جني" ينشئ حساباً في "تويتر"

[القطري111]

قبل يومين فقط دشنت "بوابة الشرق" مبادرة فريدة من نوعها في الشرق الأوسط والعالم أطلقت عليها "أخلاقيات تويتر" وهي ميثاق شرف لكل مستخدمي تويتر، تقوم المبادرة على الصدق والامانة والاحترام المتبادل بين كافة أطياف المستخدمين للموقع لخلق جو إعلامي جديد هادف وبناء.

لم يجف الحبر الذي كتبت به هذه المبادرة الخلاقة حتى ظهر حساب جديد على تويتر يحمل إسم "انا جني حقيقي" يقول صاحبه: أنا جني حقيقي أخ لبني البشر ومسالم لا أحب إيذاء أحد وأحب الإختلاط مع البشر والتعرف على طباعهم، وأسكن في بيت مهجور بالسعودية".

لم يكتفي "انا جني حقيقي" بهذا القدر فحسب بل ذهب إلى أبعد من ذلك عندما كتب تغريدة يقول فيها "إلى جميع البشر أنا جني حقيقي ستخدم تويتر، ربما إعتقد البعض إني من البشر.. فالحقيقة أنا جني .. وبالمستقبل القريب سترون العجائب على حسابي.

وأيضاً قام "انا جني حقيقي" بتهديد أحدي المتداخلين معه وهو يحمل إسماً مستعاراً، فذكر له أسمه رباعياً ومكان سكنه حيث ذكر له اسم المدينة والحي الذي يسكن فيه.. فأستعاذ صاحب الإسم المستعار واستغرب سائلا كيف عرفت إسمي، حيث قال :"أعوذ بكلمات الله التامات من شر ما خلق.. بسم الله ولا آله إلا الله .. كيف عرفت اسمي" ...

ومازال "انا جني حقيقي" يواصل التغريد على تويتر حتي لحظة كتابة هذه السطور .


منقول جريدة الشرق

[عضوو]

الجن لايعلمون الغيب وهم يخافون من البشر وغير مسلطين ولو كانوا يعلمون الغيب

لأكتشفوا وفاة نبي الله سليمان عليه السلام عندما فاضت روحه وهو متكئ على عصاه

سنين طويله ولم يكتشفوا سوى عندما أكلت دودة الأرض العصى وسقط عليه السلام

لأن الأرض لاتأكل أجسام الأنبياء فلو كانوا يعلمون الغيب لعلموا بموته وخلصوا أنفسهم

من العمل لنبي الله

في أعتقادي ان صاحب الحساب ربما يكون كاهن والكهنه هم من يتعاملون مع الجن

ومايقومون به هو ان يقوم الكاهن بسؤال الجن والجن يقومون بسؤال قرين الأنسان

ويخبرهم بأي معلومه يريدها ولكن من يقرأ المعوذات لايستطيع الجن ان يقربوه بتاتا

أو ان صاحب الحساب هو من يراسل نفسه من حساب آخر لأيهام الناس كما حدث

[<اضرب واشرد>]

شالخرابيط ياجريدة الشرق

[Aaziz]

السؤال المهم ،، هل الجني يحرق و يغلط في الاملاء


اقول يا جريده الشرق ،، بلا عبط ،، سوو دعايه لمبادرتكم بدون سوالف مراهقين

[qatara]

جرايدنا لايعلى عليها لاخبار الرياضه

[<اضرب واشرد>]

في أعتقادي ان صاحب الحساب ربما يكون كاهن والكهنه هم من يتعاملون مع الجن



لا كاهن ولا شي

شاب صغير وحب يسوي له جو

قبل 10 سنين كانوا في الشاتات ( الدردشات ) والحين تويتر

تلقاه متفق مع رفيجه على سالفة الاسم

أو داخل بحسابين

https://twitter.com/_2017_

بس المشكلة راعية ميثاق الشرف تسوق لكلام فاضي
مع احترامي للجريدة

[<اضرب واشرد>]

حاس أن شكلي بايخ لأني مطول الكلام في موضوع سخيف

بس اخذوا :


https://pbs.twimg.com/media/BL3rGGTCEAAgi4e.jpg:large

[Aaziz]

اضرب و اشرد

انت متخيل معنى ان جريده تطرح مثل هذي الاخبار و المفروض انها تعنى بتثقيف القاريء جعله على اطلاع على كل جديد فيما يدور حوله في هذا الكوكب.

