شارع 22 فبراير ( الى اين ؟ )

[M7ammd]

السلام عليكم و رحمة الله وبركاتة
===================


شارع 22 فبراير من المفترض ان يكون هذا الشارع هو عبارة عن Highway يربط شوارع قطر من الشمال الى الجنوب و الهدف الرئيسي منه هو حل مشكلة الاختناقات المرورية و تسحيل حركة السير , هناك اسئلة يجب ان تطرح :

هل حقق هذا الشارع الهدف المنشود منه ؟

هل يتوافق هذا الشارع مع احتياجات قطر الحالية ؟

هل يتوافق هذا الشارع مع احتياجات قطر المستقبلية ؟

هل يتوافر في هذا الشارع شروط السلامة المرورية ؟

للاسف اصبحنا نعاني من هذا الشارع صباحا و مساءا , اصبح الشارع لا يخلو من الحوادث المرورية , عدم توفر مواقف لسيارات على جانب الطريق الا فيه اماكن معينة .

يرجى المقارنة

http://www.s-maj.net/vb/imgcache/83460.imgcache.jpg

http://up.uaeec.com/images/dubai2009.jpg

http://cdn-wac.emaratalyoum.com/polopoly_fs/1.141567.1271743023!/image/35491926.jpg

شارع الشيخ زايد في دبي عبارة عن 7 مسارات

تحيه خاصة

الى هيئة الاشغال العامة و هيئة التخطيط العمراني ( سابقا )

[شبح الصمت]

الى الصناعية وعندك خيارين يالوكالة يا كراج عادي

أو الله لا يقول اسوى الاحتمالات المشرحة

الله يحفظ الجميع

[مزعله النساء]

السلام عليكم ورحمة الله وبركاته
ياليت يصير عندنا مثل شارع الشيخ زايد
اروح وارد عليه في اليوم ولااربع مرات..... الشارع ماشي ولا اروع
صعب يصير عندنا مثل هذا الشارع؟

[WhiteBeard]

أنت غلطان ياخوي ... تقارن 22 فبراير بشارع الشيخ زايد؟!!!
لو جيت تقارن ... قارن بين 22 فبراير والشوارع الجانبية لشارع الشيخ زايد... هالشكل كلامك يكون معقول...

إحنا ياحبيبي يبغيلنا سنين حتى نوصل مواصيل دبي في ظل وجود العقليات عندنا.
شوارعنا قارنها بشوارع الشارقة ... يمكن ... بس للحين دبي يبيلنا أقل شيء 50 سنة حتى ننافسهم.

[M7ammd]

مشكورين على المشاركة

بس والله الموضوع ما كان صعب , الحمد لله الديرة فيها خير و بومشعل ما قصر فينا بس خطاء مثل هذا وعدم وجود نظرة مستقبلية لحال البلد راح يخلينا نعاني و نخسر ملايين عشان نرجع و نصلح مره ثانية و نعمل توسعة لانها امر ضروري جدا .

تخيلوا الزحمة الي نعاني منها الحين وتخيلوا بعد خلال السنوات الجاية لما تتنفذ المشاريع الكبيرة و مع قدوم الايادي العاملة و السياح لدولة قطر كيف راح يصير الازدحام , اتمنى يتم ايجاد حلول سريعة كما اتمنى يتم عمل توسعة لشارع .

[أبوهيا]

افشل طريق خط 22 فبراير ايوميا حوادث مب حادث واحد بس
بس من بيعترف انه فاشل. اشغال اصلا لو يلغونهم ابرك من وجودهم

[تحداني]

الى الابريكات .. والتجاوزات ..والاعصاب .. احتمال جلطات
واحتمال ندخل بالطوفه عن قريب والله الحافظ


انا في هالشارع ارسل 10 ايميلات :)
احسه شي مفيد

[ولد البدر]

الشارع ضيق مرة يصير ثلاث مسارات شوي تحول مسارين شوي صار أربع شوي صار ثلاث واحنا ضايعين في الطوشة المخارج ضيقة مثل مخرج دوار مدماك والدخول لشارع النصر مشكلة كبيرة واحد بيطلع واحد بيدخل بعض المداخل عدلوها ومشت أمورها لكن باقي العديد من المداخل ما تغيرت وتغييرها بيكلف الملايين لازم هدم بنايات وتوسعة الشارع إن شاء الله تلافوا الاخطاء في شارع سلوي السريع

[غير البشر]

الحل نجيب مدراء اجانب من شركات عالميه
ونسلمهم توقيع العقود والاتفاق مع الشركات العالميه

لان الي موجودين حاليا اثبتو عدم كفائتهم
وماعندنا كفاءات لوضع حلول للطرق


السرقة حاصله حاصله الحين او عقب
على الاقل سرقه ونشوف شي عدل افضل

[البانوش]

السلام عليكم ورحمة الله وبركاته
ياليت يصير عندنا مثل شارع الشيخ زايد
اروح وارد عليه في اليوم ولااربع مرات..... الشارع ماشي ولا اروع
صعب يصير عندنا مثل هذا الشارع؟

مب صعب نسوى احسن من شارع الشيخ زايد

مشروطة باعادة تشكيل للجنة ادارة التخطيط العمراني مع ضمهم للمكتب الخاص

ومحاسبة اصحاب القرارات الفاشلة.

[منصور.]

