بدلات وجينزات شباب (( هل قطر )) !!!

[حمد 2002]

الموضوع يحمل العنوان التالي

بدلات وجينزات شباب (( هل قطر )) !!!

أصبح الكثير من شباب هل قطر يتركون لبس الغتره والعقال والثوب ،، الزي الرسمي للبلاد ، وآخذو يقتدون بالغرب بلبس الجينزات والبدلات !!!!!!!

لماذا هالشيء !!!!!!

هل هذا إلي أيسمونه التطور والتحضر !!!!!

من المسئول عن هذا الشيء هل هي المدارس أم الآباء أم الشباب نفسهم !!!!!!!

وهل يجدون عيب بلبس الغتره والثوب والعقال !!!!!!

هل هويتنا ضاعت !!!!!!!!!!!!!


الموضوع يحمل في طياته الكثير من علامات الاستفهام !!!! والتساؤلات ؟!! وحديث يطوول شرحه !!!!
الموضوع مفتوح للنقاش العام على مصراعيه وفقا لسياسه المنتدى وبدون الخروج عن الإطار العام للموضوع ،،،

تحياتي للجمييع ،،،

[راشد محمد]

لا تعليق

[حمد 2002]

لا تعليق

الله المستعااان ياخوك ،،

تحياتي لك ،،

[عضوو]

شوف شبابنا في لندن وشوف المهرجين وألوان البهرجه طالعين بموضه قمصان أيترو

حرير وألوانها نسائيه للأسف أكثر من يلبسها من شباب الخليج شبابنا الله يهديهم

ويصلحهم حالنا ويصلحنا جميعا *

[بنت قطريههه]

السلام عليكم ورحمه الله اخ حمد والله شئ يرفع الضغط ان يترك هويته ويتمشى في الدوحه بالجنيز والله نشاز الله يهديهم

[قطريه22]

يمكن مب اقتداء بالغرب يمكن لان البنطلون والتيشيرت اريح من لبس الثوب..

[عضوو]

يمكن مب اقتداء بالغرب يمكن لان البنطلون والتيشيرت اريح من لبس الثوب..


لايكون انتي صاحبه أقتراح يوم البجامه في المدارس المستقله

[حمد 2002]

شوف شبابنا في لندن وشوف المهرجين وألوان البهرجه طالعين بموضه قمصان أيترو

حرير وألوانها نسائيه للأسف أكثر من يلبسها من شباب الخليج شبابنا الله يهديهم

ويصلحهم حالنا ويصلحنا جميعا *

الله يصلح حال جمييييع المسلمين يارب ،،،

تحياتي لك يالشيخ :victory:

[كتكوت الوحش]

لا تعليق

[حمد 2002]

السلام عليكم ورحمه الله اخ حمد والله شئ يرفع الضغط ان يترك هويته ويتمشى في الدوحه بالجنيز والله نشاز الله يهديهم

وعليكم السلام ،،،

بالفعل هالشيء ماينسكت عنه ، بس المشكله شبيقولون لج بيقولون حريه شخصيه ،،،

الله المستعاااااان ،،،

تحياتي لج :nice:

[khalid Qtr]

صحيح أني من المؤيدين للثوب ولا استخدم البدلات والجنزات ، الا ان موضوع اللبس حرية شخصية للفرد اذا كان لا يخدش الحياء او يخالف القيم الاسلامية والاجتماعية ، ولو ان الافضل ان يحافظ الفرد على هويته وقيمه الاجتماعية خاصة وهو في بلده .

تحياتي .

[حمد 2002]

يمكن مب اقتداء بالغرب يمكن لان البنطلون والتيشيرت اريح من لبس الثوب..

:) بس هاي مب حل اختي قطريه 22 ، بضربلج مثال :- مممم يعني لو العبايه مب ريحه خلاص يتركونها النساء ويلبسون حجاب ،،،

تحياتي لج ،،،

[حمد 2002]

لايكون انتي صاحبه أقتراح يوم البجامه في المدارس المستقله

اما :eek5:

[حمد 2002]

صحيح أني من المؤيدين للثوب ولا استخدم البدلات والجنزات ، الا ان موضوع اللبس حرية شخصية للفرد اذا كان لا يخدش الحياء او يخالف القيم الاسلامية والاجتماعية ، ولو ان الافضل ان يحافظ الفرد على هويته وقيمه الاجتماعية خاصة وهو في بلده .

