هل يعقل هذا

[latof]

انا اليوم اكتب حادثة حصلت معي اليوم الظهر وانا خارجه من عملي آلساعة الثانية ظهر 'وفي حدود الساعه الثانية والنصف وبالتحديد قبل دوار الريفيره قبل الدوار وانا والله كنت امشي في الخط اليمين وفي لحظه واحدة سمعت صوتً هرن مرتفع وعندما التفت صوب اليسار لأرى لماذا احد يهرن اذا سيارة نوع ميرانوا عنابيه تقودها امرأة عربيه ترتدي حجاب وجالسه بالقرب منها واحدة حاسر من أشكالهم يمكن من بلا د الشام وهي وتصرخ وتؤشر بيدها على أني انا مجنونه والله العظيم أني لم اغلط عليها ولا اعرف شنهي السالفه حتى اذا كان خطا في الطريق ؛ هل يكون بهذه ألطريقه ' انا اسأل هل اصبح القطري والقطرية سلعه رخيصه لهؤلاء الدخلاء على قطر الحبيبه ليس لدينا قيمة في بلدنا اذا كان لهم حقوق الانسان اين حقوق القطري يكفي انه ابنائهم في المدارس الخاصة وغيالنا متبهدلين مع المدارس المستقله وأحسن العلاجات يحصلون عليه ونحن ربع هذه الخدمات لم نحصل عليه هل اصبحنا مضحكة لهؤلاء هل اذا كنا في بلدهم يكون لنا هذه الحقوق

[السيف5]

كان سجلتي رقمها واشتكيتي عليها

[رجل الجزيرة]

كان سجلتي رقمها واشتكيتي عليها

أي والله.

[R 7 A L]

قريت الموضوع من البداية وانا حاط يدي على قلبي
كنت خايف صراحة

خايف ان النهاية تكون وخيمة

بس الحمدلله ماتعرضتي للضرب


!!!

[فرهود]

اذا كل واحد بيندق له هرن بيفتح موضوع في المنتدى يبيلنا منتدى بكبره مب بس قسم.

وبعدين اذا كنتي تشوفين نفسج سلعه رخيصه ومضحكه للاجانب رجاء لاتعمين كل لقطريين . وبعدين وشدخل العلاج والمدارس بسالفة وحده ضربت لج هرن بصراحه موضوعج بلاليط من الصبح .

[Bo jassim 33]

عااااااااادي سهاااااالات

حط لك اخوي فرهود موضوع عن اجنبي يدخن في فريجكم وانت تاذيت من ريحة زقارته

او حط موضوع عن اجنبي شرب ماي بيده اليسار وانت تضايقت من تصرفه الاحمق

او حط موضوع عن اجنبي اممممممممممم راح الصلاه بزنوبه الله يكرم القارئ

اهم شئ في موضوعك تحط انه اجنبي ولو تحط جنسيته يكون اقوى بعد وحط في نص الكلام وين هيبه المواطن


وابشرك بارتفاع ايرادات الموضوع هههههههههههههههه

[ضوى]

اختي من موضوعج فايحة ريحة العنصرية

موضوعج فقط انها ازعجتك لس دخلتي اشايء اخرى مالها علاقة ؟؟

اخذتي رقمها واشتكيتي وشوفي ساعتها القطري سلعة رخيصة او لا

[شيخ الديرة]

سؤال,
كيف عرفوا أنك قطرية؟ وهل كان تصرفهم يختلف لو عرفوا أنك غير قطرية؟

[مساهمة بسFresh]

الله يعينج

بس شنو المطلوب منا؟

[شبح الصمت]

اووف من صجك !!!


:eek5:

[نوار قطر]

وعليه قمتو على البنت .. هي القصد انها اتففضفض من القهر .. كلمه زينه اتطيبون خاطرها بدال هالانتقاد .. يمكن كذا موقف صادها من الاجانب وخلاها تنفجر واتكلم ..

