bu 3li
05-06-2013, 03:06 PM
السلام عليكم ورحمة الله وبركاته ,,
مب عارف شلون ابدا الموضوع لاني منفعل من مواقف تكررت جدام عيني
والمشكله انه احنا اهل البلاد ولا احنا بعارفين اشلون نتصرف لانه بنطلع غلطانين فالاخير :secret:
من اسبوع بالضبط في ( مطار الدوحه الدولي ) جالس انا والمدام ناطرين الباص اللي يوصلنا لـ الطياره .. واغلب الموجودين (كالعاده) اجانب وقله من اهل الخليج وقطر .. وصادف انه جدامي واحد وزوجته من هالاجانب ويتصرفون تصرفات تخدش الحياء بدون مايحطون اعتبار حق اي حد !!! وزاد الوضع عن حده لما تكرر الموقف من اشخاص غيرهم :anger1:
يعني هالشي مب اول مره يتكرر ياما في مواقف المجمعات وفي طوابير الانتظار سواء في سينما او على الدري الكهربائي اثنين يسوون حركات مايرضاها مجتمعنا ولا حتى اشياء تستوي جدام يهال او مراهقين
لكن سؤالي هو .. شنو دور الجهات المسؤوله فالمطار من ناحية توزيع بروشورات توعويه ولا كتيبات تشرح الممنوعات في قطر او الاشياء والتصرفات المحظوره والغير اخلاقيه بالنسبه لمجتمع محافظ او حتى تعلمهم اشلون يتسترون بدال مانشوف العري اللي منتشر فكل مكان لدرجة انه صار منظر طبيعي !
والمشكله ماراح تنتهي عند المسؤولين فالمطار لانه واااااااااااايد اجانب يخالفون ويتصرفون على هواهم ( طبعاً لكثرتهم بما انهم محتلين بلادنا كـ عدد ) والكل صار يخالف بدون ماينقال لهم شي .. وكل كلمه والثانيه يقولون لنا (( كلمتوا العضيد ؟؟!! )) انا العضيد ماحتاج اتصل له يجيني المطار وطيارتي بتروح ولا احتاج اني الحق الشخص لين مايوصل العضيد ويحل مشكلته
الله يرحم ايام ماكنا نشوف افراد (( الامن الوقائي )) منتشرين فالمجمعات والاسواق والاماكن االعامه بلبس مدني وعيونهم على كل مخالف ويردعون الكل سواء قطري او غير قطري وكل همهم ان الكل يكون ملتزم .. لكن للأسف كانت لهم صلاحيه محدوده وحالياً مالهم اي وجود
ليش مانشوف افراد من الفزعه مثل ماكنا نشوفهم فالمجمعات بما انه (( السكيورتي )) مجرد شخص لا هيبه له ولا راي ولا يقدر يسوي شي .. وفالاخير هذا اجنبي ويخاف ولا يبي اي مشكله ممكن انها تكون سبب في قطع رزقه واغلب الناس مايحطون له اعتبار
موظفين حمايه معظمهم من اهل قطر او مواليد قطر .. عطوهم صلاحيات وزعوهم في كل مكان ماشاء الله هذا هم الاوادم اشكثر يتشكون مافي وظايف .. حطوا لهم حوافز وضموهم عالاقل حق العضيد ولا اي جهه امنيه عالاقل عشان محد يستهتر ولا يقول عادي بخالف والبلاد مافيها حد يتكلم ولا يردع حد .. الصراحه الموضوع زاد عن حده ولا ينسكت عنه واحنا كـ افراد مالنا حق نتصرف ولا نسوي شي لانه لو الواحد راح وتكلم بيكون الرد كالتالي ( انت مالك دخل ) وهالشي ممكن ينتج عنه اشتباكات الواحد فـ غنى عنها لانه البلاد بلادنا والغرب قاموا يلاسنونا فيها وهالشي انا مجربه شخصياً
اتمنى والله ان اي حد من المسؤولين يلتفت على هالشي ولا نخلي بلادنا مفتوحه لهم يخيطون على كيفهم فيها ويسوون اللي يبون عشان يكونون مرتاحين ومايحسون انه شي متغير عليهم وهالشي يكون على حسابنا احنا وعلى حساب عيالنا اللي يكبرون وسط هالاجواء اللي بتعفسهم علينا وبتزيد الطين بله .. اليهال والمراهقين متأثرين بالغرب بدون شي والحين هالممارسات صارت عندنا وسطنا ولا بقادرين نلقى حد يمنع هالشي
