الألياف الضوئيه

[أم وضاحي]

السلام عليكم
أنا بيتي الحين في مرحلة التشطيب
ومش متأكده إذا المنطقه إللي باسكنها واصلتها خدمات الألياف الضوئيه أو لا
و بيتي إللي أنا ساكنته الحين توهم أمددين فيه هالخدمه
و الله لا يراويكم التمديدات اللي مسوينها
كلها على الطوفه و حوالين الباب
وأنا أبي اتجنب هالشي في بيتي الجديد
أيش الحل ؟!!!

[شموخ دائم]

,


,


مرحبا

الموضوع بسيط ان شاء الله
بيتك الحالي مافيه مكان يمددون الوايرات ولذلك عملوه من فوق الحيط

الالياف الضوئيه ما تختلف عن سلك التلفون العادي سماكتهم نفس الشي تقريبا


الان كل البيوت الجديده التمديدات للتلفون واصله كل الغرف والمرافق

وللتاكيد

كلمي الكهربائي الي عندك الان يمر البيت الجديد واجتمعي معاه بالموقع وخليه يجيب خريطه ( التمديدات )
وشوفي وين مكان التلفونات والستالايت الدش والانتركم بكل صاله وكل غرفه

حتى لو ما تبين تركبين انتركم مافي مشكله المكان بيكون موجود
مستقبلا ما بيكون تمديدات فوق الحيط
عندك اماكن جاهزه للحاجه


بالخريطه موضوح مكان التلفون الرئيسي ( البوكس ) عاده يكون في الصاله التحتيه
وفي الصاله الفوقيه
ومنها يتفرع الى باقي الغرف والمجلس ... الخ
تاكدي من التمديد الاولي في البايبات البيضاء انها واصله الى هذه الاماكن
خليه يوريك اماكنهم نقطه نقطه الان اذا بيتك مرحله البلاستر او ماقبل البلاستر
وذا عندك اي ملاحظه عدلي اماكنهم او غيري المكان




,

,


اخوك


شموخ دائم