فكسار 2013 بالبحر !!!!!!!!!!!

[حمد 2002]

السلام عليكم ورحمه الله وبركاته

الموضوع يحمل العنوان التالي

(( فكسار 2013 بالبحر !!!!!!!!!!! ))

اثناء تواجدي بأحدى المناطق البحريه بقطر لقيت شباب يدخلون طراد = قارب للبحر بأحدى السيارات الجديده وكانت فكسار 2013 ، ابذمتكم هاي مب حرام !!!!!!!!!!!! ، ليش هالاستهتار عند الشباب ، يعني اتدخل سياره قيمتها 300 الف البحر !!!!!!!!!!!!! ، ليش ماتاخذلك موتر مستعمل قيمته 30 الف ودخله أي مكان تبي بر بحر أي مكاااااااااان !!!!! ،،

مع العلم بأن هالموضوع مب اول مره ايمر علي ، وايد اجوف شباب ايدخلون مواتر جديده للبحر لتنزيل طراريد واسكوترات !!!!! ،،،


اترك لكم التعليق !!! ،،،

الموضوع مفتوح للنقاش العام على مصراعيه وفقا لسياسه المنتدى وبدون الخروج عن الإطار العام للموضوع

تحياتي للجميييع ،،،

[عيون الدوحة]

كل واحد وحر في فلوسة

[أبوفهد666]

اذا دخل الماء في الديلكو والبخاخات والكمبيوتر

ذيك الساعة

بيعض اصابع الندم

ويمكن ماتعب في قيمته

لوتعب في قيمته كان قدر نعمة الله عليه وحافظ على النعمة

شكرا ياشيخ حمد:nice:

[حمد 2002]

كل واحد وحر في فلوسة


ماضيعنا الا هالكلام ،،،

تحياتي لج ،،،

[حمد 2002]

اذا دخل الماء في الديلكو والبخاخات والكمبيوتر

ذيك الساعة

بيعض اصابع الندم

ويمكن ماتعب في قيمته

لوتعب في قيمته كان قدر نعمة الله عليه وحافظ على النعمة

شكرا ياشيخ حمد:nice:


هلا هلا بوفهد منوووور الموضوع يالذيب :nice: ،،،

النعمه زواله ياخوك لازم الواحد ايحافظ عليها ،،

تحياتي لك ،،

[R 7 A L]

زيادة الفلوس وانا اخوك
الناس ماقام يهمها شي دام البنك متروس

[Miss]

ويمكن ماتعب في قيمته
لوتعب في قيمته كان قدر نعمة الله عليه وحافظ على النعمة


:victory:

[حسن]

اعلى دخل في العالم وش يهمه المعاش قوي والبنوك ماتقصر
بس انته شفته دخل البحر فوق الرنقات ولا قبل

[musel999]

تري اللاند كروزر مخصص لهل الشغلات و بعدين بيغسله جيك ولاكنه صار شي وتري في الاخير لازم يستعمله ويحلله

[tradesman]

وشو المشكلة واحد الله رازقه وعنده طراد وعنده سيارة جديدة

وبعد يمكن ما عنده الا ذي الموتر ويبغي يستانس

[عيسى]

انه مع أن الواحد يستعمل سيارة وحدة يديدة
يكرفه وين مايبي بس إذا كان عاقل في لسواقة
- من ناحية مادية انه باصرف تشيك السيارة اليديدة
بدل اني اصرف شهريا تصليح السيارة المستعملة
- من ناحية وقت. خرابات بصيطة
بدل كل شهر رايح الصناعية تصليح
- من ناحية الأمان شغاله ماتقول أح
بدل لفيوزات محترقة الموتر في البر مايشتغل الهند بريك مايمسك الكلج احترق الحرارة مرتفعة.
- من ناحية الفحص الفني عندي ٣ سنوات حق اليديدة
بدل اله السيارة أسقطت على لحزام ، كربون ، صبغ متقشر

[مستر راشد]

من راقب الناس مات هماً

[نسيم الغربي]

الحمد لله والشكر ً معقولة لحين في ناس تفكر بهالطريقة ً يابوي ريح راسك وتفرغ لطاعة ربك ودنيتك وهلك آبرك لك من مشاهد الناس وش سووت ووش فعلت ً كلن عقلة في راسة ويعرف خلاصة ً

[عزووز قطر]

الكروزر بكل أنواعه مخصص لمثل هالأمور
أجل إيش فايدة الرمانة اللي ورى ؟ وإيش فايدة الدفع الرباعي !!!

بعدين الواحد يشتري موتر جديد علشان يدلع راعيه ،،، مب راعيه يدلع الموتر

[بوعلي2]

بيزااااااات

[moh5773]

عليك موضوع ههههههههههه
الناس وصلوا القمر .. والعالم حروب وحاله وانت تقول لي واحد مدخل فيكسار بحر !!!

