ابي اروح لندن / شوركم

[اللوز]

ابي اروح لندن مع الاهل
ويكند
يوم الخميس والجمعة والسبت
فشوركم في حجز التذاكر / الفيزا / السكن / المواصلات

[وطن]

الفيزا تقدم عليها اون لاين
وتاخذ لك موعد

او تروح مكتب سفريات اتوقع يقدمون لك هم وتروح انت الموعد
ومعاك اهلك عشان تبصمون

وبعدين بما ان ويك اند بس
احجز لك في فندق قريب اوكسفورد ستريت

أو عندك البارك لين كله فنادق
وبالنص بين اوكسفورد ستريت وبين النايتس بريج وهارودز

و انصحك تمدد اقامتك
لانك ماراح تشبع في 3 ايام
نصهم ضايع في الطيارة :secret:

[بصمة قطرية]

ثلاث أيام ...!!!!
ما ينفع أقل شي لازم إسبوع ..
لندن حلوة و فيها أماكن تستاهل تروحها ..
الفيزة تاخذ وقت
و التذاكر ما تعوق
الفنادق حسب المنطقة اللي تفضلها ..
المواصلات
خذ لك بطاقة للباص أريح شي ..
الباصات في كل مكان في لندن
أشهر باص يستخدمونه هل قطر 74

[غير البشر]

1- الفيزا
خذ موعد من موقعهم
او روح عماره الشريف جنب فندق اوريكس روتانا
بتحصل تحت عماره الشريف سفريات المناعي وهم برتبون لك كلشي

2- حجز التذاكر شنو تبغي تعرف فيها
عندك القطريه والاماراتيه والاتحاد والبريطانيه

3- السكن
الفنادق القريبه من القرقعه

تشرشل وماريوت خلف الايجور رود ولاند مارك وهيلتو متربولي

وماريوت ماربل ارش وكمبرلاند وثيستل في اكسفورد

غروفنر هاوس ودوشيستر وهيلتون والانتر في الباركلين

شيراتون بارك تاور وملينيوم وجميرا في النايتس برج

المواصلات انت ماتحتاج مواصلات كثيره اذا حجزت في ذي الفنادق
كل شي جنبك

اذا في استفسارات محدده تامر حط استفسارك وفالك طيب

[آنــه]

:s

شتكفي 3 ايام .. حرام صراحه تاخذ التذاكر و تسافر هالسفره الطويله عشان يومين و يوم سفر
اذا مسافرين تتسوقون كلش ما تكفيكم هالسفره و اذا تبون تشوفون البلاد بعد ما تكفيكم
الا اذا في تحويله لمكان ثاني من هالسفره ومتمللين من لندن هذا شي ثاني

[المحقق كونان]

ياخوي ماتكفي 3 ايام ويك اند .. الطيارة بروحها تملل 7 ساعات وقبلها ساعتين في المطار

لندن حلوه وفيها اماكن وايد بس اقل شي يبي لك اسبوع عشان تستانس

الفيزا تقدمها اون لاين او انك تسوي الفيزا عند سفريات المناعي في عمارة الشريف

التذاكر احجز على القطرية

السكن اذا تبي فندق قريب من الهايد بارك وعن تجربه فندق Royal Garden وايد حلو الغرف نظيفه ووسيعه وشرح سكنت فيه وايد واحلى شي الغرفه المطله على الحديقه

وعندك فندق ملينيووم نايت برج مكانه حلو وقريب من هارودز لكن الفندق ماعجبني من ناحية الاثاث والخدمة تعبانه

المواصلات عندك التكسي لكن غالي وعندك الباص الاحمر :)

[الكنترول]

لندن ما يبيلها 3 أيام الله يحفظك

يوم كامل في الطائرة ما بقا شيء ما تسوى العنوة

خلها أسبوع ،،

[بالول صغير]

اقلها 5 ايام

افضل الفنادق في منطقة مايفير من ضمنها الانتر الهيلتون باركلين الماريوت بارك لين جروفنر هاوس تشرتشل والاخ ير افضل واحد من حيث الموقع وكلهم موقعهم ممتاز

واذا حسيت ان هالفنادق غالية عندك كمبر لاند سعره مناسب جدا بس الغرفة صغيرة بس تقضي الحاجة وموقعه خيالي

واذا كنت من هواة هارودز وما تطلع منه عندك الشيراتون بارك تاور

[كبتشينوو]

