اذا سافرت بالسيارة كم السرعة التي تراها مناسبة ؟

[فريج النجادة]

كم السرعة المناسبة لك في السفر بالسيارة

[الحاقول]

120 كم

[المشاغب]

120 معقول ويعتمد على طول الطريق
ويعتمد على الانسياب المروري وامن وسلامة الطريق
من الحيوانات الضالة

[al saad]

140 -160

[التميمي 3]

المناسب 130

[ابن قطر]

١٠٠ واحاتي والله

[بحر شرق]

آذا في دول خليجيه وعندك تويوتا 100 كيلو في الساعه :nice:

[راس مشعاب]

على حسب طول الخط وسعته وانسيابيته المرورية
مثلا خط بو سمرة وايد عليه 140
ولكن مثل خط الرياض ابو عجرم ولا الرياض الطايف ولا الرياض الوادي بصراحة ما احس بنفسي الا ونا فوق ال 180

[خليفـة]

بالنسبة لي حسب نظافة وسعة الشارع
اذا كان شارع طويل ونظيف وواسع ما اتعدى الـ 140 كم
اما اذا كان شارع ضيق ورايج جاي .. ما ازيد عن 100 كم

وطبعا المفروض الواحد يكون محاسب في كل الاوقات
بغض النظر كان لحاله او مع اسرته

الله يحفظ الجميع من كل شر

خليفـــة

[القيادي]

الخطوط الطويله فوق 50 كيلوا 140

[مضارب دوسري]

130 لان طرق السعوديه عادي تلاقي ايل عالخط وممكن رمل وممكن حفره فالشارع

[عيون الدوحة]

اخوي مرة كان يسوق فينا ١٦٠
وفجاء الشارع كان فية رمل متجمع
حسيت انا انقلبتا لولا رحمت الله
ومن بعدها ماسافر غير طيارة

[النهار]

امن شي 120 للسفر الطويل

[MAZEN37]

100 واحاتي والله
ارجوك ميه صدقتك
الخط الطويل اول شي يبيله سياره جديده والسرعه من ميه واربعين وانت طالع حسب المود

[فريج النجادة]

140 -160

ليش تعرض حياتك للخطر !!!!!!!؟

[أبوفهد666]

انا على حسب ..

اذا كان الخط طويل .. اثبته على 160

لكن اذا خط ابو 50 الى 80 كيلو .. لا .. 120 الى 130 فقط مااتعداها

وترى السرعة يااخواني مافيها خير .. توقعو وانتبهو لايغرك موتر جديد وكفرات جدد .. لا

لان اغلبية الحوادث الله يكفي شرها من السيارات الجديدة .. بعد مشيئة رب العباد

وعسى الله يحفظنا وياكم وكل مسلم يخاف ربه ويرجيه

[فريج النجادة]

على حسب طول الخط وسعته وانسيابيته المرورية
مثلا خط بو سمرة وايد عليه 140
ولكن مثل خط الرياض ابو عجرم ولا الرياض الطايف ولا الرياض الوادي بصراحة ما احس بنفسي الا ونا فوق ال 180

حرام عليك 180

😳😳😳😳😳

[ذيب ازغوى]

اذى معاي الاهل من 140 الى 150

اذى بروحي او شباب مب اقل من 170

والله الحاافظ

[نسيم الغربي]

140/160

[alsoq]

عن نفسي اتقيد بكل لوحه ارشاديه داخل الدوحة
في السفر حد قصى 120

[باراكودا]

160 سرعة مثالية .

[ka2ka2]

الحمدالله ما عمري تعديت 120 ...سافرت من الرياض الى الدوحه ما بين 6 - 7 ساعات

[الوسيط العقاري]

140 بالكثير

[اللوز]

انا عندي بورش تيربو s
واسوق في الدوحة على الخطوط الداخلية بسرعة 120
والخطوط الخارجية 160
وخط السعودية والامارات 300

[بوعلي2]

اذا مياجر 180
اذا بالون 160

[راس لفان]

بين ال120 وال140 على جميع الخطوط عنما اكون مسافر

[بوغانم995]

قبل لا تسأل عن السرعه شيك التواير زين ويفضل تكون جديده وخاصه الإماميه وضغط التواير لأ يزيد على 35 .. و أسرعه تعتمد على خلوا الطريق من السيارات الكبيره ....ودرب لإسلامه اللهم احفظ المسافرين برا وبحرا وجوا ....ومع ألف سلامه ....و لا تنسانا من الصوغه .

