ضروري و عاجل يا اخوان

[تمون]

السلام عليكم ورحمة الله وبركاته

شباب واحد يبي يشتري سيارتي عن طريق بنك قطر الدولي الاسلامي
الرجال وقفني في الشارع و اتفقنا على اني ابيعه
السؤال لازم احط سيارتي فالمعرض عشان يكمل اجراءاته ؟ ولا اروح و ياه البنك ولا شسالفه ترى متخربط و خربطني وياه الرجال
وكم عمولة المعرض في هالحاله ؟
وعلى من تكاليف المعرض علي و لا عليه ؟

[النهار]

السلام عليكم ورحمة الله وبركاته

شباب واحد يبي يشتري سيارتي عن طريق بنك قطر الدولي الاسلامي
الرجال وقفني في الشارع و اتفقنا على اني ابيعه
السؤال لازم احط سيارتي فالمعرض عشان يكمل اجراءاته ؟ ولا اروح و ياه البنك ولا شسالفه ترى متخربط و خربطني وياه الرجال
وكم عمولة المعرض في هالحاله ؟
وعلى من تكاليف المعرض علي و لا عليه ؟

شوف طال عمرك جيب لهم استميت من معرضين ( المعرض يثمن لك سياره )
ويعطيك كتاب بثمن السياره وبعدها انت والريال احرار بكيفكم

[al-obaidly]

عادي اتروح البنك وياه وتخلص وانت واقف لا معرض ولا عموله يلا وين عمولتي ههههههههههه

[بن جعران]

بدون معرض وبدون اي شئ
تروح البنك انت وياه ومعاك السياره والاستماره

وبيسونلكم الاجرائات كلها

وانا ما ابي الا 200 ريال عموله بس ههههه

[تمون]

عادي اتروح البنك وياه وتخلص وانت واقف لا معرض ولا عموله يلا وين عمولتي ههههههههههه


بدون معرض وبدون اي شئ
تروح البنك انت وياه ومعاك السياره والاستماره

وبيسونلكم الاجرائات كلها

وانا ما ابي الا 200 ريال عموله بس ههههه

طلعتوا شريطيه :eek5:

لاهنتوا يا اخوان ماقصرتوا

[qatarman8008]

لحظة لحظة.. في بعض البنوك ما تشتري من افراد.. لازم عن طريق معرض..
استفسر في بنكك وشوف اش بيردون عليك..
الحين اذا ما يحتاج معرض.. تاخذ العربون.. وتروح مع الرجال البنك.. وتحط سيارتك عندهم وتوقع على اوراق نقل الملكية للبنك.. وبعد كم يوم تستلم فلوسك..
اذا يحتاج معرض.. تاخذ عربون.. وتحط السيارة في المعرض والشراي يودي الاوراق الى البنك ويخلص كل شي.. انت عليك توقع على البيع عند استلام المبلغ فقط.. انتبه توقع على البيع وانت ما استلمت المبلغ..
ملاحظة: لازم تتاكد ان الرجال عنده موافقة مبدئية من البنك .. بدل ما تحط سيارتك في المعرض يومين وفي الاخير يقول لك والله البنك ما مشى المعاملة..

[احمد بن علي]

بدون معرض وبدون اي شئ
تروح البنك انت وياه ومعاك السياره والاستماره

وبيسونلكم الاجرائات كلها

وانا ما ابي الا 200 ريال عموله بس ههههه




كلام صحيح لا معرض ولا غيره الموضوع كله يومين بالكثير
تودي الموتر البنك يشوفونه وعقب تسوي المعامله وبعدين تحول الموتر باسم الشاري وعقبها تستلم فلوسك

[كتكوت الوحش]

بدون أي معرض روح انت وياه البنك وخذ الملكيه والبنك هو الي بيشتريها منك عقب ليبيعها عالشاري

[qatari 111]

ترى البنك بيتلأخر لين يصرف لك فلوسك انا نقعوني من يوم الثلثاء ولين يومك ماستلمت فلوسي .. الله لايبارك فيهم

[المجروح81]

خساره بتبيع الجي اكس 2012

[ولد المنصور]

اذا مصرف الريان الله يعينك ,, يتاخرووووون وااايد ..

[abu ahmed]

الدولى الاسلامي ما يتاخر
انا جربتهم
اذا حسابك عندهم فى الدولى الاسلامي 24 ساعه والمبلغ فى حسابك اما لو بيعطوك شيك بياخذ يومين او ثلاثه

[qatari 111]

الدولى الاسلامي ما يتاخر
انا جربتهم
اذا حسابك عندهم فى الدولى الاسلامي 24 ساعه والمبلغ فى حسابك اما لو بيعطوك شيك بياخذ يومين او ثلاثه

اخوي انا صارلي اسبوع وتوهم نزلوه في حساب المعرض وين يومين او ثلاثه

[abu ahmed]

تعاملي كان مباشر مع الشراي والبنك ماكان فى معرض