معهد انجليزي يأسس الاطفال

[بستاش]

السلام عليكم ورحمة الله وبركاته

اخواني وخواتي بغيت ادخل بناتي معهد يعلم الانجليزي ويأسسهم عدل يكون قريب من الريان او الغرافه .. اتصلت لمعهد سيلفن محد يرد ومعهد اكسفورد مواعيدهم ماناسبتني..ومعهد برتش كانسل ماياخدون عمر 5 سنوات .

ياليت تفيدوني جزاكم الله خير

[راشد محمد]

ياليت يفيدونك

[ام السعف]

بالنسبة لي ضربت اكس على المعاهد والمراكز التعليمية

لو تبين نصيحتي حطي لهم مدرسة او مدرس يدرسهم
وخصصي لهم اوقات يدخلون النت ويشاركون في بعض المواقع التعليمية
الانجليزية او اشتري لي سي ديات تعليمية تناسب اعمارهم من جرير

وخليهم يوميا اقل شي نص ساعة يلعبون مب يدرسون
خليهم يلعبون في هالمواقع
ولاحظي التطور اللي بتلمسينه منهم ،،

الاهم يكون هناك مدرس يوضح لهم مخارج الحروف واصوات الحروف
وتركيب الحروف وتكوين الكلمات ،،

واسمحي لي لو مشاركتي ما ساعدتج في المطلوب
لكني حطيت لج اللي ممكن يكون بديل في حال كنتي مؤمنة في المراكز
وما لقيتي مركز قريب من بيتكم ،،

والله يوفقهم ،،

[بن غيث]

أنا أتفق تماماً مع أم السعف
الافضل مدرس او مدرسة خاصة في المنزل ..

[بستاش]

الله يجزيكم خير ماقصرتوا
بس اختي ام السعف ابيهم في مركز عشان يتعاملون ويا الاطفال اللي وياهم بالانجليزي

وبناتي صراحه ملو من مدرسات اللي يجون في البيت
ابي يطلعون يغيرون جو البيت والدراسه.

مشكورين

[ام السعف]

الله يجزيكم خير ماقصرتوا
بس اختي ام السعف ابيهم في مركز عشان يتعاملون ويا الاطفال اللي وياهم بالانجليزي

وبناتي صراحه ملو من مدرسات اللي يجون في البيت
ابي يطلعون يغيرون جو البيت والدراسه.

مشكورين

في المركز الوقت بيكون للمدرس مب للأطفال
يعني ساعة وحدة المدرس بيهذر فيها ،،

شوفي امور انشطة ثانية تخلين اليهال يختلطون مع اطفال
يمارسون اللغة ،،

وفي الأخير القرار قرارج وان شاءالله تتوفقين في الحصول
على مركز مناسب ،،

[بو - جاسم]

والله اختي انا كنت بقولج سلفن لان انا استفدت واجد معاهم

بس دام مواعيدهم ما ناسبتج انا اقول مثل ما قالت لج اختي ام السعف

جيبي لهم مدرسه تعلمهم في البيت ويا حبذا تكون اجنبيه

عشان يمارسون اللغه معاها

لان تعلم اللغه بدون ممارستها ما ينفع

تقبلي مروري

[تحداني]

والله اختي انا كنت بقولج سلفن لان انا استفدت واجد معاهم

بس دام مواعيدهم ما ناسبتج انا اقول مثل ما قالت لج اختي ام السعف

جيبي لهم مدرسه تعلمهم في البيت ويا حبذا تكون اجنبيه

عشان يمارسون اللغه معاها

لان تعلم اللغه بدون ممارستها ما ينفع

تقبلي مروري




سلفن وايد غالي واحسه للسات والاي سي تي افضل
جربوا اكسفورد .. رائع

[بستاش]

جزاكم الله خير

صليت الاستخاره امس ورحت معهد سيلفن لقيتهم مسكرين وحاطين اعلان انهم بيغيرون مكانهم لدحيل
وبيفتحون عقب عيد الاضحى ..

استغفر الله ماعاد عرفت وين اسجل بناتي..شكلي بمر اكسفورد واشوف جدولهم والله ييسر

[زهرة بنفسجية]

انا بعد ابي والله لبنتي ياريت لو حد عنده فكرة بعد اذن صاحبة الموضوع
حد يعرف عن مركز زين في المطار؟؟
معهد ارث مثلا ؟
السموحه من صاحبة الموضوع بس ان شاء الله نحصل لانه بتبدا الاجازة و لازم نملي وقتهم بشي مفيد