المطلقات القدامي يستنجدون بالامير

[شرارة قطر]

انا ابي اقابل الامير وما اعرف اشلون ، ممكن تفيدوني الله يجزاكم خير

موضوعي عن الاسكان ( المطلقات القدامى المنتفعات بغرفه وحمام ) تم رفض طلبي ( بمسكن او أرض و قرض ) على اني منتفعة ولكـــــــــــن الغرفة والحمام ما عاد يسد الحاجة وعلى هالوضع من 19 سنه وخاصة اذا عندك اعيال في سن المراهقة من الجنسين

العقارات غالية و إذا شريت الارض مـا اقدر ابني هالموضوع مش موضوعي ابروحي مثلي كذا وحده تعاني انكتب علينا بغرفة وحمام . العمر راح واحنا ننتظر الاسكان والاستقرار سرنا بالاربعينات واحنا ننتظر دراسة الاسكان وضعنا متى بيلقون الحل حق المطلقات المنتفعات بغرفه وحمام.

طالبت الاسكان وراجعتهم عدة مرات ومرات وكل مرة يردوني ويقولون مش انتي الوحيده عندنا 30 حالة نفس موضوعج مع العلم في مطلقات وافقوا على طلبهم او بعد عطوهم اراضي حق اعيالهم ايش فرق الحاجة بينا هل هي الواسطه معقولة 30 حالة مش قادرين يحلون لنا مشكلتنا ، انا مستعده أرجع مبلغ الغرفة والحمام ويساوني بالمطلقات الحين ويعطوني ارض وقرض او يخصمون مبلغ الغرفة والحمام ويتفهمون حاجتنا بالسكن المستقل.

كتبت كتاب حق الديوان الاميري وبعد ما حلوا الموضوع اخر حل لي مقابلة الامير يسمع شكواي كل الي اطلبة بيت مستقل وانا على يقين لو الامير يدري ما راح تصعب عليهم حل مشكلتنا ليش مطلقة استنفعت بغرفة وحمام وبعدين تمت الموافقه لها بمسكن او ارض وقرض والمطلقة الثانية ارفضوا على انها استنفعت.

ملاحضة هامة
رجاء رجاء رجاء الي عنده حل يدلنـــي ولا حد يسال وين الابو ، وليش لـــــو فية حل ما خليته وتمت على هالحال سنين

[Dana’1]

الله يفرج همك وهم الجميع آمين يارب العالمين

[Locale]

كان الله في عونكم

[قطريه22]

الله يفرجها عليج يارب

اختي موقع الديوان في ارسال الرسائل الى الامير او ولي العهد حاولي ترسلين وفي بعد ارقام تليفونات مدراء وسكرتاريه للامير وولي العهد حاولي تتصلين عليهم..

[أم نواري1]

إنا لله وإنا إليه راجعون

خنقتني العبرة والله

حسبي الله على كل مسؤول واقف عظم فبلعوم كل محتاج
الأمير مايقصر لكن المستشارين وولاة المناصب اللي مايخافون الله في المحتاجين

حسبنا الله ونعم الوكيل
حسبنا الله ونعم الوكيل
حسبنا الله ونعم الوكيل

[شبح الصمت]

اختي الي نعرفه الله يسلمج انه يحق للمطلقة المطالبة بأرض بعد انتهاء فترة 5 سنوات من طلاقها

تجيب شهود انه ما تزوجت خلال هالفترة وتقدم في الاسكان ومن ثم ينظر في طلبها او انها تستحق هذا الي نخبره ..


والله يفك همك وهم كل محتاج ويسهل اموركم

اما كلمة اطيب الخاطر وإلا بلاها ..

الله يستر عليكم يآرب

[شرارة قطر]

اتصلت واتصلت وكتبت كتاب وطرشته بالايميل عليهم . اطلبوا دراسه الحالة من الشؤون الاجتماعية و قدمت كل الاوراق المطلوبه والموظفة بالشؤون قالت لي وهي متاكده ما راح يحلون مشكلتج فيه غيرج 30 حالة المهم ارفعو الكتاب حق الديون اتصل فيني شخص برغم مخفي وقال ردي راجعي الاسكان مره ثانية احنا ما نقدر انسوي شي انا ما لجئت حق الديوان الا بعد ما فقدت الامل بالاسكان ياناس انا انفصلت وانا بالعشرينات من العمر واليوم انا فوق الاربعين وين حقي كمواطنه قطرية ، تتعمر ابيوت خارج قطربفلوس قطر وانا بنت قطر مالي بيت انكتب علي غرفة او حمام اخصموا من الراتب مثل باقي الخلق وعطونا ارض وقرض .