الله يهديك بس ..

[حمد 2002]

زيادة الفلوس وانا اخوك
الناس ماقام يهمها شي دام البنك متروس


صااااادق يارحااااال هاذي آخر الدنيا ونا اخوك الناس ماقامت اتعرف الصح من الغلط ،،،

تحياتي لك :victory::victory:

[حمد 2002]

:victory:

:nice:

[حمد 2002]

اعلى دخل في العالم وش يهمه المعاش قوي والبنوك ماتقصر
بس انته شفته دخل البحر فوق الرنقات ولا قبل

دخل بالموتر بكل الأشكال والانواع يابوعلي :victory: ،،،

الفلوس نعمه بيد صاحبها ومايعرف بقيمتها الواحد الا اذا راحت عنه :) ،،،

تحياتي لك بوعلي ،،، :nice:

[حمد 2002]

تري اللاند كروزر مخصص لهل الشغلات و بعدين بيغسله جيك ولاكنه صار شي وتري في الاخير لازم يستعمله ويحلله

كروزر قيمته 300 الف داخل للبحر !، ايعقل هذا ياخوي ،،،

في ناس انا اعرفها اذا راحت للبحر اتروح بسيارات قديمه ، معنى عندها احسن واغلى انواع السيارات بالبيت :)،،،

لاكن المسؤليه والعقل والأطباع تختلف من شخص لأخر وهالشيء طبيعي لانهم بشر ،،،

تحياتي لك اخووي ،، :victory:

[حمد 2002]

وشو المشكلة واحد الله رازقه وعنده طراد وعنده سيارة جديدة

وبعد يمكن ما عنده الا ذي الموتر ويبغي يستانس

واذا واحد الله رازقه يبطر على هذه النعم ، بدال مايحمد الله ويشكره !!!!!

تحياتي لك ،، :nice:

[حمد 2002]

انه مع أن الواحد يستعمل سيارة وحدة يديدة
يكرفه وين مايبي بس إذا كان عاقل في لسواقة
- من ناحية مادية انه باصرف تشيك السيارة اليديدة
بدل اني اصرف شهريا تصليح السيارة المستعملة
- من ناحية وقت. خرابات بصيطة
بدل كل شهر رايح الصناعية تصليح
- من ناحية الأمان شغاله ماتقول أح
بدل لفيوزات محترقة الموتر في البر مايشتغل الهند بريك مايمسك الكلج احترق الحرارة مرتفعة.
- من ناحية الفحص الفني عندي ٣ سنوات حق اليديدة
بدل اله السيارة أسقطت على لحزام ، كربون ، صبغ متقشر

مشكوور على مرورك الكرييم اخوي بالموضوع ،،،،

تحياتي لك ،،، :nice:

[7llo]

ممم شي عادي ياخوك ، موتري كروزر ٢٠١٣ ومطلعه على ايدي من الشركه فدعته سافرت فيه كذا مره وكل سفراتي الصبح وقت العج وامشي على السيف وماغسل جيك وحزات ادخل بحر عشان اصور وجي عادي ياخوك ترا الا حديد مادري بابيعه بعد سنتين انا شاريه عشان احافظ عليه والي يشتريه عقبي يكسره ؟ كسر ياخوك اطلع من الصبح انكدح في الدوام عشان الراتب احرم نفسي من توسيع الخاطر والوناسه ؟ اكيد لا ، ترا الفلوس احنا الي انجيبها مش هي الي تحيبنا مع العلم اني ادفع قسط 5000د

[حمد 2002]

من راقب الناس مات هماً


عن أبي سعيد الخدري رضي الله عنه قال :
سمعت رسول الله صلى الله عليه واله وسلم يقول
( من رأى منكم منكرا فليغيره بيده ، فإن لم يستطع فبلسانه ، فإن لم يستطع فبقلبه ، وذلك أضعف الإيمان ) رواه مسلم ،،،

تحياتي لك اخوي ،،

[حمد 2002]

لي عوده للرد على الجميييع بعد قليل ،،، تحياتي

[الامير]

ما نطلب الى لهم الهداية

[الكواري 1972]

الله يهديهم ويصلح حالهم

[بالول صغير]

عن أبي سعيد الخدري رضي الله عنه قال :
سمعت رسول الله صلى الله عليه واله وسلم يقول
( من رأى منكم منكرا فليغيره بيده ، فإن لم يستطع فبلسانه ، فإن لم يستطع فبقلبه ، وذلك أضعف الإيمان ) رواه مسلم ،،،

تحياتي لك اخوي ،،


الحين وين المنكر

الحديث في غير موضعه ومش هذا تفسيره

[مستر راشد]

الحين وين المنكر

الحديث في غير موضعه ومش هذا تفسيره

اي والله مادري وين المنكر بظبط !!

