أحسن عازل وحماية للسيارات في قطر ! [الأرشيف] - منتديات شبكة الأسهم القطرية

مشاهدة النسخة كاملة : أحسن عازل وحماية للسيارات في قطر !

saddawi4ever

01-06-2013, 01:22 PM

السلام عليكم

بغيت رأيكم في أحسن عازل وحماية للسيارات في قطر كثرت المحلات والأنواع والدعايات

وأنا أحين متردد بين في كول وتيتانيوم ولا أروح غيره ؟

شرايكم ؟

لاجل QT

01-06-2013, 01:35 PM

وانا بعد ابي افضل عازل

اللى ركبتة للسيارة مافاد مازلت احس بحرارة الشمس ويدى زادت سواد

السموحة من راعي الموضوع

حمد 2002

01-06-2013, 01:37 PM

والله لاتروح محل غالي ولا شيء ، كلهم نفس الشيء ، خذ لك أي عازل من أي محل لزينه السيارات ، وتالي اتفق مع أي واحد ايركبه لك بالبيت ، لانه ممنوع اذا كان حجمه قووي من قدام ،،

تحياتي لك اخووي

وحيد-الشوق

01-06-2013, 01:41 PM

جيوشيلد زين كعازل صراحه بس خدمتهم زفت والتعامل شيء ومايعرفون يركبون عدل !!

النهدي ولاكأنك مركب عازل

في كول وايد يمدحونه العالم

احس حيرتك ولا استفدت شيء من ردي ههههههه

لاجل QT

01-06-2013, 01:44 PM

جيوشيلد زين كعازل صراحه بس خدمتهم زفت والتعامل شيء ومايعرفون يركبون عدل !!

النهدي ولاكأنك مركب عازل

في كول وايد يمدحونه العالم

احس حيرتك ولا استفدت شيء من ردي ههههههه

انا مركبتة في النهدي واحس بالحرارة ماتغيرت:(

qatarman8008

01-06-2013, 01:46 PM

اصلا عشان تقارن.. لازم تكون مجرب اكثر من نوع على نفس الموتر.. الصراحة صعبة.. لكن انا مركب من protection .. نوع سيراميك.. هذا في الليل فاتح والنهار غامق.. الصراحة حلو..

خليفـة

01-06-2013, 01:49 PM

العربية نت

01-06-2013, 01:50 PM

انا صراحة اشوف السوق تشبع بهالنوع من المحلات :rolleyes2:... انا مركب في كول 30%وما جربت غيره صراحة مقدر اقول لك انه ممتاز لان خبرك الحرارة عندنا تعدي 50 فما اظن ان عوازل العالم تنفع معه :eek5::omg: والله يسهل إن شاء الله بس تراه غالي جدا مركبه على موتري ب 2000 ريال نوع امريكي وانصحك اذا بتركب من عندهم ركب عازل فقط لان ضمانهم فقط 5 سنوات ... :)

والحماية رح لمحل الحماية لان ضمانهم مدى الحياة وانا مركب من عندهم والمحلين كلهم المسئولين مصريين :(

بس هل انت بحاجة للحماية انت تسافر كثير اذل انت في قطر بس لاتركب حماية افضل :)

طولتها وهي قصيره ههههههه escape

بالتوفيق ... :(

حمد 2002

01-06-2013, 01:52 PM

العازل يعتمد على درجة المخفي فيه
كل ماكان درجة المخفي مرتفعة .. كان العازل مؤثر اكثر

المرور يسمح لك بنسبة 20% فقط
ودرجة 20 غير كافية في الدوحة .. لان الشمس قوية

بالتالي .. الي يقول مركب عازل وما فادني
يقدر يروح يركب عازل بنسبة 80%
وبيلقى الفرق واضح ومناسب له

لكن لما يروح يجدد استمارته ويمر الفحص الفني
ويقولون له المرور روح شيل المخفي الكامل
لايزعل ويتضايق
:)

خليفــة

خله ايروح الفحص الفني الي بالوكره العصر ، مب حصل شرطي ، وتالي ايروح مباشره مرور مدينه خليفه العصر ، وخله منزل الجامات ، وتالي الشرطي بيوقعله على طوول ، بدون مايقوله أي شيء ،،،

تحياتي لك ،،

الدوحة 2010

01-06-2013, 01:56 PM

والله لاتروح محل غالي ولا شيء ، كلهم نفس الشيء ، خذ لك أي عازل من أي محل لزينه السيارات ، وتالي اتفق مع أي واحد ايركبه لك بالبيت ، لانه ممنوع اذا كان حجمه قووي من قدام ،،

تحياتي لك اخووي

صح كلامك اخوي حمد فعلا انا خسرت وايد على العازل اكثر من مكان كلهم نفس الشي
روح السعودية الاحساء محلات الزينة شارع الملكي ركب هناك عازل بارخص الاسعار
يعني تويوتا لاندكروزر كامل 150 ريال ولاتدفع 2000 ريال ولا شي شي

خليفـة

01-06-2013, 01:56 PM

خله ايروح الفحص الفني الي بالوكره العصر ، مب حصل شرطي ، وتالي ايروح مباشره مرور مدينه خليفه العصر ، وخله منزل الجامات ، وتالي الشرطي بيوقعله على طوول ، بدون مايقوله أي شيء ،،،

