ثلاثه لا تاخذ على كلامهم في قطر (في مفهوم المواطن)

[مضارب دوسري]

السلام عليكم ورحمة الله وبركاته

من فتره لفتره اسمع بين الشباب وفي بعض المجالس مقولة
ثلاثه لا تاخذ على كلامهم في قطر
موظف فالمرور او شرطي مرور
موظف في كيوتل(اوريدو) والبنوك
ودكتور في اي مستشفى خاص او حكومي

والسبب موظف او شرطي المرور يتكلم بما لا يفقه يقولك ممنوع عازل اكثر من 10% ومديره فالجرايد يقول مسموح 30%
تروح تجدد استماره يقولك لازم تدفع المخالفات ومديره فالجرايد ممكن تتاجل المخالفات بس المهم تجديد الاستماره
هذي بعض الامثله

بخصوص موظفي اوريدو والبنوك نفس الموضوع اذا اتصلت يتفلسف عليك احيانا ولما تروح الفرع يطلع كل كلامه غلط واحيانا تلقى موظف فالفرع يقولك كلام ومديره يقولك عكس كلامه

كلهم يحتاجون شي واحد وهو دورات تدريبيه

اما الدكتور فكلكم عارفين يسويلك عمليه معده وانت عندك مشاكل فاللوز

هل هذي المقوله صحيحه او فيها مبالغه بعض الشي !

وشكرا

[غزلان]

عليكم السلام ورحمة الله

حتى لو صح المهم النسبه كم عند الأشخاص المذكورين؟

اذا شرطي مرور غلط مايعني كل الشرطه ماناخذ بكلامهم ونفس الشي ينطبق على الباقين
والله سبحانه قال {وَلَا تَزِرُ وَازِرَةٌ وِزْرَ أُخْرَى}
والشي الثاني الغلط في المعلومه او التشخيص منتشر بكل الدول مب عندنا فقط

معاك ان هالشي مزعج لكن هم بشر والبشر مب معصوم من الخطأ:)

[بريق الحق]

بس الغالبيه مايفقهون للاسف بذات المرور

[مضارب دوسري]

صحيح اختي
ولكن مب معقوله ان موظف يعطيك معلومه ومديره يعطيك العكس
عالاقل من قال لا اعلم فقد افتى
بدل ما يتفلسف يحولك للي افهم منه مثل مايصير ف بعض الوزارات
وبخصوص التشخيص كل دكتور يعطيك عله واذا سمعت كلامهم تحتاج خمس عمليات وانت مافيك شي
تطلع برى تسوي كشوفات يطلع مافيك الا العافيه

[مضارب دوسري]

صدقت يا بو عابد

[النهار]

نقص الخبره
البعض منهم غيرمتابع لكل جديد
الخطاء مش عليه الخطاء على الاداره التي يعمل فيها
من كم يوم في موضوع عن العازل مرورو المعموره عندهم قوانين غير بقية الفرع ؟؟؟

[مضارب دوسري]

نقص الخبره
البعض منهم غيرمتابع لكل جديد
الخطاء مش عليه الخطاء على الاداره التي يعمل فيها
من كم يوم في موضوع عن العازل مرورو المعموره عندهم قوانين غير بقية الفرع ؟؟؟

هذا افضل دليل على الخربطه اللي صايره في ادارات المرور
هل الخطا عليهم ولا على مديرهم ؟
اذا وجدت خربطه عند احد الادارات او كل الادارات ف من هو المذنب ؟
الموظفين ام مديرهم ؟

[غزلان]

صحيح اختي
ولكن مب معقوله ان موظف يعطيك معلومه ومديره يعطيك العكس
عالاقل من قال لا اعلم فقد افتى
بدل ما يتفلسف يحولك للي افهم منه مثل مايصير ف بعض الوزارات


