالوكالة و بعد يبيلها على الاقل اسبوعين اذا مب شهر....تعتقدوا الوكالة اللي اعطتني اربع سيارات للحين هي اللي متحمله هالنفقات؟!!.....مستحيل طبعا هذه مشكلة الشركة الام اللي ما وفرت القطع واللي سياراتها تبيلها صيانة وايد

[مساهمة بسFresh]

ادارة شغالة وقايمة بدورها
والله يعطي كل القائمين عليها عافية
وقواهم الله :)

[لـبـيـه]

عذر للوكالات لرفع اسعار الصيانه بحجة تاجير سياره للعميل حتى اصلاح سيارته

من له حيله فليحتال

الله يستر

[مساهمة بسFresh]

عذر للوكالات لرفع اسعار الصيانه بحجة تاجير سياره للعميل حتى اصلاح سيارته

من له حيله فليحتال

الله يستر

ليش خذيتها من الجانب السلبي المظلم اختي وطبقتي نظرية المؤامرة؟
ليش ماتقولين ان هالقرار بيخلي الوكالات تنجز اسرع وما تأخر السيارات علشان لايضطرون يوفرون سيارة للعميل؟:)

[راشد محمد]

نتمنى هالقرار يتنفذ

[تمون]

انا بدلت التايم بلت في شركة تويوتا وطلعت السياره الحين سيارتي تخر ايل مكان التبديل ولا عندي سياره ثانيه و دوامي شفتات مجبور استعمل السياره و هي تخر ايل و السبب اخطاء هذي الشركة الي محد قادر يردعها
يا تنكسر مكينة سيارتي يا اتفنش من الشغل بسبب الغياب لين تتصلح السياره هم ماهمهم شي بس الي فالحين فيه قط سيارتك و بنتصلك لايهمهم اشلون بتروح اشلون بترجع اشلون بتروح شغلك
اتمنى يتنفذ القرار باسرع وقت

[مساهمة بسFresh]

بس لاحظوا ان في شرط مهم : "هذا في حال عدم توفير قطع غيار لسيارة العميل من قبل الشركة"

سؤال للي عندهم خبرة :
هل ممكن تتجاوز فترة التصليح 15 يوم في حال توافرات قطع الغيار؟ قصدي يعني ممكن تصليح السيارة بس او صيانتها تاخذ في الظروف العادية اكثر من 15 يوم؟

[مشاكل]

اتوقع أن الشركات بطريقة أو بأخرى ستقوم باحتساب قيمة أجار السيارة من ضمن الفاتورة المدفوعة تحت مسمى ( شغل يد )
يعني ماستفدنا شي :omen2:

[الزعفراني]

يارجال الواحد مايبي سيارة بديله .. دخيل الله يبي خدمات زي العالم ..

[catqat]

انا بدلت التايم بلت في شركة تويوتا وطلعت السياره الحين سيارتي تخر ايل مكان التبديل ولا عندي سياره ثانيه و دوامي شفتات مجبور استعمل السياره و هي تخر ايل و السبب اخطاء هذي الشركة الي محد قادر يردعها
يا تنكسر مكينة سيارتي يا اتفنش من الشغل بسبب الغياب لين تتصلح السياره هم ماهمهم شي بس الي فالحين فيه قط سيارتك و بنتصلك لايهمهم اشلون بتروح اشلون بترجع اشلون بتروح شغلك
اتمنى يتنفذ القرار باسرع وقت

أجر لك سيارة اتمشي فيها عمرك !

[لـبـيـه]

ليش خذيتها من الجانب السلبي المظلم اختي وطبقتي نظرية المؤامرة؟
ليش ماتقولين ان هالقرار بيخلي الوكالات تنجز اسرع وما تأخر السيارات علشان لايضطرون يوفرون سيارة للعميل؟:)

اولا لبيه رجال

ثانيا من واقع تجارب وليس تجربه بنيت كلامي

ثالثا بتكلم عن وكالة تيوتا انجاز العمل بلسياره لاياخذ وقت لاكن كثرة عدد السيارات

هي مربط الفرس

يعني تحطين موترج بلوكاله ولازم تحطينها حتى لو بيشتغلون فيها بعد سنه يقولج

خليها لين يجي دورها يعني تحطين الموتر وبعد اسبوع يجي دورها ويشتغلون عليها

يوم او اثنين اذا العيب كبير وبعدين يشوفون اذا قطعه موجوده او لا وهني المشكله الكبيره

