تجاربكم مع شركات المقاولات والتشطيب (((متجدد))) ضع رأيك

[jassim69]

انا عن نفسي تعاملت مع شركة محمد عبدالله التجاره ولمقاولات...اعطيها (ممتاز)
المقاول بكستاني ولعمال بعد بكستانين شغلهم 10%10 ....دور عليكم :nice:

التقييم من 10

[مضارب دوسري]

انا تعاملت مع حسن لصيانة المباني لبناء عظم بلاستر
واعطيهم 8/10

وتعاملت مع مؤسسه فناجيل في تمديد الصرف الصحي والبي بي ار واعطيهم 3/10
وتعاملت في الكهربا مع شركة ابراهيم المسند والكهربائي برمجيد واعطيهم 10/10 لان بصراحه شغلهم ترتييييب
والحين مع شركه للتشطيب ولحد الحين اعطيهم 10/10
بس انتظر نهاية اعمالهم كامله وبعدين احط التقييم النهائي

كل الشركات اللي تعاملت معاها فالخور ماعدا شركة تمديدات البي بي ار والصرف

[jassim69]

انا تعاملت مع حسن لصيانة المباني لبناء عظم بلاستر
واعطيهم 8/10

وتعاملت مع مؤسسه فناجيل في تمديد الصرف الصحي والبي بي ار واعطيهم 3/10
وتعاملت في الكهربا مع شركة ابراهيم المسند والكهربائي برمجيد واعطيهم 15/10
لان بصراحه شغلهم ترتييييب
والحين مع شركه للتشطيب ولحد الحين اعطيهم 20/10
بس انتظر نهاية اعمالهم كامله وبعدين احط التقييم النهائي

كل الشركات اللي تعاملت معاها فالخور ماعدا شركة تمديدات البي بي ار والصرف


ممتاز شرح وافي

[مضارب دوسري]

عدلت التقييمات اخوي عشان تكون من 10

[الـخـور]

انا تعاملت مع حسن لصيانة المباني لبناء عظم بلاستر
واعطيهم 8/10

وتعاملت مع مؤسسه فناجيل في تمديد الصرف الصحي والبي بي ار واعطيهم 3/10
وتعاملت في الكهربا مع شركة ابراهيم المسند والكهربائي برمجيد واعطيهم 10/10 لان بصراحه شغلهم ترتييييب
والحين مع شركه للتشطيب ولحد الحين اعطيهم 10/10
بس انتظر نهاية اعمالهم كامله وبعدين احط التقييم النهائي

كل الشركات اللي تعاملت معاها فالخور ماعدا شركة تمديدات البي بي ار والصرف

عيل بركز عليك مضبوط .. لاني ناوي ابني ان شاء الله بالخور

[مضارب دوسري]

عيل بركز عليك مضبوط .. لاني ناوي ابني ان شاء الله بالخور

ابشر بعزك ياخوي :nice:
باللي اقدر عليه

[kayed]

انا عن نفسي تعاملت مع شركة محمد عبدالله التجاره ولمقاولات...اعطيها (ممتاز)
المقاول بكستاني ولعمال بعد بكستانين شغلهم 10%10 ....دور عليكم :nice:

عن نفسي تعاملت مع شركة عبدالله الناصر اعطيهم 10 على10 شغل سريع
و ماشاالله عليهم دقه في التنفيذ و سعرهم مقبول بالنسبه لاسعار السوق

و علي فكره محمد عبدالله و عبدالله الناصر للتجاره و المقاولات شركه وحده

[Chambray]

شركة فهد الدرويش ( 8 من 10 )
شركة المستقبل الجديد ( 2 من 10 )
الكهربائي شركة الأمين [علي بابا] ( 9 من 10 )
الفيتري شركة ثامر [عبدالحليم] ( 9 من 10 )
المصاعد شركة موتسبيشي ( 6 من 10 )
المبلط ( نورمندي ) ماعرف مع اي شركة بس تقييمه ( 9 من 10 )
الرخام والجرانيت ( جلال ) الرخام الذهبي ( 8 من 10 )

[jassim69]

شركة فهد الدرويش ( 8 من 10 )
شركة المستقبل الجديد ( 2 من 10 )
الكهربائي شركة الأمين [علي بابا] ( 9 من 10 )
الفيتري شركة ثامر [عبدالحليم] ( 9 من 10 )
المصاعد شركة موتسبيشي ( 6 من 10 )
المبلط ( نورمندي ) ماعرف مع اي شركة بس تقييمه ( 9 من 10 )
الرخام والجرانيت ( جلال ) الرخام الذهبي ( 8 من 10 )

بيض الله وجهك شرح وافي

[jassim69]

عن نفسي تعاملت مع شركة عبدالله الناصر اعطيهم 10 على10 شغل سريع
و ماشاالله عليهم دقه في التنفيذ و سعرهم مقبول بالنسبه لاسعار السوق

و علي فكره محمد عبدالله و عبدالله الناصر للتجاره و المقاولات شركه وحده

مشكور على مرورك

[خزامئ]

Chambray
ممكن تقول ملاحضاتك
علئ الرخام الذهبي

[Chambray]

chambray
ممكن تقول ملاحضاتك
علئ الرخام الذهبي

والله في كل طلبيه لازم يكون في شئ ناقص او شئ زايد او في شئ ماسووه ، لكن مجرد تلفون واحد حق جلال يترتب كل شئ ..

بس هالملاحظة البسيطة

[Qatarianes]

يعطيكم العافيه ياجماعه بس ياريت ارقام تلفوناتهم بعد عشان نشتفيد ولا تهونون

[abdulla889]

شركة الفرسان عظم بلاستر 5/10
شركة الراضي تشطيب 1/10
شركة المرسم للانشاء والتعميرتشطيب 3/10

[almaf1a]

شركة حسن عيسى للمقاولات 0/10
شركة خط الاعمال للمقاولات 1/10

والباقي بعد المحكمة

[kayed]

عن نفسي تعاملت مع شركة عبدالله الناصر اعطيهم 10 على10 شغل سريع
و ماشاالله عليهم دقه في التنفيذ و سعرهم مقبول بالنسبه لاسعار السوق

و علي فكره محمد عبدالله و عبدالله الناصر للتجاره و المقاولات شركه وحده

مقر الشركه في بن عمران في التاون سنتر بوابه رقم 5 الدور الاول مكتب رقم 1

اللي سالني عن عنوان الشركه

[عـذب الكـلام]

المنتدى للتجارة والمقاولات البناء عظم 8/10
التشطيب 7/10
بس للأمانه متعاونيين لو تغيير او تصليح متعاونين

[kaafy]

موسسة التكنلوجيا للبناء عظم 3\10 لان في البيت صدوع و بطيئين واااااااجد ماعنده غير عاملين

[الدبلوماسي]

شركة ام اي جي للخدمات العامه 10/10 ف كل شي من واقع تعامل معاهم

[معماري قطري]

شركة hkh أعطيهم 9 من 10 وشركة عباسين .. صغيرة ورخيصة أعطيهم 7 من 10 وشركة كونسيرف 8 من 10 .. .

[سلطان قطر]

تعاملت مع هندسة البرج للإنشاء والتعمير
عظم وبلاستر أعطيه ١٠/١٠
شغله بذمة وضمير وكل شوي اعدل وأغير
لا يعارض ومتعاون وسريع في العمل
لانه المعدات كلها للبناء ملك ومايستاجرها

[ديمه]

شركة الوجية للمقاولات 0/10 سود الله وجيههم خذوا الفلوس وباقي لهم اقل من ظ¦ظ*.ظ*ظ*ظ* وعليهم شغل ب 200,000 او اكثر والتنفيذ غير الخريطة ورافضين يكملون الين نعطيهم الدفعه الاخيرة وما فيه حل إلا المحكمة :weeping:

والتفاصيل كثيرة نصيحة اللي يبي يشتغل عندهم يا يفتح عيونه مليون في المئة يا يشرد لان الذمة أوسع من قارة

حسبنا الله ونعم الوكيل

[معماري قطري]

الله يعين كل من يبني .. مشكلتنا مع الشركات متكررة وغير منتهية .. شركة في سنه من السنين من أحسن ما يمكن يتغير مديرها أو يهملها شوي المالك تحصلها ثاني سنة في الحضيض .. وشركات تستلم مشاريع فوق طاقتها وبرخيص وما تقدر تخلص .. وشركات تاخذ مبالغ وتلعب بها في البورصة .. المشكلة كلها ضامنة أو شبه ضامنة إن ممكن يلعبون وما يقدر يحاسبهم حد .. وهذا صاير ومشاهد للجميع.

