موضه وظاهره ربط المعده !!!!!

[حمد 2002]

السلام عليكم ورحمه الله وبركاته

الموضوع يحمل المسمى والعنوان التالي

(( موضه وضاهره ربط المعده !!!!!!!!!! ))

هاليومين منتشره ضاهره جديده على المجتمع وهي ربط المعده ،، والمشكله الكل قام ايسويها الي محتاج لها ولي مب محتاج ،،، عيل واحد وزنه 90 اشدخل ايسوي ربط معده :eek5:
مب مشكله اذا الواحد كان متنه بسبب مرض ووزنه 200 انا هنا اوافقه لانه متنه ايضايقه ويعوق حركته ،،

والمستفيد من هالشيء هم المستشفيات الخاصه ، عيل مستشفى العمادي ايسويها ب 70 الف :eek5: ، اشدخل وين قاعديييييين !!!!!!! :rolleyes2: ،،،

والمشكله البعض ايسويها ومايعرف اضرارها ، هناك كثير من الاشخاص ماتو والسبه هالعمليه ، لانه جسم عن جسم يفرق ودكتور عن دكتور يفرق بعد ،،،،

الموضوع مفتوح للنقاش العام على مصراعيه وفقا لسياسه المنتدى وبدون الخروج عن الإطار العام للموضوع ،،،

تحياتي للجميييع ،،

[أسد الجزيرة]

مستشفى العمادي ٥٠ الف

العمليات هذي علاج للسكري و الضغط و الكوليسترول

مساوئها نقص الفيتامينات و المعادن و هشاشة العظام

[أسد الجزيرة]

الرشاقة مطلوبة بس من يسويها تحصل وجه شاحب

[لاجل QT]

ردينا على التدخل في خصوصيات خلق الله:p

واحنا ملنا :omen2:

يعنى تبي تقنعنا انك لهدرجة خايف على صحتهم وفلوسهم:p

[بو سالم]

أشاد النائب كامل العوضي بقرار وزير الصحة بايقاف عملية تكميم المعدة لمدة ثلاثة أشهر في القطاعين الحكومي والأهلي، وذلك لوضع النظم الكفيلة بحفظ حقوق المرضى والأطباء وقيام الوزارة بتشكيل لجنة فنية لاعداد بروتوكول علاجي خاص بعمليات تكميم المعدة يتفق مع البروتوكولات العالمية ومطابق للمعايير الدولية المتخذة في مثل هذا النوع من العمليات، والعمل على وضع آلية جديدة للتعامل مع حالات التكميم قبل وبعد العملية لضمان سلامة المرضى وتجنب حدوث مضاعفات بعد اجراء العملية.

وأضاف العوضي انه وبالأرقام الرسمية تعتبر دولة الكويت أعلى دولة في العالم من حيث اجراء هذه العملية، ولهذا دلالة واضحة على أن مثل هذا النوع من العمليات خرج من السياق الطبي وتحول الى تجارة بحتة بغرض التكسب على حساب المريض، وهذا لا يرتقي أبدا مع الرسالة السامية للطبيب ومهنة الطب.

وقال العوضي إن الذي يشجع على زيادة نسبة هذه العملية في الكويت هو حالة الفوضى العارمة والعشوائية وعدم وجود رابط او التزام بمعايير طبية عالمية، فلا تتم مراعاة سن المريض أو حالته الصحية ومدى قابلية جسده للقيام بمثل هذا النوع من العمليات.

[أسد الجزيرة]

في امريكا شركات التامين تدفع لاجراء العمليات لانه تعلم انه على المدى الطويل ستوفر قيمة علاج الامراض المزمنة

[بصمة قطرية]

أمس كنا نتناقش عن هالموضوع ..
بالفعل صارت موضة و ظاهرة ..!!!
وايد قاموا يسوونها
لهم حاجة ما لهم حاجة ..
استغرب شلون الواحد يعذب عمره بهالعمليات
شي مب بسيط
و عملية مب بسيطة
و لها آثار جانبية
و يا ما حالات ( ماتت ) أثناء العملية ..
أحد الأطباء يسمي هالعمليات ( بالموت البطيء )
فعلاً هي موت بطيء
الانسان بعد العملية ممكن يفقد نص وزنه أو أكثر
و يصير غير قادر على الأكل
ياكل شي بسيط جداً
يبتدي الجسم يفقد الفيتامينات
والأشياء الضرورية للجسم
فيتعرض الجسم لنقص في الفيتامينات
و تتأثر العظام و الأعضاء الداخلية ..

[qatari 111]

اللي اعرفه مب ربط المعده .. قص جزء من المعده وهذا مفيد للي وزنهم مفرط وعنده السكر والضغط والكروسترول .
وتدري اخوي حمد والله مانفخنا غير الكسل ونتعذر ونقول مافي وقت حق الرياضه.. خله على الله

[ام ناصر1]

ماهي المشكلة ..مش في العملية ..لأنها الحل الاسهل
المشكلة بالمستشفى الحكومي التعبان ..اذا جاهم واحد يبي يخسس وزنه ماعندهم غير جهاز الميزان يقيسون وزنه
ويدخل على اخصائين التغذية والي هم الله بالخير البرامج عندهم جاهزة ...من سنة 2000 فما تحت
المفروض يكون فيه اجهزة لقياس الدهون بالجسم حالهم حال العيادات المتخصصة ...ويكون عندهم مدربين رياضة وقاعات رياضية ...ومدربين على اعداد الوجبات الصحية ...ويعطون المرضى مكملات غذائية وغيرها ..
يعني بدال مايقطون الشغل على فرد اسمه اخصائي تغذية ...يسون صج عيادة متخصصة لأمراض السمنة ..مثل الناس
وياسلام لو يحجزون الشخص المتين لمدة 3 أشهر ...عيادة ومصحة بنفس الوقت
وبتختفي ظاهرة الاعتماد على العمليات... إذا فيه بدائل قيمة جدام الشخص ....