تحياتي .

هلا هلا بوليد ،،

كلام واقعي وجمييل وفيه نوع كبير من الحكمه والتروي ،،،

تحياتي لك يالذيب ،، :victory:

[يوسف0]

ليس الغرب فقط يلبس الجينز

ولماذا تريدهم يلبسون الزي الرسمي فقط؟

هل هناك فائده من لبس الزي الرسمي والمحافظه على هذا التراث على قولتك؟

اللباس ليس كل شئ يا حمد فهناك اناس يلبسون الزي الرسمي لا دين ولا اخلاق ولا تعامل

وهناك من يلبس الجينز ودين واخلاق وتعامله من افضل مايمكن

والعكس بعد

وانا اراها حريه شخصيه

والجنز أريح

[حمد 2002]

ليس الغرب فقط يلبس الجينز

ولماذا تريدهم يلبسون الزي الرسمي فقط؟

هل هناك فائده من لبس الزي الرسمي والمحافظه على هذا التراث على قولتك؟

اللباس ليس كل شئ يا حمد فهناك اناس يلبسون الزي الرسمي لا دين ولا اخلاق ولا تعامل

وهناك من يلبس الجينز ودين واخلاق وتعامله من افضل مايمكن

والعكس بعد

وانا اراها حريه شخصيه

والجنز أريح

هل تعتبر تركك لتراث بلدك شيء بسيط وعادي عندك هالشيء ؟!!!!!!!!

تحياتي لك يابويعقووب :victory:

[يوسف0]

اي عادي على حسب نظري لاني لم ارى فائده من المحافظه عليه

احاول احافظ على الدين والاخلاق واخلي التراث لمصنعينه

وارجوا انك تجاوبني على اسألتي

رأيي الخاص فقط لاغير

[حمد 2002]

اي عادي على حسب نظري لاني لم ارى فائده من المحافظه عليه احاول احافظ على الدين والاخلاق واخلي التراث لمصنعينه

وارجوا انك تجاوبني على اسألتي

رأيي الخاص فقط لاغير

يظل رايك رقم اختلافي معك ، وعلينا ان نحترمه ،،،

تحياتي لك ،،، :victory:

[بالول صغير]

ما يقهروني الا وهم بالبطابط وبناطلينهم لين ركبهم

المشكلة ان تشوف اشكالهم تحس ان مستحيل يكونون هل قطر

الله يرحم ايامك يا عبدالله بن خالد

[العلم]

ما اتوقع المدارس .. بالعكس المدارس يوجبون لبس الثوب والغترة ..

السالفه تقليد للغرب ..

الأمة المتطورة تفرض نفسها على الشعوب الأخرى بلغتها وموروثها وعاداتها .. من وجهة نظري

[Rider]

انا معاك في هذا الموضوع 100 % للاسف بعض الشباب تخلى عن الغتره والعقل والثوب وابدلها بملابس الغرب

[باراكودا]

أنا اتوقع الثوب والغترة بعد عشرين سنة سوف تختفى وتصبح من الازياء المنقرضة ومحد يلبسهم الافي الاعياد مثل ماحدث لشعب الاسكيمو
أن شاء الله توقعي يخيب وأتوقع الزي بعد عشرين سنة
الشباب الجينز والشياب تركسوت مكتوب عليه 2022

[ام السعف]

بصراحة يا حمد الموضوع ما له خص بالتطور كثر ما هو له علاقة في التعود

يعني اليوم الشاب اللي تكثر سفراته بتحصل عادي عنده يلبس جينزات
في قطر وخاصة لو ما لقى انتقاد في البيت ،،

عني في البيت كل عيالي الشباب الله يحفظهم يلبسون جينزات
وعندي ولدي الثالث اغلب الوقت لابس كجوال لدرجة ابوي يهاوشه لو عندنا
ضيوف يقول له انت قراشي روح بدل والبس لك ثوب ،،
ويومها ولدي ما كان يدري ان العزيمة رسمية وكان يظن انها لمة عائلية ،،

في حين عيال اخواني ما تحصلهم الا بالثياب ،،

فالموضوع بالنسبة لي اشوف متعلق بالتعود مب التطور ،،

[القيادي]

