أسد تحت كرسي بخيمة في العزيزية

[الدوحة 2010]

تفاجأ مواطن بوجود أسد تحت كرسي يجلس عليه بداخل خيمة في منزله، فأبلغ الشرطة التي خلصته وعائلته من الأسد، الذي اتضح أنه يعيش بمنزل أحد الجيران.
وتعود تفاصيل الواقعة، حسب مصادر «العرب»، إلى أنه في الواحدة من ظهر الأربعاء الماضي، وتحديداً في منطقة العزيزية، عاد صاحب البيت من عمله واتجه لبيت الشعر، وأثناء جلوسه على الكرسي أحس بحركة غير طبيعية تحت الكرسي قبل أن يتفاجأ بأسد مختبئ، فخرج بهدوء وقام بإبلاغ الشرطة التي حضرت فوراً، وتعاملت مع الموقف بمهنية عالية (3 طلقات بالشوزن في اليد والبطن). وتم التعرف على مربي الأسد، وكان أحد الجيران.
ورأى مواطنون أن المفاجآت لن تنتهي طالما هناك من يربي في بيته حيوانات مفترسة دون قانون يمنع ذلك.

منقوووووووووول من جريدة العرب

[قطريه22]

حرام ليش اذبحوه

[ضوى]

:eek5::eek5:

تفاجأ مواطن بوجود أسد تحت كرسي يجلس عليه بداخل خيمة في منزله، فأبلغ الشرطة التي خلصته وعائلته من الأسد، الذي اتضح أنه يعيش بمنزل أحد الجيران.
وتعود تفاصيل الواقعة، حسب مصادر «العرب»، إلى أنه في الواحدة من ظهر الأربعاء الماضي، وتحديداً في منطقة العزيزية، عاد صاحب البيت من عمله واتجه لبيت الشعر، وأثناء جلوسه على الكرسي أحس بحركة غير طبيعية تحت الكرسي قبل أن يتفاجأ بأسد مختبئ، فخرج بهدوء وقام بإبلاغ الشرطة التي حضرت فوراً، وتعاملت مع الموقف بمهنية عالية (3 طلقات بالشوزن في اليد والبطن). وتم التعرف على مربي الأسد، وكان أحد الجيران.
ورأى مواطنون أن المفاجآت لن تنتهي طالما هناك من يربي في بيته حيوانات مفترسة دون قانون يمنع ذلك.

هاااااا أسد ؟؟؟؟؟؟

:eek5::eek5::eek5:

[&من ذهب&]

بل سبحان اللي خلاه يتصرف بعقلانيه وهدوء بس السؤال اللي يدور في ذهني شهالاسد اللي ينخش تحت كرسي هاي قطو مب اسد او انه الكرسي كبير (( بق سايز ))

[شبح الصمت]

اسد وتحت كرسي !!

لا مش ممكن يمكن اسد فوق الكرسي بس تحت الكرسي اشكره قطوو

[q6ri_vip]

يثورون ع أسد !!

[شبح الصمت]

يثورون ع أسد !!




اسد شفت اشلون الاسد .. يقولك تم منخش تحت الكرسي مسيكن شكله زابن من هالحر ما حصل مزبن غير هالكرسي الراهي اشكره كرسيه من النوع الرفيع الي يرتفع بهدروليك ..

:)

[حمد 2002]

حرام ليش اذبحوه

ان شاء الله يطلعلج اسد ، وتالي قولي حرام ليش ذبحوه :nice:

[غير البشر]

اسد وتحت كرسي !!

لا مش ممكن يمكن اسد فوق الكرسي بس تحت الكرسي اشكره قطوو


شبووووووح يمكن يلعب لعبه الكراسي الموسيقيه
وانخش عشان يقعد على الكرسي بسرعه قبل راعي البيت هههههههههههه

[نوار قطر]

في العزيزيه :eek5: يماااااا :cry2:

[faisalqatar]

الظاهر انه نفس موضوع المخلوق الغريب اللي طلع في الكورنيش من كم سنة :)
الواحد يتعب من هالاخبار اللي ماتدخل عقل .....