[شيخ الديرة]

لا موضة ولا شي، كل انسان له الحرية في العناية بصحته بالطريقة التي يراها مناسبة. كل عملية جراحية لها درجة من المخاطرة، حالها حال قيادة السيارة، ماشوفك ياحمد تقول سياقة السيارة مودة وناس ماتت من وراها ؟

[7llo]

ياشيخ هاي خصوصيه وكل واحد حر في نفسه يسوي الي يبيه يسوي عمليه ب ٥٠ ولا ١٠٠ الف شي راجع له (من راقب الناس مات هما) كل واحد عقله في راسه يعرف خلاصه
محد يضرب احد على ايده عشان يسويها وثانلث حاجه مايسون عمليه اذا كان وزنك ٩٠ يخلونك توقع اورقه انه وزنك مايحتاي عمليه واذا تميت متنح يخلونك اتوقع اخلاء مسووليه واكثر الشباب او الحريم ال جي يسومها عشان السكر والضغط لانه تشيل السكر والضغط نهائي

[بو سالم]

ماهي المشكلة ..مش في العملية ..لأنها الحل الاسهل
المشكلة بالمستشفى الحكومي التعبان ..اذا جاهم واحد يبي يخسس وزنه ماعندهم غير جهاز الميزان يقيسون وزنه
ويدخل على اخصائين التغذية والي هم الله بالخير البرامج عندهم جاهزة ...من سنة 2000 فما تحت
المفروض يكون فيه اجهزة لقياس الدهون بالجسم حالهم حال العيادات المتخصصة ...ويكون عندهم مدربين رياضة وقاعات رياضية ...ومدربين على اعداد الوجبات الصحية ...ويعطون المرضى مكملات غذائية وغيرها ..
يعني بدال مايقطون الشغل على فرد اسمه اخصائي تغذية ...يسون صج عيادة متخصصة لأمراض السمنة ..مثل الناس
وياسلام لو يحجزون الشخص المتين لمدة 3 أشهر ...عيادة ومصحة بنفس الوقت
وبتختفي ظاهرة الاعتماد على العمليات... إذا فيه بدائل قيمة جدام الشخص ....



كلام سليم

[nono80]

بالفعل كلامك صار موضه اللي يحتاج واللي مايحتاج كل سنه تطلع موضه لين وصلنا حق هالعمليه اللي محتاج بالعكس الله يقومه بالسلامه بس اللي مايحتاج اشلون تفهمه والله الواحد يتبع نظام غذايي ورياضه الله كريم

[الأصيلة]

أمس كنا نتناقش عن هالموضوع ..
بالفعل صارت موضة و ظاهرة ..!!!
وايد قاموا يسوونها
لهم حاجة ما لهم حاجة ..
استغرب شلون الواحد يعذب عمره بهالعمليات
شي مب بسيط
و عملية مب بسيطة
و لها آثار جانبية
و يا ما حالات ( ماتت ) أثناء العملية ..
أحد الأطباء يسمي هالعمليات ( بالموت البطيء )
فعلاً هي موت بطيء
الانسان بعد العملية ممكن يفقد نص وزنه أو أكثر
و يصير غير قادر على الأكل
ياكل شي بسيط جداً
يبتدي الجسم يفقد الفيتامينات
والأشياء الضرورية للجسم
فيتعرض الجسم لنقص في الفيتامينات
و تتأثر العظام و الأعضاء الداخلية ..

مافيه حالات ماتت إلا عند دكتور معين فقط
وشكله قاصد استغفر الله،،،
لانه مش اختصاصه ،،،

[أسد الجزيرة]

عبد العظيم

[&من ذهب&]

ماهي المشكلة ..مش في العملية ..لأنها الحل الاسهل
المشكلة بالمستشفى الحكومي التعبان ..اذا جاهم واحد يبي يخسس وزنه ماعندهم غير جهاز الميزان يقيسون وزنه
ويدخل على اخصائين التغذية والي هم الله بالخير البرامج عندهم جاهزة ...من سنة 2000 فما تحت
المفروض يكون فيه اجهزة لقياس الدهون بالجسم حالهم حال العيادات المتخصصة ...ويكون عندهم مدربين رياضة وقاعات رياضية ...ومدربين على اعداد الوجبات الصحية ...ويعطون المرضى مكملات غذائية وغيرها ..
يعني بدال مايقطون الشغل على فرد اسمه اخصائي تغذية ...يسون صج عيادة متخصصة لأمراض السمنة ..مثل الناس
وياسلام لو يحجزون الشخص المتين لمدة 3 أشهر ...عيادة ومصحة بنفس الوقت
وبتختفي ظاهرة الاعتماد على العمليات... إذا فيه بدائل قيمة جدام الشخص ....




كلام سليم ام ناصر ولكن من يقدر ان يفعل هالشيء لانه في المقابل الدوله راح تخسر مبالغ طائله في المقابل اذا افترضاً ان الدوله اخذت هذه الحلول بعين الاعتبار راح توفر ارض لتبني عليها المصحه او العياده وراح توفر فوق 600 غرفه على اقل تقدير كمرحله اولى اذا افترضنا النجاح للمقترح كذلك راح توفر رواتب للموظفين من دكاتره واخصائيين وممرضين وممرضات ايضاً ومدربيين

لذلك الدوله اتوقع راح تغض النظر لو طرح عليها مثل هالمقترح ولكن لو كان فيه عائد لهذه العياده ولو مبلغ رمزي ممكن يكون احد الحلول التي لان تكلف الدوله الكثير وراح يكون له دخل على المدى البعيد شكراً على المقترح وشكراً بوحمد على هذا الموضوع

[حمد 2002]

مستشفى العمادي ٥٠ الف

العمليات هذي علاج للسكري و الضغط و الكوليسترول

مساوئها نقص الفيتامينات و المعادن و هشاشة العظام

بس الفكره ياخوك ان الي محتاجها اوكي مب مشكله ايسويها بس الي مب محتاجها ليش ايسويها ،،،

تحياتي لك على الاضافه المفيده بالموضوع ،،:nice:

[حمد 2002]

ردينا على التدخل في خصوصيات خلق الله:p

واحنا ملنا :omen2:

يعنى تبي تقنعنا انك لهدرجة خايف على صحتهم وفلوسهم:p

اذا انا قلت مالي دخل وانتي قلتي مالج دخل وذاك قال مالي دخل ، ضااااااااااااااع المجتمع يالأجل ،،،

تحياتي ،،

[حمد 2002]

أشاد النائب كامل العوضي بقرار وزير الصحة بايقاف عملية تكميم المعدة لمدة ثلاثة أشهر في القطاعين الحكومي والأهلي، وذلك لوضع النظم الكفيلة بحفظ حقوق المرضى والأطباء وقيام الوزارة بتشكيل لجنة فنية لاعداد بروتوكول علاجي خاص بعمليات تكميم المعدة يتفق مع البروتوكولات العالمية ومطابق للمعايير الدولية المتخذة في مثل هذا النوع من العمليات، والعمل على وضع آلية جديدة للتعامل مع حالات التكميم قبل وبعد العملية لضمان سلامة المرضى وتجنب حدوث مضاعفات بعد اجراء العملية.

