لأصحاب الخبره في ارقام الهواتف

[ولد الديره]

السلام عليكم اولا

اخواني انا عندي رقم ابي اعرف كم يجيب

مميزات الرقم : 1- في خمس خمسات
2-بدايته 5555
3- في صفر
4-الرقم: 555505 والرقم الاخير مخفي

و يعطيكم الف الف عافيه

[مراقب السوق]

70-80

والله اعلم

[ولـــد قطـــر]

صباح الخير

أخوي انت لك نية تبيع الرقم ولا بس تبي تعرف كم يجيبلك

على العموم لو لك نية بسعر معقول انا شراي

وعطني السعر الي بخاطرك

وانشاء اللهمب مب مختلفين

[فاهد العذبة]

السلام عليكم اولا

اخواني انا عندي رقم ابي اعرف كم يجيب

مميزات الرقم : 1- في خمس خمسات
2-بدايته 5555
3- في صفر
4-الرقم: 555505 والرقم الاخير مخفي

و يعطيكم الف الف عافيه





بتبيعه طرشه لي على الخاص ورقمك عشان اكلمك

[ولد الديره]

مرحبا فيكم خواني

الله يسلمكم الرقم مهب رقمي بس اخوي راعي الرقم و هو له نيه يبيعه اذا جاب سومه طيبه فا ياريت تحطون سومتكم و اذا سومتكم زينه بيبيع.... بس تر مسيوم اب 180 الف فا ياريت السومه اتكون اكثر من هل سعر (الرقم الاخير فردي)

تحياتي..

[مستريح البال]

اشدعوه 180
واذا جاب ل السعر خله يبيعه قبل ما الرجال يغير رايه

[ولد الديره]

اصلا هو مابيغي يبيعه بس يقول اذا جاب السعر اللي فباله بيبيع و يا ( مستريح البال ) يقولك المثل " قل خيرا او اصمط " يعني انت ماتبغي الرقم انا قلت سومو و اذا ماعندك سومه ليش تحط رد و انا لين قلت مسيوم 180 الف ماجذبت و هاي اللي صار مايحتاي انك تقعد اتجذب العالم...

مع احترامي للأعضاء وتحياتي

[المحبووووب]

اذا جاب لك هذا السعر نصيحه لا تدردد اذا بتبيع
الله يوفقك

[ولد الديره]

يا المحبوووووووب انا قلت اذا عندكم سومه حطوها و مشكور عل النصيحه

تحياتي

[مراقب السوق]

وسع خاطرك اخوي ولد الديره ..

ليش معصب .. انت كاتب على الموضوع .. كم يسوى هذا الرقم ..

يعني طالب من الأعضاء يقيمون رقمك ..


مافيها شي اذا دخل واحد وقالك 500 ريال وبيدخل واحد وبيقولك .. مليون



فلاتزعل من كلام الأعضاء اذا قالو لك 180 الف وايد على الرقم ولا سعر زين

ولا أي شيء أخر


وعلى العموم الله يوفقك .. في بيعة الرقم


تحياتي لك

[ولد الديره]

اخوي مراقب السوق كلهم عل عيني وراسي و انا مهب معصب بس اعتقد اني كاتبي لاصحاب الخبره فا ليش الواحد يحط 500 و هو مايعرف شالطبخه و انا مهب معارض اذا واحد حط رايه مثل اخوي المحبووووووووووب اسلوبه عدل لاكن اخوي مستريح البال طريقة كلامه جنه قاعد يجذبني بس مب مشكله حصل خير و كلكم حبايبي..

تحياتي

[مراقب السوق]

عزيز وغالي ياولد الديره :)

وماشالله الرقم حلو .. وغير ذلك .. الرقم المخفي له تأثير كبير ..

فلو كان 0 او 5 او 9 او1

كل رقم يختلف منهم واذا كان واحد من هذي الارقام هو المخفي

سعره من ال 100 الف واكثر


لكن لو كان 5 او 0 .. :) لاتعليق ..

[ناسدك]

اخوي ولد الديره اعرضه بالجريده لان شرايت هاي الارقام مراح تلاقيهم هنيه الهوامير مايدخلون المنتديات(مع احترامي للجميع) بالعلم اني بايع رقم بمليون ريال ,وهني عطوني 180اسمع كلام اخوك وبتدعيلي .

[ولد الديره]

اخوي ناسدك انا معاك في كل كلمه قلتها هني الارقام اللي يشترونها ماتعدي ال 40000 و الرقم المخفي يا ( 3 أو 7 )

وتحياتي لكل الاعضاء

[راشد العوضي]

ألسلام عليكم

شلونك عزيزي

انا تاجر ارقام في الامارات وبعطيك بعض المعلومات اللي عندي

الرقم الخماسي في الامارات نبيعه على 50 الف درهم وعلى حسب الشبكات في شبكات تعبانه وفي شبكات قويةةةةةة مره

ولكن الرقم اللي نهايته 55555

ينباع على 100 الف درهم محد اقصى وفي حال اذا السوق منتعش

واذا الرقم في البداية مثلا 55555xc
ايييجيب 140 الف درهم
لانه في شبكة ابوظبي خط 66666 اقوى شبكة في الامارات
اللي يمتلك هذا الرقم يعتبر شيخ ولو شرى ب 140
يمكن ايجيك واحد يدفع لك 170 الف درهم وهو يضحك

ف ال 55555
بيييب سعر حلو انا اعتقد ان لو نزلت شبكة 55555 في الامارات بيمشي هذا الرقم وبيوووصل ال 200 الف درهم
لانه في شباب يحبون هذي الشبكة
تخيل معي
نحن لم نضغط على ها الرقم
9715055555xx
او555555
احسب الخمسات

فسمحلي لاني شوي خبلت بك بس استحمل ايلس مع اي تاجر ارقام وشوف كيف ثرثار خخخخ

ف اتمنى لك التوفيق

مع انه ما عندي خلفية عن الاسعار في قطر ولكن انا اتوقع انه الرقم اييييب لك سعر مناسب
بس لازم تصبر وتشوف الهوامير الواقفين على ابواب الاسواق المالية واللي لهم اسهم في البورصة

السوق في الامارات ينتعش لم اسهم فووووووووووووووووووووق
تحياتي

[ولد الديره]

تسللللللللللللللم اخوي وماقصرت عل هلمعلومات الحلوه بس انا اضن ان الارقام في كل دوله له سعر مثلا انا رحت الكويت فالجريده يعني يعرضون 500 رقم مثلا Xxerexx مايعدي ال200 دينار يعني حدود 2400 بس فقطر و الامارات هم المهتمين في ارقام المواتر والتلفونات لانها محدوده يعني مافي وايد ارقام

وتحياتي لجميع الاعضاء