واسمحوا لي عالاطاله لكن حرقه فقلبي وماعرفت اخشها:weeping:
مب عارف شلون ابدا الموضوع لاني منفعل من مواقف تكررت جدام عيني
والمشكله انه احنا اهل البلاد ولا احنا بعارفين اشلون نتصرف لانه بنطلع غلطانين فالاخير :secret:
من اسبوع بالضبط في ( مطار الدوحه الدولي ) جالس انا والمدام ناطرين الباص اللي يوصلنا لـ الطياره .. واغلب الموجودين (كالعاده) اجانب وقله من اهل الخليج وقطر .. وصادف انه جدامي واحد وزوجته من هالاجانب ويتصرفون تصرفات تخدش الحياء بدون مايحطون اعتبار حق اي حد !!! وزاد الوضع عن حده لما تكرر الموقف من اشخاص غيرهم :anger1:
يعني هالشي مب اول مره يتكرر ياما في مواقف المجمعات وفي طوابير الانتظار سواء في سينما او على الدري الكهربائي اثنين يسوون حركات مايرضاها مجتمعنا ولا حتى اشياء تستوي جدام يهال او مراهقين
لكن سؤالي هو .. شنو دور الجهات المسؤوله فالمطار من ناحية توزيع بروشورات توعويه ولا كتيبات تشرح الممنوعات في قطر او الاشياء والتصرفات المحظوره والغير اخلاقيه بالنسبه لمجتمع محافظ او حتى تعلمهم اشلون يتسترون بدال مانشوف العري اللي منتشر فكل مكان لدرجة انه صار منظر طبيعي !
والمشكله ماراح تنتهي عند المسؤولين فالمطار لانه واااااااااااايد اجانب يخالفون ويتصرفون على هواهم ( طبعاً لكثرتهم بما انهم محتلين بلادنا كـ عدد ) والكل صار يخالف بدون ماينقال لهم شي .. وكل كلمه والثانيه يقولون لنا (( كلمتوا العضيد ؟؟!! )) انا العضيد ماحتاج اتصل له يجيني المطار وطيارتي بتروح ولا احتاج اني الحق الشخص لين مايوصل العضيد ويحل مشكلته
الله يرحم ايام ماكنا نشوف افراد (( الامن الوقائي )) منتشرين فالمجمعات والاسواق والاماكن االعامه بلبس مدني وعيونهم على كل مخالف ويردعون الكل سواء قطري او غير قطري وكل همهم ان الكل يكون ملتزم .. لكن للأسف كانت لهم صلاحيه محدوده وحالياً مالهم اي وجود
ليش مانشوف افراد من الفزعه مثل ماكنا نشوفهم فالمجمعات بما انه (( السكيورتي )) مجرد شخص لا هيبه له ولا راي ولا يقدر يسوي شي .. وفالاخير هذا اجنبي ويخاف ولا يبي اي مشكله ممكن انها تكون سبب في قطع رزقه واغلب الناس مايحطون له اعتبار
موظفين حمايه معظمهم من اهل قطر او مواليد قطر .. عطوهم صلاحيات وزعوهم في كل مكان ماشاء الله هذا هم الاوادم اشكثر يتشكون مافي وظايف .. حطوا لهم حوافز وضموهم عالاقل حق العضيد ولا اي جهه امنيه عالاقل عشان محد يستهتر ولا يقول عادي بخالف والبلاد مافيها حد يتكلم ولا يردع حد .. الصراحه الموضوع زاد عن حده ولا ينسكت عنه واحنا كـ افراد مالنا حق نتصرف ولا نسوي شي لانه لو الواحد راح وتكلم بيكون الرد كالتالي ( انت مالك دخل ) وهالشي ممكن ينتج عنه اشتباكات الواحد فـ غنى عنها لانه البلاد بلادنا والغرب قاموا يلاسنونا فيها وهالشي انا مجربه شخصياً
اتمنى والله ان اي حد من المسؤولين يلتفت على هالشي ولا نخلي بلادنا مفتوحه لهم يخيطون على كيفهم فيها ويسوون اللي يبون عشان يكونون مرتاحين ومايحسون انه شي متغير عليهم وهالشي يكون على حسابنا احنا وعلى حساب عيالنا اللي يكبرون وسط هالاجواء اللي بتعفسهم علينا وبتزيد الطين بله .. اليهال والمراهقين متأثرين بالغرب بدون شي والحين هالممارسات صارت عندنا وسطنا ولا بقادرين نلقى حد يمنع هالشي
واسمحوا لي عالاطاله لكن حرقه فقلبي وماعرفت اخشها:weeping: