ياشركه كروه للمواصلات وبعديييييين ؟!!!!!!!!!!!!! [الأرشيف]

المساعد الشخصي الرقمي

مشاهدة النسخة كاملة : ياشركه كروه للمواصلات وبعديييييين ؟!!!!!!!!!!!!!

حمد 2002

29-05-2013, 04:27 PM

ام ناصر1

29-05-2013, 04:31 PM

الحل خل عندك رقم ليموزين احتياط ....

موظف ((حكومي

29-05-2013, 04:31 PM

مايوجد تاكسي
اتصل ليتم رد عليك وقدوم لك بعد ساعات ان لقيت احد يرد عليك

بـارود

29-05-2013, 04:36 PM

الناس تدفع ضريبة الاحتكار

النهار

29-05-2013, 04:39 PM

اركب باص كروه يوديك لين المحطه الرئيسيه عند سوق الذهب ب 5 ريالات
ومن المركز الرئيسي باص ثاني لين منطقتكم ب 5 ريالات
الباصات موجوده عند سوق العطيه كل 10 دقائق باص يتحرك
ولهم اكثر من خمس وعشرين محطة توقف في الصناعيه من والي الصناعيه
اش تبي بعد حصلت لك حل علشان ماتدفع 60 ريال

حمد 2002

29-05-2013, 04:40 PM

الحل خل عندك رقم ليموزين احتياط ....

هل تردي خدمات كروه هدفه نجاح الشركات الخاصه كشركات تأجير السيارات مع سائق (( ليموزين )) ؟!!!!!

تحياتي لج ،،

حمد 2002

29-05-2013, 04:41 PM

مايوجد تاكسي
اتصل ليتم رد عليك وقدوم لك بعد ساعات ان لقيت احد يرد عليك

الله المستعاااان ، والله هالشركه يبيلها وقفه حازمه ،،

تحياتي لك ،،

حمد 2002

29-05-2013, 04:42 PM

الناس تدفع ضريبة الاحتكار

صدقت ،،

تحياتي لك ،،

حمد 2002

29-05-2013, 04:43 PM

زمان

29-05-2013, 04:49 PM

ياخوي احمد ربك راكب موتر رقمه ثلاثي

وبعدين الشركة ما عليها خوف لو فلست باعت أرقامها الثلاثية

ما أقول إلا الله يرحم أيام البرتقالي

النهار

29-05-2013, 04:49 PM

المواطنين مايركبون باصات حتى لو ابلاش :nice: ،،

تحياتي ك ،،

خوش رد
انت ايش دراك ان الموطن مايركب باص
تعال عند المحطه وشوف
نار الباص ولانار الانتظار في الصناعيه ولامنت حد
على فكره معظم الباصات تكون شبه فاضيه عند الرجوع
عندي فكره ثانيه
ههههههههه دق على حد من ربعك يمر عليك وخله يمن عليك طول العمر :nice:

النهار

29-05-2013, 04:52 PM

ياخوي احمد ربك راكب موتر رقمه ثلاثي

وبعدين الشركة ما عليها خوف لو فلست باعت أرقامها الثلاثية

ما أقول إلا الله يرحم أيام البرتقالي

ياخوي ايام البرتقالي عدد السكان 600000 الحين 2000000
مافي مقارنه بين البرتقالي وكروه

حمد 2002

29-05-2013, 04:57 PM

ياخوي احمد ربك راكب موتر رقمه ثلاثي

وبعدين الشركة ما عليها خوف لو فلست باعت أرقامها الثلاثية

ما أقول إلا الله يرحم أيام البرتقالي

:nice::nice: ،،

تحياتي لك ،،

حمد 2002

29-05-2013, 05:00 PM

خوش رد
انت ايش دراك ان الموطن مايركب باص
تعال عند المحطه وشوف
نار الباص ولانار الانتظار في الصناعيه ولامنت حد
على فكره معظم الباصات تكون شبه فاضيه عند الرجوع
عندي فكره ثانيه
ههههههههه دق على حد من ربعك يمر عليك وخله يمن عليك طول العمر :nice:

هلا هلا بالنهار خوش رد ردك :shy: ،،،

انا ماجفت مواطنين يركبون باص كروه مع احترامي لرأيك بس غير منطقي ،،

وسؤال اخير ،، ليش اتدافع عن شركه كروه :secret: ؟

تحياتي لك ،،

حمد 2002

29-05-2013, 05:02 PM

ياخوي ايام البرتقالي عدد السكان 600000 الحين 2000000
مافي مقارنه بين البرتقالي وكروه