عليه العوض و منوووه العوض

[fhd4]

هالجني مب محتاج احد يقرأ عليه … بس صكوه بـ سبام تحصله اختفى في يومين


أما الجريدة … فلا تعليق …

[قطريه22]

هههههههههههههههههههههههههههه فشلونا هالجرايد

[sweet qatar]

الحين الجني محتاج تويت ؟؟ .. هو اذا بغى يكلم حد وصله أسرع من التغريدة..

ودي بس أفهم العلاقة بين مبادرة الشرق والجني..؟؟

[R 7 A L]

اشهد انه فاضي

مضيع وقته وقاعد يرد على نفسه

[شبح الصمت]

عيب على الجرائد انها تنشر مثل هالخبر

هالخبر مثل تسويق للدجال الي داخل بنك الجني

تدرون شلي بيصير الحين !!!

الحين الله يسلمكم راح الي في قلوبهم قلة ايمان وضعف يضيفون هالانسان ورآح يستغل هالفئات وهي الكثيرة من النساء ..

والناس الي ردوا عليه اتحداكم ربعه شيء ما يدخل العقل

حدث العاقل بما يعقل

اتمنى انه يتم حذفه من التويتر وان يتم اصلا القبض عليه لانه مثل هالاشكال دجال والله يعين النفوس الضعيفة الحين الي بتحاول تعرف عن نفسها ..

استغفر الله العظيم

اللهم لا تؤاخذنا بما فعل السفهاء منا

[بونووف]

شهالجني اللي حاط صورة زومبي هههه صج في ناس فاضيه

[بونووف]

وطبعا مافي افضى من جريدة الشرق اللي حطت هالخبر العجيب

[شبح الصمت]

انزين يالربع الحين يبدا الاكشن

ممكن احد يضيفه ويدعوه للاقامة في منتدى الاسهم القطرية

نبي نضحك اشوي نفرفش معاه شكله نكته

ونبي نعرف نوع جواله سامسونج والا الاي فون 5

يعني نستفيد منه يمكن واحد متملل وما يحصل احد يلطش فيه ندخل عليه ونفتح له قسم اسمه اضحك مع الجني

لا من بين ردوده يكتب ههههههه

حسبي الله ونعم الوكيل فيه

[ضوى]

ومازالت سقطات صحفنا المحلية تتوالى

[R 7 A L]

عيب على الجرائد انها تنشر مثل هالخبر

هالخبر مثل تسويق للدجال الي داخل بنك الجني

تدرون شلي بيصير الحين !!!

الحين الله يسلمكم راح الي في قلوبهم قلة ايمان وضعف يضيفون هالانسان ورآح يستغل هالفئات وهي الكثيرة من النساء ..

والناس الي ردوا عليه اتحداكم ربعه شيء ما يدخل العقل

حدث العاقل بما يعقل

اتمنى انه يتم حذفه من التويتر وان يتم اصلا القبض عليه لانه مثل هالاشكال دجال والله يعين النفوس الضعيفة الحين الي بتحاول تعرف عن نفسها ..

استغفر الله العظيم

اللهم لا تؤاخذنا بما فعل السفهاء منا



تدري شالعيب

العيب على جرايدنا انها توظف مثل النوعيه الي الاعلام في صوب وهم في صوب

على شان عندهم شهادات اعلام وظفوهم


بعضهم شهادات اعلام واهم والله مايعرفون اي شي عن الاعلام الا مسمى اعلام فقط

[العلم]

شبح شقاعد تقول :eek5:
:anger1:..




الصراحة الجريدة مالها حل .. بس اتوقع هذا شيء عادي وهذا سستمهم لأن الجرايد ماتنشر كل شيء موثق بس ..

[بو خليفه 123]

جريدة الشرق Report SPAM

[شبح الصمت]

تدري شالعيب

العيب على جرايدنا انها توظف مثل النوعيه الي الاعلام في صوب وهم في صوب

على شان عندهم شهادات اعلام وظفوهم


بعضهم شهادات اعلام واهم والله مايعرفون اي شي عن الاعلام الا مسمى اعلام فقط



يا رجال الاعلامي البعض
بس يطرشونه يجهز له كمن كلمة
عنده مسجل الحين مسهله عليهم
كاميرته في يده

ياخي الحين مش اهم يتسابقون على الاخبار يدشون النت يسوون بحث قوقل يشوف هل هالخبر نزل ما نزل ان ما نزل نزله ..

