ارجوا المساعدة بخصوص انواع المكيفات

[السهم الملتهب]

مساء الخير للجميع دون استثناء

ايهما افضل كمكيفات سبيلت يونيت .

تركيب مكيفات لفيلا جديدة عدد 18 مكيف سبيلت يونيت

1- جنرال العمادي

أو

2- فوجي

من ناحية القوة والجودة ودفع الهواء التبريد والصوت المنخفض نسبيا والصيانة

ارجوا المساعدة لمن لدية فكرة او تجربة او هناك انواع افضل من جنرال العمادي وفوجي

وشكرااااااااااااا

[مضارب دوسري]

مافي افضل منهم اخوي
ولا تسمع كلام اللي يقولك ميتسوبيشي لان اخوي وكذا واحد اعرفه يشتكون منها خصوصا فالسنوات الاخيره

فوجي وجنرال نفس المستوى بالضبط مافي اختلاف بينهم

[النهار]

فوجي وجنرال نفس الشركه
فقط الاسم متغير وشوية دزاين خارجي
المصدر واحد
توكل على الله خذ الارخص

[Chambray]

جنرال العمادي
فوجي صغروا كمبريسره مب نفس قبل

توكل على الله وخذ جنرال العمادي

[captin]

ميتسوبيشي

جنرال

فوجي


بالتوفيق إن شاء الله

[العربية نت]

انصحك بجنرال العمادي مكيفات جودة وتبريد والحق عليهم عندهم تنزيلات رائعة :eek5:
تراهم يتاخرون في التركيب للاسبيليت فانت حاول تحجز بدري :(

وحاول إنك ما تآخذ اقل من 2 طن اذا تبغي الافضل 2 طن واكثر



بالتوفيق ،،

[حمد بن سعد]

عن نفسي ركبت جنرال اسبلت طنين الحمدالله ممتازين

[اللوز]

فوجي
صيانة جنرال يتاخرون

[حسن]

جنرال وتوكل على الله

اما الصيانه الله يعينك

[لبيبة]

جنرال شريناه من فترة والحمدلله للحين شغال زين. بس انت بتشتري كمية لازم تطلب خصم حتى لو عندهم تنزيلات.

[النشميه]

مساء الخير للجميع دون استثناء

ايهما افضل كمكيفات سبيلت يونيت .

تركيب مكيفات لفيلا جديدة عدد 18 مكيف سبيلت يونيت

1- جنرال العمادي

أو

2- فوجي

من ناحية القوة والجودة ودفع الهواء التبريد والصوت المنخفض نسبيا والصيانة

ارجوا المساعدة لمن لدية فكرة او تجربة او هناك انواع افضل من جنرال العمادي وفوجي

وشكرااااااااااااا




توكل على الله وخذ لك مكيفات جنرال من العمادي
انا اليوم رحت خذت كم واحد وعندهم تنزيلات لين 18/يونيو

[naklan]

هلا اخوي السهم الملتهب

باقول لك رأيي بكل صراحة مكيفات كليفنتور
الافضل سعراً وجودة من تجربة شخصية الجنرال مجربه
عندي في البيت وكذالك كلفنتورالي طلع احسن وارخص بفرق كبير
الطنين 3200 ريال كمبريسر امريكي وقارن بكم الجنرال ؟؟؟ !!!!

رائيي الشخصي جنرال وفوجي ومستوبيشي خذو اسم وتضخمت اسعارهم
لمستويات قياسية وانا كمستهلك يهمني السعر بجانب الجودة لذالك مكيف كلفنتور
الافضل حالياً سعراً وجودة وانصح به بشده اذا بيكلفك بيت كامل من جنرال
130 الف بتركبهم من كلفنتور ب 70 الف وبنفس الجودة

وربي يوفقك اخوي :)

[لبيبة]

هلا اخوي السهم الملتهب

باقول لك رأيي بكل صراحة مكيفات كليفنتور
الافضل سعراً وجودة من تجربة شخصية الجنرال مجربه
عندي في البيت وكذالك كلفنتورالي طلع احسن وارخص بفرق كبير
الطنين 3200 ريال كمبريسر امريكي وقارن بكم الجنرال ؟؟؟ !!!!

