وظيفه وظيفه ،، دوام دوام ،،،

[حمد 2002]

السلام عليكم ورحمه الله وبركاته

الموضوع يحمل العنوان التالي ،،،
(( وظيفه وظيفه ،، دوام دوام ))

الوظيفه تاخذ نص يومك ، اذا مب كله ،، وحتى لو رجعت البيت ،، تفكيرك بالدوام يجعل مزاجك متعكر طوول اليوم ،،

(( دوام بيت ، بيت دوام )) ،،، روتيييين يومي ممل ،،،

الدوام ياخذ منك صحتك ،، يومك ووقتك ،، تفكيرك ،، شبابك ،،

هل الوظيفه الحكوميه تعتبر عبوديه ، يعني تعمل وتجتهد وبالاخير الانجازات تطلع بأسم غيرك ، لامكافأت ولا شكر ولا هم يحزنون ،، مكانك سر ،،

بما الحين احنا في عام 2013 ،، ليش مايشتغل الموظف الحكومي وهو في بيته !!!!!!!!! أي نعم لاتستغربون أي في بيته ،،، وبهالحل بنغضي على الزحمه بالشوارع ،،، وبتنحل مشاكل كثيره ،،، وبيكون سبق على مستوى الوطن العربي اذا قمنا بهالشيء ،،، والحين النت ووسائل التواصل الأجتماعي سهلت هالشيء ،،، واهم شيء نكون بذلك غضينا على الروتينيه والأعتياديه بالعمل ،،،

الموضوع مفتوح للنقاش العام على مصراعيه وفقا لسياسه المنتدى وبدون الخروج عن الإطار العام للموضوع

تحيـــــــاتي للجميــــــــــــــــــع

[قطريه22]

اشكرك على هالموضوع المهم

صحيح كلامك حياتي صارت دوام بيت بيت دوام

وهالشيء اثر على صحتي وعيوني ونفسيتي بعد


لم كنت بشغلي القبلي كنت اشتغل واتعب واجتهد واذا طلع الشغل يطلع باسم المدير الي حظرته حتى كتاب شكر مافكر يكتبه لي انا مب محتاجه هالكتاب منه المهم انا اشتغل عشان اساهم في خدمة بلادي وقبل كل شيء العمل عباده ارضي ربي بشغلي وبأمانتي ومسؤوليتي في الشغل..



نسيت لارد على اخر جمله
اما بالنسبه للموظف يشتغل في بيته لا ماأيدها نهائياً
لان الشغل يوفر لك مكان يلائم طبيعة عملك بس البيت وين بتشتغل واشلون بتركز؟؟

ونفس ماقلت لك العمل عباده
اذا انت قمت وتوكلت على الله ورحت لشغلك هذي تاخذ عليها اجر لان نيتك تكون العمل لوجه الله سبحانه..

[راعي ال VXR]

التقدير عندالله ونعمل بما يرضي الله
واقتراحك غريب شوي اخوي حمد كيف يشتغل في بيته .... كل شوي ام العيال والعيال والخدامه من صوب والوالده شلون تركز وتشتغل ...والاجتماعات شلون نحضرها يعني نعزم الموظيفين في بيوتنا يبي لهم كرك والحليب بيخلص...

[ابن البيطار]

اذا في العمل وتحصل التسيب والهروب من الدوام واللا مبالاه من الكثير من الموظفين بعد تبيهم يشتغلون من بيوتهم !

[عطر فرنسي]

عيل لو تشتغل في البنوك شنو بتقول

[عذاب]

ههههههه اما الواحد يشتغل في اابيت شنوو فله . اذا كذا محد بسشتغل وكل واحد دافه خامس

[dm styal]

عاد مصختوها حتى الدوام تبونه يجيكم بالبيت كفاية طلبات خياليه كل من جيه وحط اقتراح ترى احنا مثل الاوادم بالعالم نروح الدوام ونرجع بيوتنا ليش مخلوقين من ذهب , وهل فكرت في عواقب هذا الكسل ولا تقص على روحك وتقول بتخف الزحمه الا بتزيد من كثرالعاطلين عن العمل تحصل القهاوي متروسه من هالكسالى بحجه ان قاعد يهتم بيته وعياله .

[شبح الصمت]

بتكلم عن نفسي اخوي حمد ..