وأضاف العوضي انه وبالأرقام الرسمية تعتبر دولة الكويت أعلى دولة في العالم من حيث اجراء هذه العملية، ولهذا دلالة واضحة على أن مثل هذا النوع من العمليات خرج من السياق الطبي وتحول الى تجارة بحتة بغرض التكسب على حساب المريض، وهذا لا يرتقي أبدا مع الرسالة السامية للطبيب ومهنة الطب.

وقال العوضي إن الذي يشجع على زيادة نسبة هذه العملية في الكويت هو حالة الفوضى العارمة والعشوائية وعدم وجود رابط او التزام بمعايير طبية عالمية، فلا تتم مراعاة سن المريض أو حالته الصحية ومدى قابلية جسده للقيام بمثل هذا النوع من العمليات.

ياليت انطبق هالشيء عندنا ياخوك ، وايتم ايقاف هالعمليه الا للي محتاج لها ومضطر ايسويها ،،

تحييااااااااااااتي لك :nice:

[حمد 2002]

لي عوده بعد قليل للرد على جميييع المداخلات الوارد بالموضوع ، تحياتي للجميييييع

[لاجل QT]

اذا انا قلت مالي دخل وانتي قلتي مالج دخل وذاك قال مالي دخل ، ضااااااااااااااع المجتمع يالأجل ،،،

تحياتي ،،

باقولك

ندخل في المواضيع اللى فيها امر بالمعروف ونهي عن المنكر...او المواضيع اللى تكون فرض وواجب علينا الان مثل الجهاد لنصرة اخوانا في سوريا:)


اما هذي الموضوع يفضل يكون تحت اشراف طبي شخص متخصص يتكلم عن المساوء ومحاسن العملية من اللى يجريها ومن اللى ممنوعة علية وخطر

فهمتنى وليدي حمد:(

[أسد الجزيرة]

الكلام في الدين مباح و الطب لازم اهل العلم

هذا زمن الرويبضة

[حسن]

السمنه ياحمد وماادراك ماالسمنه
هذا الداء اللعين يجيك بهدوء ويروح بعنف
وجهد كبير
يدخل فيك وماتحس فيه ولا يطلع يطلع روحك

الدهون انها الدهون وماتسببه من مراض
انت ماتعرف ياحمد هل الوقايهمن هذه الامراض تخفف عبى كبير على الدوله
امراض السكر وامراض الضغط والكسترول
بلاوي

شوف ياخوي انا عندي واحد من اخواني مسويها توها من شهريان تقريبا
نزل وزنه حدود العشرين كيلو يقول انتو ياصحاب الكروش الوجاهيه لازم تسونها
:eek5:
هناك فرق كبير بين يوم كنت درام والحين
بس انصح المتابعه بعد العمليه ضروريه وانصح محد يسوي الى في حمد

بالنسبه لي الله يعينا وش نسوي الكرشه عزيزه علينا
:weeping:

[ام السعف]

مب شرط الواحد يكون يعاني من السمنة علشان يجري العملية ،،

البعض يجري لو عنده قابلية وراثية للتورم والانتفاخ وتشقق الجلد وترهله،،

فالبعض من اداناة لقمة تدخل حلجه يتورم على طول ،،

فمن جذيه سمعت عن حالات تكميم للمعدة علشان الجسم ما يخترب
بسبة قابليته للمتن ،،

اما بخصوص انها موضة ،، دام انها بتفيد الانسان صحيا
جعلها موضة ما تنتهي ،،

لكن اللي يحصل مثل ما صار في الكويت ان هناك
مراهقين سووا لهم هالعمليات ،، احدة الفنانات الكويتيات اعلنت
انها عقب ما سوت العملية حق نفسها خلت الطبيب يسوي حق بنتها
ام 15 سنة ،، لأن جسمها قابل للمتن ،،

فمن جذيه في الكويت العملية هذي صايرة مثل عملية اللوز
وصارت العيادات تتنافس على جذب الناس،،
يعني السالفة في الكويت مب مثل السالفة عندنا ،،

فمن جذيه احتاجوا الى تقنين وضبط للوضع ،،

وشكرا لكم

[حسن]

البعض يجري لو عنده قابلية وراثية للتورم والانتفاخ وتشقق الجلد وترهله،،


لفت نظري هذا الكلام يام السعف

تعبير جميل وفي قمه الجمال ذكرني بحديث الهمس مع الكرشه

[ام السعف]

البعض يجري لو عنده قابلية وراثية للتورم والانتفاخ وتشقق الجلد وترهله،،


لفت نظري هذا الكلام يام السعف

تعبير جميل وفي قمه الجمال ذكرني بحديث الهمس مع الكرشه

حديث همسك ولا همس غيرك:shy:

[شبح الصمت]

من رآقب الناس مات هما

اسمعني ياخوي حمد ترى المتين مسكين تحسب مرتاح ترى في الكبر يآثر عليه خله يستانس في شبابه

يعني عمره 20 والا 30 ووزنه فوق الـ 120 كيلوا والا 140 كيلوا ترى الله لا يبلينا ويشفيهم يآرب

الدببه قلوبهم طيبه لعلمك وناس بشوشين ومبتسمين على البتلاء الي ابتلائهم فيه ربنا ..

اتمنى انه ما يصيدك الي صادهم لانه السمنه مرض وابتلاء من رب العالمين ..

الله يشفيهم يآرب

[حمد 2002]

تعليق مختصر على بعض الردود :- اذا كان مراقبه الناس بأمر يتعلق بمصلحتهم وبصحتهم ، لا بالله بنراقبهم مليون مره ، وبنوجهم للطريق الصحيح سواءا قبلو بالنصيحه ول لا اهم شيء سوينا الي علينا والباقي على الله ،

(( سو خير وقطه في البحر ))

[شبح الصمت]

تعليق مختصر على بعض الردود :- اذا كان مراقبه الناس بأمر يتعلق بمصلحتهم وبصحتهم ، لا بالله بنراقبهم مليون مره ، وبنوجهم للطريق الصحيح سواءا قبلو بالنصيحه ول لا اهم شيء سوينا الي علينا والباقي على الله ،

(( سو خير وقطه في البحر ))




انزين انت ادرى ابهم بصحتهم والا هل هالشيء يأثر على شيء فالمجتمع قولي هل لو سمحت في فتوى انه حرام ربط المعده .. !!!

مب مشكلة راقبهم بس خل مراقبتك لهم بشيء نشوفه خطأ وفيه مضره وفيه وفيه ..!!!

:)

[قطريه22]

هههههههههههههههههههه

[شيخ الديرة]

اذا كان مراقبه الناس بأمر يتعلق بمصلحتهم وبصحتهم ، لا بالله بنراقبهم مليون مره ،

النصيحة وزيادة التوعية وتبيان السيئات والحسنات كلها مقبولة, ولكن الانتقاد العام على ان الموضوع موضة غير مقبول, الناس أعلم بمصلحتها منك.

[aldeem1]

السلام عليكم

اخوي انت كم وزنك؟
اما ما اتقبل هالكلام الا من دكتور او واحد وزنه 120 وطالع :d

اذا ان العمليه مضمونه ولله الحمد ليش ما يسوونها؟ المشكله الوحيده في سعر العمليه واللي عنده الله يهنيه. السالفه مافيها لا موضه ولا شي, مدام انه شي مضمون ليش لا.

وبصراحه ما سمعت الا عن حالتين وفاة بسبب العمليه والسبب كان جهل الدكتور
وربعنا مسوينها وما شاء الله صحتهم 100% وكنهم سبلان يناقزون ويركضون بعد ما افتكوا من الشحوم هههههههههه

وانا حرمت نفسي يمكن 8 شهور ونزلت تقريبا 20 كيلو واخرتها وقفت اسبوع زاد وزني 5 كيلو والله قهر. وبعدها ما قدرت ارجع للرجيم, زهقت من السلطه وصدر الديايه.

افكر اسوي العمليه بصراحه..

[الأصيلة]

من رآقب الناس مات هما

اسمعني ياخوي حمد ترى المتين مسكين تحسب مرتاح ترى في الكبر يآثر عليه خله يستانس في شبابه

يعني عمره 20 والا 30 ووزنه فوق الـ 120 كيلوا والا 140 كيلوا ترى الله لا يبلينا ويشفيهم يآرب

الدببه قلوبهم طيبه لعلمك وناس بشوشين ومبتسمين على البتلاء الي ابتلائهم فيه ربنا ..

اتمنى انه ما يصيدك الي صادهم لانه السمنه مرض وابتلاء من رب العالمين ..

الله يشفيهم يآرب

خبرك عتيج يا أخوي
الحين أغلب العيال 13 و15 وأوزانهم فوق ال100
عشان جذيه أنا أقول المفروض الأهل ينتبهون لعيالهم في هذا السن
ويحاولون يضبطونّهم على نظام تخسيس معين
حتى مايضطرون بعدين للعملية..

[ام السعف]

السلام عليكم

اخوي انت كم وزنك؟
اما ما اتقبل هالكلام الا من دكتور او واحد وزنه 120 وطالع :d

اذا ان العمليه مضمونه ولله الحمد ليش ما يسوونها؟ المشكله الوحيده في سعر العمليه واللي عنده الله يهنيه. السالفه مافيها لا موضه ولا شي, مدام انه شي مضمون ليش لا.

وبصراحه ما سمعت الا عن حالتين وفاة بسبب العمليه والسبب كان جهل الدكتور
وربعنا مسوينها وما شاء الله صحتهم 100% وكنهم سبلان يناقزون ويركضون بعد ما افتكوا من الشحوم هههههههههه

وانا حرمت نفسي يمكن 8 شهور ونزلت تقريبا 20 كيلو واخرتها وقفت اسبوع زاد وزني 5 كيلو والله قهر. وبعدها ما قدرت ارجع للرجيم, زهقت من السلطه وصدر الديايه.

افكر اسوي العمليه بصراحه..

استخير وانتظر ومن ثم توكل ،،

يا اخي مثل ما قلت الناس اللي تعاني غير عن اللي ما تعاني
المهم انك تكون مقتنع في قرارة نفسك وتستعد للعملية ما قبل بشهور
يعني تمشى يوميا ساعة علشان لو دخلت العملية جسمك يشد
التعب ،، وان قدرت تقلل الأكل كم شهر قبل العملية احسن واحسن
تكون عودت نفسك على قلة الأكل وتتحطم نفسيا من قلة الأكل ،،

اما نقص الفيتامينات والكالسيوم ،، نص تفاحة على طول اليوم
مع حبة عنب او نص كيوي او ربع جزرة
اعتقد بيغطون اي عجز في الفيتامينات ،،

المهو الواحد يعرف اشلون يهتم في نوعية الأكل ،،

[R 7 A L]

90 ويسوي عملية ؟
هالنوعية هم الي مخربين على الي مستحقين هالعمليات
ومسببين زحمة

[قطري !]

هذي لها تأثير صحي 100 % على الزمن البعيد



الناس قامت تغير في خلق الله .... لاحول ولا قوة الا بالله

[kal]

مثل عملية الليزك اول ما اشتهرت هذه العملية زيد وعبيد كلن يسويها والاطباء الي يعملون العملية كلهم حاطين نظارات طبية ليش لانهم مش عارفين بعد عشر سنوات ايش المضاعفات فعلا عندي حالات الي سوها رجع نظهرهم اسوء من قبل العملية اي عملية جديدة لازم تأخذ مدتها 10 الى 20 سنة بس يعرفون من منافعها و مضارها والاخ يقول ان التأمين في امريكا يغطي هذه العمليات على حد علمي ان امريكا واروبا الغربية الاطباء يقرون هذه العملية للمريض بصعوبة ويعتبر الحل الاخير وفكره انا وزني 135 يعني اعاني من السمنة بس بديت بتقليل الاكل وزيادة في المشي والحمدالله والارادة من رب العالمين وسلامتكم

[دانة الطواش]

اخوي حمد ليش تعتبر الموضوع موضة أنا أخالفك الرأي أنا يا اخوي وزني فوق ١٢٠ وعمري فوق ٤٠ تعبت من الرجيم والرياضة ومافي فايدة ابد لان معاي فقر دم ودايم يصيبني هبوط لحد ما قررت اسوي العملية بس كنت انظر لشي ثاني كنت افكر لو مرضت او طحت من بيشيلني وبيقوم بي وانا بهذا الوزن ولين مت من بيحملني. توكلت على الله وعملتها ونزلت الحين من وزني مايقارب ٢٣ كيلو خلال ٣ شهور والحمد لله ورجعت لي رشاقتي وحسيت بفرق كبير في حياتي طبعا للاحسن والصحة تمام والحمد لله وربي يتمم لي على خير .

