استفسار بخصوص بلاط الحوووش

[برنس قطر]

سلام عليكم اخواني خواتي
ممكن اعرف بواقع تجربه
عن لافضل البلاط الحوش؟
هل تنصحوني في انتر لوك او بلاط شعبي او .....؟
اريد 670متر

[شموخ دائم]

,

,


مرحبا


الله يعطيك العافيه

يقولون اذا تبي تحير انسان خيره

والخيارات كثيره وتزيد معاها الحيره

:)

المسئله الان مسئله ذوق وراحه نفسيه
انت ترتاح الى اي نوع او تحب اي نوع

الشي الثاني
كل نوع وله ميزه

البلاط العادي الشعبي ( انظف ) والتراب ما يمسك فيه
واذا مسك فيه نغسله او نرش عليه ماي يرجع نظيف ويفتح النفس
ومن سلبياته ممكن ينكسر مع الوقت خاصه مكان دخول وخروج السيارات
اذا مو معمول له خرسانه تحته
مشكله البلاط الشعبي انه ( شعبي )
هههه
يعني مو فخم


الانترلوك يغبر ويتغير لونه وحتى مع الغسيل مايرجع نظيف للاسف
ولكن فيه ميزه جميله انه ممكن ينفك ويرجع يتركب
لو حفرت بالحوش لوايرات او بيبات ممكن نفك البلاطات ونرجعها من جديد بدون ما تنكسر
وقوي جدا للسياره ويتحمل وزنها

والخيار الان لك
:)

انا مركب بلاط عادي لاني احب اغسله كل اسبوعين
ماحب الغبار
:)

عندي بيت ثاني مركب فيه انترلوك
لانه للايجار والانترلوك يعمر كثير ويعاد فكه وتركيبه
لو عملنا صيانه

,

,


اخوك


شموخ دائم

[مضارب دوسري]

ابتعد من الانتر لوك
خذ اي شي غيره
روح نابينا والضحى وبيت الاحساء والمحل اللي جنبه

وان شاء الله تلاقي اللي يعجبك

[الـخـور]

ركز على الحجم الكبير لان من تجربة الانترلوك والبلاط الاصغير يتغير مع الشمس ويتحرك من مكانه

[حمد بن سعد]

روح عند محل ارام الي في المطار عنده بلاط حوش اسباني مخلوط مع حديد صلابه ونوعيه ممتازه مركبه للحوش من اربع اشهور والحمدالله

أهــم شــي التركيب يكون صحيح .

والله يوفقنا وياكم

[jassim69]

توني ماخذ بلاط كسر رخام احمر من عند مركز الرخام والجر أنيت في الصناعية المتر على ٤٢ مع توصيل

[برنس قطر]

حيران ايش اركب اي بلاط افضل

[اللوز]

ولا تحتار ولا شي
ركب بلاط شعبي 3 سم اماراتي من محل بيت الاحساء في طريق سلوى
واهم شي مكان السيارات صبية ولا تنسى فواصل التمدد

[الواافي]

ركب بلاط كسر رخام افضل من انتر لوك

[ولد المنصور]

بلاط شعبي الحجم الكبير وفيه منه الاوان ...