اطلع من دوامي 3

ارد بيتنا اتغدى أريح لي اشوي عقب اروح التمرين ارجع اطلع هلي او اقعد فالمجلس او اسير على ربعي او اسوي اشغالي ..

في خلل في حياة هالشخص كان متزوج والا أعزب ..

اذا انت فاضي انا بقولك نصيحة
سجل في مركز قطر التطوعي وشارك معاهم متطوع الملل كله بيروح
او روح محاضرات دينية
او روح مركز شباب الدوحة


سوو لك جدول وإلا ترى بتموت من هالجدول البايخ دوام - بيت - بيت - دوام

:shy:

[رجل الجزيرة]

بتكلم عن نفسي اخوي حمد ..

اطلع من دوامي 3

ارد بيتنا اتغدى أريح لي اشوي عقب اروح التمرين ارجع اطلع هلي او اقعد فالمجلس او اسير على ربعي او اسوي اشغالي ..

في خلل في حياة هالشخص كان متزوج والا أعزب ..

اذا انت فاضي انا بقولك نصيحة
سجل في مركز قطر التطوعي وشارك معاهم متطوع الملل كله بيروح
او روح محاضرات دينية
او روح مركز شباب الدوحة


سوو لك جدول وإلا ترى بتموت من هالجدول البايخ دوام - بيت - بيت - دوام

:shy:

وانا دوامي مثل دوامك أطلع من البيت بعد الساعة 6 وأوصل البيت تقريبا 3:20

هاه ويش رأيك يا حمد؟

[بالول صغير]

احترم وجهة نظرك

حيث ان القضاه معظم شغلهم فالبيت للتجهيز للقضايا ودوامه ساعتين فالمحكمه

المهم يأدي مهمته

المقصد ان فكرتك قد تنجح في بعض الوظائف بس ما تلغي الذهاب بشكل كامل

انا اعرف ناس في ادارة التسويق في احدى الشركات الكبيرة في الدولة كل شغله يرد على ايميلات الشركات والعروض

وفي ناس شغلهم رسومات تاخذ اسبوع شغل على الكمبيوتر يعني ايش فايدتهم وهم متعطلين في الزحمة اللي تعطل عجلة الانتاج والتنمية حيث انها تلغي ساعتين من حياة الموظف

[روح الاطلس]

انا مع ان بعض الوظايف ماتتطلب رزة الحضور

بعضها مجرد وجودك في المكتب شيء شكلي وكل عملك ع الكمبيوتر

لكن لين الحين ماوصلنا لهالمرحله من التطوير

بعض الدول تدفع لك على انجازك

بالساعه ينحسب لك راتبك

بعض الموظفين بطاله مقنعه وجوده وعدمه واحد بس يسبب زحمه في الشارع والمواقف لكن مضطر يحضر

بخصوص الروتين

تقول الموظف الحكومي حياته بيت ودوام عيل موظفي القطاع الخاص شيقولون؟ عيل اشرايك بالي مايطلعون الا الساعه خمس؟؟

الحياه عمل وهذا واجبك في الحياه انك تشتغل وكل يومك دوام بس استمتع فيه بتنسى الوقت

وتوك صغير على انك تتملل من الدوام


نصيحتي لك

خل هدفك من الدوام كسب الخبره والماده اللي تساعدك تستغني عن الدوام
بمعنى لو ماعندك مصدر دخل ثاني
اجمع راتبك من دوامك لين يتكون لك راس مال حلو وافتح لك مشروع خاص وكن سيد نفسك

[حمد 2002]

اشكرك على هالموضوع المهم

صحيح كلامك حياتي صارت دوام بيت بيت دوام

وهالشيء اثر على صحتي وعيوني ونفسيتي بعد


لم كنت بشغلي القبلي كنت اشتغل واتعب واجتهد واذا طلع الشغل يطلع باسم المدير الي حظرته حتى كتاب شكر مافكر يكتبه لي انا مب محتاجه هالكتاب منه المهم انا اشتغل عشان اساهم في خدمة بلادي وقبل كل شيء العمل عباده ارضي ربي بشغلي وبأمانتي ومسؤوليتي في الشغل..



نسيت لارد على اخر جمله
اما بالنسبه للموظف يشتغل في بيته لا ماأيدها نهائياً
لان الشغل يوفر لك مكان يلائم طبيعة عملك بس البيت وين بتشتغل واشلون بتركز؟؟

ونفس ماقلت لك العمل عباده
اذا انت قمت وتوكلت على الله ورحت لشغلك هذي تاخذ عليها اجر لان نيتك تكون العمل لوجه الله سبحانه..