رائيي الشخصي جنرال وفوجي ومستوبيشي خذو اسم وتضخمت اسعارهم
لمستويات قياسية وانا كمستهلك يهمني السعر بجانب الجودة لذالك مكيف كلفنتور
الافضل حالياً سعراً وجودة وانصح به بشده اذا بيكلفك بيت كامل من جنرال
130 الف بتركبهم من كلفنتور ب 70 الف وبنفس الجودة

وربي يوفقك اخوي :)
من متى مركبهم نكلان؟ ركبنا من كلفنيتور مكيفين واختربوا في اقل من سنتين :(

[naklan]

من متى مركبهم نكلان؟ ركبنا من كلفنيتور مكيفين واختربوا في اقل من سنتين :(


هلا اختي لبية
مكيفات كلفنتورامريكيه وتجي نوعين تجميع الصين وتجميع البحرين
تجميع البحرين هو الزين وعن تجربتي للكلفنتور ركبت من 3 سنين وداخل في
الرابعة بلا صيانه شغال فقط تنظيف الفلتر مره في السنه يكفيه وبعد التجربه
ركبت الان 22 مكيف في سكن تحت التشطيب لاقتناعي به سعراَ وجودة
اما بالنسبة لمكيفكم اضن انه صيني وانا ما جربت الصيني بكل امانة
وبعدين شنهو الي اخترب عندكم اذا كمبريسر
عليه ضمان 5 سنوات


يراعى في تركيب اي مكيف انه يكون اكبر من حجم المكان الي بيركب فيه بقليل
علشان يكون مقصر عليه شوي علشان الكمبريسر يشتغل ويريح اضمن واطول عمرا
وعندج اختي العضو العزيز بو حارب مركبهم من 7 سنين في بيته وما شكا منهم

تحياتي اختي الكريمة :)

[Chambray]

اخوي نكلان
انا لو من شركة كلفنتور ، اعطيك خصم 50% مدى الحياه لمدحك لمنتجاتهم ههههههه

بس الحق يقال ، كثير من اصدقائي يمدحون مكيفاتهم جداً .. ويفضلونها نفسك على الاسامي الكبيره

[لبيبة]

والله يا نكلان ما اعرف تجميع وين، كان هواهم حار وكله يقطر ماي و بس يأسنا من تصليحهم وجبنا مكانهم جنرال العمادي.

بعد مجربين باناسونيك (زين بس لما يبي سيرفيس يشتغل شوي ويطفي بروحه)

توشيبا بعد زين، اهم شي تتنظف الفلاتر بين فترة وفترة.

[naklan]

اخوي نكلان
انا لو من شركة كلفنتور ، اعطيك خصم 50% مدى الحياه لمدحك لمنتجاتهم ههههههه

بس الحق يقال ، كثير من اصدقائي يمدحون مكيفاتهم جداً .. ويفضلونها نفسك على الاسامي الكبيره


هههههههههههههههههههه
هلا بالغالي Chambray :nice:
والله يالغالي مالي في الشركة اي معرفه بس من باب التجربة واسعارهم المعقولة
يعني جنرال طنين ونص 5000 وكلفنتور 3 طن ونص 5200 ونفس الضمان اكيد
باروح للافضل سعر وجودة اما على الخصم رحت لفاروق وعطاني بسعر السوق
وما مدحتهم لاخواني الاعضاء الا حباً لاستفادتهم فقط من مكيف يسوى قيمته
وبس وبعدين مدحي الاصحاب الدخل المحدود اما انت من ال في اي بي
خذ الي تبي وعلى حسابي مشرف اخاف تسوي لي باند :tease:

تحياتي يالغالي :)

[alshobaki7]

هلا اخوي السهم الملتهب

باقول لك رأيي بكل صراحة مكيفات كليفنتور
الافضل سعراً وجودة من تجربة شخصية الجنرال مجربه
عندي في البيت وكذالك كلفنتورالي طلع احسن وارخص بفرق كبير
الطنين 3200 ريال كمبريسر امريكي وقارن بكم الجنرال ؟؟؟ !!!!