[kal]

هذي لها تأثير صحي 100 % على الزمن البعيد



الناس قامت تغير في خلق الله .... لاحول ولا قوة الا بالله

كلامك صحيح مليار مرة

[شيخ الديرة]

هذي لها تأثير صحي 100 % على الزمن البعيد



الناس قامت تغير في خلق الله .... لاحول ولا قوة الا بالله


حالها حال لبس النظارات الطبية أو اللقاحات. هل تقترح عدم استخدامهم؟

[ام السعف]

كلامك صحيح مليار مرة

شلي يثبت انها لها مضار على المدى البعيد ؟

[شبح الصمت]

اخواني الي قلتوا غيرو من شكلهم ..

الانسان المتين هل تتوقع يوم يتقدم للزواج الكل يوافق عليه خلونا واقعيين صدق .. !!

والبنت مسكينه الي وزنها فوق مش من حقها تشوف عمرها وتتزوج ويجونها خطابين !!


يالضعاف يالرشيقين يا اصاحب الاجسام الرشيقه ..

اعطوا غيركم نظرة ايجابية وخلوهم يشوفون حياتهم

والله بيحاسبهم مش احنا الي نحاسبهم ..

احبكم فالله اخواني المتان من الشباب لانكم بشوشين وطيبين والخبث ما تعرفونه

والله يعين كل مبتلي

[قطري !]

صلوا على النبي ...


ايام اجدادنا وايام العمل والنشاط هل كان فيه متان ...؟؟؟؟!!!!!





والله المتن جا من قلة الحركه والاكل والقعده ..... وين الرياضه والنشاط والحركه ....


مارسوا الرياضه بشكل يومي .... يستفيد منها الجسم والعقل ,,,,, اما قاعد تزط من ماكدونالدز وكنتاكي وطقتها وتبي رشاقه وانت قاعد ..طل ..



فيه ناس متنهم او كبر حجمهم من الله وهذا مرض وليس من كثرة القعده والاكل ..... وطبعا اجراء عمليه لهم فيها خطورة ...

[kal]

اخوي حمد ليش تعتبر الموضوع موضة أنا أخالفك الرأي أنا يا اخوي وزني فوق ١٢٠ وعمري فوق ٤٠ تعبت من الرجيم والرياضة ومافي فايدة ابد لان معاي فقر دم ودايم يصيبني هبوط لحد ما قررت اسوي العملية بس كنت انظر لشي ثاني كنت افكر لو مرضت او طحت من بيشيلني وبيقوم بي وانا بهذا الوزن ولين مت من بيحملني. توكلت على الله وعملتها ونزلت الحين من وزني مايقارب ٢٣ كيلو خلال ٣ شهور والحمد لله ورجعت لي رشاقتي وحسيت بفرق كبير في حياتي طبعا للاحسن والصحة تمام والحمد لله وربي يتمم لي على خير .

السلام عليكم اختي كيف عملتي العملية وكيف وافق الدكتور عليها وانتي تقولين عندك فقر دم وهبوط من مضاعافات الرئيسية لهذه العملية فقر دم على المدى البعيد مش كلامي كلام كبار الاطباء في العالم

[شبح الصمت]

بتكلم عن نظرتي لهم ومعرفتي فيهم ..

انا من الناس الي آروح صالة الجم واشوفهم يجون يتمرنون وعندهم عزيمه غير طبيعية انه يغير من نفسه ولكنه بعد فتره يائس لانه محد يساعدهم محد يمد يده لهم ويقولهم استمروا إلا من رحم ربي ..

نظرة بعض الشباب الي معانا فالصالة البعض يبتسم لهم ويضحك لهم ويحفزهم والبعض يشوفه وهالانسان انا استحقره لانه انسان مريض الي يشوفه ويقول من صجه يتمرن وين بيروح جسمه

والله مره واحد قالها قدامي قلت له الي عطاك هالجسم احمد الله عليه والله عطاه هالجسم الله يعينه وهذا ابتلاء ولا تعيب عالعالم لاجل ما يصيدك الي صاده ..

قام وسكت وزعل من كلمتي ..

ربط المعده جاء يساعدهم على التقليل وعلى اشياء كثيرة يعيشون حياتهم براحة يشوفون اعمارهم .. يرتاحون ترى ما تحسون في الي يحسونه من امراض ومن آلم ومن اشياء كثيرة يمكن احنا ما نحس الا بانه نقول الله يعينه على متنه ..

[قطري !]

حالها حال لبس النظارات الطبية أو اللقاحات. هل تقترح عدم استخدامهم؟




لا ليس حالها حال النظارات او اللقاحات



النظر وقصره مرض ويجب العلاج منه بالطرق الموجوده ...



اما واحد قاعد في بيته ولا حركه وياكل وهذا الاكل يؤثر عليه بزيادة الوزن .... وعقبه يقول لهم المعدة اللي خلقها الله بحجم معين وبشكل معين وليس لها ذنب يجب عليكم قصها او تكميمها فهذا تغيير في خلق الله وهي ليس فيها مرض بل المرض في صاحبها...



وبعدين عملية التكميم والقص يمكن من سنوات قليله قاموا يسوون عمليات .... ويمكن بعد فتره من الزمن يكون لها تأثير سلبي على صاحبها .

[kal]

شلي يثبت انها لها مضار على المدى البعيد ؟

لان العملية جديدة مثل ماقلت من 10 لين 20سنة لين تعرفي من منافعها ومضارها

[kal]

شلي يثبت انها لها مضار على المدى البعيد ؟

اخت ام السعف عندي حالة وكانت من عمليات الجيل الاول في 2003
وما تختلف عن العمليات الجيل الثاني

[kal]

وبعدين عملية التكميم والقص يمكن من سنوات قليله قاموا يسوون عمليات .... ويمكن بعد فتره من الزمن يكون لها تأثير سلبي على صاحبها .[/size][/center][/QUOTE]
هذة الي قلته انا :victory: وعندي حالتين في الشغل وبعد شهور قليله من العملية

[مميزة]

:nice::nice::nice:

اخواني الي قلتوا غيرو من شكلهم ..

الانسان المتين هل تتوقع يوم يتقدم للزواج الكل يوافق عليه خلونا واقعيين صدق .. !!

والبنت مسكينه الي وزنها فوق مش من حقها تشوف عمرها وتتزوج ويجونها خطابين !!


يالضعاف يالرشيقين يا اصاحب الاجسام الرشيقه ..

اعطوا غيركم نظرة ايجابية وخلوهم يشوفون حياتهم

والله بيحاسبهم مش احنا الي نحاسبهم ..