[جارح]

اختي الي نعرفه الله يسلمج انه يحق للمطلقة المطالبة بأرض بعد انتهاء فترة 5 سنوات من طلاقها

تجيب شهود انه ما تزوجت خلال هالفترة وتقدم في الاسكان ومن ثم ينظر في طلبها او انها تستحق هذا الي نخبره ..


والله يفك همك وهم كل محتاج ويسهل اموركم

اما كلمة اطيب الخاطر وإلا بلاها ..

الله يستر عليكم يآرب

صحيح كلامك اخوي شبح لكن الي حصل لما نزل لهم هالقانون انهم حطو فقرة بقانون الاسكان وهالفقرة تقول ان اي مطلقة انتفعت باضافة في بيت اهلها والي هي تعتبر غرفة ودورة مياة لايحق لها الانتفاع ببيت وارض حيث انها سبق وانتفعت بالاضافة وعندما نأتي للمقارنه بين الانتفاع السابق بحدود 50000 ريال وبين الارض والقرض الحالي لانجد وجه مقارنة ولكن ماذا نقول لمن حرم اخواتنا وامهاتنا من حقهم بالانتفاع حالهم حال غيرهم مع ان القانون اجاز للقطرية المتزوجه من غير قطري بالانتفاع فبالله عليكم هل هذا عدل وانصاف مطلقة وتأوي اولادها او حتى بمفردها لايتم الموافقه لها ومتزوجه حديثا ومن غير قطري تنتفع قمة التناقظ والتخبط بادارة الاسكان التي يجب ان يعمل لها اعادة غربلة لبعض الادمغه الموجوده

[فلور]

والله انا اول وحده باروح معاج والله الامير مايقصر ولا يرضى بالظلم
- انا سنين اراكض ولا شفت شي واخرتها الحين يقولون توقف بعد ماعطو حق الي يبون قسم بالله ان في ناس في خلال اشهر عطوهم وناس تعاني --- يقولون متوقف من مكتب الوزاره 0 هل في كتاب رسمي ؟ واذا كان صحيح لين متى بمشون العالم
والله العيب في الموظفين والواسطات الي مايخافون الله بس الواحد مايقول غير حسبي الله ونعم الوكيل
ياريت حد يسمعنا ويلطف بحالنا 00 املنا برب العالمين متوكلين عليه

[تمحيص]

الله يفرج همكم ويسخر لكم الخير ,, شي يقهر ..

الله حسيب كل من يده تطول على اموال الوطن ويعطل حاجة المحتاج ..

حسبنا الله ونعم الوكيل

[راشد محمد]

الله يفرج همكم

[شرارة قطر]

نبي حل نبي فزعة الامير احنا شوفاته وعددنا حتى لو تجاوز 30 حالة ما يستحق الدراسه العميقة يعني كم بقى من عمرنا اذا احنا وصلنا هالسن دراستهم بيطبقونها على من عشان ننتظرهم خافو الله فينا وعطونا حل نبي نقابل الامير

[jassim69]

الله يعينج انا ابغي اعرف شي واحد هل الجمعيات الخيريه التشفط الفلوس شفط على قولتهم مساعدات خيريه
وين تروح هل المبالغ بالمليرات اهل قطر هم اولا بها ليش مايخصصون بيوت حق هاذي الناس !!!

[فلور]

مابغى في العمر كثر مامضى شكلي من بيت ابوي الى المقبره والله حرام عليهم نبي بس جواب منهم متى مممممتى*

[شرارة قطر]

اختي فلور ان شاء الله القي حل واقابل الامير انا في انتظار المساعده من الاعضاء

[شبح الصمت]

الله يعينج انا ابغي اعرف شي واحد هل الجمعيات الخيريه التشفط الفلوس شفط على قولتهم مساعدات خيريه
وين تروح هل المبالغ بالمليرات اهل قطر هم اولا بها ليش مايخصصون بيوت حق هاذي الناس !!!




الشيخ لا تحط في ذمتك وتقول تشفط فلوس !!!

اول شيء ولاجل تفهم انت والا غيرك وما تاخذ اثم كلامك ..

الجمعيات الخيرية تاخذ فلوس صح وتوزعها صح على المحتاجين والارآمل والمطلقات وغيرها وغيرها داخل قطر ، وخارج قطر الايتام وبناء المساجد والمشاريع الاخرى ..

والفلوس الملايين الي ترسلها برى ترى لعلمك يحددها المتبرع مش من نفسها تعال وارسل ، وفي شيء اسمه غير مشروطه ويشوفون الحاجه الملحه ويرسلونها

واذا شاك اتصل في الجمعيات او روح اجلس ومعاهم وصدقني صدقني رآح يسكتونك بكلامهم لانكم اصلا تكلمون وما تدرون هالجمعيات شتسوي والا شنو الضغط الي عليها ..