[الدوحة قطر]

140 كم

هي السرعة المفضله لدي

واحيانا اذا اسافر مع شباب يحنون علي اسرع واسرع طبعا اعطيهم الاذن الصمخة واتم ماشي على سرعتي الي هي 140

وما ارتاح الا اذا ارقدوا وانا اسوق :)

وقتها ابصراحة استمتع بالخط وانا ماشي 140 من غير حنة ورنة

[Al-Kuwari]

120 - 140

[حمد 2002]

80 ،، في التأني السلامه وفي العجله الندامه :shy::secret:

[ZURICH]

بعض الخطوط الطويلة تغري تخلي الواحد يدووووس

لكن في العادة اذا معاي ناس واطفال اثبت السرعة على 120

واذا بروحي تكون السرعة عندي مفتوحة .. بدون لمت خاصة اذا الموتر يشجع 8

[شيخ الديرة]

ليس هناك سرعة مثاليه, حسب نوعية الطريق, المسافة, السيارة, راحة السائق, ودرجة الرؤيه

[مشاكل]

على حسب نوع السيّارة
الياباني : حدّة 120 لإنعدام السيفتي
الامريكي وبالذات الالماني : لين 160 ماعندك مشكلة

وبالأخير الواحد ياخذ بالاسباب والله الحافظ

[المبرمج صلاح]

140 - 160 حسب نوع السيارة وحالتها

لو الماني حديث ممكن
170- 180 في الخطوط الطويلة

[كتكوت الوحش]

أنا كل يوم اعتبر نفسي مسافر من الوكره اضرب يوميا إلى بو سمره دوامي أهناك وسرعتي من ١٢٠ إلى ١٨٠ أوقات ٢٠٠

[ابن قطر]

ارجوك ميه صدقتك
الخط الطويل اول شي يبيله سياره جديده والسرعه من ميه واربعين وانت طالع حسب المود

كيفك عاد والله ما اتجاوز 100 اذا اسافر وفي الدوحه عمري ما تجاوزت 80 ولله الحمد ولا مخالفه واسوق من 22 سنه ولله الحمد بس سويت حادث واحد والضرر كان بسيط اشكرك يا رب والله السرعه ما وراها الا المصايب وشكرا علئ تجاوبك

[بوخالد911]

130 - 140

[مستر راشد]

120 الـي 130

[جاسم الدوحة]

120 كلم / الساعة .. مناسبة جدًا
مهما كان طول الطريق
المهم الصحبة الجيدة
ودلة الشاي وشوية حواضر
والاستمتاع بالسوالف
واختيار ما تسمع من الراديو
والسِـّيديات (حسب وقت السفر)
والتوقف كل 150 كلم مثــًلا للراحة ..
المهم تقسيم الرحلة وجعلها ممتعة .
120 كلم/الساعة .. كافية وآمنــة نسبيًا

[فرهود]

من123الى134

[أبو يووسف]

ليس أقل من 150 في الأعم الأغلب

[qatar911]

الخطوط الطويله من 120 لين 140

[باراكودا]

80 ،، في التأني السلامه وفي العجله الندامه :shy::secret:

أكيد موترك جديد وتحت التمرين والتليين .

[منصور.]

اذا كانت السرعة فوق 120 السيارة تتحكم في سايقها واذا كانت تحت السايق يتحكم فيها بأذن الله

[Chambray]

من 135 - 150 على الخطوط السريعه

[محمد الجفيري]

160 احسن سرعة

[نيساني]

160 بتجاه العمره وتمت مخالفتي اتمنى تكون مسموحه هالسرعه لان خطوطهم طويله


والسعوديين ماشاء الله يمرون علي كني واقف!!!

نسئل الله الهدايه للجميع


وشكراً

[Roo7MooT]

140 - 180

[البحار00]

120 طول السفرة

بس نصيحه الي يمشي 180 والي يمشي 100 ترى مافيه فرق بينهم إلا عشر إلى 15 دقيقه

[ســـعـــد]

https://pbs.twimg.com/media/BD2XL2lCQAAdAGD.jpg
120 سرعه مثاليه :nice:

[أخت الكل]

الله يحفظكم من كل شر

غالبيتكم عشاق سرعة لكن اللي اعرفه انه بعد الــ 100 يصعب التحكم بالسيارة إذا تعرضت لعارض ما

[ام ناصر1]

ما ادري كم السرعة المناسبة ..بس اهم شي ما يظهر صوت التصفير عندها نحن على راس الي يسوق فينا وناكل قلبه لين يهدي السرعة

[قوت القلوب]

