حوار مفتوح عن البناء بيت العمر

[فيصل 89]

الســـلام عليـــكم ورحمــة الله وبــركاته

هاليومين كثرة السؤال في المجالس عن ماهي افضــل شركة مقاولات ؟؟

وماهــو افضل نوعية للبايبات الماي والصرف الصحي وانتم بكرامه والدرايش ونواعها ورخام والبرسلان الفلاني والدرابزين والجبس


بختصار اغلب الاسئله عن البنيان وكل واحد له تجربته مع شركة تعامل ويها


فا انا حبيت نفتح هالموضوع للحوار وكل واحد يكتب تجربته المستفيد منها من شركة الي تعامل ويها بجودتها ودقتها بشغل وبالوقت ولامانه مقابل سعرها

لني وانا اخوكم مقبل على بنيان بيت العمر ومعلوماتي مب كثيره فاحاب استفيد من اخواني الي مرو في هذي التجربه مرحله البناء والعظم والتشيط والديكورات
وان شاء الله اننا وبنفيد بنستفيد من بعض

[الكواري 1972]

متابع ...


يعطيك العافيه

[MAZEN37]

انصح ببناء الفيلا عظم اولا وبالنظام الافرنجي

[خزامئ]

شركه الدوحه بروكجت
للمقاولات
كلمهة ممتاز شوي عليهم
والمهندس اسامه
الله يبيض وجيهم

[فيصل 89]

الكواري
حييياك الله

مازن
نشكرك على النصيحة

خزامي
ياليت تقولنا عن تجربتك ويهم

[مضارب دوسري]

بايبات الماي
افضل شي بي بي ار الملني اكواثيرم
ينباع عند شركة السهو في طريق سلوى اللي بعد اضواء الصالحيه ومطعم القريه اللبنانيه

افضل انواع الصرف الصحي وانتم لكرامه طبعا البحريني
الدرايش الاقضل المنيوم دبل جلاس مع انه في كثير يحب اليو بي في سي والسعر نقس الشي
حسب الذوق والرغبه عن نفسي حبيت الدبل جلاس

[مضارب دوسري]

الكهرباء
الافضل يكون الدي بي سيمنز انجليزي
والوايرات عماني
والسوكتات ام كي انجليزي او تن بي انجليزي

[مضارب دوسري]

والافضل تبني عظم بلاستر
لا تبني عظم لان وقتها بيطلع عليك البلاستر غالي
ابني عند شركه عظم بلاستر افضل لك
والتشطيب تعاقد مع شركه لكل مرحله
يعني اذا ارتحت في اي شركه كمل معاهم كل مرحله بروحها من تركيب حمامات الله يعزك وعقب سيراميك الى اخره

[مضارب دوسري]

وبخصوص الشركات حظك نصيبك

انا مثلا تعاقدت مع شركه جيده في كل شي وشغلها جيد جدا بعد
ولكن بعد ماخلصت منهم عظم بلاستر اكتشفت ان عندهم قضايا
ومع ذلك كملوا معاي تمام ماعدا بعض الاخطاء البسيطه اللي تم تداركها
واسف لكثرة المشاركات لاني اشارك وعقب افكر وارجع اكمل ههه

[آخر الفرسان]

احلامي الوردية في بيت العمر

تبخرت .. على يد مقاول أجنبي !

[almaf1a]

لا ليلي ليل ولا نهاري نهار
بسبب المقاول الحرامي
مكتبهم بابه مكسور ومهجور
والمقاول مايرد على التلفون
قاعد اتحبله لو اصيده بعطيه هديه ماراح ينساها
بخليه هو الي يشتكي علي مب انا الي بشتكي

[قطري قديم]

يالربع ماتدرون وين الخيره والخيره فيما اختاره الله
وانا بصراحه استغرب من كثر الفلل الي تجيني خرايطها ولاجيت اسعر قال لي لاتحسب الدور الاول ليش يابوفلان قال المقاول وقف شغله.
لذلك يا اخوان اي واحد باشتغل معاه باشوف شغله وباسال عنه الناس الي مشتغل لهم وب استخير ربي.

وبالتوفيق ياشباب

[خزامئ]

احنا بنيين عضم وتونا مخلصين العضم
مشالله كل الي بينا في العقد سووه
والي زدنها بعد ماقصرو فيه
والحين
حن باديين في الكسوه من داخل بس مش نفس المقاول
بروحنا كل شي حن نشوفه ونختاره ونشتريه
البلاط الداخلي كله من الرياض

[مضارب دوسري]

احنا بنيين عضم وتونا مخلصين العضم
مشالله كل الي بينا في العقد سووه
والي زدنها بعد ماقصرو فيه
والحين
حن باديين في الكسوه من داخل بس مش نفس المقاول
بروحنا كل شي حن نشوفه ونختاره ونشتريه
البلاط الداخلي كله من الرياض

العيوب تطلع وقت التشطيب اختي مب وقت العظم
بعد التشطيب بيبين اذا كان شغله زين ولا لا

[فيصل 89]

مضارب الدواسر
شرفني حضورك ومشاركاتك الرائعه وان شاء الله كلامك ياخذ بغين العتبار

[فيصل 89]

اخر الفرسان
الله المستعان بس مفروض تسئل عن الشركة وعن شغلها حتى لو كان غالي بس يكون سعره فيه

[فيصل 89]

المافيا

ياخوك لادش الحبس عشان واحد حرامي ارفع عليه قضيه وفصخ عقدك ودورلك مكتب سمعته طيبه وكمل طريقك ولاتخلي اي عثره توقف بطريقك

[فيصل 89]

قطري قديم
اسعدني مشاركتك ويشرفني ترسلي رقمك يمكن يصير لنا نصيب ونبني عندك

[فيصل 89]

خزامي

نتمنا تطلعنا اكثر على التشطيب

[الكواري 1972]

انا عن نفسي انصح بمكتب محمد عبدالله الناصر للتجارة والمقاولات

ادارة قطريه واصحاب الشركة قطريين