كوره كوفي

[Rider]

انا مب من النوع الي يكتب بشكل دائما في المنتدى ولكن متابع لكن ياجماعه شدني كوره كوفي الي في السد جنب العربية للعود وطبعا هذا الكوفي يقدم الشيشه والحين صار له مدخل خاص للعائلات من جهة العربية للعود والله ياجماعه الي يحزني منظر البنات الي يدخلون هذا الكوفي بشكل كبير لي الدريول ينزلها والي مع صديقاتها والحد قول مب قطريات نعم فيه جنسيات عربية يدخلون لكن الي يهموني بنت بلادي معقوله وصل الحال فيكم لدرجة الشيشه للاسف شي محزن ومؤسف بنت تصل حق هاذي المرحله شنو الشي الي تبغي تثبته لكن الشرهه مب عليها في النهاية مرأة اذا ماكان وراها رجال سؤ اب زوج اخ توقع كل شي منها لكن مهما سوت المرأة لن تكون رجل

وانا اسف يمكن الموضوع مب مرتب لكن من الحره الي فيني

[ام السعف]

ازعل وتكلم ولا تخلي شي في خاطرك

واهتم في هل بيتك واعتني فيهم وخلك خوش سند وعون لهم
وادعي للعالم بالهداية وربك كريم ما ينسى عبده الشاكر العابد ،

[dm styal]

هذا من زود التربية الجديدة كل وحده ساقت قامت تطلع مثل الشباب مع ربعها لين 10 أو 11 أو12 باليل من غير سبب تدور مع ربعها شوي توسع عن صدرها عادي واثقين من بنتهم تروح المجمعات مع ربعها والقهاوي لكـــــــــــــن سؤالي وين ابوها واخوانها الي محسبوين ريايل في البيت يعني مايدرون وين تروح وتجي ؟؟؟!
اخوي هذه التربية الحديثة عشان مانسبب عقدة نفسية للبنت لا وتلاحظ البنات والجنس الناعم يقعدون في الاماكن العامة مكان الريايل لا حيا ولامستحا ! تحضر .امحق تحضر اقول .

[ضوى]

يعني ياخوي تقول مكان للعايلات وهذا كافيه وين المشكلة ؟

[dm styal]

يعني ياخوي تقول مكان للعايلات وهذا كافيه وين المشكلة ؟

هلا اختي ضوى هذا كافيه ولكن شيشه في الاصل يعني مش كوفي شوب الي تخبرينه ورا العربية للعود في السد كله شباب والعوايل قصدهم انتي فاهمه وانا فاهمة الله يستر على الجميع

[الدوحه1]

اخوي الله يهديك انت جالس تسوي دعايه للمحل؟؟

[sweet qatar]

حسبي الله ونعم الوكيل.. ذبحونا بهالشيشة..

ما داني منظر الشباب وهم يشيشون والبنات منظرهم أبشع.. الله يهدي الجميع


ياليت يمنعون الشيشة عن الجميع حفاظا على الصحة العامة

[┋أَجِوَدًيّ┋]

وخير يا طير

حسستني أن القطرية ملاك والآخريات عكس ذلك

ياخوي أصباع يدك مهب سوا

فيه الزين وفيه الشين في كل مجتمع


أمحق أم الي تروح تشيش

هذي إذا حملت بتتوحم على ريحة الدخان

وإذا ولدت بترضع ولدها ماي الشيشة

[Rider]

يعني ياخوي تقول مكان للعايلات وهذا كافيه وين المشكلة ؟

ياختي المكان في شيشه يعني مافيه كوفي غير هذا وبعدين من متى بنات قطر يقدون في كوفي

[Rider]

اخوي الله يهديك انت جالس تسوي دعايه للمحل؟؟

ليش اخوي دعاية للمحل انا اقول عن شي شفته وعن المكان علشان الناس يعرفون لي متى بندفن راسنا في التراب

[Rider]

للعلم قدام عيني ثنتين طلعوا من الكوفي ودخلوا العربية للعود رشو عليهم عطر وطلعوا وانا شايفهم وركبوا مع الدريول