انا عندي بورش تيربو s
واسوق في الدوحة على الخطوط الداخلية بسرعة 120
والخطوط الخارجية 160
وخط السعودية والامارات 300

حاس فيك:nice:

لكن لحطيت راسي على المخده فالليل اقعد اتقحص

[بوخالد911]

https://pbs.twimg.com/media/BD2XL2lCQAAdAGD.jpg
120 سرعه مثاليه :nice:

:nice::nice::nice::nice::nice::nice::nice::nice::n ice:

[فريج النجادة]

https://pbs.twimg.com/media/bd2xl2lcqaadagd.jpg
120 سرعه مثاليه :nice:

👏👏👏👏👏👏👏👏👏👏

[khaldoon]

الخطوط الطويله من 120 لين 140

[فريج النجادة]

👫:telephone:
أنا كل يوم اعتبر نفسي مسافر من الوكره اضرب يوميا إلى بو سمره دوامي أهناك وسرعتي من 120 إلى 180 أوقات 200

هل تعلم ان الفرق بين 120 - 180

15 دقيقة فقط

ليش تعرض حياتك وحيات الناس الى الهلاك

[باراكودا]

👫:telephone:

هل تعلم ان الفرق بين 120 - 180

15 دقيقة فقط

ليش تعرض حياتك وحيات الناس الى الهلاك

هل تعلم أن التاخير دقيقة فيها حجز يوم والتاخير خمس دقائق فيها حسم راتب يوم .

[الوليد1]

هل تعلم أن التاخير دقيقة فيها حجز يوم والتاخير خمس دقائق فيها حسم راتب يوم .

هل تعلم ان مسؤولك ماعنده سالفة يحاسبك على الدقيقة والخمس دقائق وأنت بيتك في الوكرة

[بوخالد911]

انا عندي بورش تيربو s
واسوق في الدوحة على الخطوط الداخلية بسرعة 120
والخطوط الخارجية 160
وخط السعودية والامارات 300

شنوووووووووو 300
:omg::eek5::omg::eek5::omg:

هذا انتحاررررررررررررررررررررررررر

والمنتحر مخلد بجهنم

:anger1::anger1::anger1::anger1::anger1:

[BuFaisal]

140 -160

:victory:

[نيساني]

صراحه ودي اسوق 120 بس للاسف على طول تجيني النوده اما اذا اسرعت يزيد التركيز !!!

ومادري هل فيه حد عنده نفس المرض اتمنى لي الشفاء العاجل ولجميع المسلمين.

وشكراً

[qatari 111]

اذا غبار 80 =90 الى الجو صافي ما اتعدى 140 والغالب 120 ..

[مافيا قطر]

اخوي نيساني حل النوم عندك تعطيها ردبول مع فيمتو وامورك طيبه

[حفيد الأنصار]

اذا تقصد الخطوط بوسط المدن فامشي بالسرعه المحدده لي
اما بالخطوط السريعه اللي بين المدن فامشي مابين 140 الى 160
والله يحفظنا ويحفظكم ويسلمنا من كل شرر ياارب

[A.L.I]

140


.

[سوبر]

بين 100الى 130

[باراكودا]

بين 100الى 130

شكلك خايف من الساهر مال السعودية والكاشف مال أبوظبي .

[قطر العطاء]

120-140 وما جاوز ذلك فهو خطر جدا

[رجل الجزيرة]

120 - 140

وخاصة في الليل خاصة في الصيف.

:)

[بوحارب]

يعتمد على عدة عوامل اخوي

الموتر جديد او قديم

فورويل ولا صالون

الشارع كم مسار فيه !

ونوع التواير اللي عالموتر قديمة او جديدة :)


بالنسبة لي في المواتر الجديدة امشي 180 اذا صالون اما الفورويل 140 الى 160 اذا كان الشارع واسع ومافيه زحمه

اما المواتر القديمة مثل الهدد يعني :( حدي فيه 120 :(

والله يحفظنا من مخاطر السرعة

[المزروعي دبي]

الخطوط الطويلة 150-160

[الفا برافو]

130 الى 160 على الخطوط الطويله

[بونووف]

140 الى 160 واذا حسيت بالنوم عطيته حد الريس شوي وارجع على نفس االسرعه

[عاشق العديد]

الله يفكنا من شر السسرعه ..