بالعكس اهل قطر اكثر الدول الخليجية المتمسكة بالعادات والتقاليد وهذا والله بشهادة صديق سعودي كل مايجي زيارة لقطر يقول استحي البس مثل مالبس في السعودية بسبب ان الصغير والكبير لابسين الزي الوطني ولا يبي يكون لبسه شاذ بين اهل قطر وبنفس الوقت الرجال حرين بلبسهم اهم شي انه محتشم والي ينتقد من يلبس جنز في قطر عيب واذا سافر برا عادي !! اعتقد هذا شخص متناقض مع نفسه وإن سلمنا معه جدلا ان هذا شي ضروري اذا سافر اذا ليش السايح او الاجنبي مايتقيد بزي البلد الي يروحله ؟!

[النهار]

هههههههههههه
البس لبس رياضه وقت الرياضه تصدق هههههههه مأعرف نفسي احس الكل قاعد يطالعني
انا اولادي يلبسون من الي ذكرته يوم يروحون المجمعات يقولون انه اريح من الثوب

[$الملياردير$]

هل قطر ....أهل دين و اصل و عرف و تقاليد و يعرفون السنع من غيره .....بس للأسف الكل صار محسوب على هل قطر .....دمت بود

[al-obaidly]

عالاقل بنطلون ولا مكياج وحف

[النهار]

عالاقل بنطلون ولا مكياج وحف

:eek5::eek5:
شنو مكياج وحف :(

[ka2ka2]

بالعكس اهل قطر اكثر الدول الخليجية المتمسكة بالعادات والتقاليد وهذا والله بشهادة صديق سعودي كل مايجي زيارة لقطر يقول استحي البس مثل مالبس في السعودية بسبب ان الصغير والكبير لابسين الزي الوطني ولا يبي يكون لبسه شاذ بين اهل قطر وبنفس الوقت الرجال حرين بلبسهم اهم شي انه محتشم والي ينتقد من يلبس جنز في قطر عيب واذا سافر برا عادي !! اعتقد هذا شخص متناقض مع نفسه وإن سلمنا معه جدلا ان هذا شي ضروري اذا سافر اذا ليش السايح او الاجنبي مايتقيد بزي البلد الي يروحله ؟!
وانا اشهد .. انا من السعودية مريت تقريبا الخليجه كله ما شفت زي القطريين في محافظة على زيهم التقليدي

[ريومه87]

بالعكس اهل قطر اكثر الدول الخليجية المتمسكة بالعادات والتقاليد وهذا والله بشهادة صديق سعودي كل مايجي زيارة لقطر يقول استحي البس مثل مالبس في السعودية بسبب ان الصغير والكبير لابسين الزي الوطني ولا يبي يكون لبسه شاذ بين اهل قطر وبنفس الوقت الرجال حرين بلبسهم اهم شي انه محتشم والي ينتقد من يلبس جنز في قطر عيب واذا سافر برا عادي !! اعتقد هذا شخص متناقض مع نفسه وإن سلمنا معه جدلا ان هذا شي ضروري اذا سافر اذا ليش السايح او الاجنبي مايتقيد بزي البلد الي يروحله ؟!



ماعندي شي اقوله عقب هالرد
كككككفيت ووفيت اخووي
هاللي كنت بقوله بالظبط

[alsoq]

اخوي حمد
الجيل هذا من صغره واهله يلبسونه جنز لحد ما وصل عمر المراهقه ما لبسوه ثوب والغتره وحببوه بها

يعني من صغره جنز والحين شوفت عينك شوف الاطفال مو صغار كلش وانما من يقدر يلبس الثوب لابس جنز ومعا الخدامه وبعض الامهات يتباهون بها البس

[راس لفان]

غدا القطري يلبس لباس الاجنبي

والاجنبي يلبس لباس القطري

والدائرة تدور ولا نعرف السبب


اسأل الله السلامة

لو تسال اي قطري يلبس لباس الاجانب لماذا تلبس لباسهم لرد قائلا لا اعلم ولكن لبست مثل مالبس عبودي وحمودي وحماني

الله يرحم ايامنا حتى كره القدم نلعبها بثياب والقحفيه فوق الراس

[منابر خالده]

الجينز اريح وافضل
الثوب مالبسه الا حق الدوام والمناسبات
شكرا

[مابدل العادات]