المفروض الواحد قبل لا يتفق يشوف شركة مناسبة لنوعية بنيانه ويحدد متطلباته وإحتياجاته صح .. وأثناء المناقصة والعقد يتعب شوي ويتابع أكثر وما يقرر بسرعة وما ينسى الطرف الثالث المهم اللي هو الإستشاري .. لاحظت البعض يوقعون مع شركة ويدورون أحياناً شخص مشرف .. وهذا لا يجوز ويعرفونه عدل المقاولين .. حتى لو يكون هذا الشخص يملك 10 شهادات دكتوراء في الهندسة، والمفروض تعيين مكتب مرخص وعنده الصفة القانونية لمراسلة المقاول كتابياً، والأهم يكون هذا المكتب شاهد على إعداد وتوقيع العقد .. ومهم أيضاً عمل عدة زيارات للشركة في مقر إدارتهم ومشاهدة طبيعة العمل لديهم .. بعض الشركات بدون حتى مقر وبدون مدير وماشيه بالبركة .. وبعض الشركات فيها مدراء مشاريع وتهمها الإجراءات الصحيحة وتطبيق مواصفات البناء صح والربح المبني على سمعة وعلى عطني حقي وخذ حقك حسب العقد .. بعض الشركات كل همها الربح وكل شغلها مع ناس خبرتهم بالناقص في العمل.

هناك أيضاً متابعة المالك مهمة ومتابعة استشاري خبرة والطلب من الإستشاري إجتماعات وتقارير مصورة دوماً وأقل شيء مرة أُسبوعياً.

مشكلتي أكرر كلامي ومهما أذكر أنسى أشياء مهمة .. أنصح بقراءَة موضوع العقود بتمعن اللي موجود في توقيعي وحتى معرفة المواصفات القطرية للبناء، وحطيت نسخة فيه إن شاء الله تكون متوفرة وممكن تنزيلها للكل.

أخيراً أتمنى أشوف تصنيفات أعلى وأحسن من 0 أو 1 في هذا الموضوع .. انا الشركات اللي تعاملت معاهم ممكن يوصلون 10 من 10 بس دوم أحاول أكون منزل شوي بسبب شيء بسيط صار غلط وتصلح.

[بن غيث]

صحيح كلامك .. معماري

لكن .. مهما نصحت الناس ما يسمعون ولا يأخذون بالنصيحة

تعبنا وحنا نتكلم وننصح .

[معماري قطري]

صحيح كلامك .. معماري

لكن .. مهما نصحت الناس ما يسمعون ولا يأخذون بالنصيحة

تعبنا وحنا نتكلم وننصح .

حي الله إخوي الحاضر الغائب بن غيث

شلونك؟ وشلون الاخوان؟

انا يا اخوي في فترة استجمام في ميامي وصلت آخر 2013 وشفت الإحتفالات، ورجعت لذكريات الماضي الجميل .. أما شمسهم دافية والكل هنيه من أُوروبا والولايات الباردة .. من الزحمة أمس محد محصل كرسي أو طاولة يقعد للأكل والغالبية ياكلون واقفين .. حصلت طاولة بدون كرسي واثنين قاعدين يشطبون ويسولفون .. ما قصر مسكين الكوبي عمر قام وعطاني الكرسي وسولفت معاه شوي أقول له عمر اسم عربي .. يقول لا كوبي وانه أصله من أسبانيا .. صورت وباكمل إن شاء الله في الأيام الجاية وباحط صور عن ميامي في منتدى السياحة والسفر.

مشكلتنا يا اخوي في المنتدى ناس وايد يسئلون نفس السؤال ولازم وواجب علينا نجاوب ونحاول نحسن في الجواب وممكن نزيد شيء أغفلناه .. أشوف إخواني وعيال عمي والكثيرين يتعبون ويطيحون في مشاكل كثيرة والله يعينهم مشكلتنا الكبيرة هي حماية المستهلك .. والبناء أكثر شيء يحتاج حماية .. يوم وصلت ميامي والله مباني خليتها من 1993 نفس ما هي عليه .. والطرق والجسور ما تغيرت .. ليش إحنا في جسورنا مطبات؟ حتى السيارات الفور ويل تناقز عليها والرياضية كلش ما تمشي.

[عقرب]

انا عن نفسي تعاملت مع شركة محمد عبدالله التجاره ولمقاولات...اعطيها (ممتاز)
المقاول بكستاني ولعمال بعد بكستانين شغلهم 10%10 ....دور عليكم :nice:

التقييم من 10

أتفق مع أخوي جاسم بخصوص شركة محمد عبدالله , أصحاب الشركة محترمين ولي يشتغلون فيها محترمين بعد 10/10

أنا تعاملت مع الباكستاني ( عبدالقديم ) والعمال نيباليين أتوقع والحين ولله الحمد أبني البيت الثاني معاه , الأول خلص والحين شغال أساسات وقواعد في البيت الثاني

شغله زين وأمين ومريح وسمح في تعامله وأي شي تقوله يقول إن شاء الله , بيتي الأول خليته يسوي ديكورات بالبلاستر لكامل البيت من برا مش موجوده في الخرايط حتى ريال ماخذ مني زيادة مع أن التلكفة تقريباً 8000 .