[Mohammed2]

انزين الفكسار والكروزرات بكل انواعها وموديلاتها ممكن ادخل طراد البحر بدون مشاكل
شي عادي يعني مافيها اي نوع من الاستغراب

[النهار]

حمد الله هداك الريال منزل الطراد في البحر مش منزل الموتر في البحر
روح شوف المواتر الي قاعده تطبع في البحر لين التندا
يوم يكون البحر ثبر في الاسبخات الشباب يقعدون يخمسون في نفس المنطقه ومواتر جديده

[بوخالد911]

مات الاحساس من البعض

وما قاموا يحسوووووون بقيمة واهمية البيزااااااات

الله لا يبلانا

[بوسعود911]

ماتعب في قيمة السيارة وأنا أخوك

[hamoor4ever]

الله يهداك هذا موضوع ياخوي ،، لا والغريب اللي يردون ياخي الناس بخير ونعمه هاذه اولا بعدين اخوي الكزور مامشه فيه بالبحر منزل فيه الطراد بالبحر يمكن ماعنده غير هالموتر او يمكن موتره اللي حق هالشغلات خربان واستعمل الفي اكس ار ، بعدين ياخي حسستني انه عنده لمبرغيني قالص فيه الطراد هاذه فكسر يعني اصلا من الشركه مخصص للشغلات هاذي ، وبعض الناس ماتحب يكون عندها اكثر من سياره لاسباب ، ياخي عندي فكسر ار وبروح فيه بر وبحر وبستعمله وبحشمه لابمشي فيه داخل البحر ولا اني بكسره فوق الطعوس هاذه موتر للشغلات هاذي الرجال مااشتراه علشان يخزنه او يقرطسه بالبيت ويقعد يطالعه .

[ابن قطر]

اخوي عادي تنزل الطراد وعقب تغسل الموتر هو مب داش البحر بسيارته بس الماي يوصل اقل من ربع مستوئ التواير والسياره اخذها عشان تخدمني يا ليت شبابنا يدمنون البحر بدل الطعوس هذه الي حرام وهاي رايي وشكرا علئ الموضوع

[نسيم الغربي]

عن أبي سعيد الخدري رضي الله عنه قال :
سمعت رسول الله صلى الله عليه واله وسلم يقول
( من رأى منكم منكرا فليغيره بيده ، فإن لم يستطع فبلسانه ، فإن لم يستطع فبقلبه ، وذلك أضعف الإيمان ) رواه مسلم ،،،

تحياتي لك اخوي ،،


استغرب من امرك

اذا سيارة اقلصت طراد ودشت البحر صارت منكر

عيل الخمور الي يبعونها في القطرية وجهه البلد و الحريم الاجانب الي لابسين لين فوق الركبة فالمجمعات عيني عينك والبارات والمراقص في دبليو ورمادا وغيرة هذا وش تسمية :rolleyes2:

[مضارب دوسري]

السلام عليكم ورحمه الله وبركاته

الموضوع يحمل العنوان التالي

(( فكسار 2013 بالبحر !!!!!!!!!!! ))

اثناء تواجدي بأحدى المناطق البحريه بقطر لقيت شباب يدخلون طراد = قارب للبحر بأحدى السيارات الجديده وكانت فكسار 2013 ، ابذمتكم هاي مب حرام !!!!!!!!!!!! ، ليش هالاستهتار عند الشباب ، يعني اتدخل سياره قيمتها 300 الف البحر !!!!!!!!!!!!! ، ليش ماتاخذلك موتر مستعمل قيمته 30 الف ودخله أي مكان تبي بر بحر أي مكاااااااااان !!!!! ،،

مع العلم بأن هالموضوع مب اول مره ايمر علي ، وايد اجوف شباب ايدخلون مواتر جديده للبحر لتنزيل طراريد واسكوترات !!!!! ،،،


اترك لكم التعليق !!! ،،،

الموضوع مفتوح للنقاش العام على مصراعيه وفقا لسياسه المنتدى وبدون الخروج عن الإطار العام للموضوع

تحياتي للجميييع ،،،
هذا الموضوع يعتبر رد وافي على موضوعك السابق لكزس لكل قطري :nice:

[النهار]

هذا الموضوع يعتبر رد وافي على موضوعك السابق لكزس لكل قطري :nice:

لالا مضارب حرام تظلم الريال ماقال لكل موطن بس قال لكزس لكل سنير وعراوي لباقي الموظفين لاتظلم الرجال :nice:

[مضارب دوسري]

لالا مضارب حرام تظلم الريال ماقال لكل موطن بس قال لكزس لكل سنير وعراوي لباقي الموظفين لاتظلم الرجال :nice:

انا اعتذر عن هذا الخطا الفادح
:shy:

ابي عراوي منزل من قدام والتواير هواها 50