الحمدلله رب العالمين انه قطر هي الدوله الخليجيه الأكثر حفاظا على عاداتها وتقاليدها وزيها الرسمي يفتخر فيه الصغير قبل الكبير وهاي بشهاده دول الخليج والعالم العربي

والي اتشوفهم اخوي حمد هاذول حالات شاذه وبعضهم محسوب علينا قطري

والله يهدي الجميع

[مشاكل]

أنا وبكل أمانة اشوف أننا افضل دولة فالعالم بالمحافظة على عاداتنا وتقاليدنا بما فيها اللبس التقليدي
وبكل أمانة مااشوف شبابنا فالمدارس والمجمعات والعمل والاسواق والمجالس والاعراس الا باللبس الوطني ،،،

الا اذا شفت لك ياحمد كم حاله شاذة ولاتعبر الا عن صاحبها ولكن هذا لايعطيك الحق بالتعميم على اهل قطر

[تغلبية]

أهم شي انك انت ياحمد ملتزم باللبس الوطني :pic:

والبقية بيقتدون فيك ان شاءالله

[sos_z]

شوف شبابنا في لندن وشوف المهرجين وألوان البهرجه طالعين بموضه قمصان أيترو

حرير وألوانها نسائيه للأسف أكثر من يلبسها من شباب الخليج شبابنا الله يهديهم

ويصلحهم حالنا ويصلحنا جميعا *


**الله يهديهم ويصلح احوالهم **

[حفيد الأنصار]

ليس الغرب فقط يلبس الجينز

ولماذا تريدهم يلبسون الزي الرسمي فقط؟

هل هناك فائده من لبس الزي الرسمي والمحافظه على هذا التراث على قولتك؟

اللباس ليس كل شئ يا حمد فهناك اناس يلبسون الزي الرسمي لا دين ولا اخلاق ولا تعامل

وهناك من يلبس الجينز ودين واخلاق وتعامله من افضل مايمكن

والعكس بعد

وانا اراها حريه شخصيه

والجنز أريح



^^ :victory:



الثوب وقت المناسبات والجامعات وزيارة الدوائر الحكومية .. هنا صح انا اتفق معااك
لكن ياخوي انا انسان اذا طلعت جلست بالاستراحة مع الشباب ولا جلست مع اهلي بالبيت ولا بالسيارة اخلص مشاوير
ايش الحكمة من اني البس الثوب ؟؟

الثوب صراحة غير مريح واذا جيت بتجلس تحاسب انه ماينعدم ويتكرمش ويتوسخ ومع الاجواء الحاارة بالصف مرره ماينفع

بوجهة نظري اشوفها حرية شخصية دام الشخص لبسه محتررم ومافيه اي شي يخدش الحياء .. تحيااتي لك

[حفيد الأنصار]

اتفق معاااكم ان المواطن القطري اكثر مواطن خليجي محافظ على زيه الوطني
لكن هذا مايعطيكم الحق انكم تقولون على اللي يلبس جنز انه شاذ وانه مش قطري ... الخخ



سبحان الله وبحمدهـ .. سبحان الله العظيم

[بـن عدوان]

بالعكس ..

انا اشوف شباب قطر ملتزمين بالثوب والغترة ويمكن قطر اكثر دولة خليجية ملتزمين فيها الشباب باللبس المحلي

وبخصوص اللي يلبسون بدلات ماهي الا اعداد بسيطة وفي النهاية كل واحد حر

[Bozizoo]

انا اشوف ان حمد شكله متقاعد ولا عنده شغل
يقعد و يتملل و يسرح بفكره و يطلع لكم عيبي و مشكله
عسى ماشر اسافر بلد اجنبي و البس الزي الوطني بروحاتي وجياتي
وبعدين شكلك ماسافرت ياحمد لما تلبس لبس خليجي بالذات و تتمشى وشنو ممكن تتعرض لمواقف محرجه
او ممكن تكون خطرة على سلامتك و سلامتة الي معاك
خاصه اذا كنت عايش هناك لاي غرض سواء دراسه او علاج
ابشرك بياخذون كل المتقاعدين و بيسوون لهم اعاده تشغيل

[فرهود]

اخوي حمد مافي شي اسمه :

شباب هل قطر . اما شباب قطر . او هل قطر . اما شباب هل قطر هذي بلاليط ماله معنى .

