بخصوص الوارد الامريكي وفرقه عن الخليجي

[H H]

السلام عليكم

يااخوان انا ناوي اشتري لكزس وارد امريكا صالون والشباب قالولي ان الامريكي يختلف عن الخليجي
وان قطع غياره ماتلقاها لانها مختلفه عن الخليجي وان الحراره ترتفع لانها فتحه وحدة والخليجي فتحتين

ومن هالسواليف الي ماتخلص بس كله كلام مجالس فودي اعرف الصحيح !!

هل الامريكي بهالسوء الي يتكلمون عنه والا مجرد اشاعات تناقلتها الاجيال لين وصلت عندي

وهل الوكالة تصلح الوارد الامريكي والا تقولك مانقدر ويصرفونك؟ وهل قطع غياره متوفره هنا؟
والحراره ترتفع ؟ واذا بغيت اغير الريديتر لخليجي هل ينفع ؟ ويكلف واجد والا شلون؟



يعطيكم العافيه مقدماً

[الـخـور]

المواتر اليابانية خذ وارد الخليجي احسن لك طبعا

لان الوراد الامريكي الراديو يختلف تردداته والنفيجشن مابيشتغل معاك غير هذا الياباني يطلع غالي لو جبته من امريكا يعني ماراح توفر شي
حتى لو جيت بتبيعه مايجيب سعر مضبوط

احسن شي تاخذ من الدوحة وانت مرتاح

[وحيد-الشوق]

المواتر اليابانية خذ وارد الخليجي احسن لك طبعا

لان الوراد الامريكي الراديو يختلف تردداته والنفيجشن مابيشتغل معاك غير هذا الياباني يطلع غالي لو جبته من امريكا يعني ماراح توفر شي
حتى لو جيت بتبيعه مايجيب سعر مضبوط

احسن شي تاخذ من الدوحة وانت مرتاح

كنت بقولك الي قاله لك اخوي الخور

[تراب قطر]

المواتر اليابانية خذ وارد الخليجي احسن لك طبعا

لان الوراد الامريكي الراديو يختلف تردداته والنفيجشن مابيشتغل معاك غير هذا الياباني يطلع غالي لو جبته من امريكا يعني ماراح توفر شي
حتى لو جيت بتبيعه مايجيب سعر مضبوط

احسن شي تاخذ من الدوحة وانت مرتاح

بالضبط بيض الله ويهك يالخور

كلامك سليم 100%

اضيف على كلامك , قطع الغيار هي نفسها متوفره واللهم مواصفات ولاية كاليفورنيا ابعد لانه نظامة يحافظ على البيئة ومختلف عن الخليجي في شغلات وايد

[قطري92]

انا ماجوف في فرق الا في الياباني.. قطع الغيار نفس الشي بس طبعا في منهم بالطلب خصوصا اذا الموتر وارد امريكا
بخصوص الراديتر ماجوف ان في اختلاف. بس يمكن في اختلاف في مواتر اليابانيه..
بختصار ان المواتر القديمه بدون نفيقيشن وفيها اقل تكنولوجيا ماجوف في فرق

[H H]

طيب واذا كان الفرق فالسعر صافي فوق ال15 الف ريال, وش تنصحون؟ اخذه والا ادور عالخليجي؟

[نسيم الغربي]

ماتسوى عليك ها ١٥ الف الي بتوفرها

لو بتوفر ٥٠ الف وفوق بقول تسوى شوي ولا ٧٠ الف وفوق

لاكن على ١٥ الف بتاخذ وارد اميركا ماتسوى عليك

[نيساني]

شوف اخوي 15 الف والله ماتسوى لو اكثر من 30 الف معليه مع اني ما انصحك بالنسبه للياباني

ووقت البيع صدقني ماراح ينباع بسهوله وبتوسوس اذا ارتفعت الحراره عندك اوتغيرت الحنه بتكره الموتر وتطلع عليك اكثر من بيع السوق

انا بعت لكزس التشكيله القديمه والموتر وارد صدقني تعذبت في بيعته!!!

تحياتي لك

[الـخـور]

ال ١٥ الف بتخسرها عقب لين نويت تبيع الموتر لان وارد امريكي غير مرغوب

[فيصـــل]

والله على حسب الموتر ياخوي لكن اغلب الفرق يكون فالنافيقيشن والراديو على حد علمي

واللكزس لاحظت انه رخيص وارد امريكا ( يالذات الفورويل ) فالافضل انك تتاكد اذا فيه اي اختلاف فالمحرك من ناحية الراديتر.. لكن لو بتجيب الموتر من ولاية حاره مثل تكساس باذن الله ماعليك خوف ..