[captin]

اللي يدور الرخيص يستاهل

ما في فايدة ربعنا على مبلغ عشرة الاف فرق يروح للأرخص
ويتوهق ويتم يصيح ويلطم .

[ام خويلد]

الله يعين كل من يبني .. مشكلتنا مع الشركات متكررة وغير منتهية .. شركة في سنه من السنين من أحسن ما يمكن يتغير مديرها أو يهملها شوي المالك تحصلها ثاني سنة في الحضيض .. وشركات تستلم مشاريع فوق طاقتها وبرخيص وما تقدر تخلص .. وشركات تاخذ مبالغ وتلعب بها في البورصة .. المشكلة كلها ضامنة أو شبه ضامنة إن ممكن يلعبون وما يقدر يحاسبهم حد .. وهذا صاير ومشاهد للجميع.

المفروض الواحد قبل لا يتفق يشوف شركة مناسبة لنوعية بنيانه ويحدد متطلباته وإحتياجاته صح .. وأثناء المناقصة والعقد يتعب شوي ويتابع أكثر وما يقرر بسرعة وما ينسى الطرف الثالث المهم اللي هو الإستشاري .. لاحظت البعض يوقعون مع شركة ويدورون أحياناً شخص مشرف .. وهذا لا يجوز ويعرفونه عدل المقاولين .. حتى لو يكون هذا الشخص يملك 10 شهادات دكتوراء في الهندسة، والمفروض تعيين مكتب مرخص وعنده الصفة القانونية لمراسلة المقاول كتابياً، والأهم يكون هذا المكتب شاهد على إعداد وتوقيع العقد .. ومهم أيضاً عمل عدة زيارات للشركة في مقر إدارتهم ومشاهدة طبيعة العمل لديهم .. بعض الشركات بدون حتى مقر وبدون مدير وماشيه بالبركة .. وبعض الشركات فيها مدراء مشاريع وتهمها الإجراءات الصحيحة وتطبيق مواصفات البناء صح والربح المبني على سمعة وعلى عطني حقي وخذ حقك حسب العقد .. بعض الشركات كل همها الربح وكل شغلها مع ناس خبرتهم بالناقص في العمل.

هناك أيضاً متابعة المالك مهمة ومتابعة استشاري خبرة والطلب من الإستشاري إجتماعات وتقارير مصورة دوماً وأقل شيء مرة أُسبوعياً.

مشكلتي أكرر كلامي ومهما أذكر أنسى أشياء مهمة .. أنصح بقراءَة موضوع العقود بتمعن اللي موجود في توقيعي وحتى معرفة المواصفات القطرية للبناء، وحطيت نسخة فيه إن شاء الله تكون متوفرة وممكن تنزيلها للكل.

أخيراً أتمنى أشوف تصنيفات أعلى وأحسن من 0 أو 1 في هذا الموضوع .. انا الشركات اللي تعاملت معاهم ممكن يوصلون 10 من 10 بس دوم أحاول أكون منزل شوي بسبب شيء بسيط صار غلط وتصلح.

مرحبا اخوي شكلك من الناس اللي عندهم خبره بالبناء
الشيخ بيالك من تجاربك اي افضل شركه مقاولات تنصحني فيها؟
واذا ممكن تنصحني باستشاري امين وخايف الله
جزاك الله خير

[معماري قطري]

مرحبا اخوي شكلك من الناس اللي عندهم خبره بالبناء
الشيخ بيالك من تجاربك اي افضل شركه مقاولات تنصحني فيها؟
واذا ممكن تنصحني باستشاري امين وخايف الله
جزاك الله خير

هلا أُخت أُم خويلد .. الله يجزيج بما دعيتي

بالنسبة للمقاولين ولمكاتب الاستشارات هذي شركات تتغير مع الوقت ولا يبقى مستواها ثابت .. الأَهم هو التعاقد مع شركة زينة بعد عدة زيارات ووضع عقد مفصل .. حتى للإِستشارات، وأَفضل الإِستشارة تكون من بداية التصميم لين استلام المشروع جاهز مروراً بالمناقصة .. وكل شيء يتم عن الاستشاري وباجتماع .. يعني شوفي الاستشاري اللي عنده قاعة اجتماعات .. أَقل شيء طاولة دائرية ويسوي عرض زين لكل خطوات وحيثيات المشروع .. وحاولي تحطين شرط تقرير مصور ومكتوب أَو حتى ملحق برسالة صوتية من الوتس أب كل اسبوع أَو 10 أيام حتى يرتبط الاستشاري بالمشروع.