البرتقالي كان السايق يشتغل بذمه وضمير لأن مصدر رزقه ويدخل علييه خير ، ، اما الحين كروه تنشب للسواق واتشاركهم بالمدخول ، فأتحصل السايق يشتغل من غير نفس وبمزاج ،،،

تحياتي لك ،،

النهار

29-05-2013, 05:03 PM

هلا هلا بالنهار خوش رد ردك :shy: ،،،

انا ماجفت مواطنين يركبون باص كروه مع احترامي لرأيك بس غير منطقي ،،

وسؤال اخير ،، ليش اتدافع عن شركه كروه :secret: ؟

تحياتي لك ،،

ادافع عنها لانها شركه وطنيه

حمد 2002

29-05-2013, 05:04 PM

ادافع عنها لانها شركه وطنيه

:shy: ههه قول والله ؟

al_maystro

29-05-2013, 05:05 PM

خارج الموضوع:من يومين سباق رالي بين سيارتين كروه على خط بروه التجاري
من المسوؤل ؟؟؟

النهار

29-05-2013, 05:08 PM

البرتقالي كان السايق يشتغل بذمه وضمير لأن مصدر رزقه ويدخل علييه خير ، ، اما الحين كروه تنشب للسواق واتشاركهم بالمدخول ، فأتحصل السايق يشتغل من غير نفس وبمزاج ،،،

تحياتي لك ،،

ههههههه حلوه ذمه وضمير
تدري ايش المطلوب من سائق كروه
عليه ان يورد كل يوم مبلغ 216 ريال للشركه وباقي الايراد له
لو وصل كل يوم 10 اشخاص على 40 ريال هذي بروحها 400 ريال
تعتقد تكسي كروه يوصل 10 اشخاص في اليوم ولا اكثر؟؟؟؟؟؟؟؟

باراكودا

29-05-2013, 09:23 PM

لاتحاول ياالنهار الاقناع الاغلبية تقول مستوى خدمات الشركة دون المطلوب.

حمد 2002

29-05-2013, 09:30 PM

خارج الموضوع:من يومين سباق رالي بين سيارتين كروه على خط بروه التجاري
من المسوؤل ؟؟؟

أي والله انك صادق سيارات كروه يسرعون كنهم في فورملا مادري رالي واردد واكرر من المسؤول عن أستهتارهم !!!!!!! ،،

تحياتي لك ،،

حمد 2002

29-05-2013, 09:32 PM

ههههههه حلوه ذمه وضمير
تدري ايش المطلوب من سائق كروه
عليه ان يورد كل يوم مبلغ 216 ريال للشركه وباقي الايراد له
لو وصل كل يوم 10 اشخاص على 40 ريال هذي بروحها 400 ريال
تعتقد تكسي كروه يوصل 10 اشخاص في اليوم ولا اكثر؟؟؟؟؟؟؟؟

ويستمر دفاعك عن شركه كروه بدون حجه قوويه ، ودليل قووي يشفع لك :) ،،،

تحياااتي لك :)

حمد 2002

29-05-2013, 09:33 PM

لاتحاول ياالنهار الاقناع الاغلبية تقول مستوى خدمات الشركة دون المطلوب.

:nice: ماعليييك من النهار ينتقد لمجرد الانتقاااد :nice:،،،

تحياتي لك :victory:

ام السعف

29-05-2013, 09:34 PM

الناس تدفع ضريبة الاحتكار

اتفق معاك في هذي ،، الناس يدفعون ضريبة الاحتكار لشركة ما تقدم جديد
للناس ،،

سيارات الأجرة شبه معدومة في شوارع قطر ،، واذا شفت لك سيارة
فستقية في الشارع وتكون فاضية لازم ناخذ لك صورة معاها
ويعتبر سبق مهم يستحق التطرق له ،،

المكان الوحيد اللي تلقى فيه سيارات الاجرة في المطار
واذا صارت الزحمة اضرب اخماس على اسداس لين الله يفرجها لك ،،