احبكم فالله اخواني المتان من الشباب لانكم بشوشين وطيبين والخبث ما تعرفونه

والله يعين كل مبتلي

:nice::nice::nice::nice:

[شيخ الديرة]

وبعدين عملية التكميم والقص يمكن من سنوات قليله قاموا يسوون عمليات .... ويمكن بعد فتره من الزمن يكون لها تأثير سلبي على صاحبها

عنوان الموضوع ربط المعدة

وهي عمليه بسيطة جدا, ويمكن عكسها بسهولة, هنا الرابط (http://www.tabeebkom.com/%D8%B9%D9%85%D9%84%D9%8A%D8%A7%D8%AA-%D8%AA%D8%B5%D8%BA%D9%8A%D8%B1-%D8%A7%D9%84%D9%85%D8%B9%D8%AF%D8%A9-152/%D9%85%D9%82%D8%A7%D8%A8%D9%84%D8%A7%D8%AA)

[أسد الجزيرة]

استخير وانتظر ومن ثم توكل ،،

يا اخي مثل ما قلت الناس اللي تعاني غير عن اللي ما تعاني
المهم انك تكون مقتنع في قرارة نفسك وتستعد للعملية ما قبل بشهور
يعني تمشى يوميا ساعة علشان لو دخلت العملية جسمك يشد
التعب ،، وان قدرت تقلل الأكل كم شهر قبل العملية احسن واحسن
تكون عودت نفسك على قلة الأكل وتتحطم نفسيا من قلة الأكل ،،

اما نقص الفيتامينات والكالسيوم ،، نص تفاحة على طول اليوم
مع حبة عنب او نص كيوي او ربع جزرة
اعتقد بيغطون اي عجز في الفيتامينات ،،

المهو الواحد يعرف اشلون يهتم في نوعية الأكل ،،

اعتقد الكميات ما تكفي حصلت ملف في موقع اجنبي يحدد الكميات المطلوبة من كل نوع من الفيتامينات و المعادن و خلافه ملف ممتاز

[kal]

عنوان الموضوع ربط المعدة

وهي عمليه بسيطة جدا, ويمكن عكسها بسهولة, هنا الرابط (http://www.tabeebkom.com/%d8%b9%d9%85%d9%84%d9%8a%d8%a7%d8%aa-%d8%aa%d8%b5%d8%ba%d9%8a%d8%b1-%d8%a7%d9%84%d9%85%d8%b9%d8%af%d8%a9-152/%d9%85%d9%82%d8%a7%d8%a8%d9%84%d8%a7%d8%aa)

صحيح كلامك اخوي هناك فرق ربط الجزءالعلوي المعدة والقص المعدة الطولي و طي او تدكيك المعدة
ربط الجزءالعلوي المعدة و طي او تدكيك المعدة
يمكن عكسها ولكن كيف عكس والقص المعدة الطولي

[ام السعف]

لان العملية جديدة مثل ماقلت من 10 لين 20سنة لين تعرفي من منافعها ومضارها

شنهو اللي بان على اللي شفتهم بعد مرور 10 سنين ؟

[أسد الجزيرة]

مثال للقص الطولي للمعدة

يجب شرب 2 لتر سوائل يومياً
تجنب المشروبات الغازية
تجنب القهوة حتى 6 شهور من العملية
تجنب شرب الماء بعد الاكل الصلب لمدة 15 - 45 دقيقة
تجنب المشروبات المحلاة
يجب اكل حوالي 60 غرام من البروتين يومياً و ليس اللحوم يعني بروتين صافي بعد ازالة الدهون من الوزن
مضغ اللقمة حوالي 25 مرة قبل بلعها
استهلاك 3 وجبات رئيسية مع وجبة خفيفة
البدء بتناول البروتين عند الوجبات
عدم الاكل بين الوجبات الا في حالة هبوط السكر
تجنب الحلويات و الطعام الدهني
توقف عن الاكل عند الشعور بالشبع
اخذ كالسيوم سيتريت و هي احد مصادر الكالسيوم القابلة للامتصاص
فيتامين دال
ملتي فيتامين

[بومحمد المطاوعه]

والله ياخوي حمد

كل شي له ايجابي وسلبي

مافي شي على وجه الارض ايجابي كامل

الكامل الله سبحانه وتعالى

والعمليه ناجحه ولله الحمد

اعرف ناس سووها وهم على كبر

في عمر 45 الحين

وألم الركبه خفت عليهم ويمشون ولله الحمد في احسن حال

غير عن قبل يوم كان وزنهم ثقيل

اهتم في صحتك بتعيش ملك

هاي زبده الكلام

احنا ضرب عيش الساعه 3 العصر ونصلي العصر ونرقد ونقوم نتمشى وضرب عيش اخر الليل او سندويتشات

شوفو الامريكان عجايز وشياب وعلى صحه وعافيه

لأن يعرفون الصحه شلون ويعرفون يستهلكون جسمهم

مب احنا


الله المستعان

تحياتي لك يالذيب

[Bozizoo]

باذن الله بكره مسافر اسوي العملمية
بعد سنوات طويله من المعاناه مع الرجيم كل مرة اسوي رجيم ينزل وزني 20 كيلو
وعقبها بكم شهر ارجعها
خلاص لامتن ان شاءالله بعد اليوم
سئمت حياة الكروش
لا تقدر تلبس الي تبيه و امراض الدنيا معرض لها
وكله كوم ولبس اللدلاغ كوم تقعد تتعصر لين تلبسه
وبعدين جسمك كنه خيشه عيش مافيه ملاح كلش
وفي امور ثانيه بعد مايحتاج الواحد يتطرق لها
لو كل هذه المشاكل تواجها ياحمد بتعذر الناس الي قرروا يسون العمليه
دعواتكم لي ترى وراي 5 عيال

[أم نواري1]

مفروض يسوون ربط أنامل عن الكيبورد
وتكميم أفواه

يبيلهم

[شبح الصمت]

باذن الله بكره مسافر اسوي العملمية
بعد سنوات طويله من المعاناه مع الرجيم كل مرة اسوي رجيم ينزل وزني 20 كيلو
وعقبها بكم شهر ارجعها
خلاص لامتن ان شاءالله بعد اليوم
سئمت حياة الكروش
لا تقدر تلبس الي تبيه و امراض الدنيا معرض لها
وكله كوم ولبس اللدلاغ كوم تقعد تتعصر لين تلبسه
وبعدين جسمك كنه خيشه عيش مافيه ملاح كلش
وفي امور ثانيه بعد مايحتاج الواحد يتطرق لها
لو كل هذه المشاكل تواجها ياحمد بتعذر الناس الي قرروا يسون العمليه
دعواتكم لي ترى وراي 5 عيال




الله يسهل عليك العملية وترد لاهلك سالم غانم معافي يآرب

والله يخليهم لك ويخليك لهم

وطمنا عليك ياخوي

[shadad]

حمد ...شكل المتان بياكلونك الحين هههه

انا اشوف الشباب لو يكون عندها عزيمه وتوقف الطق بالمطاعم السريعه والاشياء الدسمه وايد بتحسن نفسها. اخوي الاصغر كان وزنه صوب 98 . يعني 100 الا . في 5 شهور تدرون وين صار ؟ 79 كيلوا . بدون عمليات وادويه وامراض والخ.