انا واحد اقول الله يفكني من هذا الشي 180 220 ::

[@north_star@]

no limit

[الكنج]

120 اشوفها مناسبة ،،،

[بومحمد المطاوعه]

انا لو خط طوله 6000 كيلو

بمشي 140 او 160 بببببس

لان لو تمشي 200 وانا امشي 140

الفرق بيني وبينك ربع ساعه بالضبط

وانا مقايس واقتنعت بالسرعه المحدده

والله يحفظ الجميع يارب

[الســـهم]

بالنسبة لي سرعتي 140 كم/س في الاحوال الطبيعية ..

ياما مرت علي سيارات فالخط وكأني واقف , وفالأخير نتلاقى في زحمة المراكز ..

الله يحفظ الجميع ويبعد عنهم كل شر ومكروه ..

[khalid Qtr]

ما بين 120 الى 140 ..

[فريج النجادة]

يعتمد على عدة عوامل اخوي

الموتر جديد او قديم

فورويل ولا صالون

الشارع كم مسار فيه !

ونوع التواير اللي عالموتر قديمة او جديدة :)


بالنسبة لي في المواتر الجديدة امشي 180 اذا صالون اما الفورويل 140 الى 160 اذا كان الشارع واسع ومافيه زحمه

اما المواتر القديمة مثل الهدد يعني :( حدي فيه 120 :(

والله يحفظنا من مخاطر السرعة

والله يابوحارب انت رجال جيد في السواقة

ولكن السعر الزايدة خطرة جدآ في بعض المواقف التي لا تخفا عليك

واكثر ما يعنينك على ترك السرعة التعوذ من الشيطان الرجيم

وانا اقسم بالله العظيم لو استخرت ربك في تحديد السرعة

المناسبة للسفر لن تختار اكثر من 120

والله يحفظك ويحفظ جميع المسافرين أمين

[بيانو]

160 صالون إذا كان الخط يسمح بذلك السرعه وطويل

[boamir]

150 افضل سرعه مع الاهل او بدون سياره يابانيه ولا امريكيه
بالون ولا ميجر كله واحد بالنسبه لي
خط طويل مره جربت امشي 120 جاني رقاد لدرجة السياره كانت بتروح عني ولما دعست 150 قمت اركز عالشارع اكثر وتميت اسوق مدة طويلة والحمد لله كل شي طيب
بس فوق ال160 ماأحب اسوق لفتره طويله لأني احس بخوف كله تجيني افكار يمكن السياره يصير فيها شي
بس على 150 اكون مرتاح

[qtr-woow]

140 كم اشوف انها انسب سرعة

[الدوحي7]

على حسب موديل السياره،، والوزن الى معي بسياره ،،200 اذا شتاء و140 صيف ،واكون نبه جدا جدا واترك مسافه كيلو بيني وبين اي سياره،،،

[فريج النجادة]

على حسب موديل السياره،، والوزن الى معي بسياره ،،200 اذا شتاء و140 صيف ،واكون نبه جدا جدا واترك مسافه كيلو بيني وبين اي سياره،،،

:omg: :omg: :omg: :omg: :omg:

:omg: :omg: :omg: :omg: :omg:

:omg: :omg: :omg: :omg: :omg:

:omg::omg: :omg::omg::omg:

[الدوحي7]

على حسب هههه، اوقات بس 180 طبعا الخط مفتوح وواسع ودرجه الحراره تحت 35 خخخ

[hxamad]

120-140 بس

[BoAof]

140-175
ويعتمد على انسيابيه الحركه المروريه والشارع

[بويعقوب]

يعتمد على نوع السياره وحالة التواير

بس الحمد لله صرت ماتعدى 140 كم :)

معلومه للاخوان : لو الواحد من اليوم لين بكره يشوف حوادث وناس متوفيه ماراح يخفف من السرعه
الا اذا كان مقتنع من قرارة نفسه ( ليش السرعة ؟! )

الحمد لله اقنعت نفسي عن طريق حسبه بسيطه

المعادلة :

السرعة = المسافة / الزمن * 60

رايح الحسا , المسافه 300 كيلو تبي توصل في ساعتين (120 دقيقه)

300 / 120 * 60 = 150 كم / ساعه

نفس الشخص بيرجع في وقت اقل , نفترض ساعه ونص (90 دقيقه)

300 / 90 * 60 = 200 كم / ساعه

شفتوا شلون الفرق بين سرعه 150 و سرعة 200 ( نص ساعه )

طبعا اللي يمشي 200 اول شئ يده على قلبه : يبنشر - يتفاجأ بشئ - موتر طلع في ويهه .. الخ

وفوق هاي كله صرف بترول وحرقة قلب , ولو وقف يصيب بترول بيشوف اللي يمشي 150 يمر عليه :)