وفي الفترة الأخيرة صوب فيلاجيو لاحظنا وجود اشرة شركة المليون
على سيارات الأجرة ،، مب فاهمة شنهي العلاقة او
الربط في الموضوع ،، على حسب علمي
شركة المليون بروحها شركة مواصلات .....> صح ؟

فليش ما يفتحون شركات منافسة في السوق ؟

ام السعف

29-05-2013, 09:38 PM

ياخوي ايام البرتقالي عدد السكان 600000 الحين 2000000
مافي مقارنه بين البرتقالي وكروه

كلامك صحيح من ناحية يا اخوي النهار ومن ناحية ثانية

هذا ما يعني ان الشركة مب مقصرة وان احنا ما نعاني من شي ،،

مب مشكلتنا احنا كمواطنين ان يتم احتكار السوق بشركة وحدة
وهي مب ملحقة على تقديم الخدمات للناس ،،

مرات تلقى عند المجمعات السيارات واقفة بالساعات والناس اتدور سيارات
اجرة في الشوارع ،،

هناك نقص كبييير في الخدمات المقدمة منهم ،،

هناك تهور ورعونة وعدم مسؤولية في سائقي كروة
ما يفرقون مابين شارع داخلي او شارع خط سريع ،،
هناك وهناك وهناك ،،

اترك المايك للباقي

راس لفان

29-05-2013, 09:39 PM

الخيار الوحيد حين تتعطل بك السيارة هو

الاتصال بصديق

وهني بتبين الرفجه

هههههههه

تحياتي

Taxi

29-05-2013, 09:40 PM

الله يحلي دنياك يا وليدي
:p

ام السعف

29-05-2013, 09:41 PM

الله يحلي دنياك يا وليدي
:p

:eek5:

من وين طلعت انت ؟

Taxi

29-05-2013, 09:47 PM

:eek5:

من وين طلعت انت ؟

هزني الشوق يا ام السعف

الله يحفظك يا حمد ياولدي يوم انك طريت البرتقالي

:p

ام السعف

29-05-2013, 09:50 PM

هزني الشوق يا ام السعف

الله يحفظك يا حمد ياولدي يوم انك طريت البرتقالي

:p

جعله يستمر في هزه و تبقى وما تطلع :telephone:

سعود العمادي

29-05-2013, 10:16 PM

السلام عليكم

كروة لاتعليق عليهم ولا فاتحين شركات جديدة الاجارة اعتقد والمليون !!!!

هي نفس الشي والتكاسي ماتحصلهم في الشوارع على سبيل المثال الوكرة مافيها ربع تكسي !!!!!

حتى لو شفت واحد بس مايوقف لك لا يوقف حق ناس وناس هههههههههه

خل يشوفون الامارات مثلا التكاسي تحصلهم في كل مكان ويوقفون لك عادي

لكن اهني لا ممنوع يوقف حق اي واحد .. وغير جي شوف السرعة الي يمشونها فوق 120بالراحهـ

المفروض يكون في جهاز مراقبة السرعة في التكسي مثل الامارات خل يشوفون ويطبقون عندنا

للاسف شركة كروة ماتنفع الصراحهـ

وتحياتي

alobour

29-05-2013, 10:27 PM

العثور علي تاكسي كروة في الصناعية بعيد عن سوق العطية مثل العثور علي الابرة في كوم القش

مواقف النجادة

29-05-2013, 10:40 PM

شركة مواصلات - بروة ببساطة .. قضت على خدمة التاكسي في قطر ..

من يوم ما جت هاشركة .. اختفت التكاسي من معضم شوارع قطر .. و ما تحصلهم الا قدام مولين ثلاثة ..و اربع خمس فنادق ..

لو صج خدماتهم تفيد الناس و مرغوبة .. خل يردون التكاسي البرتقالية القديمة تخدم الزبائن الحقيقيين و خلهم (تكاسي بروة ) يكشون ذبان عند الفنادق و المولات اللي ما يخدمون الا هي..

لا للاحتكار الظالم للمستهلك !