[ام السعف]

للعلم قدام عيني ثنتين طلعوا من الكوفي ودخلوا العربية للعود رشو عليهم عطر وطلعوا وانا شايفهم وركبوا مع الدريول

انزين ماعليك منهم واطلب لهم الهداية وادبر عن المكان

لانك بتتعب ويمكن مع الايام تتعادى منهم ويصير عادي في عرفك
ان الوحدة تدخل تشيش وتتعطر ،،

اقول يمكن ،، فعلشان ما تبتلي غض النظر وادعي لهم بالهداية
والصلاح فربك قادر على كل شي ،،

[Rider]

الله يهدي الجميع بس والله من القهر من يرضى بالاشياء تصير في بلادنا

[باراكودا]

ليش اخوي دعاية للمحل انا اقول عن شي شفته وعن المكان علشان الناس يعرفون لي متى بندفن راسنا في التراب

فتحت عيون القطة المغمضة .

[نسيم الغربي]

الشرهه على راعيها عبالة دخلها حلال ،،، وهو الي يحث البنات انهم يجون فاتح لهم مكان للبنات وحاط تموية للعايلات فقط ،،، حسبي الله علية فوق انة ينزل شيش للشباب وحرام بعد بنات ،،، الله يعينة على نفسة صراحة وين ربي يوفقة

[لولو2022]

والدوله وين موقفها من هالاماكن
يجون حزب اللات ويفتحون الي يبونه من اماكن الفساد
والمطلوب منا ندعيلهم بالهدايه ، وين البلديه
ندخل محل المكب نلقى لبنانين يمكيجون البنات وحنا لازم نتفرج وندعيلهم بالهدايه
وبعدين وينكم يا شباب
والله لو كنا في السعوديه كان شفتو شبابهم اشسوو
اقلها يدخل واحد المحل ويكسر محله علشان يعرف وين يفتح هالاماكن
بسكم خضوع وذل غض البصر ودعولهم
لازم تكون فيه يد قويه توقفهم عند حدهم
من ناطرين ينزل الوحي يفهمهم الهدايه بس شي يقهر تعبنا وحنا نتفرج

[بصمة قطرية]

الحمدلله الذي عافانا مما إبتلاهم ..
الله يحفظ عيالنا و عيال المسلمين
و لا يبلينا ..
اللي وراها رجال م بتنجرأ توطوط صوب هالأماكن ..!!
لكن العتب واللوم على اللي ما يدرون عن بناتهم و حريمهم ..

[CH Engineer]

هالشيشه الطابق الاول للشباب والطابق الثاني للبنات
مافي عائله تروح تشيش ولكن من باب الذوق كاتبين قسم العائلات
الي يبي يطلع او الي تبي تروح تشيش الطابق الثاني جاهز لهم
المصري كل دقيقه طالع لهم وهم قالبينها مصخره فوق
وقبل سنتين تقريبا بنات متهاوشين وجابوا لهم الشرطه
اتوقع بويات متهاوشين على بنت مافهمت الموضوع عدل بس تبي تسمع السوالف ضبط المصري الي اهناك وبيسمعك كل شي


في بنات من جنسيه معينه لعبتهم الشيشه ويعتبر شي عادي عندهم وقعده عائليه فالبيت والامور طيبه

[العلم]

ماباقي الا يفكون الشباب عالبنات ..

حسبنا الله ونعم الوكيل ..


قال الله تعالى .. ( وَإِذَا أَرَدْنَا أَنْ نُهْلِكَ قَرْيَةً أَمَرْنَا مُتْرَفِيهَا فَفَسَقُوا فِيهَا فَحَقَّ عَلَيْهَا الْقَوْلُ فَدَمَّرْنَاهَا تَدْمِيرًا ) صدق الله العظيم .

