عملية التكميم لدكتور سلطان التمياط

[همي رضا الله]

السلام عليكم ورحمة الله وبركاته

قريبه لي تبي تسوي عملية التكميم عند الدكتور سلطان التمياط في السعودية من عندة خلفيه او سمع عنه يفيدها وجزاكم الله خير

[عيون الدوحة]

ما انصحها حاليا فيروس كورونا منتشر بالسعودية

[أسد الجزيرة]

ادخلي منتدى الدكتور و بتحصلين كل الي تبين تعرفينه

[هجمة مرتدة]

سمعت عنه . .
يمدحونه ،
اعرف شباب مسويين هناك . .
بس سعره مرتفع شوي ،
حول الأربعين - الخمسين ألف . .
واحد من الربع يشكر في/
الدكتور محمد الخريس - الأردن
يقول كلفته العمليه حول الـ 18 ألف ،
رعايتهم فوق الممتاز ومعضم مراجعينهم خليجيين : )
أموره طيبه وضعفان حول الـ25 كيلو في شهرين ونص
ما شاء الله تبارك الله . .
توكل على الله
مهما كانت مخاطر العملية ،
تبقى مخاطر السمنة أكثر وأكبر بمراحل . .
فالك الرشاقة ورضى رب العالمين : )

[Chambray]

سمعت عنه . .
يمدحونه ،
اعرف شباب مسويين هناك . .
بس سعره مرتفع شوي ،
حول الأربعين - الخمسين ألف . .
واحد من الربع يشكر في/
الدكتور محمد الخريس - الأردن
يقول كلفته العمليه حول الـ 18 ألف ،
رعايتهم فوق الممتاز ومعضم مراجعينهم خليجيين : )
أموره طيبه وضعفان حول الـ25 كيلو في شهرين ونص
ما شاء الله تبارك الله . .
توكل على الله
مهما كانت مخاطر العملية ،
تبقى مخاطر السمنة أكثر وأكبر بمراحل . .
فالك الرشاقة ورضى رب العالمين : )

2 من عيال خالتي مسويين مع بعض العملية عند الدكتور محمد الخريس
الصراحة بعد العملية ب 4 ايام رجعوا قطر وامورهم طيبه الحمد لله

العناية ممتازة هناك ..

لكن يفضل ان يتم مخاطبة السفارة قبل اجراء العملية ( لمخاطبة المستشفى للتوصيه عليهم ) لا اكثر

[خالد_قطر]

واحد من الشباب مسوي عنده تقريبا من شهر بس الدكتور أنصحه بالتحوير وقال له التكميم مشاكله أكثر.

[مرت محمد]

انصحك بقص المعده هي اضمن

[Amigo]

انا مسويها في مستشفى العمادي والدكتور نفسه محمد العمادي
الي سواها واموري طيبه والعمليه كانت سهله والحمدلله
وكلفتني 50 الف تقريبا شامله كل المواعيد والفحوصات
وللعلم مالها اي مضاعفات ولا اثار جانبيه لأن الش الوحيد الي ينخاف منه
هوالتسريب الناتج من العمليه وهالشي نسبته 1% وحتى لو صار يتداركون هالشي في نفس اليوم

[همسه]

الدكتور سلطان التمياط ممتاز و شاطر في هالعمليات هو استشاري جراح مناظير و سمنه

واعرف حاله شخصيا مسويه عنده العمليه ما شاء الله

و انصح بالتحوير نتايجه افضل على المدى البعيد و مخاطره اقل من التكميم

و سعره 38 الف العمليه و الاقامه مع المرافق

الدكتور سلطان في مستشفى المواساه في الدمام ولمرضاه جناح خاص على مستوى

:)

[النشميه]

2 من عيال خالتي مسويين مع بعض العملية عند الدكتور محمد الخريس
الصراحة بعد العملية ب 4 ايام رجعوا قطر وامورهم طيبه الحمد لله

العناية ممتازة هناك ..

لكن يفضل ان يتم مخاطبة السفارة قبل اجراء العملية ( لمخاطبة المستشفى للتوصيه عليهم ) لا اكثر



كلام صحيح
وأنا اعرف كذا شخص مسوي عنده
ماشاءالله عليه ممتاز جداً