بس لسان يتكلم وينطق ويا زينه يوم يتكلم بالحق ويوم يتكلم بالمنقود وهو ما يعلم افضل له انه ما يتكلم ..

الكلام لك ولي ولغيري جمعيات خيرية هدفها مساعدة المحتاجين دآخل قطر وخارجها ومهب جايه تبني بيوت تساعد ايا كان من الفئات الي تشوفها محتاجه مهب كل من هب ودب تعال وساعده تجيني على موتر اخر موديل وتقول لي انا محتاج طيب محتاج شنهي حاجتك هل اساعدك ومد يد العون لك والا اساعد الي مسكين ما عنده ريال في مخباه !!

حدث العاقل بما يعقل

وحدث الجاهل بما يجهل

[Ashom Qatar]

الله يعينج انا ابغي اعرف شي واحد هل الجمعيات الخيريه التشفط الفلوس شفط على قولتهم مساعدات خيريه
وين تروح هل المبالغ بالمليرات اهل قطر هم اولا بها ليش مايخصصون بيوت حق هاذي الناس !!!

هذا الي قاهرني كل ما اكلمهم واطالبهم بمعاونات لحالات داخل قطر يتحججون ويحطون مليون طلب لتعجيزنا .. شكلهم بس بالجرايد يتمنظرون .. الله يكون بعونكم اخواتي الفاضلات ويفرجها عنكم ..

[شبح الصمت]

هذا الي قاهرني كل ما اكلمهم واطالبهم بمعاونات لحالات داخل قطر يتحججون ويحطون مليون طلب لتعجيزنا .. شكلهم بس بالجرايد يتمنظرون .. الله يكون بعونكم اخواتي الفاضلات ويفرجها عنكم ..




تطلبهم بمعونات !! انا وياك وقدام العالم ذولي كلهم بعطيك رقم رجال وتواصل معاه وخلك لين نهاية الموضوع وكلن يقول شلي صار معاه وشنو وضع الحالات الي جبتها ..

مستعد الشيخ ادخل عليك خاص اذا مستعد قولي اوكي

بس بشرط تستوفي الحالات كل شيء .. !!!

موافق يالشيخ

[شرارة قطر]

اخواني انا موضوعي اشلون اقابل الامير
انا اطالب الاسكان حالي حال اي مواطن او مواطنه قطرية سواء غني او فقير لهم حق السكن الحكومي انا اطالب خصم من الراتب مقابل ارض وقرض

[dm styal]

الله يفرج همكم
ويفتح لكم اوسع ابواب الرزق

[بنت الاجواد]

اختي المشكله مو مشكلتك بروحك اعرف اخوات نفس الحاله قدموا ورفضوا بحجه الاستنفاع بغرفه وحمام

وهذا ظلم وخصوصا ان الدوله ماعليها قصور ,,,,

والله يفرجها ان شاء الله

[Qatar Angel]

الله يفرجها عليج اختي الكريمة
في بالي تساؤل اذا تسمحين لي ،، وين اخوانج وين هلج
شلون مخلينج في هالوضع

[فلور]

اختي فلور ان شاء الله القي حل واقابل الامير انا في انتظار المساعده من الاعضاء
ياريت اكووووون معاج يد بيد اختي

[مستر راشد]

الله يفرجها عليهم

[هارودز]

الله يفرجها عليكم يارب

[عطر فرنسي]

الله يفرجها عليكم يارب

[وحيد-الشوق]

الله ييسر لج امورج ويفرج كربتج صراحه قانون الاسكان الحالي لازم يتغير في فئات كثيره محرومه من حق المسكن فئة المطلقات والارامل وفئة قرض بدون ارض البيوت التجارية وصلت 3 مليون ويعطون المواطن قرض بقيمة مليون و200 طيب شلون ادبر الباقي ومن وين اخذ دين مليون ريال من البنك واي موظف حتى لو جامعي ماراح يعطيه البنك مليون ريال !!! طيب والحل ايش !!!

[ام السعف]

لا حول ولا قوة الا بالله

[قطرية مثقفة]

اتصلت واتصلت وكتبت كتاب وطرشته بالايميل عليهم . اطلبوا دراسه الحالة من الشؤون الاجتماعية و قدمت كل الاوراق المطلوبه والموظفة بالشؤون قالت لي وهي متاكده ما راح يحلون مشكلتج فيه غيرج 30 حالة المهم ارفعو الكتاب حق الديون اتصل فيني شخص برغم مخفي وقال ردي راجعي الاسكان مره ثانية احنا ما نقدر انسوي شي انا ما لجئت حق الديوان الا بعد ما فقدت الامل بالاسكان ياناس انا انفصلت وانا بالعشرينات من العمر واليوم انا فوق الاربعين وين حقي كمواطنه قطرية ، تتعمر ابيوت خارج قطربفلوس قطر وانا بنت قطر مالي بيت انكتب علي غرفة او حمام اخصموا من الراتب مثل باقي الخلق وعطونا ارض وقرض .
عورتي قلبي @@ الله كريم وان شاءالله الله يفك ضيقتج

[دااانة قطر]

الله يفرجها عليج يارب

اختي موقع الديوان في ارسال الرسائل الى الامير او ولي العهد حاولي ترسلين وفي بعد ارقام تليفونات مدراء وسكرتاريه للامير وولي العهد حاولي تتصلين عليهم..