النهار

29-05-2013, 10:58 PM

كلامك صحيح من ناحية يا اخوي النهار ومن ناحية ثانية

هذا ما يعني ان الشركة مب مقصرة وان احنا ما نعاني من شي ،،

مب مشكلتنا احنا كمواطنين ان يتم احتكار السوق بشركة وحدة
وهي مب ملحقة على تقديم الخدمات للناس ،،

مرات تلقى عند المجمعات السيارات واقفة بالساعات والناس اتدور سيارات
اجرة في الشوارع ،،

هناك نقص كبييير في الخدمات المقدمة منهم ،،

هناك تهور ورعونة وعدم مسؤولية في سائقي كروة
ما يفرقون مابين شارع داخلي او شارع خط سريع ،،
هناك وهناك وهناك ،،

اترك المايك للباقي

لااتركي المايك لي
والله ليس دفاع عن شركة كروه
عند تأسيس شركة كروه .. كروه اشترت الارقام من الملاك بمبالغ كبيره
هل تعتقدين ان كروه توافق بشركه اخرى تنزل السوق من غير ان تدفع
مثل فودافون يوم رفعت قضيه على كيوتل بسبب فيرجن وكسبت القضيه السبب فودان
عندما نزلت للسوق دفعت مبالغ كبيره للحصول على الرخصه
تكسي المليون اشترت من كروه الرخصه لممارسة العمل ولمده معينه
حسب ماسمعت هناك شركتان تنزل السوق قريبا وايظا تحت عبائة كروه
هذا موضوع اقتصادي يطول شرحه

عايش فرحان

30-05-2013, 10:26 AM

لااتركي المايك لي
والله ليس دفاع عن شركة كروه
عند تأسيس شركة كروه .. كروه اشترت الارقام من الملاك بمبالغ كبيره
هل تعتقدين ان كروه توافق بشركه اخرى تنزل السوق من غير ان تدفع
مثل فودافون يوم رفعت قضيه على كيوتل بسبب فيرجن وكسبت القضيه السبب فودان
عندما نزلت للسوق دفعت مبالغ كبيره للحصول على الرخصه
تكسي المليون اشترت من كروه الرخصه لممارسة العمل ولمده معينه
حسب ماسمعت هناك شركتان تنزل السوق قريبا وايظا تحت عبائة كروه
هذا موضوع اقتصادي يطول شرحه

كروة شرت ارقام التكسي البرتقالي بالغصب مب بالطيب .. لو اصحاب الارقام يقدرون مايبيعون ما كانوا باعوا .. لكن كروة كان عندها قانون يسمح لها بالاحتكار .. وخذت الارقام من شياب قطر غصب و بالسعر اللي هي تبيه ..

و طبعا بعد ما احتكرت السوق خربت خدمة التكاسي او بالاحرى قضت عليها .. وصرنا ما نشوف تكاسي في الفرجان و الشوارع مثل قبل ..

تكاسيهم صافة قدام جم مول و فندق بالساعات و سواقينهم طايحين له هذرة و سوالف ومستانسين بوضعهم .. و باقي شوارع قطر ما تحصل فيها تكسي واحد حتى لو توقف بالساعات!

الوضع بالنسبة لزبائن التكاسي كان وايد احسن ايام التكسي البرتقالي..

المشكله احنا مانحس بمعاناة زبائن التكاسي لاننا كقطريين نادر مانركبها .. اغلب اللي يركبونها الاجانب والحريم و اليهال اللي ماعندهم لياسن .. وهلفئات مساكين مالهم صوت.

و ادارة كروة عارفة هالشيء.. و ماخذة راحتها في سوء الخدمة و ردائة الادارة ..

حسبي الله عليهم ..

ولد العرب

30-05-2013, 12:07 PM

الحل خل عندك رقم ليموزين احتياط ....

طيب انا شلون اتواصل مع ليموزين صعب صعب انا مع حمد:anger1:

الســـهم

30-05-2013, 12:44 PM

السلام عليكم ورحمة الله وبركاته ..

أول سبب لتدني مستوى خدمة التكسي في قطر ( كروة ) هو الاحتكار وعدم وجود منافس حقيقي فالسوق , وحتى شركة اجارة اللي رست عليها مناقصة تشغيل شركة المواصلات الثانية كشركة منافسة لكروة راح تعمل تحت قوانينها ومظلتها ..