بعدين المقاول تتفقون معاه بعد المناقصة والمفاوضات وتعديل الشروط .. كمثال عندي شركة glc وشركة hkh اللي هي حمد بن خالد بن حمد وشركة كونسيرف وشركة حسنسكو وشركة ال سريع وشركات كثيرة والمكاتب كذلك ذكرناها كم مره .. مهم تتفقين مع مكتب مهني ويوثق كل شيء .. ما يكون بس كلام .. تجربتي مع اتحاد قطر للتخطيط كم مره تخليني ما اروح لغيرهم .. ععندج بعد الاتحاد وسط وفيه مهندسة مصرية تسوي انترير .. وغيرهم من أيام بسيطة موضوعهم ما زال في الصفحة الأولى .. سوي زيارات ونقاش بس اخذي موعد قبل وجهزي احتياجاتج مكتوبة أَفضل حتى ما تنسين .. والمنتدى أَكيد ممكن يتابع معاج خطوة خطوة حتى في الاحتياجات وتغليب شيء على شيء.

بالتوفيق لكم ان شاء الله.

[الكواري 1972]

الواحد اذا كتب شي يكتب بذمه ويخاف الله في ما يكتب

ياللي تكتب وتمدح او ذم لغرض شخصي
انا اقول لك اتقي الله في اللي يقرون واللي لهم نية بنيان

الكثير منا ع وشك البنيان وانا اولهم

هو سؤال كم سعر المتر للعظم

وكم سعر تشطيب سوبر دلوكس

جزاك الله خير ع طرح الموضوع واثرائه

وبارك الله في من شارك بنية المنفعه العامه وليست للمصلحه الشخصيه

[معماري قطري]

الواحد اذا كتب شي يكتب بذمه ويخاف الله في ما يكتب

ياللي تكتب وتمدح او ذم لغرض شخصي
انا اقول لك اتقي الله في اللي يقرون واللي لهم نية بنيان

الكثير منا ع وشك البنيان وانا اولهم

هو سؤال كم سعر المتر للعظم

وكم سعر تشطيب سوبر دلوكس

جزاك الله خير ع طرح الموضوع واثرائه

وبارك الله في من شارك بنية المنفعه العامه وليست للمصلحه الشخصيه

ما قصرت على النصيحة .. ومن خلال قرائتي لردود الجميع أَلمس صدق تجربتهم ومحاولة إِفادة الباقيين .. تبقى مشكلة عدم ثبات مستوى الشركات خصوصاً الصغيرة .. دخلت مره لشركة واحد مكبرها ويسميها شركة وهي مكتب حتى أَثاثه رث وقديم .. وكان فيه فراش وهو عامل الظاهر ويسوي أَي شغل في المكتب .. سئلت وين المدير قال داخل .. مشيت بين الغرف الصغيرة وكانت شقة لين حصلت ذاك الرجال اللي الظاهر من حس بدخولي قام يصلي .. الوقت مب وقت صلاة كان بعد .. دخلت بهدوء وقعدت انطره يخلص .. خلص صلاته وقعد يسبح تقول ما يحس بوجودي .. بعد شوي التفت لي وسلم .. وللعلم رفيجي مالك الشركة قايل له اني مهندس ومعطيه الخرايط يسعرها وكان معاها حساب كميات بسهولة يقدر يسعره.

معليش قصصي شوي طويلة بس للعبره مهمة .. المدير كان مصري وبدأَ كلامه بمين اللي عمل لك الخرايط؟ وانا كنت مسوي أَغلبها كل المعماري وباقي التخصصات على الاستشاري .. سئلته فيه شيء غلط؟ قال دأَ عامل لك السِكرتنغ 30 سم .. هوه فيه خشب 30 سم؟ انا هنيه من هجومه اندهشت وارتبط لساني قلت ما فيه .. لكن طلع فيه والخشب ينقص ويتركب على بعض وينعمل بأَي شكل نبغيه .. المهم سئلته فيه شيء ثاني؟ قال بصراحة ما شفت كل شيء .. خذت منه شروط العقد وبديت أَدور وين السكرتنغ اللي هي النعلة اللي 30 سم .. حصلتها 150 مم في 20 مم .. اللي هي 15 سم ارتفاع في سمك 2 سم ووضحت له .. قال لا دي انا شفتها بس مش مزكر فين.

