استفسار مهم جداً .. أغطية قوارير الماء والعصير

[قطريه أصيله]

بسم الله الرحمن الرحيم
السلام عليكم ورحمه الله وبركاته


حبيت استفسر, سمعت ان في جمعيات خيرية في البحرين تجمع اغطية
علب الماء او العصير وتشتري فيهم كراسي للمعاقين.

شلون؟ كيف؟ لماذا؟
لا تسألوني لأني ماعرف

بس بغيت اعرف اذا هاذي الجمعيات او المؤسسات الخيرية
الي تجمع هالأغطية بالفعل موجوده ولا لا ..
وبصرآحه أنا متخوفه إن هذي الاغطيه ممكن يستخدمونها الثوار البحرينين لصناعة اسلحه محليه لاني تقريباً جمعت حول الـ 5000 قطعه
ياريت الي عنده اي فكره او اي احد سمع عن هذي الجمعيات يفيدني

تحياتي

[للصبر اخر]

اختي
احنا نعطيهم ناس تعيد هيكلتها وتصنع فيها اطراف صناعيه للمعاقين

[وطن]

سمعت هالكلام من قبل ومب مقتنعه بالسالفة

وسمعت ان بعد في قطر يستخدمونهم

والصراحة ما اجمع ولا شي لان ابداً مب داخله راسي الفكرة !!

[قطريه أصيله]

اختي
احنا نعطيهم ناس تعيد هيكلتها وتصنع فيها اطراف صناعيه للمعاقين

اختي انا جمعت 5000 واكثر ومتردده أعطيهم حق الجماعه اللي بيروحون البحرين ولا لا

[قطريه أصيله]

سمعت هالكلام من قبل ومب مقتنعه بالسالفة

وسمعت ان بعد في قطر يستخدمونهم

والصراحة ما اجمع ولا شي لان ابداً مب داخله راسي الفكرة !!

إختي وطن انا مثلج مش مقتنعه وعلشان جذيه نزلت موضوع استفسر عن السالفه قلت يمكن حد من اعضاء المنتدى يفيدني

ملاحظه :- الجماعه اللي بطرش معاهم الاغطيه واللي خبروني عن المشروع من مذهب مختلف

لهذا انا متخوفه من الموضوع

[لبيبة]

اللي عرفته ان ياخذونه في مستشفى الامل او مستشفى الرميلة مب متأكدة، لصنع اطراف صناعية، الافضل تعطينهم هني.

[قطريه أصيله]

اللي عرفته ان ياخذونه في مستشفى الامل او مستشفى الرميلة مب متأكدة، لصنع اطراف صناعية، الافضل تعطينهم هني.

إن شاء الله بتصل في الامل وبجوف

[سارا البدر]

في جمعيات تستخدمها في تصنيع اطراف اصطناعيه

[تحداني]

اللي عرفته ان ياخذونه في مستشفى الامل او مستشفى الرميلة مب متأكدة، لصنع اطراف صناعية، الافضل تعطينهم هني.




هالكلام صحيح
صديقتي اتيمعهم

[almaf1a]

نعم ودوها مستشفى رميله يتم صناعة اطراف صناعيه فيها

[لبيبة]

وين في الرميلة بالضبط؟ عندي مغاطي من قالوا جمعي اجمعها، اي مكان بالضبط نروح؟

[حياة]

اول مره اسمع هالشي

[احلى دنيا]

كلمو جمعية عيد الخيرية

هي حلقة الوصل مثل ما فهمت من ربعي
تسلمونهم الجمعية و هي توصلهم للرميلة

[┋أَجِوَدًيّ┋]

واحد من الشباب الملتزمين جزاه الله خير


يجمعها ويرسلها للبحرين لصناعة الأطراف الصناعية


فدوم احنا نجمع الأغطية البلاستيكية له واذا مر علينا نعطيه

[خيالة قطر]

اي صح هني فرميله يجمعونهم وتعطينهم
وديلهم اهني احسن

[مشعل العطاوى]

غريب جداً

انا الان اعمل في شركه ونصنع الاغطيه البلاستيكيه بمئات الالاف يوميا

وهناك الالات تنتج اكثر من 25 الف في الساعه ......... فغريب جدا يطلبون عدد اغطيه بسيط من مواطنين

والمواد الاوليه موجوده ومتوفره .... ونحن نستخدم مواد من شركة سابك ومن شركة قابكو


ولا زلت اعتقد بعدم صحة ذالك