[M7ammd]

عااااااااادي سهاااااالات

حط لك اخوي فرهود موضوع عن اجنبي يدخن في فريجكم وانت تاذيت من ريحة زقارته

او حط موضوع عن اجنبي شرب ماي بيده اليسار وانت تضايقت من تصرفه الاحمق

او حط موضوع عن اجنبي اممممممممممم راح الصلاه بزنوبه الله يكرم القارئ

اهم شئ في موضوعك تحط انه اجنبي ولو تحط جنسيته يكون اقوى بعد وحط في نص الكلام وين هيبه المواطن


وابشرك بارتفاع ايرادات الموضوع هههههههههههههههه

لا حول و لا قوة الا بالله

انا في بلادي معزز و مكرم و يجيني اجنبي من برى بكفاله عشان يرفع صوته ولا يحاول يهيني ؟ والله العظيم لو تروح بلادهم بتلاقي الكثير منهم يحاولون يدورون عليك سبه عشان يشتبكون فيك و اذا ما شفت هذا للاسف انت شكلك ما سافرت برى .

مشكلتنا ان فينا طيبة و سامحين لهالاشكال يستغلونا و شوف كل مشاكلنا بسببهم .. اولا ارتفاع الاجارات و التأجير بالباطن و و و و و غيرها كثير .. وللحين قاعدين تدافعون وتقولون عنصرية ؟

والله العظيم اني اكتب هالكلام مش من باب العنصرية لكن للاسف من الي اشوفة في المنتدى و برى المنتدى .. الاجانب اصبحوا يملكون السوق و الوظائف الحكومية و الخاصة و لهم كلمة بعد .

انا ابي اسألك .. من سوق لكلمة المواطن القطري ما يشتغل ؟ الاجانب هم من سوقوا هالكلمة و صدقتوها .. شوفوا اهل قطر كيف يشتغلون و يحاولون يثبتون نفسهم و بمجرد انه اخذ اجازة او جاه شغل كثير وما قدر يخلص الشغل بسرعة قالوا لك القطريين مب مال شغل !!!!!!

شوف القطريين في كيو بي كيف يعانون من الاجانب وخاصة الهنود الي محاولات تطفيش القطريين ! ياخوي ما تدري ان الاجانب الحين رواتبهم صارت احسن من القطرييين ؟! ماتدري انه ياخذ بونس و تذكرة له و لزوجته و عياله و عياله لازم في مدارس خاصة وغير باقي المميزات الثانية ؟! ياخوي ما تشوف فضايح الاجانب والفساد الاداري الي صاير و بعضها انعرض فالجرايد ؟ ماتذكر بعد ما اعلن صاحب السمو الشيخ حمد بن خليه ال ثاني الله يطول عمره الزيادة للقطريين بنسبة 60% واعترضوا عليك الاجانب و قالوا ما راح نشتغل ؟ ياخوي ما ادري انت عايش فالدوحة ولا لا ؟ ما تشوف الاجانب يخالف عيني عينك و القطري ماسك السيد و محافظ عالنظام ؟

واخر شي يقولون عنصرية

[ضوى]

للاسف ياخوي اللي طلع مقولة القطري مايشتغل هو القطري نفسه ، لا نلوم الاجانب ، نعم فيهم العبر بس انهم يملكو السوق الصراحة بتعبهم وبفلوسهم وجهدهم ، وظائف حكومية الصراحة تقطير جيد بالمجلس الأعلى للصحة ، يمكن في اماكن عمل خاصة يجوز لانه عالغلب صاحب الحلال اجنبي والقطري بالاسم بس ،

[M7ammd]

للاسف ياخوي اللي طلع مقولة القطري مايشتغل هو القطري نفسه ، لا نلوم الاجانب ، نعم فيهم العبر بس انهم يملكو السوق الصراحة بتعبهم وبفلوسهم وجهدهم ، وظائف حكومية الصراحة تقطير جيد بالمجلس الأعلى للصحة ، يمكن في اماكن عمل خاصة يجوز لانه عالغلب صاحب الحلال اجنبي والقطري بالاسم بس ،