قلت له زين ليش ما سعرت بناءً على بديل انت تقترحه؟ وبديت أَشرح له بعض النقاط المهمة في حساب الكميات وحساب الكميات بالانجليزي وما دام بدا لي بكلمة السكرتنغ باللهجة المصرية - الانجليزية كملت معاه أَكثر شرحي بالانجليزي .. شفت الريال يطالع بعيد ومغيب وشوي قام يضحك .. شفيك يا حج؟ قال تسدأَ بالله مش فاهم أَي كلمه من اللي بتؤلهم .. قلت له انت مب مهندس؟ قال آه بس في مصر تعلمنا بالعربي .. طلع النذل قمة الكذب لأَني عارف ان الدولة الوحيدة العربية اللي تدرس هندسة بلغة غير عن الانجليزية هي الروسية هي سوريا.

طبعاً ابتعدت عنه ولا ذكرت مساؤي الشركة وحتى ناسي اسمها.

نجي للأَهم اللي هو اختيار الشركة .. واللي قلت لازم الواحد يسعى ويسئل ويعتبر المنتدى بداية، ومن ثم يعمل لستة بالشركات، سواءً مكاتب أَو مقاولات ويزورهم كم مره ويتعرف على المدير وبعض اللي في الشركة ويسئل عن مشاريعها اللي سوتها وممكن يشوف صور أَو خرايط .. بعدين يشوف استعداد الشركة من الناحية الادارية وطاقم المسؤولين والمهندسين وحاسبي الكميات .. وشرحت طريقة التعاقد وحطيت مثال على عقد مع شركة في موضوع العقود اللي أَشوفه مهم جداً بين كل المواضيع ويمكن شوي صعب جداً.

ما ادري اخوي حسيت من قراءتي لكلامك تشكك في نية الكثيرين من غير علم وهذا بعد تقصير منك .. وتحاسب عليه .. وأَشوف بديت تحدد شالمطلوب واحنا في منتدى نقاش وغيرك له طلبات غير سعر المتر .. أَعتقد الأَعضاء والزوار ومن يكتب رأَيه بعد لهم حقوق وما يرضون حد يحدد لهم حدود معينة.

[الكواري 1972]

الله يجزاك خير ع حرصك مافي الخير

ï»» ياخوك ï»» تحس وï»» تفكر اذا في شي بقول

واذا في حد معين براسي تحصلني بابدي فيه ع طول

ولا عندي استعداد للمجامل

وتسلم ع الرد الطيب

[معماري قطري]

الله يجزاك خير ع حرصك مافي الخير

ï»» ياخوك ï»» تحس وï»» تفكر اذا في شي بقول

واذا في حد معين براسي تحصلني بابدي فيه ع طول

ولا عندي استعداد للمجامل

وتسلم ع الرد الطيب

عزيز وغالي الله يطول لي في عمرك

أَتمنى لك التوفيق في بنيانك، ونصيحتي لك وللكل حتى لو شركة أَخ لك وبتتعامل معاه لازم تكون موثق كل شيء ومتأَكد من استعداد الشركة .. شفت ناس أَنشئوا شركة خاصة لبنيان عدد كبير من بيوتهم وما استفادوا وايد بعد طلعت عليهم التكلفة مقاربة لو ما تكلفوا تكاليف ادارية.

أَي شغل لازم يكون مكلف وكل ما كان متقن كل ما كلف أَكثر .. والمهم العقد والرسومات التفصيلية وكل شيء متكامل وواضح .. ودوم الشركة والمكتب الناجح ما يحتاج دعاية .. لكن انا أأيد إِبراز المكتب الزين والشركة الزينة والتوصية عليها من واقع تجارب مرت علي معاهم وهذي أَكيد أَمانة .. وبعد نحط شيء أَخير وهو إِن بعض الشركات تتغير بسرعة وبعضها لا حتى تتوارث من شخص لشخص وتسعى للتطوير .. وبكل بساطة تلاحظ الشركة من تسئل عن مديرها ويقول لك انا موجود من الساعة كذا للساعة كذا وتروح تحصل موظفين ومهندسين وناس شغالين شغل متقن .. صدقني مثال شركة hkh اللي هي حمد بن خالد بن حمد تعاملت معاهم في مشروعين بحدود ال 10 ملايين .. وكل زيارة للشركة ومقابلة مع مهندسيها ومديرها أَشوف عراقة وتطور وشغل هندسي بالمعنى الصحيح .. لدرجة إِني مره دخلت مكتب مديرهم الا فيه عدد من الشاشات تكشف كل مكتب حتى يتابع شغل الكل، ولا شفت خلال تعاملي معاهم الا كل انسانية وطيب لذلك أَرشحها للكل وطبعاً غيرها من الشركات .. وصدقني مديرها كل ما أَرسلت له حد رده لأَن الشركة مضغوطة في مشاريع كبيرة.