[مساهمة بسFresh]

الظاهر انه نفس موضوع المخلوق الغريب اللي طلع في الكورنيش من كم سنة :)
الواحد يتعب من هالاخبار اللي ماتدخل عقل .....

اهم شي ان محد يتفلسف ويطلع اشاعات ويقول ايه شفته ومادري وين راح والمدينة التعليمية ومادري وين ومحاصرينه في مزرعة
ومن هالكلام يعني:)

[شبح الصمت]

شبووووووح يمكن يلعب لعبه الكراسي الموسيقيه
وانخش عشان يقعد على الكرسي بسرعه قبل راعي البيت هههههههههههه




هههههههههههههاي

تصدق شكله قطو ضاربينه قروث وداينبل فكبر حجمه مسكين ..

قالك عطوه طلقيت في الصدر وفي اليد ومات ..

وغريبه ما انتشر الخبر في البلاك بيـري شكله الي نزل الخبر في الصحف شكله تحري ختــير ختــير ختير

:shy:

[وحيد-الشوق]

:eek5: ياللهول

جد الموضوع ولا اشاعة واسد تحت كرسي !!!

غريبة ليش ماشفنا العبط والاشاعات في البلاك بيري نفس نمر الخريطيات

شلون تدخل هالحيوانات المفترسة البلاد :anger1:

[ام السعف]

ان شاء الله يطلعلج اسد ، وتالي قولي حرام ليش ذبحوه :nice:

:secret::secret::secret:

عندي صورة للأسد والخبر صحيح
مسكين كان قاعد في امانة الله في مكانه بس ما ادري ليش خافوا منه

يا خوفي يطلع لي حمد يقول ان شاءالله يلتهمج علشان ما تقولين ليش خافوا منه

[شبح الصمت]

:secret::secret::secret:

عندي صورة للأسد والخبر صحيح
مسكين كان قاعد في امانة الله في مكانه بس ما ادري ليش خافوا منه

يا خوفي يطلع لي حمد يقول ان شاءالله يلتهمج علشان ما تقولين ليش خافوا منه




اووش ام السعف

اخاف ارد بيتنا وحصله متعلق في النخله

مدغشقر مهب العزيزية

:secret:

[الدوحة 2010]

:secret::secret::secret:

عندي صورة للأسد والخبر صحيح
مسكين كان قاعد في امانة الله في مكانه بس ما ادري ليش خافوا منه

يا خوفي يطلع لي حمد يقول ان شاءالله يلتهمج علشان ما تقولين ليش خافوا منه


ممكن صورة الاسد اختي ام السعف

[ام السعف]

ممكن صورة الاسد اختي ام السعف

ان شاءالله بس اعتقد السالفة صارت يوم الخميس مب الاربعا

لحظات واحصل لي موقع لرفع الصور وانزلها

لا تروح بعيد ،،


فلة الحين كل اشوي وبكاتب لكم لا تروحون بعيد :shy:

[ام السعف]

حطيت الصورة في المرفقات

http://im36.gulfup.com/KxCUI.jpg (http://www.gulfup.com/?GtoOII)

[Miss]

:eek5::eek5:

[المستعينه بالله]

لاحول والا قوة الابالله

لو تهجم على حد من الاعيال ومات والله حاله احنا نقصين

السالفه جات سليمه هالمره وصاحبه معروف ولا غير معروف ؟

اشلون يسمح مطار قطر بدخول هالحيوانات المفترسه ؟

[شبح الصمت]

حطيت الصورة في المرفقات

http://im36.gulfup.com/KxCUI.jpg (http://www.gulfup.com/?GtoOII)

:eek5:

[Miss]

حطيت الصورة في المرفقات

http://im36.gulfup.com/kxcui.jpg (http://www.gulfup.com/?gtooii)

عورني قلبي ليش في راسه عاد

[<اضرب واشرد>]

شكله أسد صغير

بين الشبل والأسد

ماله داعي يذبحونه المفروض ابرة مخدرة ويشلونه

[شبح الصمت]

في ذمة راعيه الله يسامحه

كسر خاطري شبل عمره يمكن 3 سنين

احسب الموضوع غشمره ..