--

بخصوص المعلومه الغلط لازم ماتحدد هالثلاث اماكن بس حتى بالمحلات كل عامل يقولك شي بالسفريات بالمؤسسه بالمطار بالمطعم بالوزاره ترى بكل مكان ومؤسسه ووزاره موجودين مثل الى ذكرتهم معاك ان لازم يتأكدون قبل مايعطون الجواب للزبون خاصه اذا اداره مهمه ويتطلب عمل الموظفين الدقه في اعطاء المعلومه.يعتمد على رغبة الشخص في اتقان عمله ..
مثال مره بمحل طلبت شي من المعروض قالت الى الموظفه مخلص رحت سالت عامله غيرها الا جايبه لي من المخزن وبكميه من كل لون

الحل ان كل مسؤول يطلب من مدير كل ادارة التنبيه على موظفينه عند اعطاء المعلومه هالش معاك انه نفتقده عند البعض؟

[sos_z]

صحيح اختي
ولكن مب معقوله ان موظف يعطيك معلومه ومديره يعطيك العكس
عالاقل من قال لا اعلم فقد افتى
بدل ما يتفلسف يحولك للي افهم منه مثل مايصير ف بعض الوزارات
وبخصوص التشخيص كل دكتور يعطيك عله واذا سمعت كلامهم تحتاج خمس عمليات وانت مافيك شي
تطلع برى تسوي كشوفات يطلع مافيك الا العافيه

:nice::nice::nice: صادق اخوي ..واضيف=
الخطا من طبع الانسان صحيح..بس يوم الخطا يكون معلومات مغلوطة من جهة معنية المفروض هي ترشدنا..اللي مايتقن عمله يدور له على شغل ثاني ويخلي مكانه للي اولى به.
السلوك هذا مرفوض السكوت عنه اذا نبي تساير التطور

[┋أَجِوَدًيّ┋]

المشكلة فيه ناس ما تعرف تقول: ما أعرف

بس يبي يتفلسف على خلق الله

ويهرف بما لا يعرف

[OutLaw]

فعلا ياخوي كلامك صحيح واقع نشوفه
والحل بسيط ومدير الجهه او المسئول باستطاعته يحلها بكل بساطه
يعين خبير قانوني وهذا الخبير يقوم بعمل منهج مختصر عن القانون يتم شرحه في محاضرات في الموقع نفسه ويكون للموظفين وحتى للعامه لان هذه جهات خدماتيه
ومثل ادارات المرور دايما عندهم تعينات وتنقلات فا الموظف يدخل هذه المحاضرات واتم تهيئته قبل لا يباشر مهام وظيفته ويلم بها نقول 60٪ والباقي 40٪ نتركها للمارسه .

[Ashom Qatar]

صح لسانك
اوافقك بكل كلمة

[رحـ قطر ـال]

السلام عليكم ورحمة الله وبركاته

من فتره لفتره اسمع بين الشباب وفي بعض المجالس مقولة
ثلاثه لا تاخذ على كلامهم في قطر
موظف فالمرور او شرطي مرور
موظف في كيوتل(اوريدو) والبنوك
ودكتور في اي مستشفى خاص او حكومي

والسبب موظف او شرطي المرور يتكلم بما لا يفقه يقولك ممنوع عازل اكثر من 10% ومديره فالجرايد يقول مسموح 30% تروح تجدد استماره يقولك لازم تدفع المخالفات ومديره فالجرايد ممكن تتاجل المخالفات بس المهم تجديد الاستماره
هذي بعض الامثله

بخصوص موظفي اوريدو والبنوك نفس الموضوع اذا اتصلت يتفلسف عليك احيانا ولما تروح الفرع يطلع كل كلامه غلط واحيانا تلقى موظف فالفرع يقولك كلام ومديره يقولك عكس كلامه

كلهم يحتاجون شي واحد وهو دورات تدريبيه

اما الدكتور فكلكم عارفين يسويلك عمليه معده وانت عندك مشاكل فاللوز

هل هذي المقوله صحيحه او فيها مبالغه بعض الشي !