خذ طياره الصبح روح غير جو وخل رددتك السبت تطير مناك توصل فجر الأحد الساعه٦ وأرقد في الطيارة عشان توصل وانت شبعان نوم. أسئل مجرب

[alftaan]

عجيبه سوالفكم يالربع .................. بالتوفيق

[اللوز]

خذ طياره الصبح روح غير جو وخل رددتك السبت تطير مناك توصل فجر الأحد الساعه6 وأرقد في الطيارة عشان توصل وانت شبعان نوم. أسئل مجرب

السفر لازم يكون يوم الخميس اجازة عارضة
والدوام الاحد

[بوحارب]

مانصحك أخوي ويكند ما يكفي حق لندن خاصه إذا كانت اول مرة تروح

[روح الاطلس]

اذا تبيها بس ويكند

عيل سفرتك الجميله بتقضيها في الطياره رايح راد

ماتكفي يبه اصرف نظر

وانطر لين يكون عندكم اجازات رتبوا سفره معتبره

[قطري شايب]

واجد عليها 3 ايام ولو يومين بعد احسن واحسن

كفاية اوي اوي

بس التعب في الطيارة 7 ساعات ونص والرده يهدون الحيل

[الكنترول]

سبحان الله

[Al-Kuwari]

ما تسوى عليكم ثلاث ايام

بترجعون الدوحة وانتوا متكسرين وتعبانين وحالتكم حاله

اسألي مجرب انا رجعت الدوحه العالم لعيد الاضحى يومين ورجعت بريطانيا وطحت مريض من التعب والسفر وتغير الجو خلال فتره بسيطة

[Umsultan]

سفره العذاب والتعب ،،، الله يعينك والله

[اللوز]

يعني فقط ابي اشوف
هاروردز
ساعة بيج بن
هايد بارك
قصر بانكجهام تبديل الحرس
يومين ما يكفي
اذا عندنا الدوحة في يومين اتلف كلها

[أم علي 2010]

ما قصروا الإخوان بالردود

وصح 3 أيام أبدا ما تكفي خلها 7 أيام وخاصه ألحين زحمة

ريت التذاكر عالي وماتسوى على 3 أيام

الأماكن اللي ذكرتها أوكي بس بعد عندك أماكن مثل اللندن أي ، لندن دانجن ، مدام تسو حرام ماتروح وانت واصل

وغير جي بتوصيل وثاني يوم دوام صعبه من قلب والمطار يبي له حول الساعه في طريق وساعتين قبل البوردينغ غير الزحمة على كاونتر القطرية واحيانا يلعوزونك

أكسفورد والسليفردج يبي لهم 3 أيام :secret:

أنصحك روح وقت ردت الناس أحسن

[اللوز]

ما قصروا الإخوان بالردود

وصح 3 أيام أبدا ما تكفي خلها 7 أيام وخاصه ألحين زحمة

ريت التذاكر عالي وماتسوى على 3 أيام

الأماكن اللي ذكرتها أوكي بس بعد عندك أماكن مثل اللندن أي ، لندن دانجن ، مدام تسو حرام ماتروح وانت واصل

وغير جي بتوصيل وثاني يوم دوام صعبه من قلب والمطار يبي له حول الساعه في طريق وساعتين قبل البوردينغ غير الزحمة على كاونتر القطرية واحيانا يلعوزونك

أكسفورد والسليفردج يبي لهم 3 أيام :secret:

أنصحك روح وقت ردت الناس أحسن
يعني اي شهر مناسب

[أم علي 2010]

اول ما تفتح المدارس :nice:

[captin]

I hate London full of Arabs

[ذكي جدااا]

خلها اربع ايام ولا تنسى تزور متحف الشمع ....

[الدنيا تجارب]

انا اقول روح دبي وين اختفيت يا راعي الموضوع

[اللوز]

انا اقول روح دبي وين اختفيت يا راعي الموضوع

دبي غالي وما تسوى زحمه وشوارع ورطوبة.
انا موجود طال عمرك:victory:

[اللوز]

للرفع

[v_h3]

دبي غالي لندن رخيص ،، المهم صار لك اربع شهور اخوي منزل الموضوع اول شي طلعت الفيزا ولا لا ؟

[اللوز]

دبي غالي لندن رخيص ،، المهم صار لك اربع شهور اخوي منزل الموضوع اول شي طلعت الفيزا ولا لا ؟

لحد الحين

[Store]

لحد الحين

روح الصين احسن

[غير البشر]

:omen2: :telephone:

[رفيع الهامه]

i hate london full of arabs




لا والله



انت شنو بالله ,,,,