[<اضرب واشرد>]

قصة حزينة :cry2: :

http://www.ghadinews.net/ar/Newsdet.aspx?id=4010&id2=1

[تمحيص]

نبغي صورة الكرسي

[نوار قطر]

عوورني قلبي عليه وعليه صغنوونووو :weeping:

[Miss]

في ذمة راعيه الله يسامحه

كسر خاطري شبل عمره يمكن 3 سنين

احسب الموضوع غشمره ..

شبل ولا لبؤة :secret:

ما اعتقد شبل لانه لو شبل ماراح يضر لانه صغير
:secret:

[شبح الصمت]

شبل ولا لبؤة :secret:

ما اعتقد شبل لانه لو شبل ماراح يضر لانه صغير
:secret:




ترى اكثر شيء منتشرين الاسود

شبل صغير بس توه ما كبر ..

وترى اللبوه اخطر من الاسد بواجد

[faisalqatar]

ظلمنا الجريدة طلع خبر صحيح

اعتذر ,,

شكرا ام السعف

[كازانوفا]

زمان صاحبه يعض اصابع الندم لانه اكيد خسران فيه مبلغ وقدره ههههههه

[ام السعف]

نبغي صورة الكرسي

:(
من وين انييب لك صورة الكرسي ؟

[Miss]

قصة حزينة :cry2: :

http://www.ghadinews.net/ar/Newsdet.aspx?id=4010&id2=1

:(:(:(

[ام السعف]

ظلمنا الجريدة طلع خبر صحيح

اعتذر ,,

شكرا ام السعف

العفو ،،

بصراحة يوم سمعت السالفة تذكرت نمر الخريطيات
بس في الأخير طلعت السالفة صجية ،،

بس بعد الجريدة كاتبة يوم الاربعا ، السالفة صارت
يوم الخميس طوقوا خمس او ست
سيارات الفزعة المكان علشان يخلصون عليها ،،

الاخبار وصلتني من ارض الحدث
وكنت مب مصدقتهم كلش :shy:

[حمد 2002]

http://up.arabseyes.com/uploads2013/02_06_13137017292673351.jpg[/url][/IMG]

[بونووف]

بل ليش جي سووا فيه دام الريال دخل وقعد على الكرسي وهو تحته وما سواله شي .. يقومون يثورون فيه .. اعنبو ديناصور .. وشدخل المطافي المفروض في قسم للحيونات يكون عندهم مخدر وسلام عليكم ويرجعونه لراعيه ويخالفونه لانه مخليه يسرح ويمرح على اساس انه قطو شيرازي

[بو خليفه 123]

ليت الي في بالي يلقاه تحت سريره وهو مدبر للنوم

:nice:

[vip-30003]

مهنيه عاليه ويده وبطنه

اخرتهااا براسه مسكين

[قرنقووش]

بل ليش جي سووا فيه دام الريال دخل وقعد على الكرسي وهو تحته وما سواله شي .. يقومون يثورون فيه .. اعنبو ديناصور .. وشدخل المطافي المفروض في قسم للحيونات يكون عندهم مخدر وسلام عليكم ويرجعونه لراعيه ويخالفونه لانه مخليه يسرح ويمرح على اساس انه قطو شيرازي

المطافي عندهم فرق انقاذ

شدعوه ديناصور؟ لا ياشيخ اذا طلعلك اسد في غرفتك شبتسوي فيه؟ ترش عليه بيف باف؟

ياساتر

[خليفـة]

ؤانا اقوووووووول
وين اختفى خروف العيد إلي طاف !
:omg:

[بونووف]

المطافي عندهم فرق انقاذ

شدعوه ديناصور؟ لا ياشيخ اذا طلعلك اسد في غرفتك شبتسوي فيه؟ ترش عليه بيف باف؟

ياساتر

ياساتر من قالك رش عليه بف باف .. قلت مخدر وماتوقع فريق الانقاذ عنده مخدر
انزين اخوي فريق انقاذ يقوم يثور فالاسد .. اذا الريال دخل وقعد وشاف انه اسد وطلع وبلغ لو متوحش كان هاجم الرجال اللي قعد فوقه .. يعني الاسد يانه مخدي او ضاربته الشمس وصاده هبوط مسكين .. يقومون يثورون بمخدر وعقبها يخالفون راعيه .. اما انه تعال واذبح اشدعوه