لو يردون جان ردوا على استفساراتي وايميلاتي واتصالاتي
سنين وأنا ارسل واتصل ما شفت أي رد

الله المستعان

[دااانة قطر]

انا ابي اقابل الامير وما اعرف اشلون ، ممكن تفيدوني الله يجزاكم خير

موضوعي عن الاسكان ( المطلقات القدامى المنتفعات بغرفه وحمام ) تم رفض طلبي ( بمسكن او أرض و قرض ) على اني منتفعة ولكـــــــــــن الغرفة والحمام ما عاد يسد الحاجة وعلى هالوضع من 19 سنه وخاصة اذا عندك اعيال في سن المراهقة من الجنسين

العقارات غالية و إذا شريت الارض مـا اقدر ابني هالموضوع مش موضوعي ابروحي مثلي كذا وحده تعاني انكتب علينا بغرفة وحمام . العمر راح واحنا ننتظر الاسكان والاستقرار سرنا بالاربعينات واحنا ننتظر دراسة الاسكان وضعنا متى بيلقون الحل حق المطلقات المنتفعات بغرفه وحمام.

طالبت الاسكان وراجعتهم عدة مرات ومرات وكل مرة يردوني ويقولون مش انتي الوحيده عندنا 30 حالة نفس موضوعج مع العلم في مطلقات وافقوا على طلبهم او بعد عطوهم اراضي حق اعيالهم ايش فرق الحاجة بينا هل هي الواسطه معقولة 30 حالة مش قادرين يحلون لنا مشكلتنا ، انا مستعده أرجع مبلغ الغرفة والحمام ويساوني بالمطلقات الحين ويعطوني ارض وقرض او يخصمون مبلغ الغرفة والحمام ويتفهمون حاجتنا بالسكن المستقل.

كتبت كتاب حق الديوان الاميري وبعد ما حلوا الموضوع اخر حل لي مقابلة الامير يسمع شكواي كل الي اطلبة بيت مستقل وانا على يقين لو الامير يدري ما راح تصعب عليهم حل مشكلتنا ليش مطلقة استنفعت بغرفة وحمام وبعدين تمت الموافقه لها بمسكن او ارض وقرض والمطلقة الثانية ارفضوا على انها استنفعت.

ملاحضة هامة
رجاء رجاء رجاء الي عنده حل يدلنـــي ولا حد يسال وين الابو ، وليش لـــــو فية حل ما خليته وتمت على هالحال سنين



كان الله في عونج أختي ويسهل أمورج

[روح الاطلس]

ليه ماتروحين للشيخه موزا؟


سمو الامير يمكن صعبه تقابلينه

بس الشيخه ماتقصر واسهل تقابلينها

وعشان موضوعكم ياخذ اثر اقوى حاولي تتوصلين لمجموعه نفس مشكلتج كونوا قروب وارفعوا خطاب واحد باساميكم للشيخه موزا

و تواصلي مع الاعلام خل يسوون شوي بلبله

كلمي حسن الساعي وكتاب الجرايد
راسلي الجرايد بموضوعج

وان شاء الله تستنفعين

والاخوان الي يقولون وين الاهل
الله يخليكم بس جملتكم ذي وايد تقهر
ترا مب كل الاهل يعاونون ولا كل الاهل مقتدرين
والاهل شنو بيسوون بيشترون لها بيت؟؟ مب شرط كلن اهله اغنياء او كرماء!

[ام السعف]

والاخوان الي يقولون وين الاهل
الله يخليكم بس جملتكم ذي وايد تقهر
ترا مب كل الاهل يعاونون ولا كل الاهل مقتدرين
والاهل شنو بيسوون بيشترون لها بيت؟؟ مب شرط كلن اهله اغنياء او كرماء!

اعجبني ردج

[شرارة قطر]

اخوي روح الاطلس
اشكرك على تعليقك سار لي مده و انا اكتب الموضوع وامسحة و السبب ادري فيه ناس تسال من غير قصد أساله تقهر و ما تنفع في حل الموضوع ، ياليت تقول لي كيف اوصل حق الشيخة موزه ابي العلم الاكيد اذا تعرف ولك جزيل الشكر