ثاني سبب لتدني الخدمة هو ضعف رقابة الشركة على سواقينها , لأني شفت وبعيني سواقين ( كروة ) ياخذون راكب واحد معاهم , وفي طريقه يوقف لركاب اخرين يركبون معاه بالتفاوض ( يعني ياخذ مبلغ من كل راكب معاه بحيث يغطي ضعف قيمة العداد ويرجع للراكب الاولي جزء من قيمة العداد وهو ياخذ الباقي ) ، وبمثل هالحالة لو المشوار اللي يكلف شخص 20 , راح يحصل من ورى 4 اشخاص 40 ريال لو تم التفاوض بالايصال بسعر أقل بـ 50% , والراكب الاول بيطلع عليه المشوار بـ 10 بدال العشرين , يعني هو راح ياخذ تقريبا 50% بجيبه غير اتفاقيته مع شركة ( كروة ) اللي هي مبلغ لازم يحصله كل يوم وهو ياخذ الفرق , واللي يصدق سواقين ( كروة ) بأنهم مساكين ورواتبهم ضعيفة فهو واهم , لأنهم يدخلون اضعاف رواتبهم بهالحركة , والدليل رغبة اكثر دريولية البيوت والاغراءات اللي يسمعون عنها بالعمل في شركة ( كروة ) ..

ثالث سبب لو تلاحظون اماكن تركز التكاسي , 50% تلقاهم ينتظرون ويلفون فالاماكن اللي فيها تجمعات بشرية كبيرة , مش هدفهم توفير الخدمة ولحاجة الناس هناك ابدا , هدفهم الركاب المذكورين بالنقطة الثانية ..

الحلول المرجوة من المسؤلين عن قطاع المواصلات :-

1- فتح المجال لشركات منافسة اكثر في هذا المجال وتكون كلها خاضعه لقوانين هيئة المواصلات مش قوانين تفرضها شركة مشغلة ومنافسة , بحيث ان اللي حاب يدخل كمنافس يوفر عدد سيارات معينة , ويدخل كمنافس من ناحية الخدمات والسرعه , والرسوم تكون كلها موحدة ..

2- وضع كيمرا في كل سيارة تصور المشوار وتكون مربوطة مع بداية اشتغال العداد , لا تتوقعون انها صعبة لانها موجودة بمعظم التكاسي بسنغافورة , منها رقابة على السايق وحفظ حقوق الشركة ومنها حماية للسياح من التلاعب بمسافة الطريق ..

3- وضع جهاز تتبع لكل سيارة علشان يضبطون عملية تمركز سيارات الاجرة في اماكن معينة , ولازم يكون فيها محاسبة في حالة ان التكسي يتردد دايما على نفس المكان بعدد معين في نفس اليوم ..

ام السعف

30-05-2013, 01:11 PM

كروة شرت ارقام التكسي البرتقالي بالغصب مب بالطيب .. لو اصحاب الارقام يقدرون مايبيعون ما كانوا باعوا .. لكن كروة كان عندها قانون يسمح لها بالاحتكار .. وخذت الارقام من شياب قطر غصب و بالسعر اللي هي تبيه ..

و طبعا بعد ما احتكرت السوق خربت خدمة التكاسي او بالاحرى قضت عليها .. وصرنا ما نشوف تكاسي في الفرجان و الشوارع مثل قبل ..

تكاسيهم صافة قدام جم مول و فندق بالساعات و سواقينهم طايحين له هذرة و سوالف ومستانسين بوضعهم .. و باقي شوارع قطر ما تحصل فيها تكسي واحد حتى لو توقف بالساعات!

الوضع بالنسبة لزبائن التكاسي كان وايد احسن ايام التكسي البرتقالي..

المشكله احنا مانحس بمعاناة زبائن التكاسي لاننا كقطريين نادر مانركبها .. اغلب اللي يركبونها الاجانب والحريم و اليهال اللي ماعندهم لياسن .. وهلفئات مساكين مالهم صوت.

و ادارة كروة عارفة هالشيء.. و ماخذة راحتها في سوء الخدمة و ردائة الادارة ..

حسبي الله عليهم ..