هههههههههههههههههه

[El-Asmarani]

انا عن نفسي في الدوام امكس احياناً اروح بغتره وعقال واحياناً بجينز وبدله، الموضوع بالنسبة لي عادة،، متعود عالبدلات اكثر من الثياب وبحكم اني عشت في الغربه ٦ سنين وصار لي سنه من يوم ما استقريت بين هلي وبحكم سفراتي بين الدول صرت عادي ما اشوفها من ناحية عادات وتقاليد ولا احكم على شخص بمجرد نوع اللبس مادام انه حاشم نفسه، انا شخصياً انسان مب تقليدي وما احكم قراراتي الشخصيه على اللي يبونه الناس،،
اذا البدلات فيها شي غلط وانها ضد "العادات والتقاليد" شنقول عن الحريم اللي ما شملهم موضوع النقاش؟ مب المفروض هم بعد يلتزمون بالدراريع والبطاطيل والبخانق؟ اللي تحت العبايه شي ماله خص بالعادات والتقاليد ،، خلنا نكون واقعيين اكثر: العادات والتقاليد مب ميزان كل شي، وغلط نلزم حد بتغيير قراراته الشخصيه
و بس مع ذلك ثيابنا تبقى جزء من ثقافتنا اللي نعتز فيها، ومب شرط اني اتم لابس الثوب علشان ابين هالاعتزاز حق الاجنبي ..
تحياتي لكم

[عنيــــد]

من المؤيدين للالتزام بالثوب و لكن ما انتقد اللي يلبس جينز ،،

في النهاية هم احرار

[jaf111]

المشكلة بعضهم يلبسون من بعض الماركات اللي تفشل أو لاتصلح لرجل محترم أنه يلبسها

حتى الأجانب يتمصخرون عليهم لبس مال حريم وتيشيرتات حرير !!!

أما عن اللي يلبسون جنزات فالدوحة

عادي
Cool :P

[jaf111]

مضيقين على أعمارهم وعند الله سعة
ماعندهم ذوق ٬ شفيها الصروال ولا مب cool !

[وحيد-الشوق]

بالعكس ما اشوف شبابنا تركوا الثياب والغتر الا محافظين عليها يمكن الي تقصدهم السعوديين وخصوصا اهل جده والكويتين كله جينزات يبطون الجبد :)

اما برا مستحيل البس ثوب وغتره :)

[sos_z]

بصراحة يا حمد الموضوع ما له خص بالتطور كثر ما هو له علاقة في التعود

يعني اليوم الشاب اللي تكثر سفراته بتحصل عادي عنده يلبس جينزات
في قطر وخاصة لو ما لقى انتقاد في البيت ،،

عني في البيت كل عيالي الشباب الله يحفظهم يلبسون جينزات
وعندي ولدي الثالث اغلب الوقت لابس كجوال لدرجة ابوي يهاوشه لو عندنا
ضيوف يقول له انت قراشي روح بدل والبس لك ثوب ،،
ويومها ولدي ما كان يدري ان العزيمة رسمية وكان يظن انها لمة عائلية ،،

في حين عيال اخواني ما تحصلهم الا بالثياب ،،

فالموضوع بالنسبة لي اشوف متعلق بالتعود مب التطور ،،

:victory::nice:اضيف انها تتعلق بشخصية كل واحد=طبيعته وثقافته..
والله يحفظ جميع اولادنا

[الفا برافو]

ياخوي ياحمد.... كل الربع اللي اعرفهم مايلبسون البنطلون الا حق الكشتات او البحر
ماشوف احد في الميالس يلبس جنز او بدله ولا حتى في المناسبات مثل الاعياد او الاعراس ومجالس العزاء !!!
وفي النهايه مثل ماقالوا الاخوان حريه شخصيه اذا مافيها خدش للحياء ..
جملك الله بطاعته

[Qt.1]

هل قطر ....أهل دين و اصل و عرف و تقاليد و يعرفون السنع من غيره .....بس للأسف الكل صار محسوب على هل قطر .....دمت بود

ردك جزء من الرد الي كنت ابي اكتبه وانا امتنع عن الرد لان ردي بيكو جامد وبيزعل بعض الناس فالسكوت احسن
:secret:

[ام السعف]

:victory::nice:اضيف انها تتعلق بشخصية كل واحد=طبيعته وثقافته..
والله يحفظ جميع اولادنا

اللهم امين