اللي يعرف حد يجيب دفان

[مضارب دوسري]

السلام عليكم
جمعه طيبه

يا اخوان اللي يعرف احد ينقل دفان للخور ياليت يطرش رقمه ؟
وماهو افضل دفان لداخل البيت ؟ وماهو افضل دفان للحوش ؟

[البعيد]

عليكم السلام ورحمة الله

*******************

يوسف باكستاني

افضل دفان لداخل البيت - ماعرف

افضل دفان - هم ماعرف

[المنسى]

ياخوى داخل البيت بودره. والحوش دفان أسمه مقربل. وبالتوفيق

[Chambray]

السلام عليكم
جمعه طيبه

يا اخوان اللي يعرف احد ينقل دفان للخور ياليت يطرش رقمه ؟
وماهو افضل دفان لداخل البيت ؟ وماهو افضل دفان للحوش ؟

بارسل لك على الخاص الرقم ..

افضل شئ لداخل البيت ( طبقة خفيفه من رمل البلاستر أو المغسول ) كنوع من عزل الصوت
ثم البودرة ( و رشه بالماء ودكه )
انصح لخلطة الاسمنت لتركيب البلاط ( مع الرمل المغسول ) وليس رمل البلاستر اقوى واسمك

اما للحوش ( بودرة ) ورشه بالماء ودكه بالدكاكه

ونفس الشئ لخلطة الاسمنت لتركيب البلاط ( انصحك بالرمل المغسول )

وبالتوفيق

[مضارب دوسري]

يعطيكم العافيه

وماقصرت اخوي chambray

انا كنت مشكة فالمقاول عندي لان ركب السيراميك للحمامات برمل مغسول
بس الحمدلله كلامك اثبت لي امانته
يعطيك العافيه

[قطري قديم]

مرحباً
اخوي لقيت والا ارسل لك رقم باكستاني

[حسن]

مساء الخير ياخوي مضارب اعرف واحد زول اي وهذا رقمه اسمه على
جابلي مره بودره **************

شوف ياخوي داخل البيت بودره تمشي وعقب صب عليها اسمنت مع شبك الحديد يعني خرسانه خفيفه
واللي برع عادي مغربل ولا بودره يمشي حاله
بالنسبه ليى الفضل البودره تندك وترشها ماي وتصير كانها صبيه

بالتوفيق

[مضارب دوسري]

بيض الله وجهك يا حسن ماقصرت

اخوي قطري قديم يعطيك العافيه

[قطري قديم]

بيض الله وجهك يا حسن ماقصرت

اخوي قطري قديم يعطيك العافيه


ووجهك يالغالي
تامر أمر الشيخ

[daekan]

لا تستخدم البودره لدفان ما قبل البلاط داخل البيت
لانه مليان املاح وحتاج ماء ودك والما راح يطلع على الجدران لمده طويله ويخرب الصبغ
عليك برمل بلاستر ما يحتاج ما او دك لانه كله 7-8 سانتي الي فوق البيبات

[مضارب دوسري]

هلا اخوي
البودره لما ينصب عليه ماي يتجمد كنه صبيه
بعكس رمل البلاستر ما يتجمد وممكن مع الوقت تنزل مستويات البيت