وفرت علي طقطقة على الكيبورد والرد على اخونا نهار ،،

القطري انخذ منه رقم التاكسي غصب زور ومب بطيب منه
لأن الاحتكار كان لاعب لعبته ،،

وصدقت في الفئة اللي تعاني من قلة وجود التكاسي في الشوارع

وينكم يا ادارة كروة :telephone:

كازانوفا

30-05-2013, 01:49 PM

ودي اجرب الباص اخليه يلف الدوحه كلها وكل ما يسلني على وين اقوله سيدااااااا :)

مستثمر مبتدئ

30-05-2013, 02:13 PM

خذ الموقف

كنت راجع من الدوام وجدامي سيارتين كروة ووراي سيارتين وكانوا رايحين القهوة عشان الكرك المهم في وحده آسيوية وشوي كبيرة في السن أشرت على الاثنين اللي جدامي وماوقفوا وشفت السيارتين اللي وراي بعد ماوقفوا وكلهم كانوا رايحين القهوة ،،المهم رجعت وخفت اكلمها او تسوي مشكلة ووقفت على جنب واشوف حد بيوقف لها ومافي فايدة ورحت عند القهوة وسحبت واحد وقلت له روح خذ الحرمة ووصلها وقلت له لو صغيرة في السن بتوقف لها وضحك وراح زي الاسد وخذها،،،،،

qatarman8008

30-05-2013, 02:22 PM

المشكله انهم طالبين من كل سواق يجيب لهم مبلغ من المال يوميا.. ولا عليهم من الباقي.. وين يشتغل بكم المشوار.. ما يدرون .. ف.. تلاقي سواق التاكسي مو مستعد يوقف لاي واحد في الشارع.. ولا يقدرون يقولون له ليش.. جيب الملبغ الفلاني.. وسلامتك..

جاسم الدوحة

31-05-2013, 05:44 AM

كلهم يسوقون مثل الصاروخ
نعم .. ليش ما يسرعون؟
إذا الخرابات مب عليهم
ومب شايلين أي همّ
السيارة ببلاش
البنزين ببلاش
الصيانة ببلاش
الريس حدّه .. والبريك حدّه
شلي يخليهم يسوقون بركادة؟
ولا أستثني منهم واحد

khaldoon

31-05-2013, 08:27 AM

ايام زمان كنا نرجع من الصناعية الى الدوحة بعشر ريالات ايام التاكسي البرتقالي.....هالايام لو نبي نسوي هالمشوار بس نحط سياراتنا بالتصليح بندفع كم؟

حبر وقرطاس

31-05-2013, 11:37 AM

السلام عليكم ورحمه الله وبركاته

الموضوع يحمل العنوان التالي

((ياشركه كروه للمواصلات وبعديييييين ؟!!!!!!!!!!!!!!!!!!!! ))

من :- حمد 2002

الى :- الرئيس التنفيذي لشركه كروه (( مواصلات )) حفضه الله

الموضوع :- ((ياشركه كروه للمواصلات وبعديييييين ؟!!!!!!!!!!!!!!!!!!!! ))

كم سنه صارلكم فاتحيين للحين ؟!!!! ، وشو الشيء الجديد الي قدمتوه للسوق ؟!!!!!!!!!!!!!! ، وليش الناس للحين تشتكي عليكم ومب عاجبتها خدماتكم وتعاملكم معاهم ؟!!!!!!!!!!!! ،
عييييل واحد اتعطل = تخترب سيارته = موتره = سيارته بالصناعيه وبالزور = بصعوبه ايحصله تكسي ، لا وبكم حصله :eek5::eek5: ، يوم وصله البيت ايتفاجأ بأن الفاتوره 60 ريااااااااااااااااااال قطري فلس ينطح فلس :eek5: ، شدعووووووووه شمركبين بعددادكم :) ،

عيل لو الواحد ماخذله لوموزين احسنله من مذلتكم :):):) ،،،،

افرض مثلا واحد اختربت سيارته ودار بالفريج يبي تكسي ، اشدعوه مايحصل ولا تكسي ايدور ابفريجه ، واذا حصل مايوقفله :anger1::anger1: ،،، الله يرحم اياااااااااااااااام التكاسي البرتقاليه كان الواحد ايحصلهم بكل فريج وبكل مكااااااااااااااااااااان :( ،،،

شالحل معاكم ؟!!! ابيك تجاوبني شالحل ؟!!

وليش للحين انتو محتكرين السوق من خدماتكم المميزه !!!!!!! :):):):):)

حمد 2002

شبكه الأسهم القطريه
__________________________________________

الموضوع مفتوح للنقاش العام على مصراعيه وفقا لسياسه المنتدى وبدون الخروج عن الإطار العام للموضوع

تحياتي للجميييع

بقول لك الكلمه السحريه الي هي اساس القصور والتدهور في كثير من المشاريع والافكار والتطور في قطر بالنسبه للخدمات (( الاحتكـــــــــــــــــــــــــــــــــــــــــار ))

ياخوي خل الافتراضات عالجنب وتعال شوف بخصوص خدمات التاكسي في مثلا دبي
اقسم بالله وقفتك ماتطول في اي نقطه في دبي اكثر من ربع ساعه وفي معظم الاوقات اقللل بكثير الا وجدامك عشر تكاسي والسرر هو

(( تعدد شركات المواصلات )) ماتفرق بينهم غير من لون سقف السياره فقط منها الاحمر والازرق والاصفر و الاخضر والاحلى فيه لون وردي وسائقينه نساء من الدول الافريقيه والهند وباكستان وكلهم بزي رسمي محتشم وتطبق عليهم قوانين صارمه من الشرطه الاماراتيه والاحلى جميع التكاسي فيها العداد جديد والسيارات تستخدم لمده سنتين فقط ثم تتكنسل ويجيبون جديده ولا ريحه سجاير ولا خياس وبطاقه السواق تكون قانونيا معلقه فالتاكسي ومعطينهم تعليمات ماياخذون ويعطون مع الناس الا اذا الناس تكلمت معهم ، والاحلى من كل هذا لازم ريحه التاكسي عطريه والتكييف شغال بشكل مستمر واول ماتركب ويصفر السواق العداد تسمع صوت وحده تتكلك بالانجليزي والعربي كتسجيل صوتي ترحب فيك في خدمه تكاسي دبي وتقول لك انشالله تستمتع بخدمتنا وراح يتم توصيلك باسرع وقت والرجاء لبس حزام الامان ومن هالسوالف

الي حاصل عندنا تكاسي كروه مستهلكه جدااااا وريحتها استغفر الله وفي ضريبه على سواقين التاكسي لازم يوفر قيمه معينه يوميا وتقتطع منها نسبه لصالح كروه وتحصل السواق يكرف 11 ساعه عشان ماياخذون منه الضريبه من اساس الربح وتلقاهم مخيسين التاكسي ونصهم بواسير وريحه التكاسي سجاير متخمره ةصيانه السياره الله بالخير والاسوء من هذا كله اغلب السيارات قديمه لا تشوف لهيكلها الخارجي اركبها واسمع المحرك وشوف السيتات يجيك القرف على اصوله
اقسم بالله اني ركبت مره كروه مافي داعي اذكر وساخه التاكسي من داخل والريحه هذا كله كوم وصوت المحرك وصلاحيته للقياده كوم ثاني تخيل البلا الي فيه السواق يسوق على سرعه معينه شوي الا السياره تزيد سرعتها بنفسها فجاه قلت له شسالفه ؟؟؟ قال هي كذا من يوم سقتها تزيد سرعتها فجاه بس انا تعودت عليها ؟؟!!!!
وين الصيانه يا كرووووووووووووووووووه ؟؟؟؟؟؟؟؟؟؟؟؟؟
مسؤول كروه الفاضل هل سويت جوله بنفسك في قطر وتركت سيارتك الكريمه فالبيت وطلعت بنفسك تجؤب خدمه كروه الكحيانه كشخص عادي ؟؟؟؟؟؟؟؟؟؟؟؟؟
هل انت مسؤول فالمكتب فقط ؟؟؟ لماذا نظام الضريبه على السواقين؟؟؟؟ ليش الصيانه وموديل السيارات المستخدمه فالخدمه مضى على بعضها اكثر من ثلاث سنوات ؟؟لماذا النظافه معدومه ولماذا لا يوجد بطاقه السواق في السياره وليش الروائح المزعجه ورائحه الدخان عالقه في السيارات؟؟ وين القوانين ؟؟

ان كان لا يوجد قانون لنظافه ونظام سيارات كروه ما الذي تقوم به في عملك يوميا ؟؟؟؟؟؟
واضح التقصير بشكل جذري وتسيب والامور سايحه في بعض

BoFahed

01-06-2013, 01:40 AM

بقول لك الكلمه السحريه الي هي اساس القصور والتدهور في كثير من المشاريع والافكار والتطور في قطر بالنسبه للخدمات (( الاحتكـــــــــــــــــــــــــــــــــــــــــار ))

ياخوي خل الافتراضات عالجنب وتعال شوف بخصوص خدمات التاكسي في مثلا دبي
اقسم بالله وقفتك ماتطول في اي نقطه في دبي اكثر من ربع ساعه وفي معظم الاوقات اقللل بكثير الا وجدامك عشر تكاسي والسرر هو

