حادث اليم عند شارع معيذر

[بحر شرق]

امس وأنا راجع من فلاجيو ع الساعي 10 مساء تقريبا شفت سياره تويوتا دخلت فوق دوار معيذر وشاهدت أكثر من مصاب في حد شاف الحادث أو سمع عنه والله قلبي عورني لما شفت تقريبا ثلاث جثث أما م عيني

[مراد2015]

يا الله سترك

[كازانوفا]

لاحول ولاقوة الابالله

[ولد البدر]

سترك يارب الله يحفظ الجميع إن شاء الله

[الريـــاني 1]

فعلا كنت مار بدوار معيذر بنفس الوقت الا اشوف المرور مسكرالاتجاه الرايح صوب اشارات المناصير عرفت ان في كارثة
ربنا يحفظ الجميع

[وحيد-الشوق]

كل الحوادث في قطر المواتر تويوتا وبالاخص الكروزر الفاشل :)

[بوخالد911]

الله يلطف

[المستعينه بالله]

لاحول والا قوه الابالله العلى العظيم

الله يحقظهم

٨٠% من نسبه الحوادث والوفيات تقع

عندنا في نهايه الاجازات الاسبوعيه ، الجمعه والسبت

[أبورودي]

الله يلطف ويرحم الجميع
اتمنى وادعوا الله ان يتريس كل مسرع ويعلم ان هناك من ينتظره

[حمد 2002]

الله يرحمهم سواءا احياء ولا اموات ،، ويشفي مصابهم وايقومهم بالسلامه ،،،

[كتكوت الوحش]

الله يرحمهم يارب

[Dana’1]

ما شفت الحادث بس أمس بالليل ..كنت بشارع السلام...يم صدلية الريان..وشف سيارة اسعاف مرت يمنا
..دخلت محل وطولنا فية نوع ماء طلعنا وما زال نسمع صوت الإسعافات أؤ الدوريات مع إن ما نشوفهم..عرفنا إن في شي كايد صار ...وما أعرف إذا لنفس الحادث أو غيرة
الله يلطف بحالهم ويخليهم لأهلهم

[بونووف]

مادري اذا تتكلمون عن نفس الحادث .. في حادث صار بعد اشارات المناصير متجه صوب دوار الفروسيه .. كنه نتمشى في اسباير صوب البحيره الا نسمع صوت البريييك وصوت الدعمه وكان الصوت قوي . وفي بيب ماي اتوقع انفجر لانه صااارت ناافوره ارتفاعها تقريبا نفس ارتفاع الليتو فالبدايه توقعتها تابعه لاسباير ...بس شفت الموتر اتوقع يا تيدا او التيوتا اللي كأنها غساله .. وماشفت موتر ثاني متضرر

[بحر شرق]

مادري اذا تتكلمون عن نفس الحادث .. في حادث صار بعد اشارات المناصير متجه صوب دوار الفروسيه .. كنه نتمشى في اسباير صوب البحيره الا نسمع صوت البريييك وصوت الدعمه وكان الصوت قوي . وفي بيب ماي اتوقع انفجر لانه صااارت ناافوره ارتفاعها تقريبا نفس ارتفاع الليتو فالبدايه توقعتها تابعه لاسباير ...بس شفت الموتر اتوقع يا تيدا او التيوتا اللي كأنها غساله .. وماشفت موتر ثاني متضرر

أخوي نفس الحادث بس ابغي اعرف في وفيات أولا أن شاء ما في

[ommohamad]

لا الحمد لله مافي وفيات حضرت الحادث 3 سيدات عربيات و انقلوهم في الاسعاف ولله الحمد

بس ياأخوان التمت الشباب حول البنات أرجو في مثل هذي الحواث ستر المراءة و ابتعدوا لين توصل الاسعاف


هذي صورة البايب الماي نكسر

http://im37.gulfup.com/nLm2X.jpg (http://www.gulfup.com/?dtZ64v)

[بحر شرق]

لا الحمد لله مافي وفيات حضرت الحادث 3 سيدات عربيات و انقلوهم في الاسعاف ولله الحمد

بس ياأخوان التمت الشباب حول البنات أرجو في مثل هذي الحواث ستر المراءة و ابتعدوا لين توصل الاسعاف


هذي صورة البايب الماي نكسر

http://im37.gulfup.com/nlm2x.jpg (http://www.gulfup.com/?dtz64v)
الحمد لله