ربعنا بالهبل اللي موادرهم وارد واخص بالذكر السبورت ومايعانون من شي الا موضوع الراديو

وانت تقول لو الفرق فوق ال١٥ الف، اعمل حسابك انك بتفع ٥٪ من سعر الموتر كضرايب لما يوصل الموتر عندنا.. وغير هذا بتدفع الشحن وهذا يعتمد على الولايه اللي فيها الموتر ،، وبيكلفك فحدوح ٢٠ الف زياده ولا ناقصه

فاحيانا تشوف الموتر رخيص جدا فامريكا ،، لكن لما تطلبه ويوصل وتدفع كل هالتكاليف بيقارب سعره سعر قطر نوعا ما ( على حسب الموتر طبعا )

[R 7 A L]

لي سنين في امريكا
وعندي فلوس
كنت افكر اشتري سيارات انواع واشكال من امريكا
بس بعد ماعرفت الكثير من الفوارق وان الناس راح تكتشفها
عندك على سبيل المثال
الجموس القديمة الشكل القديمة من 1987 ونازل وزن الشاصي يختلف عن مواصفات الخليج
والي يبي يتأكد من كلامي يجيب سيارتين وحدة مواصفات الخليج والثانية مواصفات امريكا ويشوف وزن الشاصي والاختلاف بينهم
حتى ان اكثر من يقومون بتصدير جموس قديمة ويغيرون شكلها وقيورها من اوتوماتيك الى عادي ويغيرون بلوط الرنقات وعددها ينكشف امرهم عن طريق الشاصي و وزنه



نصيحة اخوية ابتعد فالمسألة ماتستاهل تشتري من امريكا

[ابومبارك]

مايسوى عليك الـ 15 الف لاراح تقدم ولا تأخر
خلك على وارد الدوحه احسن لك

[Qt.1]

انا اللحين كملت 4 سنوات في امريكا وماتم موتر ماجربته وانا والربع والاماشريناه ، الي يفرق معاك النافقيشن والراديو وكلهم تقدر اتبرمجهم ، والي
ايقولك القير غير ومادري شنو خذها مني ضمان هم نفس الشي ، لكن المشكله في البيع عقب في ناس ماتحب تشتري وارد امريكا ، وانا اشوف الفرق اصلا مايسوى 15 الف لاتذكر اخوي ولاتسوى خذ من اهني ابرك لك ، هذا رايي والله ايوفقك

[الشامخ]

لي سنين في امريكا
وعندي فلوس
كنت افكر اشتري سيارات انواع واشكال من امريكا
بس بعد ماعرفت الكثير من الفوارق وان الناس راح تكتشفها
عندك على سبيل المثال
الجموس القديمة الشكل القديمة من 1987 ونازل وزن الشاصي يختلف عن مواصفات الخليج
والي يبي يتأكد من كلامي يجيب سيارتين وحدة مواصفات الخليج والثانية مواصفات امريكا ويشوف وزن الشاصي والاختلاف بينهم
حتى ان اكثر من يقومون بتصدير جموس قديمة ويغيرون شكلها وقيورها من اوتوماتيك الى عادي ويغيرون بلوط الرنقات وعددها ينكشف امرهم عن طريق الشاصي و وزنه


ي
نصيحة اخوية ابتعد فالمسألة ماتستاهل تشتري من امريكا


اخوي رحال وشهو الفرق بين جموس امريكا والخليج ؟

وسمعت انك ممكن تاخذ هيكل جمس قديم لكن القير والمكينة والمكيف والدفريشنات والطبلون كلها لمديل جديد

[al-obaidly]

بس الراديو والخرايط فرق وتقدر اتسويه في الشارقه ب 2500 والعداد تسويه ب1500

[كربيتر كام]

النفقيشن يشتغل بس لازم تغير الخرايط تكون للخليج والعداد احينا يكون بس بالميل تقدر تغيره بالبرمجه بالعدادات الاكترونيه مثل الالماني وبعض الياباني وفي مواتر الحراره فيها فهرنهايت ودبة الكربون تختلف وترددات الراديو تختلف وتقدر تعدلها واتحصل اسطاب ازياده برتقالي للضباب وقطع الغيار متوفره لان نفسها مافي فرق