وشكرا


اخوي لو سمحت متى قال المدير ان مسموح 30 في الاميه ياليت تعطينا رابط هالخبر ؟؟

وبعدين اخوي اللي اعرفه ان مب مسموح الا العازل الخفيف وماحددوا كم في الاميه واهم شي

اللي داخل يبين ويكون واضح وبعدين اخوي بخصوص المخالفات مدير المرور قال ممكن

اتاجل المخالفات صح بس اذا كان عليك مبلغ كبير والموظف العادي مايقدر ياجل لك المخالفات

الا الضابط اللي عنده صلاحيه ومره وحده بس وهذا اللي احنا نعرفه ..عالعموم اخوي أي خطا

يكون من فرد واحد غلط ان احنا نعم على الكل وترا اخوي الكل معرض للخطأ حتى انت ..

[وحيد-الشوق]

كلام صحيح وانا عانيت من هالفئات وايد وبالاخص كيوتل والمرور :)

[لبيبة]

وفي بعد غيرهم، المسألة اصبحت فقدان الثقة، وما تتطمن الا لما تكلم المسؤول بنفسه، اما الموظفين ما تقدر تعتمد على كلامهم.

[مضارب دوسري]

اخوي لو سمحت متى قال المدير ان مسموح 30 في الاميه ياليت تعطينا رابط هالخبر ؟؟

وبعدين اخوي اللي اعرفه ان مب مسموح الا العازل الخفيف وماحددوا كم في الاميه واهم شي

اللي داخل يبين ويكون واضح وبعدين اخوي بخصوص المخالفات مدير المرور قال ممكن

اتاجل المخالفات صح بس اذا كان عليك مبلغ كبير والموظف العادي مايقدر ياجل لك المخالفات

الا الضابط اللي عنده صلاحيه ومره وحده بس وهذا اللي احنا نعرفه ..عالعموم اخوي أي خطا

يكون من فرد واحد غلط ان احنا نعم على الكل وترا اخوي الكل معرض للخطأ حتى انت ..

اسف بخصوص ال 30 بالميه مب فالجرايد في وطني الحبيب صباح الخير
تقدر تروح غوغل يالشيخ وتحاول تطلع المكالمه

وبخصوص الموظف العادي
بما انه ماعنده صلاحيه ليش يتفلسف على الناس ويقول للناس خذها مني مستحيل ياجل لك الضابط
ومسوي نفسه فاهم قوانين المرور
صدقني ياخوي نصف موظفين المرور المواطن العادي يعرف اكثر منهم ببعض القوانين من عازل وغيره

وعلى فكره انا خربطت يوم قلت ان الخرجي صرح فالجرايد عن العازل
بالاساس هو صرح فالجرايد عن انه اللي مايعرقل حركة السير فالابراج مايتخالف وحصل العكس

[مضارب دوسري]

يعطيكم العافيه راجع بعد قليل للردود ان شاء الله

[مضارب دوسري]

--

بخصوص المعلومه الغلط لازم ماتحدد هالثلاث اماكن بس حتى بالمحلات كل عامل يقولك شي بالسفريات بالمؤسسه بالمطار بالمطعم بالوزاره ترى بكل مكان ومؤسسه ووزاره موجودين مثل الى ذكرتهم معاك ان لازم يتأكدون قبل مايعطون الجواب للزبون خاصه اذا اداره مهمه ويتطلب عمل الموظفين الدقه في اعطاء المعلومه.يعتمد على رغبة الشخص في اتقان عمله ..
مثال مره بمحل طلبت شي من المعروض قالت الى الموظفه مخلص رحت سالت عامله غيرها الا جايبه لي من المخزن وبكميه من كل لون

الحل ان كل مسؤول يطلب من مدير كل ادارة التنبيه على موظفينه عند اعطاء المعلومه هالش معاك انه نفتقده عند البعض؟