عزيمتك موجوده ؟

[شبح الصمت]

حمد ...شكل المتان بياكلونك الحين هههه

انا اشوف الشباب لو يكون عندها عزيمه وتوقف الطق بالمطاعم السريعه والاشياء الدسمه وايد بتحسن نفسها. اخوي الاصغر كان وزنه صوب 98 . يعني 100 الا . في 5 شهور تدرون وين صار ؟ 79 كيلوا . بدون عمليات وادويه وامراض والخ.

عزيمتك موجوده ؟




كان رحت وقلت لسيد يوقف اكل !!

:shy:

[shadad]

والله ياخوي حمد

كل شي له ايجابي وسلبي

مافي شي على وجه الارض ايجابي كامل

الكامل الله سبحانه وتعالى

والعمليه ناجحه ولله الحمد

اعرف ناس سووها وهم على كبر

في عمر 45 الحين

وألم الركبه خفت عليهم ويمشون ولله الحمد في احسن حال

غير عن قبل يوم كان وزنهم ثقيل

اهتم في صحتك بتعيش ملك

هاي زبده الكلام

احنا ضرب عيش الساعه 3 العصر ونصلي العصر ونرقد ونقوم نتمشى وضرب عيش اخر الليل او سندويتشات

شوفو الامريكان عجايز وشياب وعلى صحه وعافيه

لأن يعرفون الصحه شلون ويعرفون يستهلكون جسمهم

مب احنا


الله المستعان

تحياتي لك يالذيب

الامريكان من اتعس الشعوب في السمنه بو محمد. كل الاحصائيات التي لقيتها حتى بالنت تثبت هاي الشي. مطاعمهم كفايه ! احنا برجر كنج وهارديز وشاكلتهم نقول تجيب السمنه . هذول في امريكا مب معترف فيهم ! يعني ولا شي ..في مطاعم ام الدسم فيها. خنزير + كحول + ...الخ.

الاحصائيات تقول حول الثلث الشعب الامريكي يعاني السمنه. وفي احصائيه ثانيه تقولك من بين 3 اطفال في امريكا طفل مربرب متين . هاي احصائيه من العام :

http://topforeignstocks.com/wp-content/uploads/2013/03/US-Obesity-Rates-4.png

وهذه احصائيه ثانيه من موقع اخر :

http://www.mexicobariatriccenter.com/wp-content/uploads/graph.png

امريكا ...كلها سكاريب وامراض.

[ام السعف]

باذن الله بكره مسافر اسوي العملمية
بعد سنوات طويله من المعاناه مع الرجيم كل مرة اسوي رجيم ينزل وزني 20 كيلو
وعقبها بكم شهر ارجعها
خلاص لامتن ان شاءالله بعد اليوم
سئمت حياة الكروش
لا تقدر تلبس الي تبيه و امراض الدنيا معرض لها
وكله كوم ولبس اللدلاغ كوم تقعد تتعصر لين تلبسه
وبعدين جسمك كنه خيشه عيش مافيه ملاح كلش
وفي امور ثانيه بعد مايحتاج الواحد يتطرق لها
لو كل هذه المشاكل تواجها ياحمد بتعذر الناس الي قرروا يسون العمليه
دعواتكم لي ترى وراي 5 عيال

الله يكتب لك في كل خطوة خير وسلام
وان شاءالله ربنا يسهل لك امورك وترد سالم وغانم
ومثل ما قال شبح طمنا عليك لرديت ان شاءالله ،،

[مابدل العادات]

المشكله عندنا في قطر أنه الناس ماتعرف تسوي رجيم وتمرين مع بعض

ياتلقاه مسوي رجيم قاسي وينزل لك 40 كيلو في شهرين ويوقف ويقول ليه وزني يرد يزيد بسرعه !!!!!

أكيد بيزيد بسرعه لأنك فقدته بغير صحه والي ينزل 40 كيلو في شهرين هاي الشي غير صحي بتاتا لأنه خسر شحوم وعضلات في نفس الوقت وتلقى الجسم مترهل ومافيه قوه

الشي الصحي الي القليل يسوونه وهو الصحيح هو تناول أكل صحي وليس رجيم + ممارسه رياضه المشي مع شويه حديد لجل تحافظ على توازن الجسم بين الشحم و العضلات وماتخسر فيتامينات ويكون جسمك صحي

المشكله المشكله الكبيره بين الشباب هي الكسل والكسل والكسل ويبغون يضعفون بسرعه ومايزيد وزنهم

والله يعين الجميع ويوفق الجميع ان شاءالله

[السيلاوي]

السلام عليكم اخواني الأعضاء
حبيت اشارككم في هذ الموضوع
الحمية وطبيعة الاكل اهم شيء
انا عندي بنتي عمرها 13 ونص سنة وكان وزنها 99.9 كيلو لما وديتها مركز نيوترشن اللي عند
دوار التلفزيون قبل 5 شهور واسبوع وكل سبت عندها موعد يقيسون كل شي بالجسم ويعطونها
نظام غذائي حق كل اسبوع لوحده ومتابعتهم جدا ممتازة
وما راح تصدقون كم وصل وزنها ليوم امس السبت
وزنها الحين 66.6 كيلو والحمد لله رب العالمين وباقي لها 1.6 ك حق الوزن المثالي بالنسبة لطولها
وآسف على الاطالة وتقبلوا تحياتي

[ام السعف]

السلام عليكم اخواني الأعضاء
حبيت اشارككم في هذ الموضوع
الحمية وطبيعة الاكل اهم شيء
انا عندي بنتي عمرها 13 ونص سنة وكان وزنها 99.9 كيلو لما وديتها مركز نيوترشن اللي عند
دوار التلفزيون قبل 5 شهور واسبوع وكل سبت عندها موعد يقيسون كل شي بالجسم ويعطونها
نظام غذائي حق كل اسبوع لوحده ومتابعتهم جدا ممتازة
وما راح تصدقون كم وصل وزنها ليوم امس السبت
وزنها الحين 66.6 كيلو والحمد لله رب العالمين وباقي لها 1.6 ك حق الوزن المثالي بالنسبة لطولها
وآسف على الاطالة وتقبلوا تحياتي

الحمدلله رب العالمين ،،

وربنا يثبتها يارب

[السيلاوي]

الحمدلله رب العالمين ،،

وربنا يثبتها يارب

شكرا اختي ام السعف والله يسمع منك

[بومحمد المطاوعه]

الامريكان من اتعس الشعوب في السمنه بو محمد. كل الاحصائيات التي لقيتها حتى بالنت تثبت هاي الشي. مطاعمهم كفايه ! احنا برجر كنج وهارديز وشاكلتهم نقول تجيب السمنه . هذول في امريكا مب معترف فيهم ! يعني ولا شي ..في مطاعم ام الدسم فيها. خنزير + كحول + ...الخ.