صحيح القطري يقولها بس سببها الاجانب ؟ واما السوق اتمنى تحاولين تفتحين مشروع ( اي مشروع ) وشوفي بنفسك ما راح يمشي الا اذا تركتيه لاجنبي ورضيتي براتب شهري بسيط . ما ودي افتح المجال و اكتب المواقف الي شفتها و سمعتها عشان ما يطول الموضوع و يتشعب لكن صدقيني والله العنصرية مالها دخل في الموضوع فيه اجانب قمة في الاحترام و الذمة لكن للاسف الاغلبيه لا

[أسد الجزيرة]

نصيحة يا اختي صحتج اولى من اي ازعاج تعودي انج تطنشين و لا بيصيدج الضغط و السكر

[ضوى]

صحيح القطري يقولها بس سببها الاجانب ؟ واما السوق اتمنى تحاولين تفتحين مشروع ( اي مشروع ) وشوفي بنفسك ما راح يمشي الا اذا تركتيه لاجنبي ورضيتي براتب شهري بسيط . ما ودي افتح المجال و اكتب المواقف الي شفتها و سمعتها عشان ما يطول الموضوع و يتشعب لكن صدقيني والله العنصرية مالها دخل في الموضوع فيه اجانب قمة في الاحترام و الذمة لكن للاسف الاغلبيه لا

نعم اخوي اتفق معاك انه الاجنبي مكوش على كل شي ، بس حط الله بين عيونك وقولي منهو وصلهم هالاجانب مب القطري ؟؟ اللي يرضى بمبلغ شهري بسيط مقابل بيع سجله التجاري والاجنبي يفتح مشروع ورا مشروع ورا مشروع والقطري اذا ماكان معطيه السجل هبه ماراح يجيه اكثر من 10000 بالسنة ، يعني القطري هو اللي فتح الباب بطبيته او غبائه وليعذرني الجميع على هالكلمة ، احنا اللي عطيناهم مشاريعنا على طبق من ذهب بعد ، انا اتكلم وانا اعتبر نفسي غبية لاني سويت جذي واشوف اللي اخذ من السجل الحين ملياردير مع اني ماستفدت ولا قرش كان هبه وانه مسكين يسترزق

[أم نواري1]

طنشي مثل هالنوعيات من الناس
يمثلون نفسهم وأخلاقهم بدون ماتعممين على نفس الجنسية

أختي مساهمة ارتقي شوي بردودج
الأخت ضوى ماقالت شي غلط

تقدرين تقولين سذاجة لو ماعجبتج كلمة غباء

تبين تنصحين ردي بأخلاقج الراقية وبأسلوب محترم
لكن الإنسان يبين من ردوده

الله يعافينا وإياكم من سوء الأخلاق

[ضوى]

تسلمين ام نورة كلج ذوق ورقي

[وطن]

هاهاهاهاها
تذكرت اللي سوّت نفس الحركة حق اختي

عاد اختي تحسفت
انها ما خذت الرقم تبلغ عنها

يمكن هي نفسها

:secret:



اختي في مواقف مثل هذي اخذي الرقم وبلغي
ماله علاقة الجنسية بالموضوع
الاحترام واحد

[Cute Mother]

أنا مستغربة من شي الصراحة .. !
مش من الموضوع .. لا .. مستغربة من ردة فعل البعض من خلال بعض الردود اللي صراحة أحس إنها مالها داعي ..

طحتوا فيها طيحة .. ليش ؟!
وما تنلام على هالفضفضة البسيطة اللي ذكرتها لكم من قمة غضبها وحرتها من بعض الأجانب اللي أقدر أقول إن بعضهم فعلاً تصرفاتهم تغيض وتحـر من قلب ..

بس معليش أختي هونيها وتهــون ومب الكل ماشي على الصراط المستقيم ومب الكل غلطان ..
وحتى فكرة أنك تاخذين رقم السيارة وتشتكين فمالها داعي إلا إذا تكررت مرة ثانية ومن نفس الأشخاص ..
فـ خلينا نعامل الناس بأخلاقنا لا بأخلاقهم والدين المعاملة ..

[فهد111]

اصابعج مب سوى هاي تصرف من وحده اكيد في غيرهم وايد فيهم خير لانحكم عليهم كلهم بتصرف وحده