[Bozizoo]

معماري قطري شغل البروفيشنال في مشاريع الدوله او المشاريع الكبيره يختلف تماما مع مشاريع المواطن العادي الي يبي يبني بيت العمر
من جميع النواحي

[مــاي ورد]

اخواني عندي نسخة من عقد البناء لبيت ابوي من شركة البريمي للمقاولات

بس ماعرف شلون اشيك ان كل البنود في العقد صحيحة ومطابقة للموجود في الخريط واذا في اشياء اضيفها او اعدلها

او في رايكم الافضل اوديهم للاستشاري نفسه وهو ينصحني ؟؟

[معماري قطري]

معماري قطري شغل البروفيشنال في مشاريع الدوله او المشاريع الكبيره يختلف تماما مع مشاريع المواطن العادي الي يبي يبني بيت العمر
من جميع النواحي

عيل ليش فيه تخطيط وتدقيق ومهندسين وفورمنيه وغيرهم؟ نرجع للطريقة القديمة اللي كثيرين قريبين منها عقود كلامية والتطبيق أَي كلام والبنيان كله مشاكل .. المفروض اللي يبي الشغل الصح يسوي الصح ولا يشتكي بعدين وما يحصل حد يسمعه .. حتى القانون والمحاكم يطلبون عقد مفصل وأَي شيء خارج العقد محد يقدر يثبته وتضيع الحقوق .. انت مهندس اخوي بو زيزو وابي منك دعم ايجابي.

[معماري قطري]

اخواني عندي نسخة من عقد البناء لبيت ابوي من شركة البريمي للمقاولات

بس ماعرف شلون اشيك ان كل البنود في العقد صحيحة ومطابقة للموجود في الخريط واذا في اشياء اضيفها او اعدلها

او في رايكم الافضل اوديهم للاستشاري نفسه وهو ينصحني ؟؟

هذا الصح إِخوي لازم التوقيع يكون ثلاثي انت والمقاول والاستشاري كشاهد ومسؤول متابع ممثل للمالك .. ولازم يكون بينك وبين الاستشاري عقد يوضح النقاط اللي بيغطيها ويوضح الدفعات .. وحاول تضيف شرط ان الاستشاري يرسل لك تقرير كل اسبوع أَو 10 أَيام مصور ومكتوب أَو حتى مصور ورسالة صوتية على التلفون أَو الايميل أَو بالفاكس حتى تربط الاستشاري بواجباته.

[ameeer3]

انه بنيت بيتي عند شركه جيرمن للتجاره والمقاولات والصراحه شغل نظيييييف ودقه في التنفيذ وأعطيهم اكثر من 10 والعازل عند المسند والشغل 10 على 10

[ameeer3]

والي حاب يشوف البيت يقولي علشان يتأكد بنفسة / ولوجه الله أنصحكم بالشركة وللعلم مصنفه درجه اولى

[معماري قطري]

ما تقصر اخوي أَمير في اخوانك والله يوفقك

مع اني مب محتاج ابني هالوقت بس للإِطلاع لو كنت في قطر كنت مريت وشفت الشغل .. بس بعد والله شيء حلو وعملي بيكون للي بدوا قريب ولا بيبدون يحطون تجربتهم كاملة من العقود والشرح الكامل مع الصور لو أَمكن مع كل شيء يتعلق بالبناء.

[عيسى الكعبي]

ممكن ارقام شركات

[عيسى الكعبي]

اخوي ameeer3 ممكن رقم شركه ع خاص

[ام خويلد]

صباح الخير جمعيا
في حد سمع عن شركه الجنوب للمقاولات؟؟؟

[Bozizoo]

صباح الخير جمعيا
في حد سمع عن شركه الجنوب للمقاولات؟؟؟

اختي شركه الجنوب شركه كبيره و شغلهم اكثر من روعه و اغلب شغلهم في الوكره
ودائما مواقعهم مرتبه و نظيفه وكل هذا يحتاج صرف
طبعا ناهيك عن نظافة الشغل و الدقه في العمل و الوقت