الاحصائيات تقول حول الثلث الشعب الامريكي يعاني السمنه. وفي احصائيه ثانيه تقولك من بين 3 اطفال في امريكا طفل مربرب متين . هاي احصائيه من العام :

http://topforeignstocks.com/wp-content/uploads/2013/03/us-obesity-rates-4.png

وهذه احصائيه ثانيه من موقع اخر :

http://www.mexicobariatriccenter.com/wp-content/uploads/graph.png

امريكا ...كلها سكاريب وامراض.


تسلم لي يالغالي

بس انا اشوف شياب انجليز

وعجايز انجليزيات

بصحه وعافيه

شنو اصلهم مادري


بس ترى يحاسبون على كل شي

[بو سالم]

مثال للقص الطولي للمعدة

يجب شرب 2 لتر سوائل يومياً
تجنب المشروبات الغازية
تجنب القهوة حتى 6 شهور من العملية
تجنب شرب الماء بعد الاكل الصلب لمدة 15 - 45 دقيقة
تجنب المشروبات المحلاة
يجب اكل حوالي 60 غرام من البروتين يومياً و ليس اللحوم يعني بروتين صافي بعد ازالة الدهون من الوزن
مضغ اللقمة حوالي 25 مرة قبل بلعها
استهلاك 3 وجبات رئيسية مع وجبة خفيفة
البدء بتناول البروتين عند الوجبات
عدم الاكل بين الوجبات الا في حالة هبوط السكر
تجنب الحلويات و الطعام الدهني
توقف عن الاكل عند الشعور بالشبع
اخذ كالسيوم سيتريت و هي احد مصادر الكالسيوم القابلة للامتصاص
فيتامين دال
ملتي فيتامين

توقعاتي ان هذا البرنامج هو اللي يضعف مب العملية ههههههه

احد جرب يسويه بدون عمليه اتوقع بيضعف بس العمليه علشان تساعده دامه بيلتزم يسويها بدون عمليه

[Qatar Angel]

الله يرحم الأجسام الرشيقة والعضلات المفتولة :(

[شيخ الديرة]

توقعاتي ان هذا البرنامج هو اللي يضعف مب العملية ههههههه

احد جرب يسويه بدون عمليه اتوقع بيضعف بس العمليه علشان تساعده دامه بيلتزم يسويها بدون عمليه

صدقت , اذا بعد العملية عليه ان يلتزم بكل هذي الشروط, اعتقد شروط تخفيف السمنة العادية أهون

[مساهم فنان]

كل عضو في جسم الإنسان له مهمة يؤديها كي يبقى هذا الجسم متماسكاً، المعدة من أهم أعضاء الجسم فهي وعاء الحياة ، إذا استئصلت أو كممت فالجسم يفقد وعاء الطحن فتبدأ الأمراض إلا إذا قومت بالفيتامينات ...
ليعلم الجميع : ماملأابن آدم وعاء شراً من بطنه .
والمعدة بيت الداء والدواء ، فلنقلل من الطعام المقدم على الموائد ولنقتدِ بنبي البشرية ولنأكل ولكن بدون الشبع . فسنسعد .

[دانة الطواش]

اخوي kal الدكتور عنده خبر بفقر الدم والهبوط الي دوم يصيبني هبوط في السكر والحين صار لي اكثر من شهر ماجاني هالهبوط والحمدلله

[بصمة قطرية]

إحنا لما نتكلم عن الموضوع
نقول راينا
و ننتقد و نقول العمليات خطرة
لما أفكر في حال المتان اللي صج يعانون
و فقدوا الأمل في الضعف
حاولوا بأكثر من طريقة و لقوا صعوبة
أحس فعلاً إحساس صعب و مؤلم
والله ما ألومهم
الله يكون في عونهم
و يحفظ كل شخص بيسوي عملية
و يقومه بالسلامة ..
:(

[بوخالد911]

1 من ربعي سواهل ب52 الف

توووووووووووووو متش

والله يخللللللللللللي الرياضة

[ام السعف]

إحنا لما نتكلم عن الموضوع
نقول راينا
و ننتقد و نقول العمليات خطرة
لما أفكر في حال المتان اللي صج يعانون
و فقدوا الأمل في الضعف
حاولوا بأكثر من طريقة و لقوا صعوبة
أحس فعلاً إحساس صعب و مؤلم
والله ما ألومهم
الله يكون في عونهم
و يحفظ كل شخص بيسوي عملية
و يقومه بالسلامة ..
:(

:nice:

[eXpert*]

زميل لي وزنه زايد حبتين وما يبي يخفف وزنه بالطرق المتعارف عليها راح بيسوي العملية قالوا له ما يصير لازم وزنك يكون فوق كذا كيلو جرام !! الحبيب راح ياكل لين وصل للوزن المطلوب وعقب راح وسو العملية ؟!

[بصمة قطرية]

زميل لي وزنه زايد حبتين وما يبي يخفف وزنه بالطرق المتعارف عليها راح بيسوي العملية قالوا له ما يصير لازم وزنك يكون فوق كذا كيلو جرام !! الحبيب راح ياكل لين وصل للوزن المطلوب وعقب راح وسو العملية ؟!

:eek5:


:secret:

[راعي ال VXR]

ايا منا يقف مستقيما فلينظر الى اصابع قدميه بدون ان يتدنع فان راهما فليس لديه كرشه
وان لم يره فلخفف في الاكل وعليه بالتمارين الرياضيه ...

[مراد2015]

واللة هي زينة بس من واقع

شباب اعرفهم معرفه شخصية علمو عمليات قص معدة

وكنت ناوي اسويها وانا وزني 112 قالو لا لا تسويها راح تتعب وحنا سوينها ومشينا على رجيم اكل مهروس يعني لو مسوين رجيم كان خفينا بدون قص وتحويل

وكل واحد كيفة والله يشفي الجميع