اختي الحين تقارنين المعلومات المغلوطه بين المحلات
يختلف اختي
البنك
كيوتل
المرور
الصحه
هذي جهات ارشاديه
ف مثلا رحتي تقدمين على بطاقه فيزا القطريه
الموظف يقول مايصير
المدير يقول اي عادي اكيد يصير
لو انج سمعتي الموظف ممكن تطلعين على طول وعلى بالج مايصير
بس الصح لا تاخذين على كلامه خذي كلام مسؤوله

[مضارب دوسري]

:nice::nice::nice: صادق اخوي ..واضيف=
الخطا من طبع الانسان صحيح..بس يوم الخطا يكون معلومات مغلوطة من جهة معنية المفروض هي ترشدنا..اللي مايتقن عمله يدور له على شغل ثاني ويخلي مكانه للي اولى به.
السلوك هذا مرفوض السكوت عنه اذا نبي تساير التطور
صح لسانك
صادق يالشيخ





المشكلة فيه ناس ما تعرف تقول: ما أعرف

بس يبي يتفلسف على خلق الله

ويهرف بما لا يعرف


:nice:
:nice:
:nice:

[مضارب دوسري]

فعلا ياخوي كلامك صحيح واقع نشوفه
والحل بسيط ومدير الجهه او المسئول باستطاعته يحلها بكل بساطه
يعين خبير قانوني وهذا الخبير يقوم بعمل منهج مختصر عن القانون يتم شرحه في محاضرات في الموقع نفسه ويكون للموظفين وحتى للعامه لان هذه جهات خدماتيه
ومثل ادارات المرور دايما عندهم تعينات وتنقلات فا الموظف يدخل هذه المحاضرات واتم تهيئته قبل لا يباشر مهام وظيفته ويلم بها نقول 60٪ والباقي 40٪ نتركها للمارسه .

الحل بسيييط مثل ماذكرت
بس من اللي يطبقه :telephone:
للاسف

[مضارب دوسري]

صح لسانك
اوافقك بكل كلمة


كلام صحيح وانا عانيت من هالفئات وايد وبالاخص كيوتل والمرور :)


وفي بعد غيرهم، المسألة اصبحت فقدان الثقة، وما تتطمن الا لما تكلم المسؤول بنفسه، اما الموظفين ما تقدر تعتمد على كلامهم.

شكرا لكم :nice:

[دااانة قطر]

عن نفسي صرت مـِْ♡̨ـِْا أثق فـ♡ـي اي رد ومن اي شخص
گـِْ♡̨̐ـِْلِْ واحد أمر عليه يقول لي شي مختلف وللأسف تدور فـ♡ـي نفس المكان

الّلَھّ* المستعان
المشكلة لاطلبت خدمة من جهة حكومية ويعطونهك غيرها

[مضارب دوسري]

عن نفسي صرت مـِْ♡̨ـِْا أثق فـ♡ـي اي رد ومن اي شخص
گـِْ♡̨̐ـِْلِْ واحد أمر عليه يقول لي شي مختلف وللأسف تدور فـ♡ـي نفس المكان

الّلَھّ* المستعان
المشكلة لاطلبت خدمة من جهة حكومية ويعطونهك غيرها

اي والله مانقدر ناخذ بكلام الموظف الا لين نتاكد من مديره

[qatarman8008]

المشكلة الحقيقية.. هي اننا ناخذ المعلومات من غير مصدرها..
المصدر الحقيقي والوحيد لاي معلومة او قانون.. هي وثيقة او مستند وليس كلام وتصريحات..
المفروض ادارة المرور تنزل تعميم عن درجة المخفي المسموح به.. 10% مثلا..
خلاص الكل يلتزم فيه.. ما يقدر شرطي او ضابط يقول لك اي كلام يخالف ذلك..
البنوك او شركات الاتصالات.. اذا قال لك القانون والقانون.. قول له رويني نسخة من بوليصة القانون..
المفروض كل موضف منهم يكون عنده نسخة من بوليصة القوانين والاجراءات يقدر يثبت لك صحة كلامه..