[ام خويلد]

اختي شركه الجنوب شركه كبيره و شغلهم اكثر من روعه و اغلب شغلهم في الوكره
ودائما مواقعهم مرتبه و نظيفه وكل هذا يحتاج صرف
طبعا ناهيك عن نظافة الشغل و الدقه في العمل و الوقت

مشكور الشيخ على الرد الطيب

[ameeer3]

نعم شركه الجنوب من الشركات الممتازة وكتبهم فوق البنك الأهلي على خط الوكرة واغلب مشاريعهم في الوكره بس سعرهم واااااااااااااااااااااايد مبالغ فيه اذا كان بنيانك خارج الوكره بحكم تجربة حيث أني سويت مقارنه بين سعره وسعر هندسة الجابر لمشروع بناء فيلا حجم ألفين وميتين

[ام خويلد]

نعم شركه الجنوب من الشركات الممتازة وكتبهم فوق البنك الأهلي على خط الوكرة واغلب مشاريعهم في الوكره بس سعرهم واااااااااااااااااااااايد مبالغ فيه اذا كان بنيانك خارج الوكره بحكم تجربة حيث أني سويت مقارنه بين سعره وسعر هندسة الجابر لمشروع بناء فيلا حجم ألفين وميتين

انا بقدم لهم السي دي وبشوف اسعاهم
وبشوف شغلهم والله يسهل الامور

[خشوف]

شركة بن غانم
مكتبهم بالخريطيات 0من 10
يوعد 8 شهور ويتاخر فوق السنه ونص

عمالهم فاشلين وشغلهم عالبركة شفت شغلهم في اكثر من بيت للعائله وما انصحكم فيها ابدا

[حسن الاحمد]

مفروض يكون فيه عدة نقاط يُتفق عليها حتى تتم المقارنة ... مثلاً من حيث السعر والجودة والالتزام ورضى الزبون وغيرها .. احيانا نلقى شركات سعرهم زوين وملتزمين بس الجودة معدومة او بالعكس ... واحيانا جودة ممتازة وإتقان بس يكون فيه تأخير ... واحيانا يكون كلشي ممتاز بس السعر غالي جدا ..

[معماري قطري]

مفروض يكون فيه عدة نقاط يُتفق عليها حتى تتم المقارنة ... مثلاً من حيث السعر والجودة والالتزام ورضى الزبون وغيرها .. احيانا نلقى شركات سعرهم زوين وملتزمين بس الجودة معدومة او بالعكس ... واحيانا جودة ممتازة وإتقان بس يكون فيه تأخير ... واحيانا يكون كلشي ممتاز بس السعر غالي جدا ..

هذا الرد ما شاء الله يحط النقط على حروف الموضوع ويختصره

كثير من الردود كانت عاطفية جداً وصعب الحكم على شركة من قبل أَشخاص عاديين .. إِلا تكون قوية جداً ومعروفة في السوق ولها مشاريع كبيرة .. وفي هالحالة عامل السعر بيكون غير مهم .. بيكون التركيز على الجودة وعلى الوقت.

ذكرت في السابق وجوب متابعة الشركات متابعة حثيثة من الجهات المختصة .. ووجوب توثيق العقود وتدقيقها من مكتب حكومي خاص .. وجوب الإِشراف العام على تطبيق مواصفات عالية والاشراف العام على المكاتب الهندسية المشرفة .. وتقييد الشركات بأَخذ مشاريع تتناسب مع حجم العمالة عندها والقدرة على البناء وبنوعية مشاريع تكون مؤهلة لها .. حتى من أَهم التراخيص هو الترخيص المهني للمهنيين والعمال حسب اختبارات معينة .. يعني يجيني المكتب المشرف ويشوف بس الفورمان ويمكن الفورمان يعتبر عامل عادي صعب يفهم وصعب يسوي الشغل صح فكيف يكون الحال مع الباقي؟

يبقى شيء مهم الشق أَكبر من الرقعة وهذا الكلام يعتبر لدى الكثيرين تخاريف معمارية لا تودي ولا تجيب.

[وحيد-الشوق]

حد عنده علم بخصوص شركات الوكرة مثلا الرائد حد تعامل معاه او جربه في بنيان او شركة مقاول بيت الوكرة ؟؟

[engineer raz]

حد عنده علم بخصوص شركات الوكرة مثلا الرائد حد تعامل معاه او جربه في بنيان او شركة مقاول بيت الوكرة ؟؟

اخوي اذ تبي شركة مقاولات اعرف شركه انشالله يساعدونك