استفسار ؟؟؟؟

[ٌٌR.M.S.H]

السلام عليكم ورحمة الله وبركاته
اخواني وخواتي اعضاء المنتدى
ماعرف إذا المكان صحيح اكتب استفساري في هالقسم ولا لا؟؟
ياريت تدلوني
عندي كتاب اثري مخطوط بخط اليد عمره تقريبا (120) سنة
أبي اعرف وين ممكن أروح عشان يعرفون من وين مصدر هالكتاب وايش مكتوب فيه ؟؟؟ مرفق صور الكتاب واللي عنده فكرة ما يبخل علي أرجوكم
واذا اقدر ابيعه ولا لا؟؟؟
ياريت تفيدوني وأكون شاكره للجميع

[jwar7]

اعتقد متحف الفن الإسلامي أو وزارة الثقافة والفنون

[ٌٌR.M.S.H]

شكرا على الرد ، بحاول إن شاء الله مع اني كلمتهم من قبل ما في احد يرد

[ولد العرب]

اذا كان حق عالم من علماء قطر براحة بياخذونه
اذا غير ابد مايمشي
اخبر من كم سنه واحد حصل كتاب فيه علم الفلك وحساب
وودها لمتحف وطبعا عثر عليه على حدود الزبارة
وقمت ضجه حول الكتاب وعمره 100 سنه مهب لقدم الكتاب لا السبب الضجة اكتشاف عالم قطري من عائلة المريخي اعتقد اذا ماخانتني الذاكرة
والسموحه على الاطاله:)

[لمت اب]

مافتح الملف
ايش موضوع الكتاب لو سمحتي ؟

[ٌٌR.M.S.H]

أخوي ولد العرب ولمت أب مشكورين على الردود
المشكلة إني ماعرف من وين مصدر الكتاب ومن اللي مألفه
أبي أحد يدلني أروح لشخص متخصص بهالأمور

[تمحيص]

:nice::nice::nice::nice:سو عليه مزاد

[ٌٌR.M.S.H]

أخوي Sbu، كم سومتك ؟ هههههههههههههه

[تمحيص]

سؤال أخوي : هل هو إرث عائلي ؟؟

أتمنى تكون حذر من اللي تسلمه لهم

فيه مخطوطات وكتب لعلماء مسلمين أندثرت في الغزوات الصليبية وجيش المغول

يمكن والله أعلم يكون هذا الكتب نسخه وحيده للأصل

بالتوفيق اخوي

[تمحيص]

أخوي Sbu، كم سومتك ؟ هههههههههههههه


يبدا المزاد من 3 ميليون :victory::victory:

= يفتش جيبه

[ٌٌR.M.S.H]

نعم أخوي هو إرث عائلي ، من عمي (أبو زوجي) الله يرحمه ، كان محتفظ فيه بصندوق بروحه، وعنده مكتبه كبيره فيها مصاحف قديمة بس ما خبرنا ايش قصة هالكتاب
زيد ريال على الثلاثة مليون ويكون من نصيبك

[ٌٌR.M.S.H]

ممكن أعرضه للبيع للمهتمين بهالأمور ؟

[بو دحيم]

روح مكتبة قطر الوطنية اللي تابعه لمؤسسة قطر، عندهم خبراء ومكتبه تراثية كبيره. ما عرف إذا يتعاملون شخصي بس هاي الكتب لو اصليه بيعها يتم عن طريق دور مزاد للتسجيل الرسمي وشهادات المصدر

[تمحيص]

ممكن أعرضه للبيع للمهتمين بهالأمور ؟

أكيد فيه ناس مهتمين ..

كتاب" مدارج السالكين " وهو كتاب مُستحدث لإبن القيم
تحصله في - يمكن في جرير-" برد لك خبر للتأكد"

قريت مقدمة الكتاب .. وهي عبارة عن الاجزاء له
وتصوير لها و مخطوتاتها تشبه الكتاب اللي عندك وكم باقي ومنها إلى الآن

أحيانا تُترجم المخطوطات في شكل كتاب حديث ويُحتفظ بالأصل في مكاتب عريقة - على ماأعتقد في مصر وحده من هالمكاتب -


عندي استطلاع خفيف في هذا الأمر وإذا عندي خبره أوسع كان أفدتك أكثر اخوي

[ٌٌR.M.S.H]

أخوي بو دحيم، أشكرك على الرد ان شاء الله بحاول الاتصال فيهم
أخوي Sbu ، الله يجزيك الخير على الإفادة
وان شاء الله اقدر أوصل لمعلومة تفيدني

[عضو قديم]

موفقه خير اختي

[الرويـس]

عليك بالشيخ فيصل بن قاسم
او عده احد الجهات اللي بتعرضها عليهم

[Abdulraman]

ذكرتني بواحد من الربع يشتري مخططات قديمه وبسعر مرتفع عن طريق النت واخرشي اكتشف كلها خرطي
بالفعل الحين يسوون مخطط كأن من الاف السنين وهي موديل هالسنه:nice:

[ٌٌR.M.S.H]

أخوي الرويس شلون اقدر اوصل للشيخ قاسم؟؟

[ٌٌR.M.S.H]

أخوي Abdulraman شكراً على الرد
الكتاب اللي عندي صدقاُ أنه غير مزيف أو ملعوب فيه
وأي أحد عنده خبره في بهالأمور يقدر يميز

[ٌٌR.M.S.H]

سبحان الله وبحمده ، سبحان الله العظيم

[imation]

,




لتقييم أي مخطوط او كتاب قديم بشكل أولي , يجب وصف المخطوط و احضار صور عن الآتي :
1- غلاف المخطوط (ليتم معرفة نوع التغليف , ورق أو كارتون أو جلد )
2- صورة عن الصفحة الأولى للمخطوط ( لمعرفة عنوان المخطوط و مؤلفه)
3- صورة عن الصفحة الأخيرة ( لمعرفة من قام بخط المخطوط ومعرفة تاريخ الكتابه)
4- صور عن الصفحات المميزة بالمخطوط ( مثل التطريز بماء الذهب, الرسومات إن وجدت)

هذي بشكل مبسط أهم الأشياء للتقييم


,

[ٌٌR.M.S.H]

شكرا أخوي imation، على الرد
ولكن لا يوجد غلاف للكتاب اللي عندي
ولا يوجد أرقام للصفحات
ولا أعرف قراءة الخط وبماذا كتب
شكرا على الافادة

[imation]

شكرا أخوي imation، على الرد
ولكن لا يوجد غلاف للكتاب اللي عندي
ولا يوجد أرقام للصفحات
ولا أعرف قراءة الخط وبماذا كتب
شكرا على الافادة


إذا ممكن , صورة آخر صفحة من المخطوط , اقصد بذلك آخر صفحة موجود عليها كتابه

[ٌٌR.M.S.H]

ان شاء الله أخوي imation
بإذن الله بكره برسل الصور

[ٌٌR.M.S.H]

الكتاب معروض للبيع لأعلى سعر
تقبلوا تحياتي