[أبو بكر سالم]

والدوله وين موقفها من هالاماكن
يجون حزب اللات ويفتحون الي يبونه من اماكن الفساد
والمطلوب منا ندعيلهم بالهدايه ، وين البلديه
ندخل محل المكب نلقى لبنانين يمكيجون البنات وحنا لازم نتفرج وندعيلهم بالهدايه
وبعدين وينكم يا شباب
والله لو كنا في السعوديه كان شفتو شبابهم اشسوو
اقلها يدخل واحد المحل ويكسر محله علشان يعرف وين يفتح هالاماكن
بسكم خضوع وذل غض البصر ودعولهم
لازم تكون فيه يد قويه توقفهم عند حدهم
من ناطرين ينزل الوحي يفهمهم الهدايه بس شي يقهر تعبنا وحنا نتفرج

لعلمك ترا في قطر اهون انت روح هناك وشوف ماتراه عينك والله من فتره رحت جده لقيت بنات صافين عند قهوة طابور والله 2 الفجر وفي ارمضان كلمت رفيجي السعودي قلت له شسالفه يقول ناطرين اماكن تفضا وكل من يا استعبط عليهم وراح الغلط البنت تعرفه والصح تعرفه والمجتمع والبيت له دور

[Roo7MooT]

القهوة معروفة حق شباب واغلبهم ميولهم رياضية وانا منهم

حزات مباريات تخلص 1 في الليل انا طالع اجوف بنات داشات القهوة

[فراغ]

اليوم أذا على الشيشة ممكن تنبلع
الخوف تتطور الآمور لآشياء أخرى أخطر
أذا ما تطورة لين الحين
الله كريم
ضريبة حقوق المرأة
الله يرحم الشيبان
أذا زائر ولا هو أسد
اليوم أذا زائر ولا هو قطو

[عيون الدوحة]

الحين القطرية صارت مثل العربية
عادي تشوفها مع زوجها او اخوها تشيش في سوق واقف ولاغيرة

[بو سالم]

وين اللجنة الأولمبية تشتكي على أسم المكان ( ( كوره ) )

يستخدم اسم رياضي ((( إلا إذا في شيشه صحيه )))

[المريخي77]

انا مب من النوع الي يكتب بشكل دائما في المنتدى ولكن متابع لكن ياجماعه شدني كوره كوفي الي في السد جنب العربية للعود وطبعا هذا الكوفي يقدم الشيشه والحين صار له مدخل خاص للعائلات من جهة العربية للعود والله ياجماعه الي يحزني منظر البنات الي يدخلون هذا الكوفي بشكل كبير لي الدريول ينزلها والي مع صديقاتها والحد قول مب قطريات نعم فيه جنسيات عربية يدخلون لكن الي يهموني بنت بلادي معقوله وصل الحال فيكم لدرجة الشيشه للاسف شي محزن ومؤسف بنت تصل حق هاذي المرحله شنو الشي الي تبغي تثبته لكن الشرهه مب عليها في النهاية مرأة اذا ماكان وراها رجال سؤ اب زوج اخ توقع كل شي منها لكن مهما سوت المرأة لن تكون رجل

وانا اسف يمكن الموضوع مب مرتب لكن من الحره الي فيني


اخوي شكلك مب عايش بقطر.
ماجات على الكوفي اللي ذكرته
فالبنات بكتارا مع الشيشه وفي الفنادق كذلك. فالموضوع لايخص مكان واحد
والشيشه صارت عادي ياخوي
لاتعور قلبك. شوف وصد. مافي قانون يجرم الحريم يشيشون.
والعادات والتقاليد فقط للعائلات المحافظة وليست للدخيله ولابسات العبايات الزينه.
الله يستر بس

[h2004]

المؤسسة القطرية لحقوق الطفل والمرأة يجب ان ترصد تلك الظاهرة وتعمل على توعيتهم كما هو الحال عندما تتعرض المرأة لاي خطر من الرجل او المجتمع .. والا دورها فقط حماية المرأة من الرجل .. وخصوصا ان المرأة تحمل الجنين في بطنها تسعة شهور فيتأثر بغذائها ..

[بوخالد911]

يعني جاااااااااااااااااات ع هالمكان بس !!!!!!!!!!!!!!!!!!!!!!!!!!!!!!!!!!