يعني لو تغير ايل مابياخذ الموتر معاهم نص ساعه بس لازم تخلين موترج لين يجي الدور

على العموم حوارنا عن المشاكل الكبيره او الحوادث لاسمح الله الموتر يتم عندهم لين يجيه

الدور وتالي يجي دور قطع الغيار وحبالهم طويله فاتوقع سالفة انه يعطون موتر ثاني

كلام جرايد او على الورق وماراح يطبق

[تمون]

أجر لك سيارة اتمشي فيها عمرك !

هذي هي المشكله بعينها
محلات تاجير السيارات اكثر نصب و احتيال من وكالات السيارات
اسعار التاجير رمزيه لكن المصيبه اذا سياراتهم فيها بلا و انت تتدبس فيه

الله يسلمك واحد من ربعي اجر سياره 4 ايام و رجعها المهم السياره جديده قاطعه 2000 كيلو فقط
المهم و الاهم بعد التسليم بفتره بسيطه اتصل الكتب بالرجال و قاله تعال يا اخوي قير السياره مبدل بقير قديم ؟؟؟ و محاكم وحاله مايسوى عليه مسكين

الحاصل الله يسلمك المستأجر الي قبل خويي عنده نفس السياره و قيرها تعبان الرجال اجر السياره و بدل قير سيارته القديمه بقير سيارة الاجار و تورط فيها خويي

[مساهمة بسFresh]

اولا لبيه رجال

ثانيا من واقع تجارب وليس تجربه بنيت كلامي

ثالثا بتكلم عن وكالة تيوتا انجاز العمل بلسياره لاياخذ وقت لاكن كثرة عدد السيارات

هي مربط الفرس

يعني تحطين موترج بلوكاله ولازم تحطينها حتى لو بيشتغلون فيها بعد سنه يقولج

خليها لين يجي دورها يعني تحطين الموتر وبعد اسبوع يجي دورها ويشتغلون عليها

يوم او اثنين اذا العيب كبير وبعدين يشوفون اذا قطعه موجوده او لا وهني المشكله الكبيره

يعني لو تغير ايل مابياخذ الموتر معاهم نص ساعه بس لازم تخلين موترج لين يجي الدور

على العموم حوارنا عن المشاكل الكبيره او الحوادث لاسمح الله الموتر يتم عندهم لين يجيه

الدور وتالي يجي دور قطع الغيار وحبالهم طويله فاتوقع سالفة انه يعطون موتر ثاني

كلام جرايد او على الورق وماراح يطبق

:shy: اسفة اخوي :shy:
قريت الاسم لبيبة:shy::shy:

واحترم وجهة نظرك

[7llo]

يمكن كل الشركات اطبق هل القرار ماعدا عبدالغني بيقولك السياره يبيلها 3 ايام وتقعد اسبوعين لا وتندعم عندهم ويصحلونها وغير هذا كله تستلم السياره وفيها نفس هل الخراب ويقولك تصلحت وادفع 3000 ولا 4000 وترجع مره ثانيه وتتهاوش معاهم عشان نفس الصوت

[catqat]

هذي هي المشكله بعينها
محلات تاجير السيارات اكثر نصب و احتيال من وكالات السيارات
اسعار التاجير رمزيه لكن المصيبه اذا سياراتهم فيها بلا و انت تتدبس فيه

الله يسلمك واحد من ربعي اجر سياره 4 ايام و رجعها المهم السياره جديده قاطعه 2000 كيلو فقط
المهم و الاهم بعد التسليم بفتره بسيطه اتصل الكتب بالرجال و قاله تعال يا اخوي قير السياره مبدل بقير قديم ؟؟؟ و محاكم وحاله مايسوى عليه مسكين

الحاصل الله يسلمك المستأجر الي قبل خويي عنده نفس السياره و قيرها تعبان الرجال اجر السياره و بدل قير سيارته القديمه بقير سيارة الاجار و تورط فيها خويي

حسبي الله ونعم الوكيل.... ع البعض

عن نفسي ااجر سيارة من مكان مضمون والواحد يتعامل معاه ع طول..