يا حافظ

[النهار]

حطيت الصورة في المرفقات

http://im36.gulfup.com/KxCUI.jpg (http://www.gulfup.com/?GtoOII)

اي والله صج اسد :eek5:اسد في خيمتنا ياللهول

[khaldoon]

توقعت فعلا انه شبل اسد....بس الجرايد تهول الموضوع

[khaldoon]

سيتي ام السعف.....شكلك على صلة بالموضوع....شوفي لنا و لا عليكي امر راعي الاسد لو عنده زرافة او تمساح للبيع .....ابيهم ضروووووووري

[لاجل QT]

كم عمرة؟؟

[technical]

يوم أن اللبوه زابنه تحت الكرسي وما هجمت على حد ليه ما انطروا لين ما يجي حد مع شوزن تخدير، وعقبها يودونه حديقة الحيوان أو أي محمية في حدا هذه الزروع، لكن شين راي الشرطي ورا ظغطته الزناد

[بـارود]

عطوني جمعية الرفق بالحيوان :)

[موظف ((حكومي]

ههههههههههههههههههههههههههههه


بكره بيطلع نمر

[امـ حمد]

الحمد لله على السلامه

[بوطويشم]

السلام عليكم

"الشرطة التي حضرت فوراً، وتعاملت مع الموقف بمهنية عالية (3 طلقات بالشوزن في اليد والبطن)"

هههههههههههه وين المهنية بشوزن !!!!

في شي اسمه تخدير فالنهاية ذي روح

[chillis]

السلام عليكم

"الشرطة التي حضرت فوراً، وتعاملت مع الموقف بمهنية عالية (3 طلقات بالشوزن في اليد والبطن)"

هههههههههههه وين المهنية بشوزن !!!!

في شي اسمه تخدير فالنهاية ذي روح
انت فهمتهم غلط يمكن يقصدون شوزن التخدير :secret: سقط سهوا

[بو سالم]

زين ما رموه بصاروخ

[ام السعف]

سيتي ام السعف.....شكلك على صلة بالموضوع....شوفي لنا و لا عليكي امر راعي الاسد لو عنده زرافة او تمساح للبيع .....ابيهم ضروووووووري

:unsure:

عطيتهم روز من يومين

[Qatar Angel]

غلطان راعي الاسد يجيبة البيت هالحيوانات مكانها المزرعة

[وطن]

راعيه ماخذه له صور تذكاريه معاه ولا لا !!!

[النهار]

اكيد شم ريحة كنتاكي علشان جذي دش الخيمه
يثورن فيه والله حرام
المفروض يثورن في راعي الاسد

[شمس]

حسبت انه طالع من الحديقه يدور على الزوار مفتقدهم

[الدوحة 2010]

حسبت انه طالع من الحديقه يدور على الزوار مفتقدهم


ههههههههههههههههههههه
لانه من زمان ماشف الزوار يمرون الحديقة

[بوخالد911]

ما نبي هالسوالف تنتشررر


عواقبها وخيمة
وقاااااااااااااااااتلة أحيانا

[التيما]

أحلى من الموضوع التعليقات ههههههههههه ..

من رأيي لين متى هالاستهتار بالناس والحيوانات !! المفروض يخدر ويسلم لحديقة الحيوان ويغرم صاحبة .. والمفروض ثانيا عندنا قانون يمنع تربية هالحيوانات بالذات في البيوت يعني لازم حد يموت عشان يتعلمون ويطلعون قانون !!!

[بوخالد911]

وبالاسبوع الياي

وش بنشووووووووووووووف؟

بأي فرررررررررررررريج؟؟!؟!؟!؟

[السكين]

محمد عبد اللطيف

ماله حل :nice:

http://www.qatarshares.com/vb/attachment.php?attachmentid=83492&stc=1&d=1370211092

[ولد البدر]

مسكين ( امجلع ) ماله أسنان

[النهار]

أحلى من الموضوع التعليقات ههههههههههه ..

من رأيي لين متى هالاستهتار بالناس والحيوانات !! المفروض يخدر ويسلم لحديقة الحيوان ويغرم صاحبة .. والمفروض ثانيا عندنا قانون يمنع تربية هالحيوانات بالذات في البيوت يعني لازم حد يموت عشان يتعلمون ويطلعون قانون !!!

خلي البلديه تعلم انك مربي حلال في البيت تقوم القيامه
وحيونات مفترسه في البيوت وثعابين وعلى عينك ياتاجر

[بـــاروود]

سبحان مغير الاحوال صج دنياا دواره

من ملك غابه لين تحت كرسي وفي خيمه

طحت من عيني يالاسد :thumbdown:

[Aaziz]

تفاجأ مواطن.... وتعاملت مع الموقف بمهنية عالية (3 طلقات بالشوزن في اليد والبطن).

منقوووووووووول من جريدة العرب

ايش هالبطيخ هذا ؟؟؟؟


اي مهنيه عاليه الي يعرفونها ،،، مهنيه عاليه يذبحون الاسد ؟

اذا ضرب الاسد ببندقيه تخدير و التحفظ عليه عند البيطري و فحصة ثم نقله لحديقه الحيوان ايش تسمونه ... خرابيط اكيد

[khalid969]

ايش هالبطيخ هذا ؟؟؟؟


اي مهنيه عاليه الي يعرفونها ،،، مهنيه عاليه يذبحون الاسد ؟

اذا ضرب الاسد ببندقيه تخدير و التحفظ عليه عند البيطري و فحصة ثم نقله لحديقه الحيوان ايش تسمونه ... خرابيط اكيد

يقولك في اليد والبطن شكلهم عطوا الاسد انذار اول

سلم نفسك ولا حنضرب في المليان

[Aaziz]

يقولك في اليد والبطن شكلهم عطوا الاسد انذار اول

سلم نفسك ولا حنضرب في المليان

هههههه يقولك راعي الخيمه يطالب بتعويض. قضضو خيمته بالشوزن

[khalid969]

هههههه يقولك راعي الخيمه يطالب بتعويض. قضضو خيمته بالشوزن

هههههههه اللي سمعته ان الاسد في العناية المركزة

[منصور.]

يمكن قطو كبير

[shadad]

ان شاء الله يطلعلج اسد ، وتالي قولي حرام ليش ذبحوه :nice:

حمد انا اتمنى ان تكون الطلقات مخدره. صراحه ما تدري ليش الاسد منخش هناك يمكن من الحر.

[سبع الليل]

بل ليش جي سووا فيه دام الريال دخل وقعد على الكرسي وهو تحته وما سواله شي .. يقومون يثورون فيه .. اعنبو ديناصور .. وشدخل المطافي المفروض في قسم للحيونات يكون عندهم مخدر وسلام عليكم ويرجعونه لراعيه ويخالفونه لانه مخليه يسرح ويمرح على اساس انه قطو شيرازي

قطو شيرازي عااااد .....الله يهدي ربعنا حق الهياط مافي احسن منهم

[بوعلي2]

اسد وتحت كرسي !!

لا مش ممكن يمكن اسد فوق الكرسي بس تحت الكرسي اشكره قطوو

اعتقد الاسد فوق الكرسي والي بلغ عنه هو الي منخش تحت الكرسي :shy: ههههههههههههه مش ممكن الي قاعد يصير

[سبع الليل]

حمد انا اتمنى ان تكون الطلقات مخدره. صراحه ما تدري ليش الاسد منخش هناك يمكن من الحر.

الله وكيلك الحر عندنا لو يطلع الاسد ساعتين بالفريج بينقلبلك قطوا خثران
شلون ماتبية ينخش تحت كرسي

[ولد العرب]

ؤانا اقوووووووول
وين اختفى خروف العيد إلي طاف !
:omg:

هههههههههههههههههههههههههههههههههه لا تكفى خليفه ههههههههههههههههههههههه

[HotBlood]

الظاهر عبالهم حافظ الاسد تحت الكرسي ما صدقوا خبر هههههههههه

[للصبر اخر]

هالقصه مادخلت مزاجي ابد
شلون تحت الكرسي حد يصور لنا مجلس الريال
نشوف كيف تحت الكرسي
اما ان يكون هناك حلقة مفقوده او ان الموضوع فيه لبس

[@north_star@]

ام السعف تحملي بلاتر يشوف صورة الاسد لا يسحبون كاس العالم

[غالي قطر]

حرااااااااااااااام يذبحونه والله كنت اتمنا يتعملون معاه احسن من كذا

[تحداني]

اما انتوا .. الرجال كان في حال

وكل واحد فيكم طالع فيها اطنازه .. انزين خل انشوف لو طلع لكم اسد شتسون
شرط تنتحرون قبل لا يقضون على حياه هالاسد


:)

[R 7 A L]

المفروض يمنعون تربية هالحيوانات المفترسة في البيوت والاحياء

واي واحد يحصلون عنده شي من هذا القبيل ينسجن ويتصادر حيوانه ولا زاحفته الي مادري من وين جايبها ولا وش نوع خطورتها

[bu_khalaf]

اول شي الحمدالله على سلامة اهل البيت اللي زابن عندهم هالاسد وثاني شي المفروض الجهة المسؤولة عن هالامور سواء الداخلية والمتمثلة بالفزعة او لخويا او فرق انقاذ والدفاع المدني يكون معاها مخدر تجنبا لاستخدام الذخائر الحية وخاصة في المنازل والاحياء السكنية والشي الثالث اللي عنده هواية تربية الحيوانات المفترسة اقترح فرض تعهد في الداخلية على مالك الحيوان المفترس انه يهتم في تربيته علشان ما يطلع خداي ويزبن تحت الكراسي عن الجيران ولأنه حيوان مفترس بيتم خطر على الناس لأن في حادثة صارت في الهلال من25 سنه تقريبا نمر افترس طفلة وماتت.

واخيرا اللي يسأل عن الكرسي تراه نفس كراسي القهاوي الشعبية الخشب نفس قهوة الصيادين اللي في الكورنيش.

ودمتم بود

[تحداني]

المفروض يمنعون تربية هالحيوانات المفترسة في البيوت والاحياء

واي واحد يحصلون عنده شي من هذا القبيل ينسجن ويتصادر حيوانه ولا زاحفته الي مادري من وين جايبها ولا وش نوع خطورتها



انت لو تشوف القرد الي كان عند ولد جيرانه
تقول عايش في شمال افريقيا

لما سألو واحد ليش تربي ذيب اصغير واسد اصغيرون
قال ولائي للنادي الي اشجعه حمسني حتى لتربيه الحيوانات
اما ولاء ههههههه

[R 7 A L]

انت لو تشوف القرد الي كان عند ولد جيرانه
تقول عايش في شمال افريقيا

لما سألو واحد ليش تربي ذيب اصغير واسد اصغيرون
قال ولائي للنادي الي اشجعه حمسني حتى لتربيه الحيوانات
اما ولاء ههههههه

:rolleyes2:

زين ماعندنا أحد يشجع منتخب كوت ديفوار
ولا وش بيخلصنا من الفيله :(

[Aaziz]

اما انتوا .. الرجال كان في حال

وكل واحد فيكم طالع فيها اطنازه .. انزين خل انشوف لو طلع لكم اسد شتسون
شرط تنتحرون قبل لا يقضون على حياه هالاسد


:)

ههههههه من شوي كنت قاعد مع شخص في مثل الحوش او الحديقه الصغيره .

تذكرين الشجره الي في بيوتنا قبل الي ورقها طوالي و اذا كسرنا ورقها يطلع منه مثل الحليب ابيض . و يطلع فيها ورد ابيض ،، الورد دوم يتساقط منها .
انا مع رجال قاعدين تحت الشجره على كراسي .. و فجئه الشخص صادته حاله غريبه .. يدينه طارت في الهوى و قام يقول كلمات غريبه و يقطع في الكلام .

والله العظيم حسبت انه فيه حاله نفسيه لاني توني متعرف عليه .
اخرتها ورده طاحت على رقبته من الشجره هذي .
ههههههههههههه قمه الاحراج اني اكمل السالفه ولا كنه شي صاير .

[Qatar Angel]

:rolleyes2:

زين ماعندنا أحد يشجع منتخب كوت ديفوار
ولا وش بيخلصنا من الفيله :(

عندنا فيله وتايقر ماخذينهم من اندونيسيا :nice:

[تحداني]

:rolleyes2:

زين ماعندنا أحد يشجع منتخب كوت ديفوار
ولا وش بيخلصنا من الفيله :(



معلومه جديده
ليش هذيلن علامتهم التجاريه " فيل "
الله يستر .. ويبعد هالعلامه عن ابلادنا
اعيالنا ما يصدقون






ههههههه من شوي كنت قاعد مع شخص في مثل الحوش او الحديقه الصغيره .

تذكرين الشجره الي في بيوتنا قبل الي ورقها طوالي و اذا كسرنا ورقها يطلع منه مثل الحليب ابيض . و يطلع فيها ورد ابيض ،، الورد دوم يتساقط منها .
انا مع رجال قاعدين تحت الشجره على كراسي .. و فجئه الشخص صادته حاله غريبه .. يدينه طارت في الهوى و قام يقول كلمات غريبه و يقطع في الكلام .

والله العظيم حسبت انه فيه حاله نفسيه لاني توني متعرف عليه .
اخرتها ورده طاحت على رقبته من الشجره هذي .
ههههههههههههه قمه الاحراج اني اكمل السالفه ولا كنه شي صاير .




ههههههه هاذي اورقه اصغيره .. ويمكن تكون قطرات من الحليب
اشلون لو اسد .. وعليه عليه اخونه في العزيزيه استلموه خوش استلام
مع العلم الموضوع يستحق رده فعل اكبر من جذي زين ما جاته جلطه ههههههه اسملى عليه

[تهامي باشا]

كان لازم يخدرونه مب يذبحونه، والمشكلة يقولون حرفية عالية

[Journalist]

http://www5.0zz0.com/2013/06/03/07/482663140.jpg
للي طلبوا الصورة

[Qatar Angel]

http://www5.0zz0.com/2013/06/03/07/482663140.jpg
للي طلبوا الصورة

حرااااام عليهم ليش يذبحونها بهالطريقة البشعة
وين الرفق بالحيوان إحنا مسلمين :(

[ام السعف]

مب عارفة صاحب الخيمة هل اتخذ الخطوات الاساسية للابلاغ عن جاره
اللي يؤوي حيوان مفترس والا ترك الموضوع للرأي العام من غير
ما يتحرك ،،

فالموضوع متعلق فيه وكلامنا ما منه فايدة ولا مقال باب حسن الساعي
له تأثير ولا حتى كاركاتير عبداللطيف بيحرك شي ،،

وكلنا نعرف ان اقتناء مثل هالحيوانات صعبة على الناس العاديين
ودخولها للبلاد والاحتفاظ فيها ما يكون الا لبطقات معينة
ربنا انعم عليهم وربنا يبارك لهم يقدرون يصرفون على هالحيوان
اكثر مما يصرفون على طفل واحد في البيت بخصوص اكله ،،

فاشلون دخل فهو مب الحيوان الوحيد ،،
اشلون شرد وليش شرد ومن اللي زعله وخلاه ينخش
تحت الكرسي يبي له بلاغ عند حقوق الحيوان
هذيه اللي نقدر عليه :(

[Journalist]

الحين الواحد يخاف يقعد في الحوش

[sos_z]

حمد لله عالسلامة..
بس المفروض كان يضربونه بحقنة مخدرة ويحطونه بحديقة الحيوان افضل...
وين التنسيق بين الشرطة وحديقة الحيوان
**رايي الشخصي**

[Hamad7788]

بل سبحان اللي خلاه يتصرف بعقلانيه وهدوء بس السؤال اللي يدور في ذهني شهالاسد اللي ينخش تحت كرسي هاي قطو مب اسد او انه الكرسي كبير (( بق سايز ))

لا لا مب أسد كبير

لبؤه صغيره