محل الخيط الابيض للخياطة

[PGR]

السلام عليكم ,,, مثل ما نذكر المحلات اللي تزيد في الاسعار , حبيت اذكر هالمحل واقارنه ابمحلات ثانية,, في شهر 5 سوى عرض على ثياب شكيبو ,, تفصل اربع ثياب اب 999 ريال وثوبين يكونون مجانا مع اختيار اي نوع من اقمشة شكيبوا ,, لو تحسبها الثوب الواحد سعره 150 ريال,, في المقابل في محلات اخرى معروفة الثوب الواحد انا افصل عنده كنت على 300 ريال ؟؟ هل معقولة انه هالكثر نسبة الربح ياخذون؟؟؟ يعني هذاك المحل 150 ريال وربحان شلون 300 ريال؟؟؟ ارجوا من الشباب انهم يدورون على محلات ارخص وافضل عشان يضطرون هالمحلات انهم ينزلون اسعارهم لما يخسرون زباينهم

[rayyani4ever]

اخوي السعر اشوفه زين بس هل تفصيله مثل "المحلات الثانيه"؟ يستخدم كرتون ولا بلاستيك؟ و صوب الزرار بالمكينه ولا شلون؟


وايد محلات رحتها بس هم بنفسهم يعترفون انه خياطتهم بتكون غير لان ما عندهم معدات نفس لكزس او قباء او نبراس او سام او سيليني الخ...

[PGR]

اخوي السعر اشوفه زين بس هل تفصيله مثل "المحلات الثانيه"؟ يستخدم كرتون ولا بلاستيك؟ و صوب الزرار بالمكينه ولا شلون؟


وايد محلات رحتها بس هم بنفسهم يعترفون انه خياطتهم بتكون غير لان ما عندهم معدات نفس لكزس او قباء او نبراس او سام او سيليني الخ...

اخوي نفس المواصفات اللي اسويها في لكزس سوالي اياها

[بوخالد911]

جااني المسج


ولا رحت

[لاميزون]

بالنسبة لى انا من اكثر من 15 سنة افصل عندة لكن اجيب لة القماش من برا ولا اروع تفصالة

[خالد العمادي]

جزاك الله خير أخوي

بس لو تكرمت وين مكانه بالضبط

ولك جزيل الشكر

[A bin M]

كم محل مسوي نفس الحركه ( 999 )

وتروح له عقب العرض يصكك بمبلغ وقدره .!!!

[S.T.Y.L.E]

انا مستغرب بعد
كنت افصل في لكزس ، وكان يصكني الثوب بـ 300 ، قماش شكيبو
الحين صدت واحد فسوق العلي ، الثوب على 150 ولا بعد ابشرك ، تفصيله ارتب من لكزس
من يومين مفصل عنده بالتلفون ، يومين والثياب جاهزه
لكزس تفصل عنده يقولك تعال عقب شهر ، حشى يفصلهم ف اوروبا مب هني

[ذيب زكريت]

انا مستغرب بعد
كنت افصل في لكزس ، وكان يصكني الثوب بـ 300 ، قماش شكيبو
الحين صدت واحد فسوق العلي ، الثوب على 150 ولا بعد ابشرك ، تفصيله ارتب من لكزس
من يومين مفصل عنده بالتلفون ، يومين والثياب جاهزه
لكزس تفصل عنده يقولك تعال عقب شهر ، حشى يفصلهم ف اوروبا مب هني


لو سمحت ايش اسم هالمحل اللي في سوق العلي ،، ويفصل ثوب شكيبو ب 150 ريال

ولك كل الشكر

[eXpert*]

أغلب الناس يهمه يلبس شكيبو وبس !! لكن ما لا يعلمه العديد من الناس أن شيكيبو عبارة عن 4 أنواع :-
1) رمادي
2) أحمر
3) آزرق
4) أخضر والمسمى بسيليغرين <== هذا افضلهم لانه يحتوي علي القطن ويكون بارد علي الجسم و متوسط سعر الطاقة 1300 تفصل 7 ثياب لرجل ذو بنية متوسطة الحجم .

وتحت كل نوع من الانواع الاربعة تلاقي مسميات عديدة .

الخياطين يوم يسوي عرض علي شكيبو يبيع اردئ نوع بسعر النوع المتوسط ..



http://up.arab-x.com/Mar10/YwK73803.jpg

الصورة مقتبسة من الانترنت للتوضيح**

[S.T.Y.L.E]

لو سمحت ايش اسم هالمحل اللي في سوق العلي ،، ويفصل ثوب شكيبو ب 150 ريال

ولك كل الشكر

شيك الخاص

[الحرف العنيد]

شيك الخاص

ولاتهون بغيت اسم المحل بعد

[خزامئ]

ممكن اسم المحل الي بسوق العلي

[قطري123]

شنهو المحل اللي فسوق العلي

[رجوان]

وانا بعد بغيت اسم المحل .. شباب الي يعرف المحل يحط اسمه عشان تعم الفايده .... اعرف بيقولون دعايه، بس عشان المصلحه العامه

[aljaber1]

انا اشتري شكيبوا درجه اولى بالستكر من سوق واقف 550 ريال
ويطلع تفصيله 420 ويطلع لك 7 ثياب من طاقه الواحده
يعني بالحسبه يطلع عليك الثوب اقل من 140 ريال

وماذكرت محل الخياطه او المتجر بسوق واقف
احتراما القوانين المنتدى

[hi sky]

الجابر اي محل بسوق واقف وكم رقمه واسمه إذا عندك ونوع بالضبط