رائيي الشخصي جنرال وفوجي ومستوبيشي خذو اسم وتضخمت اسعارهم
لمستويات قياسية وانا كمستهلك يهمني السعر بجانب الجودة لذالك مكيف كلفنتور
الافضل حالياً سعراً وجودة وانصح به بشده اذا بيكلفك بيت كامل من جنرال
130 الف بتركبهم من كلفنتور ب 70 الف وبنفس الجودة

وربي يوفقك اخوي :)
وين مكانهم لو سمحت

[naklan]

والله يا نكلان ما اعرف تجميع وين، كان هواهم حار وكله يقطر ماي و بس يأسنا من تصليحهم وجبنا مكانهم جنرال العمادي.

بعد مجربين باناسونيك (زين بس لما يبي سيرفيس يشتغل شوي ويطفي بروحه)

توشيبا بعد زين، اهم شي تتنظف الفلاتر بين فترة وفترة.



اذا كان هواهم حار معناته مافيهم غاز اما تقطير الماي
ماله دعوه بالمكيف الموضوع متعلق ببيبات تصريف الماي
اذا كانت سالكه بيمشي الماي اما بانسونيك وتوشيبا كمبريسر
اعتقد روتاري والروتاري ما يشتغل لما توصل الحرارة
45 يوقف ويشتغل بعد شهر 9 لي دخل الشتاء :secret:

[naklan]

وين مكانهم لو سمحت


هلا فيك اخوي مكانهم وانت طالع من اشارات رمادا كانك رايح للصناعية
المحلات الي على اليمين قبل الجسر شركة صقر الخليج تدفع لهم وتستلم بعد
شهر ونص الى شهرين نازل عندهم موديل جديد وشكله معقول افضل من
الموديل السابق وربي يوفقك :)

[alshobaki7]

هلا فيك اخوي مكانهم وانت طالع من اشارات رمادا كانك رايح للصناعية
المحلات الي على اليمين قبل الجسر شركة صقر الخليج تدفع لهم وتستلم بعد
شهر ونص الى شهرين نازل عندهم موديل جديد وشكله معقول افضل من
الموديل السابق وربي يوفقك :)

جزاك الله خير ، وما قصرت

[مضارب دوسري]

هلا فيك اخوي مكانهم وانت طالع من اشارات رمادا كانك رايح للصناعية
المحلات الي على اليمين قبل الجسر شركة صقر الخليج تدفع لهم وتستلم بعد
شهر ونص الى شهرين نازل عندهم موديل جديد وشكله معقول افضل من
الموديل السابق وربي يوفقك :)

والله ياخوك سويت لي بلبله
شكلي ناوي امر عليهم ؟
مع اني كنت ناوي يا فوجي يا جنرال ههه
شرايك في دايكن ؟
اللي ينباع ف تدمر !

[لبيبة]

اذا كان هواهم حار معناته مافيهم غاز اما تقطير الماي
ماله دعوه بالمكيف الموضوع متعلق ببيبات تصريف الماي
اذا كانت سالكه بيمشي الماي اما بانسونيك وتوشيبا كمبريسر
اعتقد روتاري والروتاري ما يشتغل لما توصل الحرارة
45 يوقف ويشتغل بعد شهر 9 لي دخل الشتاء :secret:
الحمدلله ان جنرال وتوشيبا وباناسونيك باردين في الصيف وفي اي وقت، اما مشاكل كلفنيتور اللي ذكرتها لك هي اللي متذكرتها الحين، لكن ما اذكر بالضبط وش الخراب اللي دمرهم، المهم انهم اختربوا وما منهم رجا.

[Chambray]

هههههههههههههههههههه
هلا بالغالي Chambray :nice:
والله يالغالي مالي في الشركة اي معرفه بس من باب التجربة واسعارهم المعقولة
يعني جنرال طنين ونص 5000 وكلفنتور 3 طن ونص 5200 ونفس الضمان اكيد
باروح للافضل سعر وجودة اما على الخصم رحت لفاروق وعطاني بسعر السوق
وما مدحتهم لاخواني الاعضاء الا حباً لاستفادتهم فقط من مكيف يسوى قيمته
وبس وبعدين مدحي الاصحاب الدخل المحدود اما انت من ال في اي بي
خذ الي تبي وعلى حسابي مشرف اخاف تسوي لي باند :tease:

تحياتي يالغالي :)
ترا لحين ماشريت مكيفات البيت ، باصدق ، وباركب مركزي على حسابك هههههههههه

جعلك تسلم يالغالي :) وادري بك نصوح الله يطول بعمرك :nice:

[فريج البدر]

عن تجربة شخصية في بيت الوالد مركب كليفنتور من ثمان سنين الحمد الله ماشكيت منة و الي عجبني في الشركة الصيانة على طول يجونك كان العطل عندي انة الشجر نبت حول المكيف وخربة وعمال عملو الصيانة الازمة

[naklan]

جزاك الله خير ، وما قصرت



و إياك إن شاء الله ،،
بارك الله فيك اخوي :)




والله ياخوك سويت لي بلبله
شكلي ناوي امر عليهم ؟
مع اني كنت ناوي يا فوجي يا جنرال ههه
شرايك في دايكن ؟
اللي ينباع ف تدمر !


ههههههههههه سلامتك من البلبلة ياخوي مضارب

الله يوفقك للافضل اذا متردد شكل شوي جنرال وشوي كليفنتور
وشوي فوجي وبكذا بتاخذ فكرة عنهم كلهم المشكلة الناس نفسيه خذو على
اسم جنرال لو تشيل لزقه الاسم للجنرال ما يرتاح نفسياً مع ان المصنع في
تايلند وليس اليابان والمكيفات الان اغلبها تصنع في بلدان شرق اسيا
وكلها متشابهة ومتقاربه الافضل الكمبريسر وبعده التروبيكال
والاخير فاشل الي يجي روتري

انا باقول لك تجربتي وهي حقيقية
مع مكيف جنرال اشتريته وبعد سنتين ضرب الكمبريسر
وبدلوه على الضمان وضرب مره ثانية ورميته عند الزبالة وانتم كرامة فهل
ذالك يشمل كل مكيفات جنرال ؟؟؟ طبعا لا لن الحظ يدخل في ذالك ممكن يشتغل
20 سنة وممكن سنتين لذالك الان لا انظر للاسم فقط ولا يهمني اشتري الي
مناسب سعر وجودة والله يوفقك في ما تختار :)






الحمدلله ان جنرال وتوشيبا وباناسونيك باردين في الصيف وفي اي وقت، اما مشاكل كلفنيتور اللي ذكرتها لك هي اللي متذكرتها الحين، لكن ما اذكر بالضبط وش الخراب اللي دمرهم، المهم انهم اختربوا وما منهم رجا.


والله ياختي لبية انا ماقلت جنرال روتري جنرال كمبريسر وبارد هواه
الحار سعره فقط والمكيفين باناسونك وتوشيبا اذا كانو كمبريسر جيدين اما الروتري
ممكن يشتغل كم سنه وبعدها يتنازل الروتري صنع لبلدان لا تزيد الحرارة فيها
من 45 درجة ومعروف هالشي عنه اما عن خراب مكيفكم فالله اعلم
شنهوا الشي الي خربهم في وقت واحد شي غريب !!!!