العفو ،، صحيح بعض المدراء مايقدرون جهد موظفينهم وقت الأنجاز المدير هو الي يطلع بالصوره ووقت المشكله الموظف المسكين هو الي يطلع بالصوره :( ،،،

اما بالنسبه للعمل عن بعد وبالبيت ، طيب عيل الحكومه معاها حق اذا منعت التعليم عن بعد وماتعترف فيييه ، لانه نفس الشيء :nice: ،،

تحياتي لج على مداخلتج الطيبه ،، :victory:

[همسه]

سمعت و العهد على الراوي ان هذا النظام في الدول المتقدمه و بعضها يداوم الموظف الى ان ينهي مهامه المطلوبه منه في الوظيفه و ينصرف مش ملزوم بساعات دوام معينه لو فكرنا فيها هو فعلا انجز المطلوب منه يعني باقي الساعات اللي بيكملها بيقعد يا يقرا جرايد يا يسولف فاضي ما عنده شغل انا عني مؤيده

ترى هذي مجرد اراء لاحد يعصب و يتشنج يعني حرية تعبير فقط من قال ان كلامنا اوامر تطبق ؟؟

:)

[حمد 2002]

التقدير عندالله ونعمل بما يرضي الله
واقتراحك غريب شوي اخوي حمد كيف يشتغل في بيته .... كل شوي ام العيال والعيال والخدامه من صوب والوالده شلون تركز وتشتغل ...والاجتماعات شلون نحضرها يعني نعزم الموظيفين في بيوتنا يبي لهم كرك والحليب بيخلص...

هلا هلا براعي الفكسار ،،،

والله ياخوك حتى الأجتماعات بأمكانها أتكون عن طريق النت ، التكنلوجيا سهلت كل شيء قدام الناس ،،،، وبالنسبه للأجتماعات المهمه جدا ، بأمكانها اتكون مره اسبوعيا بالدوام شالمشكله ؟!! ،،،

تحياتي لك يالذيب ،،، :victory:

[حمد 2002]

اذا في العمل وتحصل التسيب والهروب من الدوام واللا مبالاه من الكثير من الموظفين بعد تبيهم يشتغلون من بيوتهم !

صدقني الملتزم بيلتزم سواءا بالبيت ولا خارجه ،،

تحياتي لك يالشيخ ،،، :victory:

[حمد 2002]

عيل لو تشتغل في البنوك شنو بتقول

البنك شيء ثاني نهائيا ، انا ماتكلم عنه نهائيا لأنه في وضايف لها حالات خاااصه ،،،

تحياتي لك ،،، :victory:

[حمد 2002]

ههههههه اما الواحد يشتغل في اابيت شنوو فله . اذا كذا محد بسشتغل وكل واحد دافه خامس

هههههه ،،،

تحياتي لك :victory:

[حمد 2002]

عاد مصختوها حتى الدوام تبونه يجيكم بالبيت كفاية طلبات خياليه كل من جيه وحط اقتراح ترى احنا مثل الاوادم بالعالم نروح الدوام ونرجع بيوتنا ليش مخلوقين من ذهب , وهل فكرت في عواقب هذا الكسل ولا تقص على روحك وتقول بتخف الزحمه الا بتزيد من كثرالعاطلين عن العمل تحصل القهاوي متروسه من هالكسالى بحجه ان قاعد يهتم بيته وعياله .

لاتاخذين الموضوع من ناحيه سلبيه ياأخت دمي عنابي ، خلج دائما متفائله بالحياه ، وتوقعي الأفضل والأحسن ان شاء الله ،،،

تحياتي لج ،،،

[حمد 2002]

بتكلم عن نفسي اخوي حمد ..

اطلع من دوامي 3

ارد بيتنا اتغدى أريح لي اشوي عقب اروح التمرين ارجع اطلع هلي او اقعد فالمجلس او اسير على ربعي او اسوي اشغالي ..

في خلل في حياة هالشخص كان متزوج والا أعزب ..

اذا انت فاضي انا بقولك نصيحة
سجل في مركز قطر التطوعي وشارك معاهم متطوع الملل كله بيروح
او روح محاضرات دينية
او روح مركز شباب الدوحة


سوو لك جدول وإلا ترى بتموت من هالجدول البايخ دوام - بيت - بيت - دوام

:shy:

بس مب كل واحد متفرق ايروح الجيم = المكان الي ايتمرنون فييه ، يعني ضروف الشخص تختلف من فرد الى فرد آخررر ،،

تحيتي لك يالشيخ ،، :victory:

[حمد 2002]

وانا دوامي مثل دوامك أطلع من البيت بعد الساعة 6 وأوصل البيت تقريبا 3:20

هاه ويش رأيك يا حمد؟

:telephone:

[حمد 2002]

احترم وجهة نظرك

حيث ان القضاه معظم شغلهم فالبيت للتجهيز للقضايا ودوامه ساعتين فالمحكمه

المهم يأدي مهمته

المقصد ان فكرتك قد تنجح في بعض الوظائف بس ما تلغي الذهاب بشكل كامل

انا اعرف ناس في ادارة التسويق في احدى الشركات الكبيرة في الدولة كل شغله يرد على ايميلات الشركات والعروض

وفي ناس شغلهم رسومات تاخذ اسبوع شغل على الكمبيوتر يعني ايش فايدتهم وهم متعطلين في الزحمة اللي تعطل عجلة الانتاج والتنمية حيث انها تلغي ساعتين من حياة الموظف


صادق اخوي هالاقتراح يصلح لبعض الوضايف وليس كلها ،،

تحياتي لك يالذيب :victory:

[dm styal]

لاتاخذين الموضوع من ناحيه سلبيه ياأخت دمي عنابي ، خلج دائما متفائله بالحياه ، وتوقعي الأفضل والأحسن ان شاء الله ،،،

تحياتي لج ،،،


شكلك ماتبي تفهم الا الي انت فاهمه عيل ليش تطرح الموضوع للحوار دامك مب قد الموضوع ولا تبي تقتنع برأي الاخرين تبي بس الي يأيدك على الغلط وموضوعك له جوانب سلبية ابسطها ان نسبه الطلاق بسبه الموظف الفاشل الي لا شغلة ولا مشغلة بعد الله جابنا في الدنيا عشان نعمل مب نرقد :secret:

[رجل تعليم]

والله العظيم لو استطعت أن أحكي لكم عن عملي وظروفه وعن حجم الظلم والحيف وحتى الإهانة التي نتعرض لها لبكيتم
لا حول ولا قوة إلا بالله وحسبنا الله ونعم الوكيل

[الكنترول]

موضوع جميل ,,,

اذا الدوام الساعة 6 صباحاً ،،، لنفرض المدرس يدام من الساعة 6.45 وتكون

عنده ثلاث حصص بعد ما ينتهي منهم يطلع ويخلص باقي الشغل في البيت مثل تصحيح

تحضير وهو مبسط على راحته المهم ينجز شغلة والصباح يكون جاهزة جذيه أوكيه

وبيكون كذلك المدرسة مرتاحة وممكن يكون العمل بالتناوب مثل مصر عمل المدرس بالتناوب

مرات الصباح ومرات الظهر ،،،،

مهب وظيفة وظيفة ...دوام دوام .... على قولتك ملينا من هذا الشيء الروتيني


بوعبدالله :nice:

[ام عبدالعزيز]

((العمل عبادة))

من عمل منكم عملاً ان يتقنه.

شكرا

[حمد 2002]

انا مع ان بعض الوظايف ماتتطلب رزة الحضور

بعضها مجرد وجودك في المكتب شيء شكلي وكل عملك ع الكمبيوتر

لكن لين الحين ماوصلنا لهالمرحله من التطوير

بعض الدول تدفع لك على انجازك

بالساعه ينحسب لك راتبك

بعض الموظفين بطاله مقنعه وجوده وعدمه واحد بس يسبب زحمه في الشارع والمواقف لكن مضطر يحضر

بخصوص الروتين

تقول الموظف الحكومي حياته بيت ودوام عيل موظفي القطاع الخاص شيقولون؟ عيل اشرايك بالي مايطلعون الا الساعه خمس؟؟

الحياه عمل وهذا واجبك في الحياه انك تشتغل وكل يومك دوام بس استمتع فيه بتنسى الوقت

وتوك صغير على انك تتملل من الدوام


نصيحتي لك

خل هدفك من الدوام كسب الخبره والماده اللي تساعدك تستغني عن الدوام
بمعنى لو ماعندك مصدر دخل ثاني
اجمع راتبك من دوامك لين يتكون لك راس مال حلو وافتح لك مشروع خاص وكن سيد نفسك

هاذي هي المشاركات التي تنور الموضوع والواحد يستفيد منها الشيء الكثيررر ،،

تحيااااااااااااااااااااتي لك :victory::victory::victory:

[خليفة77]

سمعت و العهد على الراوي ان هذا النظام في الدول المتقدمه و بعضها يداوم الموظف الى ان ينهي مهامه المطلوبه منه في الوظيفه و ينصرف مش ملزوم بساعات دوام معينه لو فكرنا فيها هو فعلا انجز المطلوب منه يعني باقي الساعات اللي بيكملها بيقعد يا يقرا جرايد يا يسولف فاضي ما عنده شغل انا عني مؤيده

ترى هذي مجرد اراء لاحد يعصب و يتشنج يعني حرية تعبير فقط من قال ان كلامنا اوامر تطبق ؟؟

:)


انا اتذكر كان فيه خبر في احدى الصحف المحليه من حوالي سنه او اكثر عن تعاون المجلس الاعلى للاتصالات مع اللجنه الاولمبيه وكيوتل ( مشروع مبدئي ) تعيين حوالي 50 موظفه من اهالي المناطق الخارجيه باللجنه وكيوتل لتوظيفهم بالمنزل عن طريق المراسلات والايميلات والارشيف الالكتروني وذلك لتجربة المشروع وبعد ماينجح يمكن يتم تطبيقه ببعض الجهات ,, ومن بعد هالخبر ماسمعنا عنه شي !! ( وانا أويد ذلك المشروع الذي تم طرحه وخصوصآ للنساء ) لتشرف على ابنائها وشغلها بوقت واحد وبخصوص الاجتماعات هؤلاء الموظفين الصغار محرومون منها !!!

[حمد 2002]

انا مع ان بعض الوظايف ماتتطلب رزة الحضور

بعضها مجرد وجودك في المكتب شيء شكلي وكل عملك ع الكمبيوتر

لكن لين الحين ماوصلنا لهالمرحله من التطوير

بعض الدول تدفع لك على انجازك

بالساعه ينحسب لك راتبك

بعض الموظفين بطاله مقنعه وجوده وعدمه واحد بس يسبب زحمه في الشارع والمواقف لكن مضطر يحضر

بخصوص الروتين

تقول الموظف الحكومي حياته بيت ودوام عيل موظفي القطاع الخاص شيقولون؟ عيل اشرايك بالي مايطلعون الا الساعه خمس؟؟

الحياه عمل وهذا واجبك في الحياه انك تشتغل وكل يومك دوام بس استمتع فيه بتنسى الوقت

وتوك صغير على انك تتملل من الدوام


نصيحتي لك

خل هدفك من الدوام كسب الخبره والماده اللي تساعدك تستغني عن الدوام
بمعنى لو ماعندك مصدر دخل ثاني
اجمع راتبك من دوامك لين يتكون لك راس مال حلو وافتح لك مشروع خاص وكن سيد نفسك

هاذي هي المشاركات الي تنور الموضوع والواحد يستفيد منها الشيء الكثيررر ،،

تحيااااااااااااااااااااتي لك :victory::victory::victory:

[حمد 2002]

سمعت و العهد على الراوي ان هذا النظام في الدول المتقدمه و بعضها يداوم الموظف الى ان ينهي مهامه المطلوبه منه في الوظيفه و ينصرف مش ملزوم بساعات دوام معينه لو فكرنا فيها هو فعلا انجز المطلوب منه يعني باقي الساعات اللي بيكملها بيقعد يا يقرا جرايد يا يسولف فاضي ما عنده شغل انا عني مؤيده

ترى هذي مجرد اراء لاحد يعصب و يتشنج يعني حرية تعبير فقط من قال ان كلامنا اوامر تطبق ؟؟

:)

صاااجه يعني الواحد ايداوم 7 ساعات مثلا ، والوقت الفعلي لأنجاز العمل فقط ساعه وحده ،،،

تحياااااااتي لج وان شاء الله توصل اصواتنا للمسؤليييين ،،

[حمد 2002]

شكلك ماتبي تفهم الا الي انت فاهمه عيل ليش تطرح الموضوع للحوار دامك مب قد الموضوع ولا تبي تقتنع برأي الاخرين تبي بس الي يأيدك على الغلط وموضوعك له جوانب سلبية ابسطها ان نسبه الطلاق بسبه الموظف الفاشل الي لا شغلة ولا مشغلة بعد الله جابنا في الدنيا عشان نعمل مب نرقد :secret:

اااختي دمي عنابي انا ماذكرت بالمووضوع ان نجلس بالبيت نلعب ، انا قلت نشتغل بس عن طريق النت ،، ومااعتقد ان الموضوع هذا يتسبب بالطلاق ،، كلامج فيه مبالغه كثيره مع احترامي لج ،،،،

تحياتي لج ،، :)

[بصمة قطرية]

حمد
أقترح عليك تنزل موضوع عن العمل عن بعد :victory:

[حمد 2002]

والله العظيم لو استطعت أن أحكي لكم عن عملي وظروفه وعن حجم الظلم والحيف وحتى الإهانة التي نتعرض لها لبكيتم
لا حول ولا قوة إلا بالله وحسبنا الله ونعم الوكيل

الله المستعان ياخوووك ،،

تــــــحــــــــياتي لك ،،

[khaldoon]

والله يا اخوي كنت احب اسوي الشغل من رسائل و محاضر اجتماع و الاعمال الورقية في القهوة و انا اشيش او على اللابتوب ....ففكرتك مب مرفوضه ....لبعض الوظائف طبعا مب كلها

[نوفة قطر]

لو تخيلنا حياتنا بدون دوام ولا هدف راح تكون روتينيه اكثر وممله وقعده فالبيت بدون هدف

فالحمدلله ان عندنا وظايف نثبت من خلالها نفسنا ونترك بصمه في المجتمع حتى لو مجتمع العمل الصغير اللي حولنا

بالنسبه لفكرة العمل من المنزل على فكره هي مطروحه ^^" وقيد الدراسه حاليا في الدوله

بس طبعا مااتوقع تطبق على الجميع ... في حالات معينه و وظايف معينه

[تاسيتوس]

فكرة مبدعة لبعض الوظائف .

[مسمس12]

المفروض الواحد يسوي جدول ايرتب امورة يعني من بعد الدوام يريح ساعه عقب يروح يمشي او نادي او يودي اعياله او ايتسوق


بس عجبتني فكرة الشغل فالبيت المفروض اتطبق عالحريم يقعدون عند اعيالهم ويشتغلون طبعا مش كل الوظايف على حسب طبيعه الشغل هي اللي تفرض هالشي

[لبيبة]

استحسنت هذه الفكرة وراقت لي كثيرا، حيث انها ستوفر الكثير من الوقت والجهد والمال وستحل جزءا كبيرا من الأزمة المرورية وأزمات المواقف وتزيد في الانتاجية. كثير من الوظائف لا تتطلب وجود الموظف في مكتبه ويستطيع أداءها من منزله، لذا من الأفضل جعلها في المنزل، أما بالنسبة للاجتماعات فالنت موجود ويؤدي الغرض.

[سارآ]

انتم عندكم دوااااااااااااااااااام :omg:



























انا:shy: ما عندي 3 شهور بقعد فالبيت أروح واجي وأستأنس وأنام وأقوم الوقت اللي أبي :tease:

[qatari 111]

اقتراحك ممتاز .. ولا تنسى ان الدوله راح تلغي علاوة بدل التنقل وهذا من صالح الدوله بتوفير ميزانيتها .

[MAZEN37]

لا تعليق

[خليفة77]

اقتراحك ممتاز .. ولا تنسى ان الدوله راح تلغي علاوة بدل التنقل وهذا من صالح الدوله بتوفير ميزانيتها .


كلامك سليم وياليت يتطبق في اسرع وقت ويكون على الاقل للموظفات اللي عندهم اطفال او اصحاب المناطق الخارجيه لأن فعلآ اسمع عن معاناتهم من الشوارع الخارجيه ومع السائقين اللي مسافر واللي شارد والله يعين الموظفات خصوصآ اللي ماتسوق تكون الاولويه في الدوام المنزلي لها ولحد يزعل من كلامي لأن هي المتضرره اكثر من غيرها (بسبب ازمة السائقين ) .. او يتطبق في فترة الصيف كتجربه لجميع الموظفات اصحاب المهن الادارية .