الشره على قسم التحرير الي يحرر مثل هالاخبار الفاشله

ترى اهم يشوفونا الحين ونقولهم صباح التررلي


شبح شقاعد تقول :eek5:
:anger1:..




الصراحة الجريدة مالها حل .. بس اتوقع هذا شيء عادي وهذا سستمهم لأن الجرايد ماتنشر كل شيء موثق بس ..




عندي ردين يالوحش اي رد فيهم لاجل اعرف ارد عليك
:discuss:

[العلم]

يوم تقول نستضيفه ..:shy:

[شبح الصمت]

يوم تقول نستضيفه ..:shy:




اقول بعد دامه قاعد يناقز في تويتر
ويمكن أشوي نشوفه مسوي له صفحة في الانستغرام وصور عبط

:secret:

[العلم]

بضيفه وبدز له هالصورة ..

http://i.imgur.com/Haqcj7U.jpg

[شبح الصمت]

بضيفه وبدز له هالصورة ..

http://i.imgur.com/haqcj7u.jpg




يارجال اشكره دجآل واضح واضح

شفت الي ضايفينه كم !!

صدقني هذه احتيال ونصب وتلاعب على الناس ضعفاء الأيمان

اتمنى اتمنى انه يتم القبض عليه وين ما كان

[QATAR505]

بس خاطري اعرف شنو جواله اي فون او جالكسي واذا حد ايعرف البن كود يمكن عنده بلاك بيري qجني تحياتي

[ضوى]

هذا مثله مثل المسيخ الدجال يملك مهارات ليفتن فيها ضعاف الايمان

[مساهمة بسFresh]

في نظري
مايصدق هالخزعبلات ويتفاعل معاها الا ضعاف العقول:)

[قطريه22]

اشهالجني الي عرف حق تويتر وانا ماعرف

[شبح الصمت]

في نظري
مايصدق هالخزعبلات ويتفاهل معاها الا ضعاف العقول:)




اهوو يبي ذولي ضعفاء النفوس وبالاصح الي ايمانهم ضعيف ..

يصيدهم يدخل عليهم خاص يكلمهم يطلبون منه طلب يطلب منهم فلوس حط له ناس معاه في السالفه يدخلون عليه ويرد عليهم بالفيت انه يعرفهم يعني سالفة دجل ونصب بالاصح نصب عيني عينج

العالم تفتح عيونها بس في ناس الي قلوبهم ضعيفه وايمانهم ضعيف يلجأون لمثل هالاشكال الي تستاهل الاعدام الاعدام الاعدام

[محمد]

قسم بالله ان صحيفة تضع مثل هالخبر رئيس تحريرها ما يستحق يشتغل حتى سكيورتي في الجريدة !!

استح شوي !!

[تحداني]

في رابط حقيقي ما بين هالجني وجريده الشرق
يكفي انه شارك هاشتاق يتعلق بهم
خلوه يسرح ويمرح يسوي جو

انتوا لو تاخذون لفه سريعه على العالم السعودي في توتير
بعضكم يمكن ما ينام يومين من الضحك
والبعض الاخر تلقونه قرع من الدهشه

ايش الرابط بين القرعه والدهشه ؟؟
فكر فيها عزيزي المشاهد

جملكم الله برضاه

[ام السعف]

قمة التفاهة هالخبر

جني وحاط صورة زومبي ؟

فشلونا جرايدنا :(

[القبطان سلفر]

قسم بالله ان صحيفة تضع مثل هالخبر رئيس تحريرها ما يستحق يشتغل حتى سكيورتي في الجريدة !!

استح شوي !!



ههههههههههه وجهة نظر منطقية .

[تحداني]

قمة التفاهة هالخبر

جني وحاط صورة زومبي ؟

فشلونا جرايدنا :(



ساعات الاشياء التافهه تستوقف المشاهد والقارئ والعابر والامفهي
ففي التافهه عبره قلما تجدينها في الاشياء الاساسيه
هذا التافهه يقدر يحقق اهداف وطنيه سياسيه مطبخيه لايمكن تتخيلينها



صباحك سوكر يا سوكر

[غير البشر]

هههههههههههههههههههه يحليله الجني كيوووت :shy:

يقول اوووووووووووف هههههههاي

[غير البشر]

تدري شالعيب

العيب على جرايدنا انها توظف مثل النوعيه الي الاعلام في صوب وهم في صوب

على شان عندهم شهادات اعلام وظفوهم


بعضهم شهادات اعلام واهم والله مايعرفون اي شي عن الاعلام الا مسمى اعلام فقط


اخوي رحال تدري انهم صحفيين جرايدنا معظمهم مرتزقة
تقدر عادي يحطونك كل يوم بالجريده ويرفعونك فووووق
كلهم مصلحه وحياييس
وتأليف ومافوقك فووووووق وتعيش ملك

[غير البشر]

هذا مثله مثل المسيخ الدجال يملك مهارات ليفتن فيها ضعاف الايمان


من صجج ضوى يفتن
شوفيه اسلوبه ركيك واااايد
يعني الجرديه يوم حاطوه ماشافو الاسلووووب
اتوقع عمره مايتعدى 16 سنه

[شبح الصمت]

من صجج ضوى يفتن
شوفيه اسلوبه ركيك واااايد
يعني الجرديه يوم حاطوه ماشافو الاسلووووب
اتوقع عمره مايتعدى 16 سنه




الجرديه عيل

:secret:

سجل عندك الجني الحين بيصيد عليك الحرقه وبيعدلها لك اشوي يطلع لنا مصصح لغة عربية

اقول اسكت لا يدش علينا ويهددنا انه يقلبنا ارانب بيوت
هههههههههههههههههههههههههههاي

[العلم]

الجرديه عيل

:secret:

سجل عندك الجني الحين بيصيد عليك الحرقه وبيعدلها لك اشوي يطلع لنا مصصح لغة عربية

اقول اسكت لا يدش علينا ويهددنا انه يقلبنا ارانب بيوت
هههههههههههههههههههههههههههاي

:weeping::weeping::weeping:
عالأقل ذيابه :weeping:

[OutLaw]

احيانا نحتاج اشخاص نقزر عليهم الوقت .. ويضحكونا
لكن جريده مثل الشرق تكتب عنه وتنقل تعليقاته هذا الشي الي فعلا يعتبر تافهه .

[ام السعف]

ساعات الاشياء التافهه تستوقف المشاهد والقارئ والعابر والامفهي
ففي التافهه عبره قلما تجدينها في الاشياء الاساسيه
هذا التافهه يقدر يحقق اهداف وطنيه سياسيه مطبخيه لايمكن تتخيلينها



صباحك سوكر يا سوكر

ما اتكلم عن الجني التوتري
اتكلم عن نقل السالفة في الجريدة وان الجني عرف اسم اللي تحداه


نفس ولدي يقول لي امس ان هو وخاله في لعبة اللي على الايباد واسمها
clash of clan
يقول في اللعبة هناك مجموعات حسب رنج اللاعب او تطوره
وفي كل مجموعة 50 لاعب تقريبا ،، فخاله يحاول يتعلم انجليزي
بشكل اكبر علشان يتكلم معاهم ،،

يقول كنت عند خالي لما كلمه واحد واسئله من وين انت قال من قطر
قال له انت في فريج الريان ؟ قال له اشمعنى ؟
قال له لأن الريان الفريق المنافس للسد واخوي سداوي قال له
بس الريان اسم منطقة في قطر وماله خص في الاندية
قال له انت في الفريج الفلاني وعطاه اسم الفريج ،،
قالوا له اشلون عرفت رد عليهم توفيق في الحظ ،،

قلت حق ولدي كذاب اللي قال لك انه ضربة حظ احتمال يعرف خالك
قال لي لا هو من امريكا ،، قلت له لا يعني انه يقول انه من امريكا
فهو من امريكا هذا اولا ،، ثانيا وان كان من امريكا
انتوا مفعلين خاصية تحديد المكان في الايباد ولا مسكرينها ؟
فاحتمال بعد اللعبة تعطي موقعك بالضبط ،،

فطلعوا الجن في كل مكان مب بس في توتر دام ان الواحد
مني والدري يعرف يحدد المنطقة والاسم :omen2:

[نوفة قطر]

هههههه والجريده مالقوا الا هالخبر ؟