تحياتي لك ،،

سلامتك اخوي حمد
هالكلام الي تقوله مب سليم
اذا مر الوكرة العصر .. لابد ان يرجع يوقع التقرير
من الشرطي اليوم الثاني الصبح
واذا ما حب يوقع التقرير من الشرطي في الوكرة
لازم يمر لفحص السيارة من المرور او اي جهة
فيها تفتيش ومعاينة للتقرير والمخالفات القانونية
الي في التقرير .
اما بالنسبة لمسألة انه ينزل الدرايش
:)
اعتقد انك تتغشمر
:)
لان بيكون مكتوب في التقرير نوع المخالفة : مخفي لاصق امام وخلف
:)
بالتالي .. فكرة تنزيل الدرايش
بتكون مضحكة
:)

تحياتي لك

العطار قطر

01-06-2013, 01:58 PM

رأيي والله اعلم ......... جربت بروتكشن وجربت جونسون وجربت النهدي

النهدي .. في عنده نوع جديد police ونوع خاص اسمه vip هذا النوع دبل حتى خامته تفرق كثير عن العادي .. وهذا اغلى نوع (الانواع العادية غالية على الفاضي كأنك مركبه في محلات الزينة)

المهم حطيت من النوع سواد خفيف 5% للزجاج الي قدام الكبير وجنب السايق حطيت دبل يعني عازلين من ابو 5% فوق بعض

الحمدلله فرق كبير في الحرارة

وهذا الى الآن احسن شي جربته

حمد 2002

01-06-2013, 02:16 PM

سلامتك اخوي حمد
هالكلام الي تقوله مب سليم
اذا مر الوكرة العصر .. لابد ان يرجع يوقع التقرير
من الشرطي اليوم الثاني الصبح
واذا ما حب يوقع التقرير من الشرطي في الوكرة
لازم يمر لفحص السيارة من المرور او اي جهة
فيها تفتيش ومعاينة للتقرير والمخالفات القانونية
الي في التقرير .
اما بالنسبة لمسألة انه ينزل الدرايش
:)
اعتقد انك تتغشمر
:)
لان بيكون مكتوب في التقرير نوع المخالفة : مخفي لاصق امام وخلف
:)
بالتالي .. فكرة تنزيل الدرايش
بتكون مضحكة
:)

تحياتي لك

لا والله اكلمك جد اخوي خليفه ، انا مسويها هالطريقه ، اذا خلصت من الفحص بالوكره ، روح مرور مدينه خليفه ، وبالتحديد صووب لوح ارقام السيارات سابقا ، بتحصل شرطي جالس على كرسي اضنه مب قطري ، وانت جالس بسيارتك ومنزل جامات سيارتك ، عطه الورقه مالت الفحص ، بيوقع عليها ، وكل امورك بالتمام :) :nice: ،،

تحياتي لك ،،،

بونووف

01-06-2013, 02:24 PM

جربت كذا شركه .. افضل شركتين لحد الحين لومار و زيبارت

بوحارب

01-06-2013, 02:32 PM

اللي يبي يفتك من حرارة الشمس يركب عازل 50٪ وأموره طيبة

وبالنسبة للمحلات أفضلهم محل الوسام اللي في محطة الاندمارك

مسؤول المحل محمد المصري إنسان طيب وخلوق واسعارهم معقوله

هالكلام عن تجربه

كتكوت الوحش

03-06-2013, 12:07 AM

لتجريتي الشخصية كله كلام فاضي وتسويق عال فاضي روح ركبت من أي محل بره تبرك لك

imation

06-06-2013, 11:33 PM

,

انا مركب من عند لومار و تيتانيوم و في كوول , احسنهم بالنسبه لي في كوول .

,

QATAR505

06-06-2013, 11:43 PM

عندك المفتاح زين في كول احسن عازل بس الخدمه تعبانه والمعامله الله لاوريك والتركيب تعبان

♫ احسـاسـ طفلـهـ ♫

09-06-2013, 04:58 AM

مع احترامي للناس اللي دايما يقولون بعدة مواضيع ان اللي يركب العازل اصلا ما بيفيد وكله واحد جنه مو مركب وان الحراره نفسها وكنت مصدقه هالكلام لين ركبت عازل على سيارتي الجديده والقديمه خليتها بدون عازل .. فررررررررق كبير جدا اولا مركبه من بروتكشن واخترت 30 بالميه و نوع غالي شوي لان هالنوع ميزته انه ما يكون غامج وايد وفي نفس الوقت يحمي بنسبة 80 بالميه من اشعة الشمس جدا مرتاحه من بعد التركيب و حتى الشمس تاثيرها اضعف لان قبل لازم البس النظاره الشمسيه وبعد عيني تعورني من الشمس مع انها غامجه وبعد العازل ساعات ما البس النظاره من كثر ما عيني مرتاحه وماتحتر السياره نفس قبل تحرقني ضو الحين بس دقيقتين اشغل المكيف بردت شحلاتها صج فرق .. جي لحد يصدق ان العازل ما يسوي شي بالعكس يسوي ونص بس لازم يختار الواحد نوعية جيده مب كل النوعيات اصلا نفس الشي مستحيل ..