الموضوع مايستاهل والله يالربع

النفس أمانة .. فالنحافظ عليها :)


واسمحولي على الاطالة

[ضوى]

من 80 لين 100 للحريم لانه ماعندهم حسن استدراك للمواقف ، ماشوف شوارعنا تتحمل السواقة فيه اكثر من 100 الا الهاي واي و22 فبراير هاي واي لكن دايما سرعتنا فيه 80 او اقل عشان الزحمة

[بيانو]

يعتمد على نوع السياره وحالة التواير

بس الحمد لله صرت ماتعدى 140 كم :)

معلومه للاخوان : لو الواحد من اليوم لين بكره يشوف حوادث وناس متوفيه ماراح يخفف من السرعه
الا اذا كان مقتنع من قرارة نفسه ( ليش السرعة ؟! )

الحمد لله اقنعت نفسي عن طريق حسبه بسيطه

المعادلة :

السرعة = المسافة / الزمن * 60

رايح الحسا , المسافه 300 كيلو تبي توصل في ساعتين (120 دقيقه)

300 / 120 * 60 = 150 كم / ساعه

نفس الشخص بيرجع في وقت اقل , نفترض ساعه ونص (90 دقيقه)

300 / 90 * 60 = 200 كم / ساعه

شفتوا شلون الفرق بين سرعه 150 و سرعة 200 ( نص ساعه )

طبعا اللي يمشي 200 اول شئ يده على قلبه : يبنشر - يتفاجأ بشئ - موتر طلع في ويهه .. الخ

وفوق هاي كله صرف بترول وحرقة قلب , ولو وقف يصيب بترول بيشوف اللي يمشي 150 يمر عليه :)

الموضوع مايستاهل والله يالربع

النفس أمانة .. فالنحافظ عليها :)


واسمحولي على الاطالة


يعطيك العافيه بويعقوب على هذا الشرح المميز والمفيد:victory:

[بومحمد911]

لاتنسون تربطون حزام الأمان الله يحفظكم

[bos3eed]

صراحه ودي اسوق 120 بس للاسف على طول تجيني النوده اما اذا اسرعت يزيد التركيز !!!

ومادري هل فيه حد عنده نفس المرض اتمنى لي الشفاء العاجل ولجميع المسلمين.

وشكراً

سيم سيم مدير :weeping:

[تحداني]

امنيه حياتي اسوق في السفر
بس الوالد ما ايخليني .. :( حتى لو كان احذاي


اتوقع بمشي 120 او 130


جملكم الله برضاه

[bos3eed]

بعطيكم مثال على سيناريو سفرة مكة,
من البيت لبوسمره 90 كيلو تقريبا والخط كله رادارات وسوالف الشباب توها فرش والكرك فرش فاثبت السرعه على 130.
من بعد المراكز للرياض تقريبا 500 كيلو بس بتمر على كم مخرج وكم تحويله فاكون مابين 140 -160 ولان بعض الشباب للحين فيهم حيل يسولفون فاكون مروق

من بعد الرياض الى السيل 800 كيلو خط سيده لايمين ولا يسار والشباب ارقدوا واصلن مليت من سوالفهم والكرك برد وطبعن في ها الحاله مايردني الا المسمار يعني 200 وطالع بس السلامه اولا, حزام الامان لازم يكون مربوط علي وعلى الجثث اللي جنبي.

الوقت المستغرق 11 ساعه تقريبا

اللي يسوق 80 هذا باله طووووييييييييييييييييييييييييييييييييييييييييييييي ييييل يعني من النوع اللي مركب عجايز وكل نص ساعه موقف في محطه ويتناوب هو ويا حد في السواقه واذا جا عند مطبه يخف لين تصير سرعته 1 وبعدين ياخذ له 10 دقايق لين توصل سرعته 80 مره ثانيه, وطبعا مرتب اموره على اساس يبات في الرياض.

الوقت المستغرق يومين,,,يعني خلص الويكند وما اعتمرنا

[بومحمد المطاوعه]

من 80 لين 100 للحريم لانه ماعندهم حسن استدراك للمواقف ، ماشوف شوارعنا تتحمل السواقة فيه اكثر من 100 الا الهاي واي و22 فبراير هاي واي لكن دايما سرعتنا فيه 80 او اقل عشان الزحمة

من صجج هالشارع تسمينه هاي وي

منزينه ومنزين تصميمه

وايد عليه اسميه شارع

افشل شارع ف قطر
وافشل تخطيط
وافشل سواقه من البشر عليه


الله يحفظنا ويحفظ اهلنا ويحفظكم من كل شر