(( تعدد شركات المواصلات )) ماتفرق بينهم غير من لون سقف السياره فقط منها الاحمر والازرق والاصفر و الاخضر والاحلى فيه لون وردي وسائقينه نساء من الدول الافريقيه والهند وباكستان وكلهم بزي رسمي محتشم وتطبق عليهم قوانين صارمه من الشرطه الاماراتيه والاحلى جميع التكاسي فيها العداد جديد والسيارات تستخدم لمده سنتين فقط ثم تتكنسل ويجيبون جديده ولا ريحه سجاير ولا خياس وبطاقه السواق تكون قانونيا معلقه فالتاكسي ومعطينهم تعليمات ماياخذون ويعطون مع الناس الا اذا الناس تكلمت معهم ، والاحلى من كل هذا لازم ريحه التاكسي عطريه والتكييف شغال بشكل مستمر واول ماتركب ويصفر السواق العداد تسمع صوت وحده تتكلك بالانجليزي والعربي كتسجيل صوتي ترحب فيك في خدمه تكاسي دبي وتقول لك انشالله تستمتع بخدمتنا وراح يتم توصيلك باسرع وقت والرجاء لبس حزام الامان ومن هالسوالف

الي حاصل عندنا تكاسي كروه مستهلكه جدااااا وريحتها استغفر الله وفي ضريبه على سواقين التاكسي لازم يوفر قيمه معينه يوميا وتقتطع منها نسبه لصالح كروه وتحصل السواق يكرف 11 ساعه عشان ماياخذون منه الضريبه من اساس الربح وتلقاهم مخيسين التاكسي ونصهم بواسير وريحه التكاسي سجاير متخمره ةصيانه السياره الله بالخير والاسوء من هذا كله اغلب السيارات قديمه لا تشوف لهيكلها الخارجي اركبها واسمع المحرك وشوف السيتات يجيك القرف على اصوله
اقسم بالله اني ركبت مره كروه مافي داعي اذكر وساخه التاكسي من داخل والريحه هذا كله كوم وصوت المحرك وصلاحيته للقياده كوم ثاني تخيل البلا الي فيه السواق يسوق على سرعه معينه شوي الا السياره تزيد سرعتها بنفسها فجاه قلت له شسالفه ؟؟؟ قال هي كذا من يوم سقتها تزيد سرعتها فجاه بس انا تعودت عليها ؟؟!!!!
وين الصيانه يا كرووووووووووووووووووه ؟؟؟؟؟؟؟؟؟؟؟؟؟
مسؤول كروه الفاضل هل سويت جوله بنفسك في قطر وتركت سيارتك الكريمه فالبيت وطلعت بنفسك تجؤب خدمه كروه الكحيانه كشخص عادي ؟؟؟؟؟؟؟؟؟؟؟؟؟
هل انت مسؤول فالمكتب فقط ؟؟؟ لماذا نظام الضريبه على السواقين؟؟؟؟ ليش الصيانه وموديل السيارات المستخدمه فالخدمه مضى على بعضها اكثر من ثلاث سنوات ؟؟لماذا النظافه معدومه ولماذا لا يوجد بطاقه السواق في السياره وليش الروائح المزعجه ورائحه الدخان عالقه في السيارات؟؟ وين القوانين ؟؟

ان كان لا يوجد قانون لنظافه ونظام سيارات كروه ما الذي تقوم به في عملك يوميا ؟؟؟؟؟؟
واضح التقصير بشكل جذري وتسيب والامور سايحه في بعض

صادق اخوي في كل اللي ذكرته اذكر مرة طلعت مع لموزين من المطار عربي وسالته عن حالهم وظروفهم الصراحة نظام الاقتطاع اليومي مرهق للغاية لهم يخليهم يكدحون ليل نهار علشان يوصل لليمت ويكره الواحد في الشركة واللي حاطه خبير بريطاني خذ مبلغ مليوني وراح لا يعرف ظروف البلد
والادارة اللاجنبية المباشرة لهم فيها الكثير من السلبيات (حسب كلامه )وشكر بعض الشباب القطريين في الشركة وخصوصا م. بهزاد

الصراحة هو امني انقل شكواه ومعاناته لوسائل الاعلام