عندي صديق مركب قري صيني في مجلسه
وكان عديم التبريد كانه مروحة وهو طنين مع ان الكثيرين يمدحون
قري لذالك لا استغرب الذم في مكيف او المدح فيه فلكل تجربته
ويبدي رايه بما رأى




ترا لحين ماشريت مكيفات البيت ، باصدق ، وباركب مركزي على حسابك هههههههههه

جعلك تسلم يالغالي :) وادري بك نصوح الله يطول بعمرك :nice:


الله يسلمك يالغالي
وعمرك اخوي Chambray :nice:
بس تعزم تركب قولي escape

[مضارب دوسري]

الظاهر بسوي مكس على قولتك يا اخوي نكلان
اللي الي اعرفه تركيب اصياخ النحاس من اللي يسويها
يعني عادي اجيب مثاا كلفينتور يركبون الاصياخ
ولكن ماراح اركب كامل البيت كلفنتور ؟
ولا لازم كل شركه تركب حق نفسها

[ضوى]

بصراحة كليفنتور ممتاز وانا اخذت تجميع البحرين وماشتكيت منهم ابدا ، خمس سنين عندي بس غيرتهم لاني كنت ابي طنين ونص وطنين لذلك غيرت وحاليا منوعة بين جنرال وفوجي

[ضوى]

الظاهر بسوي مكس على قولتك يا اخوي نكلان
اللي الي اعرفه تركيب اصياخ النحاس من اللي يسويها
يعني عادي اجيب مثاا كلفينتور يركبون الاصياخ
ولكن ماراح اركب كامل البيت كلفنتور ؟
ولا لازم كل شركه تركب حق نفسها

لا مو لازم انا ركبت اصياخ النحاس والتوصيلات من فوجي لكل البيت واخذت جنرال لبعض الغرف وعادي ركبوهم لي

[K.A]

جنرال العمادي
توكل على الله وانت مغمض

[almaf1a]

صحيح ان خدمات ما بعد البيع تعبانه في جنرال العمادي وفوجي

لكن الاداء وقلة الاعطال كافية لاختيارهم

[مهاجر]

هلا اخوي السهم الملتهب

باقول لك رأيي بكل صراحة مكيفات كليفنتور
الافضل سعراً وجودة من تجربة شخصية الجنرال مجربه
عندي في البيت وكذالك كلفنتورالي طلع احسن وارخص بفرق كبير
الطنين 3200 ريال كمبريسر امريكي وقارن بكم الجنرال ؟؟؟ !!!!

رائيي الشخصي جنرال وفوجي ومستوبيشي خذو اسم وتضخمت اسعارهم
لمستويات قياسية وانا كمستهلك يهمني السعر بجانب الجودة لذالك مكيف كلفنتور
الافضل حالياً سعراً وجودة وانصح به بشده اذا بيكلفك بيت كامل من جنرال
130 الف بتركبهم من كلفنتور ب 70 الف وبنفس الجودة

وربي يوفقك اخوي :)

فعلا وعن تجربه شخصيه مكيفات كلفنيتور ممتازه وتبريدها افضل من جنرال بس عيبها شي وايد , صوته اقوى شوي من جنرال وفوجي وهاي المشكله الوحيده .

[قطري واصيل]

شباب توشيبا ترى الافظل من ناحيه الجودة والسعر والصيانه هاااي من واقع تجربتي الشخصيه لاني مركب 22 مكيف من عندهم من 5 سنوات وللحين ماشكيت منهم وان بغيتهم تلفون بس ويجون لعندك للصيانه



عليك بالتوشيبا وانا اخوك وادعي لي

[السهم الملتهب]

جزكم الله خير على الردود المفيدة

وقع الاختيار على جنرال العمادي والله الموفق

مشكوررررررين

:nice::nice: