مكيفات اسبلت

[محمد2]

ابي مشورة الأخوة اللي لهم خبرة في مكيفات الإسبلت.
(ايش احسن انواع المكيفات الاسلبت من)
1الجودة والتبريد
2قلة خرابها وصيانتها وتسريب الماي من داخل الحجر

(طبعا الشركات)
.1متسوبيشي رغم انها روتري واغلا من الجنرال
. 2الجنرال العمادي. كمبريسر بستن وارخص من متسوبيشي
. 3فوجي عند الريس اللي في شارع الخليج

ارجو من الاخوة اللي عندة خلفيه يفيدني

[al-obaidly]

شوف اذا كميه خذهم من دبي بيطلع عليك فرق وارخص

[أسد الجزيرة]

خذ بيستن لا يغرك المسميات الثانية و الدليل انه البستن اغلى لانه افضل

[محمد2]

شوف اذا كميه خذهم من دبي بيطلع عليك فرق وارخص

والضمان اشلون خوي

[الوسيط العقاري]

فوجي ونت مغمض

[محمد2]

خذ بيستن لا يغرك المسميات الثانية و الدليل انه البستن اغلى لانه افضل

والله خوي هذا اللي كنت افكر فيه رغم سمعة الميتسوبيشي. لكنه مع الاسف طلع روتري. رغم انه فالسعر اغلا من الجنرال والفوجي

[محمد2]

فوجي ونت مغمض

والله كلامك سليم
بس ابي اراء اكثر
(تسلم على المداخلة وابداء رايك)

[الدوحه1]

انا مركب ميتسوبيشي(Mr Slim) من 3 سنوات والحمد لله بدون أي مشاكل.
بالنسبه للي ايقولون ان البستن احسن فاقول لهم مع كل الاحترام والتقدير هل مهندسين ميتسوبيشي اغبياء ومايفهمون في صناعة المكيفات؟؟؟

[الـخـور]

انا مركب دايكن (الماليزي ) ... وكيلها شركة تدمر

ممتاز صراحة وجوده تبريد ما شاء الله .. وماشتكيت منه

[Bu Abdulaziz]

مركبين جنرال العمادي من 3 سنين ماعليهم كلام ما شاء الله بس تأكد من التركيب و نصحني مدير ياباني في متسوبيشي اركب جنراااااااااااال و بس

[خليفـة]

انصحك بمكيفات gree أخوي
يكون بستن
طنين وفوق
الضمان والخدمة بعد البيع ؤلا أفضل
أمريكي ومعروف ويتحمل الحرارة الخارجية العالية

يالتوفيق

خليفة

[لاجل QT]

انصحك بمكيفات gree أخوي
يكون بستن
طنين وفوق
الضمان والخدمة بعد البيع ؤلا أفضل
أمريكي ومعروف ويتحمل الحرارة الخارجية العالية

يالتوفيق

خليفة

على كم خذتهم اخوي خليفة
ومن وين؟؟

[بوحسن 779]

اخوي افضل مكيفات جنرال ولا عليك من حد وفوجي من نفس شركه جنرال والاثنين من شركة وحدة بس تغير ماركه نفس الجمس وشفر و عقب جنرال وفوجي ميتشوبيشي و الفرق بين روتري والبستن وايد واهم فرق بينهم انه راوتري ﻻ يتحمل حرارة الخارجيه اكثر من 50 والعكس بستن و لكن راوتري مايسبب ازعاج وهادي والعكس بستن الراوتري يقلل من استهﻻك الكهرباء والعكس بستن وفي النهائيه اختيار لك وانا عن نفسي خذيت مكيفات gree نوع طنين بستن وماشاء الله خدمتهم ممتازة والمكيفات ممتازة ماشاء الله ومكانهم جنب الشاهين في بن عمران وعندهم محل في شارع الشافي ومحل في شارع سلوى

[بوحمد111]

انصحك بمكيفات gree أخوي
يكون بستن
طنين وفوق
الضمان والخدمة بعد البيع ؤلا أفضل
أمريكي ومعروف ويتحمل الحرارة الخارجية العالية

يالتوفيق

خليفة

مؤيد وبقوه وان شاء الله كل مكيفاتي القديمه سيتم استبدالهم بمكيفات gree والى الان تم تغير 7 والدور جاي على الباقي وبكل صراحه سعرهم رخيص وخدمتهم فوق الممتازه وتبريدهم ما عليه كلام وعندي مركب في الصاله ثلاث مكيفات ولكن ما اشغل الا واحد لأن الواحد يكفي ويبرد المكان كامل مع ان صالتي طولها 15 متر في 7 امتار

وعلى حسب علمي عندهم فرعين في قطر واحد على خط سلوى من بعد ما تعدي جسر الصناعيه وانت متوجه الى الدوحه والفرع الثاني قريب من الشاهين فرع ابن عمران

تحياتي

[العربية نت]

السلام عليكم ،،،

اذا البيت انت الي بتسكنه مو اجار فلاتسترخص في المكيفات ولاتغرك اسماء المكيفات لان بعضها تجميع الصين والي يقولك تبريد فكل المكيفات الجديدة تبريدها عالي لكن كيف وضعها بعد كم سنه هنا السؤال ما تحمل اكيد :eek5:

فانا انصحك بجنرال العمادي او فوجي شف من الاسرع في التوريد والتركيب ومن الافضل منهم خدمة مابعد البيع كميفات كلهم جديدين بس خدمة الصيانه هي الي بتفرق :rolleyes2:
واعتقد في السعر قريبين مابينهم فرق كبير الي يفرق السرعة في الخدمة :)

وعندي لك اقتراح وهو حل وسط ايش رايك تجمع بينهم يعني نصهم جنرال عمادي والنص الباقي فوجي وبكذا اتوقع ضربت عصفورين بحجر :shy: ولا تاخذ اقل من 2 طن لانه الافضل

بالتوفيق .... :(

[ابوالحارث]

فوجي ولا تاخذ غيرة من واقع تجربة

[al-obaidly]

والضمان اشلون خوي

الضمان كلام فاضي تصدق ان في شي عندنا يمشي بضمان اذا قلته ضمان قالك سؤء استخدام

[البانوش]

احسن المكيفات تركيب تايلاند والباقي ابتعد عنهم

اذا تبي امورك تكون طيبة

لازم تصادق راعي الصيانة من فوق الي فوق وترشة بخردة عدلة

علشان ايجيك في نفس الساعة.