لازم استملاك

[مشاكل]

شارع 22 فبراير يحتاج لمسح كافة العقارات المحاذية للشارع ومن ثم اجراء التوسعة والأصلاحات

[M7ammd]

افشل طريق خط 22 فبراير ايوميا حوادث مب حادث واحد بس
بس من بيعترف انه فاشل. اشغال اصلا لو يلغونهم ابرك من وجودهم

للاسف كلامك صحيح لكن الخطاء ما يقع في عاتق اشغال لحالة لكن هيئة التخطيط العمراني ايضا

[M7ammd]

الى الابريكات .. والتجاوزات ..والاعصاب .. احتمال جلطات
واحتمال ندخل بالطوفه عن قريب والله الحافظ


انا في هالشارع ارسل 10 ايميلات :)
احسه شي مفيد

والله يا خوي الشارع ما يتحمل هالكم الكبير من السيارات , لو تلاحظ مره تشوف الشارع واقف وقوف شبه تام ! والغريب انه بدون سبب لما يمشي ما يكون حادث لا قدر الله او شي .

[M7ammd]

الشارع ضيق مرة يصير ثلاث مسارات شوي تحول مسارين شوي صار أربع شوي صار ثلاث واحنا ضايعين في الطوشة المخارج ضيقة مثل مخرج دوار مدماك والدخول لشارع النصر مشكلة كبيرة واحد بيطلع واحد بيدخل بعض المداخل عدلوها ومشت أمورها لكن باقي العديد من المداخل ما تغيرت وتغييرها بيكلف الملايين لازم هدم بنايات وتوسعة الشارع إن شاء الله تلافوا الاخطاء في شارع سلوي السريع

ولا تنسى اشارات الاند مارك و دوار الجوازات و دوار جسر الشمال و غيره كلها اماكن تسبب زحمة

[M7ammd]

الحل نجيب مدراء اجانب من شركات عالميه
ونسلمهم توقيع العقود والاتفاق مع الشركات العالميه

لان الي موجودين حاليا اثبتو عدم كفائتهم
وماعندنا كفاءات لوضع حلول للطرق


السرقة حاصله حاصله الحين او عقب
على الاقل سرقه ونشوف شي عدل افضل

والله يا خوي خوفي تكون قل خبره ( او ) وجود الشخص الغير مناسب في المكان الغير مناسب ! صدقني اخوي والله ان فيه عقليات قطرية ممتازة جدا بس للاسف ماخذت فرصتها وما كان لها كلمة .

[M7ammd]

مب صعب نسوى احسن من شارع الشيخ زايد

مشروطة باعادة تشكيل للجنة ادارة التخطيط العمراني مع ضمهم للمكتب الخاص

ومحاسبة اصحاب القرارات الفاشلة.

اي والله

اتمنى يصير هالشي ويتم محاسبة العابثيين في اموال الدولة ومثل ما تفضلت مب صعب نسوي نفسه لكن حاسب المقصر عشان الجديد يحاسب و يخاف و يسوي شغلة على اكمل وجه

[M7ammd]

لازم استملاك

اكيد اخوي و مافيها شي اهم شي المصلحة العامة

وحكومتنا والله ما تقصر واعتقد انهم يدورون حلوول لهالمشكلة

[M7ammd]

شارع 22 فبراير يحتاج لمسح كافة العقارات المحاذية للشارع ومن ثم اجراء التوسعة والأصلاحات

اتفق معاك بس اتمنى يكون الموضوع مدروس فعلا عشان يتجنبون اي مشاكل في المستقبل , يعني يحطون خطة و تصور لشكل الشارع و الهدف المطلوب و يشتغلون بناءا عليه .

يعني مب تعال و وسع و خلاص , اعتقد اننا نحتاج نفكر في توسيع الشارع و دراسة اماكن الازدحام و عمل مخارج وسيعة و جسور بحيث ان الشارع ما يوقف لاي سبب من الاسباب.

[ooredoo]

الزحمة اليومية فيه لا تطاق

[M7ammd]

الزحمة اليومية فيه لا تطاق

اليوم بس ؟ كل يوم اخوي

[العنيده]

انا اسميه No Way لانه صعب المرور فيه وخطر احيانا من بعض السائقين

[شموع قطريه]

شارع 22 عله هذا سبب لنا الاعصاب .. نتمنى انهم يلغون الشارع الفرعي اللي بعد دوار مدماك وانشاء مدخل رئيسي لفريق النصر يستخدمه اللي يبون منطقة السد عالاقل بتخف الزحمه على النفق والاشارات

[نوفة قطر]

لين جو بيسوون شارع او جسر او اللي هو

اول شيء يسوونه يفكرون كم مليون او مليار بيصرفون ! ويجي المقاول او المهندس الطماع او حتى الشركه

يسوون شغل اي كلام وياخذون الملايين وانتهينا

الشارع الواحد ياخذون فوق السنه عشان يسوونه وعقب يسوونه مسكين يعاني من اخطاء وبواليعه الله يعزكم مبينه

مادري شنو مشكلتهم مع البواليع ! لازم يا فوق مستوى الشارع او العكس

اموت من الضحك على شكل العمال وقت الحفر والتكسير يكونون 50 واحد على حفره يبون يكسرون بأسرع وقت ممكن

لكن تعال حق البنااءءء .. اوووه مافي ولا عامل

الله يعين

[أسد الجزيرة]

انا عن نفسي وخوفا على اعصابي من زمان متجنب هذا الشارع

[R 7 A L]

انا اذا زهقان وفاضي اروح خصيصاً لهذا الشارع
يغير حياتي 180 درجة

شكراً لمخترع هذا الشارع المعجزة