[عضوو]

قرار جميل

ويفضل أيضا منع وكالات السيارات من فتح مكاتب تأجير سيارات

لان تأخير الوكالات لتصليح السيارات يمكن ان يكون مرتبط أيضا بمكاتب

التأجيرالتابعه لهم حتى ولو كانت الوكالات لاتقصد ولكنها تفتح مجال

تبادل المصلحه بين موظفي التأجير وموظفي الكراج *

[Riku3]

يمكن كل الشركات اطبق هل القرار ماعدا عبدالغني بيقولك السياره يبيلها 3 ايام وتقعد اسبوعين لا وتندعم عندهم ويصحلونها وغير هذا كله تستلم السياره وفيها نفس هل الخراب ويقولك تصلحت وادفع 3000 ولا 4000 وترجع مره ثانيه وتتهاوش معاهم عشان نفس الصوت
انا ما اتعامل معاهم كثير لاني سياراتي من وكالة النيسان بس مره اخذت هايلكس البيت عندهم وصحيح كلامك !! ..

ياخذون السيارة على انها بتخلص في اسبوع ولما تجي بعد اسبوع تشوف السيارة مثل ماهي ما اشتغلوا عليها !! . وتتهاوش ويدخلونها ويقولون 3 ايام ولما اجي بعد 3 ايام اشوف للحين الباب مب مصبوغ !! .. واتهاوش مره ثانيه لييييين اليوم الي استلمت فيه السيارة وعدى 20 يوم من يوم سلمتها لهم .

[tawareq]

اتمنى يتم تطبيقه على وكالة التويوتا والنيسان

واتمنى يكون فيه مستويات لتبديل السيارة مب واحد عنده لكزس ويعطونه كورورلا

او عنده نيسان بترول ويعطونه رينو او صني

[زمان]

طيب ليش 15 يوم بالتحديد ؟

وليش مو 14 يوم ؟

او ليش مو 16يوم او 20 يوم او 3 ايام ؟؟؟؟

المستهلك شذنبه يجلس 15 يوم بدون سيارة ؟؟

ويتعطل كل هذي الفتره ويداوم بموتر البيت او يأجر سيارة على حسابة او يطقها ضلف للدوام

:eek5:والا عبري على الخط :eek5:

عندي سيارة اودي تمت في الوكالة شهر ( شارع crazy اربعين )

والوكالة حتى مسمار مافيها كل اغراضها من برع

والي مافي حد عبرني بسيكل حتى :weeping:

تميت اداوم وامشي اموري بموتر البيت لين ربك فرجها

الحمد لله على كل حال

[لـبـيـه]

المفروض شركات التامين هي الي توفر بدائل او تعطي بدل اجار لموتر ثاني

[المستعينه بالله]

قرار جيد

بس هل في غرامه او عقوبه في حاله عدم التطبيق ؟

[سعادة الوزير]

غير قابل للتطبيق ولا يصلح الا للاستهلاك الاعلامي فقط ، الوكالات راح تتحايل على الوضع وتقول لك ان السيارة جاهزة خلال 14 يوم (وبهذا لا تستحق سيارة بديلة حسب القانون) ، في اليوم 15 راح يقولون لك السيارة يبيلها 3 او 4 ايام مثلاً ، وفي هالحالة تكون رحت وجيت من الصناعية 3 او 4 مرات وفي الاخر يعطونك سيارة تستعملها يومين وترجعها! ، يعني بالعربي ماتسوى العبالة كلش!

[مراد2015]

والله خبر زززين ويعطيهم العافية

[fhd4]

غير قابل للتطبيق ولا يصلح الا للاستهلاك الاعلامي فقط ، الوكالات راح تتحايل على الوضع وتقول لك ان السيارة جاهزة خلال 14 يوم (وبهذا لا تستحق سيارة بديلة حسب القانون) ، في اليوم 15 راح يقولون لك السيارة يبيلها 3 او 4 ايام مثلاً ، وفي هالحالة تكون رحت وجيت من الصناعية 3 او 4 مرات وفي الاخر يعطونك سيارة تستعملها يومين وترجعها! ، يعني بالعربي ماتسوى العبالة كلش!

نفس اللي فكرت فيه

[القيادي]

بعد هالقرار بتكون فرصة لوكالة السيارات لرفع اسعار السيارات وقطع الغيار يعني بالاخير مافيه شي ابلاش